ირაკლი იაშვილი: ბიუროკრატია ამ ხელისუფლების მუდმივ დაავადებად იქცა - გახარიას ამ ნაწილში ძალიან ბევრი სამუშაო აქვს

ირაკლი იაშვილი: ბიუროკრატია ამ ხელისუფლების მუდმივ დაავადებად იქცა - გახარიას ამ ნაწილში ძალიან ბევრი სამუშაო აქვს

access_time2019-09-17 10:00:33

უმსხვილესი გადამზიდავი კომპანია „ისთ გეით ჯგუფის“ სამეთვალყურეო საბჭოს თავმჯდომარე ირაკლი იაშვილი ბიზნესის თავისუფლების ნაწილში ფინანსთა მინისტრს ეთანხმება, რომელმაც განაცხადა, რომ ბოლო 25 წლია ბიზნესი ისეთი თავისუფალი, როგორიც დღესაა, არ ყოფილა. იაშვილი „კომერსანტთან“ მისი ბიზნესში შესვლის პირველ წლებს იხსენებს და აცხადებს, რომ დღეს ბიზნესი თავისუფალი ნამდვილად არის.



„25 წელია ბიზნესში ვარ, დაწყებული საქართველოს წითელი პერიოდიდან დღემდე სულ რაღაცას ვსაქმიანობ, 22 ეკონომიკის მინისტრი გამოვიცვალე. 90-იან წლებში ბიზნესი საკომისიო მაღაზიის დაფუძნებით დავიწყე. იქიდან მოყოლებული დიდი პერიოდი გავიარე და ბევრი რამე ვნახე. 90-იან წლებში ბიზნესი ვიღაცას უნდა დაეცვა. ან შენ თვითონ დამდგარიყავიი შენს ობიექტზე ავტომატით, ან მხედრიონი ან ვიღაც სხვა, მაშინ ხომ სახელმწიფო არ იყო. ეს გავლილი გვაქვს. ამის შემდეგ მოვიდა შევარდნაძის პერიოდი, როდესაც ავტომატიანი ხალხი ნაკლებად მოდიოდა, მაგრამ გვაკითხავდა პაპკიანი ხალხი. მათ შორის იყვნენ მეხანძრეები, სანიტარული სამსახურიდან, საგადასახადოდან, საბაჟოდან და ვიყავი საშინელ მდგომარეობაში. შემოსევა მქონდა.



მოვიდა სააკაშვილი და ადეიშვილის ბიჭები მორბოდნენ კვირაში სამჯერ. ეს პერიოდიც გავლილი მაქვს და მისი რეპრესიების გახსენება არ მინდა. როგორც კოშმარი ისე მახსენდება ის პერიოდი. ეს სურათი 2012 წლის შემდეგ შეიცვალა. თუ ამას გულისმხობს ფინანსთა მინისტრი, ამაში ვეთანხმები. არავინ  მორბის არც პაპკებით, არც თოფებით, არ მაყადაღებს, არ მაშინებს. მეშვიდე წელია ასეა. მოდიან, მაგრამ ძალიან ზრდილობიანად, გეგმიურ შემოწმობაზე. ამ ნაწილში თავისუფლები ვართ, მაგრამ ბიუროკრატიულ ნაწილში, რომ გადაწყვეტილებას ვერ იღებენ, ეს ამ ხელისუფლების მუდმივ დაავადებად იქცა. ამ ნაწილში არაფერი შეცვლილა. მიშას დროს თუ კულუარულად მოგელაპარაკებოდნენ, შეგისრულებდნენ მეორე დღესვე. დღეს ასე არ ხდება, ყველაფერი გამჭირვალეა, მთავრობასთან კულუარული ურთიერთობები აღარ არსებობს, მაგრამ გადაწყვეტილების მიღება ძალიან უჭირთ. გახარიას ამ ნაწილში ძალიან ბევრი სამუშაო აქვს,“
-აცხადებს იაშვილი.




რაც შეეხება იმას, უდრის თუ არა თავისუფლება მიმზიდველობას, იაშვილი აღნიშნავს, რომ არა. ამის დასტურად კი ბიზნესმენს ერთი მაგალითი მოჰყავს. „სამი წელია წყალმომარაგების უმსხვილესი ფრანგული კომპანია ცდილობს საქართველოში შემოსვლას და პასუხი ამ ხნის განმავლობაში, გვინდა თუ არა ეს კომპანია ვერ შემოვიყვანეთ. მე მრცხვენია ამ ხალხის. ამასობაში 3 მთავრობა შეიცვალა, ვერცერთმა პასუხი ვერ გასცა. ეუბნებიან რომ სჭირდებათ, უნდათ მათ მიერ განხორციელებული ინვესტიციებიც, მაგრამ იმის იქით საქმე არ მიდის. არ მინდა ახლა დეტალებამდე ჩასვლა, მაგრამ ეს არის მაგალითი იმისა, თუ როგორ ვერ წყდება საკითხები. თავისუფლება არ უდრის მიმზიდველობას. მიმზიდველობის ნაწილში გვიჭირს, რადგან გადაწყვეტილებებს ვერ ვიღებთ. ამას სჯობს პირდაპირ ვუთხრათ, რომ არ გვჭირდება, ვიდრე ასე ხელზე დახვევა. დასკვნის სახით, ფინანსთა მინისტრს თავისუფლების ნაწილში ვეთანხმები ხოლო საუბარი თუ მიმზიდველობაზე იქნება  იქ ჩემი აზრი მექნება,“-განმარტავს იაშვილი.


შეგახსენებთ, ფინანსთა მინისტრი ივანე მაჭავარიანი რამდენიმე დღის წინ საზოგადოებრივი მოძრაობა “ლელოს” დამფუძნებლის მამუკა ხაზარაძის განცხადებას არაფორმალური მმართველობის შესახებ, რომელზეც მან დეტალურად ისაუბრა და გაიხსენა ბიზნესმენ ვანო ჩხარტიშვილისა და მისი შეხვედრის დეტალები, რომელიც ბიძინა ივანიშვილის სასახლეში ბიზნესმენ რომან ფიფიასა და მაშინელი მთავარი პროკურორის ირაკლი შოთაძის თანდასწრებით გაიმართა.


როგორც მაჭავარიანმა განაცხადა, ასეთი თავისუფალი ბიზნესგარემო ბოლო 25 წლის განმავლობაში არ ყოფილა. ივანე მაჭავარიანის თქმით, სრული პასუხისმგებლობით აცხადებს, რომ დღეს ყველაზე თავისუფალი გარემოა ბიზნესისთვის და ამას არ ამბობს იმის გამო, რომ ის მთავრობის წევრია.


“მე ამ ქვეყანაში ვცხოვრობ ბოლო 45 წელია. აქედან 22 წელია ვარ ბიზნესში, ერთი წელია ვარ საჯარო სამსახურში და ერთ რამეს ვამბობ სრული პასუხისმგებლობით: ასეთი თავისუფალი ბიზნესგარემო ბოლო 25 წლის განმავლობაში, რაც ჩემს მეხსიერებაშია, არ ყოფილა. ამას გეუბნებით სრული პასუხისმგებლობით. თუ რომელიმე კონკრეტულ კომპანიაზე, კონკრეტულ შემთხვევაზე არსებობს ფაქტები, მოიტანონ და დადონ, და თუ არ იქნება რეაგირება, მერე შეიძლება ვილაპარაკოთ... რაც ამ ქვეყანაში კერძო საკუთრება გამოცხადდა, კომერციული მაღაზიები დაიწყო სარდაფებში, იქიდან მოყოლებული დღემდე, ასეთი თავისუფალი არ ყოფილა. ამას გეუბნებით სრული პასუხისმგებლობით, იმიტომ არა, რომ მთავრობის წევრი ვარ: შეიძლება დღეს ვარ, ხვალ არ ვიყო. თუ აქ ცხოვრობდა ამ წლების განმავლობაში ადამიანი და ამ სფეროსთან შეხება ჰქონდა, ამას დაადასტურებს. ეს არის ფაქტი: იქნება გამონაკლისი?ვიღაცას რამე პრობლემა აქვს...გამოიტანონ სააშკარაოზე და ვილაპარაკოთ”,- აცხადებს ვანო მაჭავარიანი.


სოფო ქსოვრელი 





გურამიშვილის გამზირზე საცხოვრებელ კორპუსში აფეთქება მოხდა, არის ნგრევა

გურამიშვილის გამზირზე საცხოვრებელ კორპუსში აფეთქება მოხდა, არის ნგრევა
access_time2019-10-19 09:21:35
ურამიშვილის გამზირის #34-ში, საცხოვრებელ კორპუსში აფეთქება მოხდა. არის ნგრევა. როგორც ინტერპრესნიუსს საგანგებო...

შალვა ცხაკაია - „ყველამ უნდა გაიგოს, რომ შრომის კოდექსში დაგეგმილი ცვლილებების მსგავსი წონიანი რეგულაციის ბრმად მიღება არ შეიძლება“

შალვა ცხაკაია - „ყველამ უნდა გაიგოს, რომ შრომის კოდექსში დაგეგმილი ცვლილებების მსგავსი წონიანი რეგულაციის ბრმად მიღება არ შეიძლება“
access_time2019-10-19 11:00:59
ყველამ უნდა გაიგოს, რომ შრომის კოდექსში დაგეგმილი ცვლილებების მსგავსი წონიანი რეგულაციის ბრმად მიღება არ შეიძლება, – ამის შესახებ დამსაქმებელთა ასოციაციის იურიდიული კომიტეტის თავმჯდომარე შალვა ცხაკაიამ საქართველოს პირველი არხის გადაცემა „ბიზნესპარტნიორში“.   გადაცემაში ბიზნესომბუდმენისა და საქართველოს ბიზნესგაერთიანებების შეხვედრა განიხილეს, რომელიც შრომის კოდექსთან დაკავშირებულ საკამათო ცვლილებებს მიეძღვნა. ცვლილებების ინიციატორი დეპუტატი დიმიტრი ცქიტიშვილია და მისი...

„თუ ეკონომიკური შინაარსით შევხედავთ ლარის კურსს, მას აქვს გრძელვადიანად გამყარების ტრენდი“

„თუ ეკონომიკური შინაარსით შევხედავთ ლარის კურსს, მას აქვს გრძელვადიანად გამყარების  ტრენდი“
access_time2019-10-19 10:00:32
„თუ ეკონომიკური შინაარსით შევხედავთ ლარის კურსს, მას  გრძელვადიანად გამყარების  ტრენდი აქვს, მაგრამ დოლართან არის გაუფასურებული. ეს კი ნიშნავს იმას,რომ ქვეყნის ფინანსური სექტორისთვის დოლარიზაცია არის პრობლემა. დოლარიზაცია არის სენი ჩვენი ფინანსური სექტორის, რომლიდანაც ნელ-ნელა გამოვდივართ,“ - განაცხადა  რადიო კომერსანტზე გადაცემაში „ეკონომისტის დრო ლევან ქისტაურთან ერთად“ საქართველოს ეროვნული ბანკის ვიცე–პრეზიდენტმა, არჩილ მესტვირიშვილმა. „ხშირ შემთხვევაში მოსახლეობა...

მთავარი არხის წილი საქართველოს უნივერსიტეტმაც იყიდა

მთავარი არხის წილი საქართველოს უნივერსიტეტმაც იყიდა
access_time2019-10-18 20:37:41
მარი ანნა რურუასა და გიორგი რურუას შემდეგ მთავარი არხის წილი საქართველოს უნივერსიტეტმაც იყიდა. უნივერსიტეტის ერთ-ერთი მეწილე საქართველოს ექსპრეზიდენტის, მიხეილ სააკაშვილის დედა, გიული ალასანიაა. ინფორმაცია ამის შესახებ თავდაპირველად ნეტგაზეთმა გაავრცელა.   ნასყიდობის ხელშეკრულების მიხედვით, კახაბერ ანჯაფარიძის საკუთრებიდან არხის 2-პროცენტიანი წილი 2 ათას ლარად გაიყიდა და საქართველოს უნივერსიტეტს ერთი კვირის ვადაში 200 ათასი...

გიორგი გახარია - ნათია თურნავა არის ამ კაბინეტის ერთ-ერთი ყველაზე ძლიერი მინისტრი, სხვა ყველაფერი არის ჭორაობა

გიორგი გახარია - ნათია თურნავა არის ამ კაბინეტის ერთ-ერთი ყველაზე ძლიერი მინისტრი, სხვა ყველაფერი არის ჭორაობა
access_time2019-10-18 17:55:11
ნათია თურნავა არის ამ კაბინეტის ერთ-ერთი ყველაზე ძლიერი მინისტრი, სხვა ყველაფერი არის ჭორაობა და მის ცვლილებაზე საუბარი პოლიტიკური კონიუნქტურიდან მოგონილი ჭორებია, - ამის შესახებ საქართველოს პრემიერ-მინისტრმა გიორგი გახარიამ ეკონომიკისა და მდგრადი განვითარების სამინისტროს წარმომადგენლებთან სამუშაო შეხვედრისას განაცხადა. მთავრობის მეთაურის განმარტებით, ამ თემაზე კითხვის ნიშნები არ არსებობს და ვერ იარსებებს. „უნდა ვიცოდეთ, რომ ეს არის პოლიტიკური...


მსგავსი სიახლეები

up