იპოთეკარები მთავრობისგან დაპირების შესრულებას ითხოვენ

იპოთეკარები მთავრობისგან დაპირების შესრულებას ითხოვენ

person access_time2016-04-07 16:48:55

იპოთეკარები მთავრობისგან დანაპირების შესრულებას და მათი პრობლემების მოგვარებას მოითხოვენ.


გუშინ პრემიერ მინისტრთან შეხვედრის მოთხოვნით აქცია გაიმართ. როგორც თავად ამბობენ, მომზადებული აქვთ კანონპროექტი, რომელიც მათი გადმოსახედიდან სამართლიანად დაარეგულირებს იმ სიტუაციას, რომელშიც დღეს არიან. მიიღეს თუ არა პასუხი პრემიერისგან, აპირებს თუ არა და როდის  გიორგი კვირიკაშვილი შეხვდეს იპოთეკარებს. გადაცემა „ბიზნესკონტაქტის“ ეთერში აქციის ორგანიზატორმა ალექსანდრე კობაიძემ ისაუბრა. 


- რას ითხოვთ კონკრეტულად და რატომ აირჩიეთ აქციის ფორმა სათქმელის გადმოსაცემად? 


- გუშინ გავმართეთ აქცია და ვითხოვდით პრემიერთან შეხვედრას. მთავრობის ამდნისტრაციისგან მივიღეთ შემოთავაზება, რომ სანამ კვირიკაშვილი შეგვხდებოდა, ერთხელ კიდევ გავივლიდით ადმინისტრაციასთან აღნიშნულ საკითხს და შემდეგ აუცილებლად შეგვხვდებოდა პრემიერი. დავთანხმდით ამ შემოთავაზებას, ვინაიდან მიგვაჩნია, რომ მთავარია არსებობს მზაობა, რომ აღმასრულებელი ხელისუფლება რეალურად დაინტერსდეს აღნიშნული საკითხით. წინა წლის დეკემბერში პარლამენტმა მიიღო ძალიან კარგი კანონპროექტი, კონკრეტულად ეს ეხება 747 ბრძანებას, სადაც პოლიციის შესახებ აკნონში შევიდა ცვლილებები და ასევე გაუქმდა ის ბრძანება, რომელიც აბსოლუტურად უდიერად ეპყრობოდა მევალეებს. აქედან გამომდინარე ძალიან კარგია და მისასალმებელია მსგავსი ტიპის ნაბიჯი რომ გადაიდგა, თუმცა ამან ძალიან დიდი წინააღმდეგობა ჰპოვა. ბანკები და კერძო საფინანსო სექტორი ცდილობდა, რომ 747 ბრძანება დარჩენილიყო, თუმცა ჩვენი და საზოგადოების აქტიურობით და ტელევიზიის მეშვეობით ხალხმა გაიმარჯვა და და კაპიტალისტები აღმოჩნდნენ დამარცხებულები. ვფიქრობ, რომ რაციონალური გადაწყვეტილება იქნა მიღებული, ვინაიდან ადამიანის სიცოცხლე არ უნდა გადაწონოს ნივთიერმა კეთილდღეობამ. 


– როდესაც თქვენ ბანკიდან იღებდით ვალს, მაშინ ეს თანხა სასიცოხლოდ გჭირდებოდათ? 


- მოგეხსენებათ თუ რატომ იღებდნენ იპოთეკის უზრუნველყოფით ადამიანები სესხებს. ძირითადად იმიტომ, რომ იჭერდნენ პირადად მას, მის ნათესავებს, უკანონოდ აპატიმრებდნენ მის საახლობლოს. აქედან გამომდინარე ხდებოდა იპოთეკით იძულებით დატვირთვა და ძალიან ბევრი ადამიანი აღმოჩნდა მსხვერპლი. ძალიან სწორი გამოსავალი მოიძებნა როდესაც ახლა მხოლოდ სასამართლო განჩინების საფუძველზე იქნება შესაძლებელი გამოსახლება. იმიტომ არის კარგი, რომ რეალურად მიეცათ ადამიანებს იმის შანსი და შესაძლებლობა, რომ ცოტა დრო მოიგონ იმისთვის, რომ შეძლონ აღნიშნული პრობლემის მოგვარება. 



- თუ სწორად გავიგე, თქვენ ითხოვთ შეღავათების დაწესებას არა ზოგადად ყველა იპოთეკარისთვის. არამედ მხოლოდ მათთვის, ვინც სასამართლო ფორმით ან რაიმე გზით დაამტკიცდებდა, რომ მათ ფაქტობრივად არ სჭირდებოდათ თანხა, მაგრამ ზეწოლის გავლენით მოუხდათ აღება? 


- რა თქმა უნდა ეს ასე არ არის. ვისაც აღნიშნული პრობლემა აწუხებს, არ აქვს მნიშვნელობა ციხისთვის ჭირდებოდა თუ ავადმყოფისთვის თუ ბიზნესის გასაფართოებლად და შემდეგ აღმოჩნდა ფინანსურ კოლაფსში. არსებითად ამას ჩვენთვის მნიშვნელობა არ აქვს. მთავარია, რომ სახელმწიფო ზრუნავდეს თავის მოქალაქეზე. ძალიან კარგი პრეცედენტი შეიქმნა აჭარის აღმასრულებელ ხელისუფლებაში, როდესაც ის გარანტად უდგება მიკროსაფინანსოებს, ბანკებს და რეალურად პრეცედენტი არის ისეთი, რომელიც ვფიქრობთ სხვა რეგიონებშიც უნდა დამკვიდრდეს. ამაში ვგულისხმობთ, რომ თუ ბინა აუქციონის გზით იქნა გაყიდული, სახელმწიფო შუამავლობს ბანკთან, რომ ისევ ის გამოსახლებული პიროვნება შესახლდეს და გრძელვადიანი სესხი კვლავ მიეცეს თავისი ბინის გამოსასყიდად. 


- თქვენ, როგორც ბანკიდან მსესხებელს არანაირი პასუხისმგებლობა არ უნდა გეკისრებოდეთ, რომ თუ ფულს ვალად აიღებთ, ამ ფულის დაბრუნებაც უნდა შეძლოთ? 


- ესე ცალსახად არ შეიძლება აღნიშნული კითხვის განხილვა, ვინაიდან ორ სუბიექტს შორის დგება აღნიშნული სესხის გაფორმება. აქ მნიშვნელოვანია, რომ მე იძულებული ვარ ამ გარიგებაზე წავიდე, ვინაიდან და რადგანაც ასეთი საპროცენტო განაკვეთია ჩვენს ქვეყანაში. ანუ მე იძულებითი წესით ვიღებ. მე თუ ამ გარიგებაზე არ წავალ, უფრო მძიმე მდგომარეობაში აღმოვჩნდები. ხშირ შემთხვევაში ჩვენი თანამოქალაქეები ამ რისკს სათანადოდ ვერ აფასებენ. გეთანხმებით, რომ ეს რისკი ჩვენს კისერზეა, თუმცა აუცილებელია კრედიტორმაც შეაფასოს სათანადოდ.


 - რას ითვალისწინებს თქვენს მიერ მომზადებული კანონპროექტი?


 - ჩვენთვის მთავარი ამოცანა არის, რომ მოხდეს ინდივიდუალურად საქმეების შესწავლა, რომელზეც ჩვენ ვსაუბრობთ. შესაბამისად სახელმწიფო იყოს გარანტი ბანკებთან და მიკრო საფინანსოებთან, რომ მოგვეცეს გრძელვადიანი სესხის აღების საშუალება.

 

- რომ არა ქართული ოცნების დაპირება, რომ რაღაც ფორმით ამ პრობლემის დარეგულირება შესაძლებელი იყო, თქვენ მაინც ასე აქტიურად მოითხოვდით პრობლემის მოგვარებას? 


- აქტიურად ვითხოვდით წინა და დღევანდელი ხელისუფლების დროსაც. ეს არ არის ისეთი პრობლემა, რომ სახელმწიფომ ვერ მოაგვაროს. დაახლოებით 900 ადამიანია, რომელსაც მსგავსი ტიპის პრობლემა აქვს. 900 ადამიანიდან ზოგს არ აქვს კრიტიკული მდგომარეობა, სწორედ ამიტომ ვამბობთ, რომ ინდივიდუალურად მოხდეს პრობლემის განხილვა. სახელმწიფო პოპულისტურად კი არ უნდა მიუდგეს მსგავსი ტიპის პრობლემას, არამედ რეალურად მოხდეს ყველაფრის ინდივიდუალურად შესწავლა და შემდეგ მოხდეს ასევე ინდივიდუალურად გადაწყვეტა.




თენგიზ აბლოთიას პერსონალური ბლოგი - შემაშფოთებელი ამბები მოდის „სატრანზიტო ფრონტის ხაზიდან“

თენგიზ აბლოთიას პერსონალური ბლოგი - შემაშფოთებელი ამბები მოდის „სატრანზიტო ფრონტის ხაზიდან“
access_time2019-05-24 18:30:20
შემაშფოთებელი ამბები მოდის „სატრანზიტო ფრონტის ხაზიდან“. იქ, სადაც აქამდე გვეგონა, რომ ყველაფერი წესრიგშია, აღმოჩნდა, რომ თურმე ეს წესრიგიც და გარეგნული სიმშვიდეც მოჩვენებითია. საქართველოსთვის ახალი სახელმწიფოებრივი ფუნქციის - ევროპას და აზიას შორის ხიდის როლის  შეძენას - წინააღმდეგობები შეხვდა იქ, სადაც ყველაზე ნაკლებად იყო მოსალოდნელი. პირველი პრობლემაა - ანაკლიას პორტი. ცუდია ჩვენს დროში პესიმიზმი - ნახევრად სავსე ჭიქა ყოველთვის...

BBC - როგორ იმუშავებს და რა რისკებს შეიცავს Facebook-ის ახალი კრიპტოვალუტა

 BBC - როგორ იმუშავებს და რა რისკებს შეიცავს Facebook-ის ახალი კრიპტოვალუტა
access_time2019-05-24 19:30:19
სოციალური ქსელების გიგანტს წლის ბოლოს საკუთარი კრიპტოვალუტის ტესტირება სურს, რომელსაც კომპანიაში „გლობალკოინს“ უწოდებენ. Facebook-ი საკუთარი კრიპტოვალუტის - “გლობალკოინის” გამოცემას 2020 წლიდან გეგმავს. ამ წლის პირველ კვარტალში ათობით ქვეყანაში  ციფრული გადახდის სისტემის დანერგვა იგეგმება.  Facebook-ი ზაფხულის პერიოდში გეგმის დეტალურ მონახაზს დაასრულებს.  ამასთან დაკავშირებით უკვე შედგა საუბარი ინგლისის ბანკის მმართველთან, ...

არა მხოლოდ ბრექსიტი: რითი დაიმახსოვრა მსოფლიომ ტერეზა მეი?

არა მხოლოდ ბრექსიტი: რითი დაიმახსოვრა მსოფლიომ ტერეზა მეი?
access_time2019-05-24 20:00:48
ბრიტანეთის პრემიერ-მინისტრმა ტერეზა მეიმ განაცხადა, რომ 7 ივნისს ის დატოვებს თავის პოსტს. რით დაამახსოვრა თავი მსოფლიოს ბრიტანეთის ისტორიაში მე-2 ქალმა პრემიერ- მინისტრმა? პირველ რიგში, რა თქმა უნდა, ევროკავშირიდან ბრიტანეთის გასვლასთან დაკავშირებული დრამატული მოვლენებით, თუმცა მის კარიერაში კიდევ ბევრი რამ იყო საინტერესო. 90-ნი წლების დასაწყისში ის იყო ლონდონის ერთ-ერთი რაიონის საბჭოს დეპუტატი, დიდ პოლიტიკაში...

“ქართული ოცნების“ დეპუტატები ჭიათურის მოვლენებზე პირად პასუხისმგებლობას ვერ გრძნობენ - მეტიც, უმრავლესობას ინფორმაცია მხოლოდ მედიისგან აქვს

“ქართული ოცნების“ დეპუტატები ჭიათურის მოვლენებზე პირად პასუხისმგებლობას ვერ გრძნობენ - მეტიც, უმრავლესობას ინფორმაცია მხოლოდ მედიისგან აქვს
access_time2019-05-24 16:00:07
ჭიათურაში გაფიცული მაღაროელების პროტესტმა უკიდურესი ფორმა მიიღო, პროტესტის მერვე დღეს სამმა მოშიმშილემ პირი ამოიკერა. შპს “ჯორჯიან მანგანეზის” სამთო გამამდიდრებელ კომბინატში დასაქმებულები ხელფასის მატებას და სამუშაო პირობების გაუმჯობესებას ითხოვენ. დღესვე მაღაროელებმა მთავრობას მიმართეს და მოსახლეობის პრობლემებით დაინტერესებისკენ მოუწოდეს. — რატომ არ რეაგირებენ და რატომ ახსენდებათ მოქალაქეები მმართველი გუნდის...

სტარტაპერები ბახტაძის ახალ ინიციატივაზე - “სუბსიდირებაზე გაცილებით მნიშვნელოვანი შესაბამისი ეკონომიკური და სამართლებრივი გარემოა“

სტარტაპერები ბახტაძის ახალ ინიციატივაზე - “სუბსიდირებაზე გაცილებით მნიშვნელოვანი  შესაბამისი ეკონომიკური და სამართლებრივი გარემოა“
access_time2019-05-24 15:00:47
“ჩვენთვის ადამიანური კაპიტალის განვითარება არის პირდაპირ კავშირში ახალგაზრდულ ეკონომიკასთან. სწორედ ახალგაზრდების ენერგია, მათი ხედვა და ინოვაციური მიდგომა უნდა გახდეს ჩვენი ეკონომიკის განვითარების ლოკომოტივი“, - ამ სიტყვებით დააანონსა საქართველოს პრემიერ მინისტრმა მამუკა ბახტაძემ ინოვაციური პროექტების დააფინანსებს ახალი პროგრამა. პრემიერმა საქართველოს ინოვაციებისა და ტექნოლოგიების სააგენტოში ახალგაზრდა...


მსგავსი სიახლეები

up