ირაკლი დუმბაძე: თუ არჩილ კბილაშვილს ცრუ და პროვოკაციული განცხადებების პოვნა უნდა, ვურჩევ, საკუთარ პასქვილებს გადაავლოს თვალი...

ირაკლი დუმბაძე: თუ არჩილ კბილაშვილს ცრუ და პროვოკაციული განცხადებების პოვნა უნდა, ვურჩევ, საკუთარ პასქვილებს გადაავლოს თვალი...

access_time2020-07-29 14:20:25

„როგორც აღმოჩნდა, ბ-ნმა არჩილმა და მისმა დამკვეთმა ვერაფრით მოინელეს მათი სიცრუის გამოაშკარავება, როდესაც ცდილობდნენ დავერწმუნებინეთ, რომ თითქოს სარჩელის ნაცვლად, რაღაც სხვა, გაფრთხილების 2 ფურცლიანი წერილი გავუგზავნეთ. სწორედ მათი სიცრუე გამოააშკრავა ექსპერტიზამ და არა მხოლოდ ექსპერტიზამ (მოწმეთა ჩვენებები, მატერიალური დოკუმენტები, მხარეთა განმარტებები და სხვა),“ - ასე ეხმაურება „ლიდერფუდის“ დამფუძნებელი ირაკლი დუმბაძე ადვოკატ არჩილ კბილაშვილის გუშინდელ განცხადებას.


28 ივლისს, ადვოკატი არჩილ კბილაშვილი ირაკლი დუმბაძის მიერ გამოქვეყნებულ ბოლო განცხადებაში გაჟღერებულ მონაკვეთს ვრცელი განცხადებით გამოეხმაურა სადაც საუბარია, რომ არჩილ კბილაშვილი კონკრეტულ ხალხს უთვლის, თითქოს მათი საწინააღმდეგო განცხადებები მისი მარწმუნებლის, დავით ზეიკიძის დაჟინებული მოთხოვნით აქვს გაკეთებული და ამის გამო მათ ბოდიშს უხდის. ინფორმაციის თანახმად, კბილაშვილმა დუმბაძის მიერ გაკეთებულ ამ განცხადებას ცრუ და პროვოკაციული უწოდა.


ირაკლი დუმბაძე, თავის მხრივ აღნიშნულ განცხადებაზე ამბობს, რომ მსგავსი იარლიყები მის მიმართ საღ აზრს მოკლებულია. „კომერსანტი“ ირაკლი დუმბაძის საპასუხო განცხადებას უცვლელად გთავაზობთ:


„მინდა მოკლედ გამოვეხმაურო დავით ზეიკიძის ინტერესების დამცველ, ბ-ნ არჩილ კბილაშვილს, რომელიც სამწუხაროდ დიდი ხნის გასულია პროფესიული ეთიკის ფარგლებს და აგერ უკვე მერამდენე თვეა, სხვადახვა ფორმით ამახინჯებს რეალურ ფაქტებს და ყოვლად უმსგავსოდ ცდილობს ჩემს სასარგებლოდ მეტყველი ფაქტები, საკუთარ კლიენტს მოარგოს, ხოლო სადაც ეს არ გასდის, ყოველგვარი საღი აზრის გარეშე, კორუმპირებულის იარლიყს მაკერებს.


ყველას ხომ კარგად გვესმის, რომ მთელი მისი პასკვილები ჩემს რეპუტაციის შელახვას და საკუთარი, დამნაშავე კლიენტის „გათეთრებას“ ემსახურება!


თურმე ჩემი განცხადება ყოფილა სიცრუე და პროვოკაციული..... არადა, საკუთარ კლიენტთან ერთად, ხან სასამართლოს და ხან ექსპერტების მოსყიდვაში მადანაშაულებს. და ამას ჩადის ხალხი, რომლიც კორუფციული სისტემის მედროშეებად გვევლინებოდა არც ისე დიდი ხნის წინ. თუ ბატონი არჩილი თვალს ყურადღებით გადაავლებს  მისი და დავით ზეიკიძის გაკეთებულ განცხადებებს, ვპირდები, იმდენ სიცრუეს, პროვოკაციას და სიბინძურეს აღმოაჩენს, რამდენ წინადადებასაც ბოლომდე წაიკითხავს.


ახლა კი, ბატონი კბილაშვილი გვარწმუნებს, რომ თურმე, ლ. სამხარაულის სახელობის სასამართლო ექსპერტიზის ეროვნული ბიუროს ექსპერტიზის დასკვნა კორუფციის ნიშნებს შეიცავს მხოლოდ იმიტომ, რომ იგი ერთ სამუშაო დღეში მომზადდა. არადა, ამავე საქმეზე, თავად ბ-ნ კბილაშვილს, იმავე ექსპერტიზის ბიუროში შეკვეთილი აქვს მსგავსი დასკვნა, რომელიც შეკვეთიდან მეორე სამუშაო დღეს მომზადდა (ორივე შემთხვევაში, მხარეებმა ექსპერტიზის დაჩქარებული მომსახურების წესით ვისარგებლეთ) მაგრამ, განსხვავება იმაშია, რომ ბ-ნმა არჩილმა დასკვნა სპეციალურად შეუკვეთა პარასკევ დღეს, ხოლო პასუხი მიიღო მომდევნო სამუშაო დღეს, ანუ ორშაბათს. ახლა კი, საზოგადოების და სასამართლოს შეცდომაში შეყვანის მიზნიც აცხადებს, რომ ერთ შემთხვევაში ექსპერტიზის დასკვნა 1 სამუშაო დღეში გაიცა, ხოლო მეორე (მის მიერ შეკვეთილი) 4 სამუშაო დღეში. სწორედ ამას ვეძახით ფაქტების დამახინჯებას და საზოგადოების შეცდომაში შეყვანის მცდელობას.


ასევე, საინტერესოა ბ-ნი კვილაშვილის ლოგიკა, რომელიც გვიცხადებს, რომ სასამართლოს გადაწყვეტილებები კორუფციის ნიშნებს შეიცავსო, და ამას იმით ასკვნის, რომ თითქოს სასამართლო ერთ დღეში მომზადებულ დასკვნას დაეყრდო. რეალურად კი, სასამართლოს ორივე ინსტანციაში განხილული და შეფასებული იქნა ათობით მტკიცებულება, რომელთა სიზუსტე არ ტოვებს ინტერპრეტაციის საშუალებას, ხოლო ბატონმა კბილაშვილმა და მისმა კლიენტმა ვერ შეძლეს მათი სიცრუის ჩვენთვის თავს მოხვევა. 


სწორედ ამიტომ მაბრალებენ კორუფციას და სხვა ათასგვარ სისაძაგლეს, თან ამას, ერთგვარი რევერანსებით, რომ თითქოს მთელი სისტემა კი არ მომისყიდია, არამედ მხოლოდ ორი ინსტანციის სასამართლო და ექსპერტიზის ეროვნული ბიურო. ახლა კი, მე ვსვამ კითხვას, თუ ასეთი ყოვლისშემძლე ვარ და ამხელა სისტემებზე ზეგავლენა შემიძლია, რატომ არ მიმართავს ბ-ნი კბილაშვილი სამართალდამცავ ორგანოებს და თუ მიმართავს, რატომ არ ხდება ჩემს მიმართ შესაბამისი საგამოძიებო ღონისძიებების გატარება? აქვე გიპასუხებთ: სინამდვილეში, ბ-ნმა კბილაშვილმაც და მისმა დამკვეთმაც შესანიშნავად იციან, რომ მთელი ეს მასკარადი 2 მიზანს ემსახურება: 1. საზოგადოებაში და ბიზნეს წრეებში ჩემი რეპუტაციის შელახვას; 2. უზენაესი სასამართლოს გადაწყვეტილებაზე ზემოქმედების მოხდენას.


მე ადრეც დავწერე და კვლავ ვიმეორებ, რომ მაქვს საფუძვლიანი ეჭვი და ინფორმაცია, რომ სწორედ დავით ზეიკიძე ცდილობს არალეგალური გზებით, კანონიერი გადაწყვეტილების შეცვლას და ჩემი კუთვნილი წილის მისაკუთრებას. ხოლო პრევენციის და საზოგადოების ყურადღების გადატანის მიზნით, მე მაბრალებს იმას, რასაც თავად სჩადის.


აღნიშნულთან დაკვშირებით მინდა ხმამაღლა განვაცხადო, რომ მიუხედავად ყველა იმ საეჭვო გარემოებისა, რაც დღითიდღე აშკარავდება დავით ზეიკიძის მხრიდან, მე განუხრელად მივყვები სამართლებრივ გზას, თუმცა ეს იმას არ ნიშნასვ, რომ რამეს ვერ ვხედავ ან არ მესმის. მე მჯერა სამართლიანობის და ვიბრძვი მის აღსადგენად, რომელიც ასე უსინდისოდ და ძალმომრეობით წამართვეს. აქვე გპირდებით, ბატონებო, რომ საზოგადოება აუცილებლად გაიგებს ყველა თქვენ ნამოქმედარს, რომლითაც დღეს ხართ დაკავებული ბნელ კულვარებში და რომლითც ცდილობთ ეს ქვეყანა და თითოეული ჩვენთაგანი დაგვაბრუნოთ იმ ჭაობში, სადაც ყველაზე კომფორტულად გრძნობს თავს თქვენნაირი კორუმპირებული და მაფიოზური მენტალიტეტის მქონე ხალხი, „ - ნათქვამია განცხადებაში.







„სავარაუდოდ, გაზაფხულზე „ვიზეარი“ საქართველოში ბაზას აღადგენს“ - ნათია თურნავა

„სავარაუდოდ, გაზაფხულზე „ვიზეარი“ საქართველოში ბაზას აღადგენს“ - ნათია თურნავა
access_time2020-10-29 11:13:24
ეკონომიკისა და მდგრადი განვითარების მინისტრის, ნათია თურნავას განცხადებით, სავარაუდოდ, გაზაფხულზე „ვიზეარი“ საქართველოში ბაზას აღადგენს. როგორც მინისტრმა მთავრობის სხდომის შემდეგ გამართულ ბრიფინგზე განაცხადა, საავიაციო კომპანიები ოპტიმისტურად აფასებენ სამომავლოდ, საქართველოში ფრენების აღდგენას. „ოპტიმისტურად აფასებენ საავიაციო კომპანიები მომავალში საქართველოში ფრენის და ტურიზმის აღდგენის პერსპექტივებს. რა თქმა უნდა, ეს არ მოხდება მყისიერად, ეს მოხდება ეტაპობრივად, მაგრამ...

არქიმ მთავარ არხსა და TV 1-ს ქარტიაში პროცესი მოუგო

არქიმ მთავარ არხსა და TV 1-ს ქარტიაში პროცესი მოუგო
access_time2020-10-29 10:45:34
ჟურნალისტური ეთიკის ქარტიის გადაწყვეტილებით დადგინდა, რომ მთავარი არხისა და TV 1-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს. ორივე ტელეკომპანიამ 2020 წლის 23 ივნისს ბაკურიანში მშენებლობის შესახებ მოამზადა სიუჟეტი, სადაც ნათქვამი იყო, თითქოს, შპს “ბაკურიან რიზორტს” საკუთრებაში არსებული ქონება მთავრობისგან გადაეცა, იგეგმებოდა ტყის გაჩეხვა და მრავალსართულიანი შენობის აშენება, რაც ბაკურიანში დამსვენებლების ჩასვლას საფრთხის ქვეშ აყენებდა. ყოველივე...

კომუნალური გადასახადების ანაზღაურების 4-თვიანი სახელმწიფო პროგრამა 1-ელი ნოემბრიდან დაიწყება

კომუნალური გადასახადების ანაზღაურების 4-თვიანი სახელმწიფო პროგრამა 1-ელი ნოემბრიდან დაიწყება
access_time2020-10-29 10:50:30
პრემიერ-მინისტრ გიორგი გახარიას განცხადებით, მთავრობის ანტიკრიზისული გეგმის მესამე ტალღა 1-ელი ნოემბრიდან დაიწყება. როგორც მან მთავრობის დღევანდელ სხდომაზე განაცხადა, ეს ითვალისწინებს კომუნალური გადასახადების ანაზღაურებას მოქალაქეებისთვის ნოემბრიდან 4 თვის მანძილზე. პრემიერის თქმით, როგორც წინა ეტაპზე, ეს შეეხება თითოეულ ოჯახს, რომელსაც ექნება 200 კილოვატამდე მოხმარებული ელექტროენერგია, ასევე 200 კუბურ მეტრამდე გაზის მოხმარება, ასევე წყლისა და...

„გალფს“ ზესტაფონის ავტოგასამართი სადგური ჩამოერთმევა - კომპანია საავტომობილო გზების დეპარტამენტთან ვერ შეთანხმდა

„გალფს“ ზესტაფონის ავტოგასამართი სადგური ჩამოერთმევა - კომპანია საავტომობილო გზების დეპარტამენტთან ვერ შეთანხმდა
access_time2020-10-28 18:45:59
საქართველოს საავტომობილო გზების დეპარტამენტი „სან პეტროლიუმ ჯორჯიას“ ზესტაფონის მუნიციპალიტეტის სოფელ ძირულაში მდებარე არასასოფლო-სამეურნეო დანიშნულების 1476.00 კვ.მ მიწის ნაკვეთს და მასზე მდგომ შენობა-ნაგებობას იძულებით ჩამოართმევს.   ეკონომიკის მინისტრმა გზების დეპარტამენტს ექსპროპრიაციის უფლება უკვე მიანიჭა. ბრძანება "საკანონმდებლო მაცნეზე" გამოქვეყნდა. დოკუმენტიდან ირკვევა, რომ „დასახელებული უძრავი ქონების ნებაყოფლობით გამოსყიდვაზე დეპარტამენტსა და მესაკუთრეს...

28 ოქტომბერი - რეგიონში მხოლოდ ქართული ლარი და თურქული ლირა გაუფასურდა

28 ოქტომბერი - რეგიონში მხოლოდ ქართული ლარი და თურქული ლირა გაუფასურდა
access_time2020-10-28 18:10:22
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 28 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება...


მსგავსი სიახლეები

up