ირაკლი იაშვილი: საქართველოში დღეს კარიერის და ზოგადად, წარმატების მიღწევა რთული არ არის

ირაკლი იაშვილი: საქართველოში დღეს კარიერის და ზოგადად, წარმატების მიღწევა რთული არ არის

person access_time2016-03-19 18:11:21

ინტერვიუ გადამზიდავი კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“ დამფუძნებელ ირაკლი იაშვილთან


სპეციალობით  ეკონომისტი ვარ. 


სამსახური ადვილად დავიწყე. უნივერსიტეტი მოსკოვში დავამთავრე. ამის შემდეგ ჩამოვედი თბილისში და საწარმოო პრაქტიკა მივიღე.  1984 წელს საფეიქრო საწარმოში, ცვლის ინჟინერი ვიყავი. მაშინ ისეთი დრო იყო, რომ ან უნდა  წასულიყავი პარტიული ხაზით ან წარმოების. მე საწარმოო კარიერა ავირჩიე, პარტიული ნამდვილად არ მინდოდა. ეს საბჭოთა პერიოდში ხდება. 


პირველი ხელფასი 360 მანეთამდე იყო. აქედან 135 მანეთი იყო საბაზისო ხელფასი, დანარჩენი კი პრემიალური ანაზღაურება. წარმოება, სადაც ვმუშაობდი, აფრიკის დასახლებაში მდებარეობდა, ამიტომ აღებულ თანხას სრულად გზაში ვხარჯავდი. 


ბიზნესში ვარ თავიდანვე. საბჭოთა დროსაც ბიზნესში ვიყავი. სწავლის შემდეგ რუსეთში მქონდა ბიზნესი, შემდეგ საქართველოში და შემდეგ შევედი პოლიტიკაში. 

 

სამსახურში ყოველ დღე, დილის ათის ნახევრამდე  მივდივარ, ვრჩები დაახლოებით 3 საათამდე,  შემდეგ კი  მივდივარ სავარჯიშოდ.

 


სამსახურში მისვლისას პირველად ვეცნობი ინფორმაციას, რაც ხდება ქვეყანაში, შემდეგ რა ხდება ჩემს კომპანიებში, რადგან როგორც მოგეხსენებათ ჩვენი ჯგუფი რამდენიმე კომპანიისგან შედგება. სათითაოდ ვიღებ ყველა კომპანიისგან ინფორმაციას. შემდეგ ახალ პროექტებზე ვმუშაობ. ყოველდღიური რუტინით ვარ დაკავებული. მენეჯმენტში არ ვარ, მართვაში არ ვარ და ამიტომ ძირითადად ინფორმაციას ვიღებ და თანამშრომლებს მითითებებს ვაძლევ. 


ეს ბიზნესი რატომ ავირჩიე? იმიტომ, რომ როგორც გითხარით,  ან უნდა წავსულიყავი პარტიული ხაზით, ან საწამოო ხაზით. არ მინდოდა პარტიული მუშაკობა და წავედი ბიზნესში. ძალიან მარტივი არჩევანი იყო. მაშინ, ან უნდა ყოფილიყავი ბიზნესმენი, ან პარტიული მუშაკი, ან ხელოვანი, ან ექიმი. მე ბიზნესმენობა ავირჩიე, რადგან სხვა ჩამოთვლილი  პროფესიები  არ მიტაცებდა. 

 

ვერასოდეს ვერ ვიმუშავებდი მედიცინაში. ხშირად გამიგია ბიზნესმენებისგან, რომ ამბობენ რომ ვაჭრობაში ვერ იქნებოდნენ. რაც არ უნდა თქვან, სიცრუეა. მაგით დაიწყო ყველამ. 90-იანი წლების დასაწყისში, ვინც კი დღეს რამეს წარმოადგენს, ბიზნესი ექსპორტით, იმპორტით და ვაჭრობით დაიწყო.  საბჭოთა კავშირის დაშლის და ეგრეთ წოდებული „პერესტროიკის“ შემდეგ ამას ყველა აკეთებდა. შემდეგ უკვე  ვინ წარმოებაში წავიდა, ვინ დარჩა სავაჭრო სფეროში, ვინ საფინანსო სექტორში წავიდა და ასე შემდეგ. ასივე  პროცენტს დაწყებული აქვს ამით, მათ შორის მეც. 


ყველაზე მთავარი ცხოვრებაში რამდენიმე რამაა. კარიერას თავისი ადგილი აქვს, პირად ცხოვრებას თავისი. ბევრი სხვადასხვა მიმართულებაა, რაც მნიშვნელოვანია ცხოვრებაში და ასე გამოყოფა გამიჭირდება. 


კარიერისთვის ყველაფერზე წასვლა მიზანშეწონილად არ მიმაჩნია.  პოლიტიკიდან იმიტომ  წამოვედი, რომ ყველაფერზე ვერ წავედი. პოლიტიკური პარტია „ახალი მემარჯვენეების“  წარუმატებლობა ამას უკავშირდება - ყველაფერზე ვერ წავედით და წარუმატებლობის მიზეზიც ეს იყო. ეს რომ შეგვძლებოდა, დღეს ხელისუფლებაში ვიქნებოდით. 


საქართველოში დღეს კარიერის და ზოგადად, წარმატების მიღწევა რთული არ არის. დამოკიდებულია  ჩვენზე, ცოდნაზე, გამოცდილებაზე, უნარზე, აბსოლუტურად ცარიელია საჯარო სივრცე. ახალი აზრებისთვის, ახალი იდეებისთვის, განათლებული  ადამიანისთვის სივრცე თავისუფალია. თუ ეს უნარები არ გააჩნია ადამიანს, რთულია, მაგრამ თუ იცი რას აკეთებს, მაშინ ადვილია. ასაკის მიუხედავად სივრცე თავისუფალია. 


მოგზაურობა ხშირად  მიწევს. მაინც ასე თუ ისე უკან მომიწევს ხოლმე გული, მიუხედავად დაულაგებელი ქვეყნისა,  1 კვირაზე მეტს სხვაგან ვერ ვჩერდები. 

 

საყვარელ  კერძს  ასე ვერ გამოვყოფ, საფრანგეთში ფრანგული კერძები მიყვარს, იტალიაში -  იტალიური, საქართველოში -  ქართული და ასე შემდეგ. ძალიან მომწონს აზიური სამზარეულო. გასტრონომია ძალიან მიყვარს. 


საყვარელი სპორტის სახეობა - 40 წელია სპორტის ორი სახეობით ვარ დაკავებული. ეს არის სათხილამურო და საცხენოსნო სპორტი. ამ სპორტის ერთგული ვარ.


ძალიან მომწონს სათხილამურო სპორტის სახეობაში რამდენიმე წარმატებული სპორტსმენი, მათ შორის, ფრანგები, შვედები. 




მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა

მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა
access_time2021-04-14 19:45:54
უმსხვილესი საინვესტიციო კონსულტანტი მანჰეტენის ისტორიაში ბერნარდ მედოფი 82 წლის ასაკში გარდაიცვალა. მედოფი ცნობილია იმით, რომ ის კლიენტებს ინვესტირებისას კოლოსალურ შემოსავლებს ჰპირდებოდა  და ამასობაში მათ ჯამში 19 მილიარდი  დოლარი გამოსტყუა „პონცის“ თაღლითური სქემის მეშვეობით.   მისი გარდაცვალება  „ სავარაუდოდ ბუნებრივი მიზეზებითაა გამოწვეული“ - ნათქვამია ოფიციალურ განცხადებაში. მედოფის საცხოვრებელი 2009 წლიდან ბატნერის ფედერალური კოლონია იყო. მან ნაადრევი...

14 აპრილი - რეგიონში ქართული ლარი და სომხური დრამი გაუფასურდა

14 აპრილი - რეგიონში ქართული ლარი და სომხური დრამი გაუფასურდა
access_time2021-04-14 18:00:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 აპრილის ვაჭრობის შედეგად (რომლის ოფიციალური კურსი 15 აპრილისთვისაა) ეროვნული...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-04-14 21:00:38
დღის TOP 10 საინტერესო ამბავი:   1. ცვლილება კანონში, რომელმაც მედიკამენტებზე ხელმისაწვდომობა შეზღუდა და ფასები გაზარდა კითხვას, რატომ ძვირდება წამალი საქართველოში „კომერსანტი“ კიდევ ერთხელ დასვამს, პასუხს კი ამავე პარლამენტის ჯანმრთელობის დაცვისა და სოციალურ საკითხთა კომიტეტის უკვე ყოფილი წევრი ლევან კობერიძე...

მსოფლიოს ყველაზე მდიდარი IТ-მეწარმეები - Forbes-ის ტოპ-10

მსოფლიოს ყველაზე მდიდარი IТ-მეწარმეები - Forbes-ის ტოპ-10
access_time2021-04-14 20:25:28
პანდემიური ჩამოშლის შემდეგ ბაზრების სწრაფმა აღდგენამ რეკოდრულ ტემპებს მიაღწია. თუმცა, ეკონომიკის ვერც ერთი დარგი აღდგენის ისეთი სისწრაფით ვერ დაიკვეხნის, როგორც მაღალი ტექნოლოგიები.   IТ-მეწარმეთა ჯამური კაპიტალი  2,5 ტრლნ. დოლარს შეადგენს, რაც 80%-ით მეტია, ვიდრე 2020 წელს, როდესაც ამ მაჩვენებელმა 1,4 ტრლნ. შეადგინა.   2020 წელს Forbes-მა მაღალ ტექნოლოგიებზე გამდიდრებული 241 მილიარდერი დაითვალა, 2021-ში კი - 365. ამ კუთხით ეს...

კარტოფილის ფასმა საქართველოში ისტორიულ მინიმუმს მიაღწია

კარტოფილის ფასმა საქართველოში ისტორიულ მინიმუმს  მიაღწია
access_time2021-04-14 19:00:57
საიტი EastFruit-ი ამ სეზონში საქართველოს კარტოფილის ბაზარზე შექმნილ ვითარებას აანალიზებს და ყურადღებას რამდენიმე გარემოებაზე ამახვილებს - კერძოდ, ბაზარზე ახალი კარტოფილი სათბურებიდან უკვე გამოჩნდა, ფასები კარტოფილზე წინა წელთან შედარებით მნიშვნელოვნად დაბალია, მარაგები საკმაოდ დიდია, ხოლო იმპორტი 2020 წლის მაჩვენებელს აღემატება.   საიტის ექსპერტების აზრით, 2021 წელი კარტოფილზე მომუშავე ქართველი ფერმერებისთვის ნაკლებად მომგებიანი...


მსგავსი სიახლეები

up