ირაკლი ჩიქოვანი -  მნიშვნელოვანია ყველამ დავიცვათ რეკომენდაციები, მიუხედავად იმისა, რომ დღეიდან ამოქმედდა დაწესებული შეზღუდვების შემსუბუქების და ეკონომიკური გახსნის გეგმა

ირაკლი ჩიქოვანი - მნიშვნელოვანია ყველამ დავიცვათ რეკომენდაციები, მიუხედავად იმისა, რომ დღეიდან ამოქმედდა დაწესებული შეზღუდვების შემსუბუქების და ეკონომიკური გახსნის გეგმა

access_time2020-04-27 13:43:47

დღეს ჩატარდა საკოორდინაციო საბჭოს მორიგი სხდომა, სადაც განხილულ იქნა ქვეყანაში არსებული ვითარება Covid-19-თან ბრძოლის თვალსაზრისით და მინდა, მოგაწოდოთ რამდენიმე ინფორმაცია, რომელიც დაკავშირებულია ჩვენს ქვეყანაში დღეს არსებულ ვითარებასთან - დღეიდან ამოქმედდა დაწესებული შეზღუდვების შემსუბუქების და ეკონომიკური გახსნის გეგმა, რაც გულისხმობს იმას, რომ დღეიდან შესაძლებელია მსუბუქი ავტომობილებით გადაადგილება და ტაქსების ოპერირება. აგრეთვე, შესაძლებელია ონლაინ ვაჭრობა, როგორც საბითუმო, ისე საცალო და ამოქმედდება აგრარული ბაზრები. მინდა ხაზი გავუსვა, რომ ყველა ეს სერვისი, თუ შეზღუდვის მოხსნა განხორციელდება ჯანდაცვის სამინისტროს სპეციალური პროტოკოლის და ასევე შესაბამისი სამინისტროების სპეციალური რეგულაციების მკაცრი დაცვით. ძალიან მნიშვნელოვანია, ყველამ დავიცვათ ის მოთხოვნები, რომლებიც აუცილებელია, მიუხედავად იმისა, რომ ქვეყანაში იხსნება ეკონომიკური შესაძლებლობები და გარკვეულწილად მსუბუქდება შეზღუდვები, - ამის შესახებ საქართველოს პრემიერ-მინისტრის მრჩეველმა, პრემიერის პრესსპიკერმა ირაკლი ჩიქოვანმა მთავრობის ადმინისტრაციაში გამართულ ბრიფინგზე განაცხადა. ინფორმაციას მთავრობის ადმინისტრაციის პრესსამსახური ავრცელებს.



მისივე თქმით, მოქალაქეებმა ამ შეზღუდვების შემსუბუქება არ უნდა აღიქვან, როგორც Covid 19-თან ბრძოლაში გამარჯვება. ეს არის მხოლოდ და მხოლოდ ეტაპი, შესაძლებლობა, რომელიც გააზრებულად უნდა გამოიყენონ და ყველამ უნდა დაიცვას სოციალური დისტანცია, რათა უზრუნველყოფილ იქნას მაქსიმალური სიფრთხილე, Covid-19-ის გავრცელების პრევენციის მიზნით.



„შეზღუდვების ეს შემსუბუქება არ გავრცელდება იმ მუნიციპალიტეტებსა და ადმინისტრაციულ ერთეულებზე, სადაც ჩვენ მკაცრი საკარანტინო რეჟიმი გვაქვს დაწესებული. გარდა ამისა, ყველა სხვა შეზღუდვა, განაგრძობს მოქმედებას და მათ შორის, ე.წ. კომენდანტის საათი, რომელიც გულისხმობს გადაადგილების შეზღუდვას 21:00 საათიდან დილის 06:00 საათამდე. ასევე, იცით, რომ ჩვენს ქვეყანაში მოქმედებს დიდ ქალაქებში შესვლის და გამოსვლის შეზღუდვა, რაც გულისხმობს თბილისში, რუსთავში, ქუთაისსა და ბათუმში შესვლა-გამოსვლის შეზღუდვას. თუმცა, დავუშვით გამონაკლისი და დღეს და ხვალ, ანუ 27 და 28 აპრილს ჩვენს თანამოქალაქეებს შეეძლებათ ფაქტობრივი საცხოვრებელი მისამართის ადგილებზე გადაადგილება და, რა თქმა უნდა, მათ შეეძლებათ დაბრუნება რეგისტრაციის მისამართებზე ნებისმიერ დროს და ეს შეზღუდვა, ისე, როგორც აქამდე განაგრძობს მოქმედებას,"- აღნიშნა ირაკლი ჩიქოვანმა.




პრემიერის პრესსპიკერის განცხადებით, მიუხედავად შეზღუდვების შემსუბუქებისა, შესაძლოა, ეპიდემიოლოგიური ვითარების შესაბამისად მთავრობის მიერ წარდგენილი ეტაპობრივი გეგმა დაჩქარებით იქნას მიღებული, ან პირიქით, შეზღუდვები ხელახლა ამოქმედდეს.



„საქართველოს მთავრობის მიერ წარდგენილი გეგმა იყო თანმიმდევრული და მას რამდენიმე ეტაპი გააჩნდა. გარკვეული პერიოდი გვაქვს დასაცავი ეტაპებს შორის, თუმცა, ხაზგასმით ითქვა, რომ ეპიდემიოლოგიური ვითარების შესაბამისად, ჩვენ შესაძლებელია მოგვიწიოს, როგორც ამ გეგმის დაჩქარებით მიღება, ასევე არ გამოვრიცხავთ, რომ თუ ეპიდემიოლოგიური ვითარება დამძიმდა, ხელახლა ავამოქმედოთ შეზღუდვები და ხელახლა მოგვიწიოს შეზღუდვების დაწესება. კიდევ ერთხელ მოვუწოდებ თანამოქალაქეებს, რომ მათ გაითვალისწინონ ყველა ის რეკომენდაცია, რომელიც არსებობს დღეს ქვეყანაში და მაქსიმალურად გავუფრთხილდეთ საკუთარ თავს და წრეს," - მიმართა ირაკლი ჩიქოვანმა მოქალაქეებს.







დღის Top-10 საინტერესო ამბავი

დღის Top-10 საინტერესო ამბავი
access_time2020-07-06 21:30:53
დღის Top-10 საინტერესო ამბავი 1.იპოთეკური სესხების სუბსიდირებით მთავრობა ბანკებს ბიუჯეტიდან 70 მლნ ლარს ჩუქნის საქართველოს მთავრობა ყველას ვინც 2020 წლის პირველი ივნისიდან 2021 წლის პირველ იანვრამდე აიღებს იპოთეკურ სესხს ლარში, 5 წლის ვადით სესხის 4%-ს...

ბიზნესი ქართულად - აუზებზე მოთხოვნას სასტუმროებმა სპეციალური შეთავაზებებით უპასუხეს

ბიზნესი ქართულად - აუზებზე მოთხოვნას სასტუმროებმა სპეციალური შეთავაზებებით უპასუხეს
access_time2020-07-06 18:00:49
8 ივნისიდან სასტუმროებს საშუალება მიეცათ, რომ საცურაო აუზები გაეხსნათ, თუმცა ღია ტიპის აუზებს გახსნის ნებართვა მხოლოდ ხვალიდან, ისიც შემოწმების შემდეგ ექნებათ. მანამდე კი აუზებზე გაზრდილი მოთხოვნის დაკმაყოფილებას საქართველოს სასტუმროები შესაბამისი შეთავაზებებით ცდილობენ. რეგულაციების გათვალისწინებით, სასტუმროების აუზებით სარგებლობა სტუმრებს მხოლოდ ნომრის აღების შემთხვევაში შეუძლიათ. თუმცა, ქართულ სასტუმროებს მომხმარებლებისთვის დღის შეთავაზება აქვთ, რომელიც...

The Economist: ვინ მართავს მსოფლიოს?

The Economist: ვინ მართავს მსოფლიოს?
access_time2020-07-06 20:00:10
2008-2009 წლების კრიზისის შედეგად გლობალური ძალაუფლება დიდმა ოცეულმა გადაიბარა, რადგანაც ნათელი გახდა - დიდი შვიდეულის ფორმატი რეალობას უკვე არ შეესაბამებოდა.კორონავირუსის პანდემიამ კიდევ ერთი სიახლე გამოავლინა - გლობალური ლიდერის არარსებობა. ამჯერად დიდმა ოცეულმა საოცარი უსუსურობა გამოავლინა და თავი მხოლოდ ღარიბი ქვეყნებისთვის ვალების გასტუმრების გადავადებაზე რიტორიკით...

თბილისის ბალნეოლოგიურ კურორტზე საერთაშორისო ბრენდის სასტუმრო 2020 წელს გაიხსნება

თბილისის ბალნეოლოგიურ კურორტზე საერთაშორისო ბრენდის სასტუმრო 2020 წელს გაიხსნება
access_time2020-07-06 16:45:43
„თბილისის ბალნეოლოგიურ კურორტზე“  საერთაშორისო ბრენდის სასტუმროს გახსნა კორონავრიუსის პანდემიამ შეაფერხა. ამის შესახებ „კომერსანტს“ კურორტის კომერციულმა მენეჯერმა სალომე ყვავილაშვილმა განუცხადა. მისივე განცხადებით, ახალი საერთაშორისო ბრენდის სასტუმრო „თბილისის ბალნეოლოგიური კურორტის“ ტერიტორიაზე მიმდინარე წელს გაიხსნება, თუმცა ბრენდის სახელწოდება კვლავ გასაიდუმლოებულია. 10 მილიონი დოლარის ინვესტიციით „თბილისის ბალნეოლოგიური კურორტის“ განვითარება...

სიახლე უძრავი ქონების ბაზარზე - სასტუმროს ნომრის შეძენა აპარტამენტის ნაცვლად

სიახლე უძრავი ქონების ბაზარზე - სასტუმროს  ნომრის შეძენა აპარტამენტის ნაცვლად
access_time2020-07-06 15:45:57
სასტუმროს ნომრის შეძენა აპარტამენტის სანაცვლოდ - ესაა სიახლე უძრავი ქონების ბაზარზე, რომელსაც სასტუმრო „ლაბაუ“ თავის მომხმარებლებს სთავაზობს.   სასტუმროს ნომრის შეძენით, მყიდველი ავტომატურად ხდება  5 ვარსკვლავიანი სასტუმროს მთლიანი მოგების მეწილე. სასტუმრო მდებარეობს გუდაურში.  რა უპირატესობა აქვს სასტუმრო ნომრის შეძენას აპარტამენტის შეძენისგან განსხავებით?  - ამასთან დაკავშირებით...


მსგავსი სიახლეები

up