ირაკლი გურჩიანი: „სანამ საქართველოს მოქალაქეებისთვის ტოტალიზატორები და კაზინოები არ დაიკეტება, ქვეყანაში ეკონომიკური აღმავლობა არ იქნება“

ირაკლი გურჩიანი: „სანამ საქართველოს მოქალაქეებისთვის ტოტალიზატორები და კაზინოები არ დაიკეტება, ქვეყანაში ეკონომიკური აღმავლობა არ იქნება“

access_time2019-09-18 11:30:40

„სანამ საქართველოს მოქალაქეებისთვის ტოტალიზატორები და კაზინოები არ დაიკეტება, ქვეყანაში ეკონომიკური აღმავლობა არ იქნება,“-ასე გამოეხმაურა ბიზნესმენი,“ტოიოტა ცენტრი თბილისის” დამფუძნებელი ირაკლი გურჩიანი, NDI-ს კვლევის შედეგებს, რომლის მიხედვითაც გამოკითხულთა 63 პროცენტი ფიქრობს, რომ საქართველოს ეკონომიკური მდგომარეობა ცუდია და ამაში პასუხისმგებლობა ხელისუფლებას ეკისრება.



როგორც გურჩიანი აცხადებს, საქართველოში სათამაშო ბიზნესი მხოლოდ უცხოელი ტურისტებისთვის უნდა იყოს ხელმისაწვდომი.


„ქართველები აღმოვჩნდით როგორი ხალხი იცით? ორ კაპიკს იშოვიან და გარბიან ტოტალზიატორში, ჰგონიათ, რომ გაასამმაგებენ მოგებას, მაგრამ ასე არ ხდება. იმიტომ არის, რომ დაიღუპა მთელი საქართველო. მე რომ ვიყო სახელმწიფოს მეთაური, ერთი ხელის მოსმით, ერთი ბრძანებით ავკრძალავდი ქართული პირადობის მოწმობით კაზინოში და ტოტალიზატორში შესვლას. გამოთავისუფლებული ფული საქართველოს ეკონომიკაში დარჩება. დღეს ტოტალიზატორის ფული საზღვარგარეთ გადის იმიტომ, რომ მათ უმეტესობას უცხოელი მფლობელი ჰყავს. ეს არხი დასაკეტია“-აცხადებს გურჩიანი.



მისი ინფორმაციით, ცუდ ეკონომიკურ სიტუაციაზე ხელისუფლებამ პასუხი უკვე აგო, რაც მამუკა ბახტაძის თანამდებობიდან წასვლაში გამოიხატა. მისი განცხადებით, დღეს ქვეყანას ახალი პრემიერ-მინისტრი ჰყავს და მისი ქვეყნის მართვაში მოსვლა მხოლოდ და მხოლოდ დადებითია.


„გიორგი გახარიას პირადად ვიცნობ და იმედი მაქვს,რომ ქვეყანაში ვითარება გამოსწორდება და უკეთესობისკენ წავა. ვიცი რომ ეკონომიკაში და ბიზნესში ბევრ კარგ რამეს გააკეთებს.



რაც შეეხება იმას, თუ რისი და ვისი ბრალია შექმნილი სიტუაცია? პირველ რიგში იმის, რომ ხალხს ფული არ აქვს, ყველა გაჭირვებულია. კაცმა რაღაც საქმე რომ დაიწყოს, მაგის საშუალება, ფაქტობრივად, არ არის. დღეს ქვეყანაში ფულზე ნაკლები ხელმისაწვდომობაა. 100 000 დოლარი რომ გჭირდებოდეს ბიზნესის დასაწყებად, არავინ მოგცემს, თუ 500 000 დოლარის გირაოს მაინც არ დატოვებ. ეს ხომ კოშმარია? სწორედ კომერციული ბანკებია შემაფერხებელი ფაქტორი ეკონომიკური განვითარების,“-
აცხადებს გურჩიანი.


მისი განცხადებით, პრობლემა კომპლექსურია, შემცირებულია ინვესტიციებიც, რაც საბოლოო ჯამში ფულის გაძვირების საფუძველი ხდება. პრობლემაა ლარის კურსიც.



როგორც ბიზნესმენი აცხადებს, NDI-ს შედეგები, რომელიც საბანკო რეგულაციას ეხება, ანეგდოტურია. გამოკითხულთა 49%-თვის 2019 წლის იანვრიდან ამოქმედებული საბანკო რეგულაციები მისაღებია. გურჩიანი განმარტავს, რომ საქართველოში სანამ მევახშეობის ინსტიტუტი საერთოდ არ გაუქმდება და არ გახდება ცივილიზებული, ქვეყანაში ეკონომიკური აღმავლობა არ იქნება.


„რა არის დადებითი, მაცივარი რომ იყიდო, თვეში ხუთი მაცივარის ღირებულების ხელფასი უნდა გქონდეს, ასეთები კი საქართველოში არ არის. ამბობენ, რომ ქვეყანაში საშუალო ხელფასი 1200 ლარია, ხომ ნამდვილად ვიცით,რომ არ არის მართალი. ზოგიერთს 30 000 ლარი აქვს ხელფასი, ზოგიერთს -500 ლარი, იქიდან რომ გამოიყვანენ საშუალო ხელფასს, ეს ხომ სისულელეა? საშუალო ხელფასი დღეს საქართველოში 500 ლარია,“-აცხადებს გურჩიანი.



კითხვაზე, ეს შედეგი ხომ არ განაპირობა იმან, რომ რეალურად საზოგადოებას ბანკების მიმართ პროტესტი აქვს, გურჩიანი განმარტავს,რომ შესაძლოა ეს მიზეზიც იყოს.



„ბანკების მიმართ შესაძლოა პროტესტი აქვთ კი არა, საქართველოში, საზოგადოების 90%-ი ბანკების მტერია. ნებისმიერი ადამიანი რომ გააჩერო, თავისი თავის უბედურების მიზეზად ბანკს დაგისახელებთ. მიზეზი მაღალი პროცენტებია. ერთი მომენტია, არ უნდა მიხვიდე და სესხი არ უნდა აიღო, თუ არ შეგიძლია გადახდა, მაგრამ როდესაც ძალიან გჭირდება ფული და წამლის საყიდელი არ გაქვს, იღებ სესხს,“-აცხადებს გურჩიანი.


სოფო ქსოვრელი 






ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ

ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ
access_time2020-05-27 18:00:17
2019 წელი ფინკა ბანკისთვის ახალი ინიციატივებისა და შესაძლებლობების წელი იყო. ბანკისთვის მნიშვნელოვანი გამოწვევა 2018 წლის მეორე კვარტალში მაკროეკონომიკური ცვლილებები და ეროვნული ბანკის მიერ გატარებული  ღონისძიებები აღმოჩნდა. მიუხედავად ამ გარემოებებისა, ფინკა ბანკის 2019 წლის წმინდა მოგებამ 6 792 588  ლარი შეადგინა და დადებითი ინდიკატორებით დასრულდა საფინანსო წელი: მოგება კაპიტალზე (ე.წ. უკუგება საშუალო კაპიტალზე) - ROE 13.19%, ხოლო მოგება აქტივებზე (ე.წ. უკუგება აქტივებზე) - ROA...

გერმანიაში აშშ-ის ელჩი – გერმანიამ უნდა შეწყვიტოს მხეცის (რუსეთის) „გამოკვება“

გერმანიაში აშშ-ის ელჩი – გერმანიამ უნდა შეწყვიტოს მხეცის (რუსეთის) „გამოკვება“
access_time2020-05-27 20:30:34
გერმანიაში აშშ-ის ელჩის, რიჩარდ გრენელის ინფორმაციით, რუსულ გაზსადენ „ჩრდილოეთის ნაკადი-2“-ის წინააღმდეგ ახალი სანქციების დაწესება იგეგმება. რიჩარდ გრენელის თქმით, ამ ნაბიჯს მხარს რესპუბლიკელები და დემოკრატები უჭერენ. ელჩს არ დაუკონკრეტებია, რა სახის სანქციების განხილვა მიმდინარეობს კონგრესში, თუმცა როგორც გერმანული მედია იუწყება, სავარაუდოდ საუბარია შეზღუდვების დაწესებაზე იმ კომპანიების წინააღმდეგ, რომლებიც ამ გაზსადენით რუსულ ბუნებრივ აირს...

ვინ რა ჰკითხა გიორგი გახარიას

ვინ რა ჰკითხა გიორგი გახარიას
access_time2020-05-27 18:55:44
პარლამენტში ანგარიშის წარსადგენად მისული საქართველოს პრემიერ მინისტრი გიორგი გახარია საკანონმდებლო ორგანოში დეპუტატების კითხვებს ამ დრომდე პასუხობს. „კომერსანტი“ გთავაზობთ იმ კითხვა-პასუხების ნაწილს, რომელიც საკანონმდებლო ორგანოში  დაისვა და მთავრობის მეთაურის მიერ  პასუხებიც გაეცა. ეკონომიკისა და ეკონომიკური პოლიტიკის კომიტეტის...

პრემიერი - 520-ე დადგენილების გადახედვაზე საუბარი დღეს არ მიმდინარეობს

პრემიერი - 520-ე დადგენილების გადახედვაზე საუბარი დღეს არ მიმდინარეობს
access_time2020-05-27 18:09:22
„520-ე დადგენილების გადახედვაზე საუბარი დღეს არ არის, 520-ე დადგენილებაში შეიძლება გარკვეული რაღაც ცვლილებები შევიდეს“, - ამის შესახებ პრემიერ-მინისტრმა გიორგი გახარიამ პარლამენტში „ევროპული საქართველოს“ წევრის ზურაბ ჭიაბერაშვილის კითხვის საპასუხოდ განაცხადა. ქვეყნის მეთაურმა საკუთარ გამოსვლაშ ყურადღება...

27 მაისი - ქართული ლარი გამყარდა, თურქული ლირა და სომხური დრამი გაუფასურდა

27 მაისი - ქართული ლარი გამყარდა, თურქული ლირა და სომხური დრამი გაუფასურდა
access_time2020-05-27 19:30:30
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.     ეროვნული ბანკის მიერ გამოქვეყნებული 27 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ...


მსგავსი სიახლეები

up