1-17 მაისის პერიოდში, ახალი გაცემული იპოთეკური სესხების მოცულობის ზრდამ მოიმატა 2021 წელთან შედარებით და 34%-ს გაუტოლდა. აღნიშნულია „თიბისი კაპიტალის“ ახალ მიმოხილვაში.
„1-12 მაისის პერიოდში, საცხოვრებელი უძრავი ქონების ტრანზაქციების რაოდენობა თბილისში 65%-ით გაიზარდა წ/წ.
1-16 მაისის პერიოდში, არარეზიდენტების უნაღდო ხარჯვამ, თიბისი ბანკის არხებით, 12%-ით გადააჭარბა 2019 წლის მაჩვენებელს. სურსათსა და ფარმაციაზე რეზიდენტების უნაღდო დანახარჯები 2021 წელთან შედარებით 31%-ს გაუტოლდა. სხვა კატეგორიებზე რეზიდენტების უნაღდო დანახარჯები მცირედით გაიზარდა და ზრდამ 8%-ს შეადგინა წ/წ.სასტუმროებში უნაღდო ხარჯვის ზრდა, თიბისი ბანკის არხებით, გაუმჯობესდა და 10%-ს გაუტოლდა 2019 წელთან შედარებით (+67% წ/წ) . რესტორნებსა და კაფეებში უნაღდო დანახარჯები 110%-ით გაიზარდა 2019 წელთან შედარებით (+187% წ/წ).
ტანსაცმელსა და აქსესუარებზე უნაღდო დანახარჯების ზრდა შემცირდა 2019 წელთან შედარებით (+107%) . გართობაზე უნაღდო დანახარჯები შემცირდა და 2019 წლის დონეს 42%-ით გადააჭარბა. ფიტნესზე უნაღდო ხარჯვის ზრდამ 84% შეადგინა 2019 წელთან შედარებით.
1-16 მაისის პერიოდში, სამშენებლო მასალებზე უნაღდო დანახარჯები 71%-ით გაიზარდა 2021 წელთან შედარებით. ავეჯსა და მოწყობილობებზე უნაღდო ხარჯვის ზრდა 51%-ს გაუტოლდა წ/წ. ელექტრონიკაზე უნაღდო ხარჯვის ზრდა სტაბილურია და 29% შეადგინა 2021 წელთან შედარებით.
პირად ჰიგიენაზე უნაღდო ხარჯვა 50%-ით გაიზარდა 2021 წელთან შედარებით. მანქანის შეკეთებაზე უნაღდო დანახარჯების ზრდამ 29% შეადგინა წ/წ. საწვავსა და ტრანსპორტზე უნაღდო დანახარჯების ზრდამ უმნიშვნელოდ დაიკლო და 23%-ს გაუტოლდა 2021 წელთან შედარებით.“, — აღნიშნულია მიმოხილვაში.