ირაკლი ჩიქოვანი - შეიქმნება სპეციალური პლატფორმა, სადაც ყველას ექნება შესაძლებლობა იმისა, რომ მოგვაწოდონ ინფორმაცია, თუ რით არიან მზად, რომ გვერდში დაუდგნენ სახელმწიფოს

ირაკლი ჩიქოვანი - შეიქმნება სპეციალური პლატფორმა, სადაც ყველას ექნება შესაძლებლობა იმისა, რომ მოგვაწოდონ ინფორმაცია, თუ რით არიან მზად, რომ გვერდში დაუდგნენ სახელმწიფოს

access_time2020-03-18 16:05:16

„შედგა კორონავირუსთან დაკავშირებით მოქმედი უწყებათაშორისი საკოორდინაციო საბჭოს ეკონომიკის თემატური ჯგუფის შეხვედრა პრემიერ-მინისტრთან და რამდენიმე გადაწყვეტილება იქნა მიღებული. პირველ რიგში, სამწუხაროდ, როგორც იცით, ქვეყანაში გამოჩნდნენ ადამიანები, რომლებიც ცდილობენ ამ ვირუსის ფონზე დამატებითი სარგებელი და შემოსავალი ნახონ, მაგრამ ასეთი ჯგუფი არის მცირე და ამავდროულად, არიან ადამიანები, ვინც მზადყოფნას გამოთქვამენ, გვერდში დაუდგნენ სახელმწიფოს და საზოგადოებას რათა საზოგადოებრივი სიკეთე მივიღოთ ყველამ ერთად. ძალიან ბევრი ბიზნესი გამოეხმაურა ამ ვითარებას და მათ გამოთქვეს სურვილი და შესაძლებლობა, რომ მათი სერვისები დაახმარონ როგორც სახელმწიფო სტრუქტურებს, ასევე, საზოგადოებას. შესაბამისად, შეიქმნება სპეციალური პლატფორმა, ეს იქნება კომუნიკაციის შესაძლებლობა და საშუალება, სადაც ყველას ექნება შესაძლებლობა იმისა, რომ მოგვაწოდონ ინფორმაცია, თუ რით არიან მზად, გვერდში დაუდგნენ სახელმწიფოს და საზოგადოებას. ამის კოორდინაციას მოახდენს ბიზნესომბუდსმენი, მიხეილ დაუშვილი და ვთვლით, რომ ეს იქნება ძალიან მნიშვნელოვანი და კარგი წამოწყება, - ამის შესახებ პრემიერ-მინისტრის მრჩეველმა საერთაშორისო ურთიერთობების საკითხებში ირაკლი ჩიქოვანმა მთავრობის მეთაურის ხელმძღვანელობით გამართული კორონავირუსთან დაკავშირებით მოქმედი უწყებათაშორისი საკოორდინაციო საბჭოს ეკონომიკის თემატური ჯგუფის შეხვედრის შემდეგ გააკეთა.


როგორც ირაკლი ჩიქოვანმა აღნიშნა, საბჭოს სხდომაზე პრემიერ-მინისტრს მოახსენეს ინფორმაცია იმის შესახებ, თუ როგორ სრულდება რეკომენდაციები ბარების, რესტორნების, კაფეებისა და სხვადასხვა სივრცეების შეზღუდვასთან დაკავშირებით.



„პრემიერ-მინისტრ გიორგი გახარიას მოხსენდა ინფორმაცია იმის თაობაზე, თუ როგორ სრულდება რეკომენდაციები, რომლებიც ადრე იყო გაცემული და დაკავშირებულია კონკრეტულად ბარების, რესტორნებისა და კაფეების და სხვადასხვა სივრცეების შეზღუდვასთან დაკავშირებით. ამ მიმართულებით ჩვენ გვაქვს მნიშვნელოვანი შედეგები, ალბათ ყველამ დაინახა, რომ საქართველოს სხვადასხვა ქალაქში ასეთი აკრძალვები უკვე ამოქმედდა და ეს რეკომენდაციები უკვე მოქმედებს, თუმცა სამწუხაროდ არსებობს იშვიათი გამონაკლისები, მაგრამ მაინც გამონაკლისები რომლებმაც ვერ შეძლეს ადეკვატურად აღექვათ ის რეკომენდაციები, რომლებიც ჩვენს მიერ იქნა გაცემული. მინდა, ხაზი გავუსვა იმას, რომ რეკომენდაციები, რომლებსაც იძლევა სახელმწიფო და მთავრობა არის სავალდებულო და შესასრულებელი და ეს არის რეკომენდაცია, რომელიც მიმართულია, რომ ჩვენ ყველამ ერთად შევძლოთ კორონავირუსთან გამკლავება, - აღნიშნა ირაკლი ჩიქოვანმა.


მისივე თქმით, რა ბერკეტიც არ უნდა აამოქმედოს სახელმწიფომ, საზოგადოებრივი თანამონაწილეობა აუცილებელია.


„ყველას კარგად გვესმის, რომ რა გადაწყვეტილებაც არ უნდა მიიღოს და რა ბერკეტიც არ უნდა აამოქმედოს სახელმწიფომ, თუ არ იქნა საზოგადოებრივი თანამონაწილეობა, ეს გადაწყვეტილებები შედეგს ვერ მოიტანს. ამიტომ, კიდევ ერთხელ მივმართავ ყველას თავი შეიკავონ ისეთი თავყრილობებისგან, რომლის ჩატარებაც აუცილებელი არ არის. ამ რეკომენდაციების შესრულებას სახელმწიფო კიდევ უფრო მეტად გააკონტროლებს, - განაცხადა პრემიერის მრჩეველმა საერთაშორისო ურთიერთობების საკითხებში.





წინანდლის კლასიკური მუსიკის რიგით მეორე ფესტივალი დასრულდა

წინანდლის კლასიკური მუსიკის რიგით მეორე ფესტივალი დასრულდა
access_time2020-09-25 09:55:39
წინანდლის მამულში 4 დღის განმავლობაში კლასიკური მუსიკის საერთაშორისო ფესტვივალი ჩატარდა.  2020 წელს შექმნილი...

ჯანდაცვა ბიზნესია და ეს სისტემა უნდა დაიგეგმოს - ინტერვიუ დავით სერგეენკოსთან ჯანდაცვის პოლიტიკაზე

ჯანდაცვა ბიზნესია და ეს სისტემა უნდა დაიგეგმოს - ინტერვიუ დავით სერგეენკოსთან ჯანდაცვის პოლიტიკაზე
access_time2020-09-25 12:00:07
ჯანდაცვის ყოფილი მინისტრი დავით სერგეენკო „ქართული ოცნების“ ხელისუფლებაში მოსვლიდან 7 წლის განმავლობაში მინისტრის თანამდებობას იკავებდა, დღეს კი დავით სერგეენკო „ქართულმა ოცნებამ“ საბურთალოს მაჟორიტარობის კანდიდატად წარადგინა. „კომერსანტთან“ ექსკლუზიურ ინტერვიუში ჯანდაცვის ყოფილი მინისტრი ჯანდაცვის პოლიტიკაზე, გატარებულ რეფორმებზე, 520-ე დადგენილებაზე, საყოველთაო დაზღვევაზე ისაუბრა.   -როგორ შეაფასებთ განვლილ...

„ვისოლი“ Smart Pay ფორმატის ავტოგასამართი სადგურების ქსელს ავითარებს

„ვისოლი“ Smart Pay ფორმატის ავტოგასამართი სადგურების ქსელს ავითარებს
access_time2020-09-25 09:55:07
„ვისოლმა“ რუსთავში, შარტავას ქ. #4-ში Smart Pay ფორმატის ავტოგასამართ სადგურ “სმარტის” სუპერმარკეტთან ერთად გახსნა და ქალაქში მომხმარებელს მგზავრობის და საწვავის ღირებულების გადახდის ახალ ფორმა შესთავაზა. რუსთავის კომპლექსი, უკვე მეოთხე ობიექტია საგურამოში, ქუთაისსა და ოქროყანაში გახსნილი „ვისოლის“ მომსახურების ცენტრების შედგომ, სადაც მომხმარებელი საწვავის შეკვეთასა და მისი ღირებულების გადახდას „სმარტში“ სასურველი პროდუქტების შეძენასთან ერთად ახერხებს ორმაგი დატვირთვის გარეშე. Smart Pay...

24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება

24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება
access_time2020-09-24 18:10:43
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. გუშინ გამართულ საქართველოს ეროვნული ბანკის სავალუტო აუქციონზე სებ-მა 40 000 000 აშშ დოლარი გაყიდა, თუმცა მიუხედავად ამისა 24...

დღის Top 10 საინტერესო ამბავი

დღის Top 10 საინტერესო ამბავი
access_time2020-09-24 21:30:36
დღის Top 10 საინტერესო ამბავი:   1. კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა „კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და...


მსგავსი სიახლეები

up