იოსებ არჩვაძე: გაზრდილ ტარიფებს ვერ იგრძნობენ ის აბონენტები, რომელთაც თვეში დანახარჯი 300 კილოვატამდე ექნებათ, ასეთები კი ოჯახების 9/10-ზე ბევრად მეტია

იოსებ არჩვაძე: გაზრდილ ტარიფებს ვერ იგრძნობენ ის აბონენტები, რომელთაც თვეში დანახარჯი 300 კილოვატამდე ექნებათ, ასეთები კი ოჯახების 9/10-ზე ბევრად მეტია

access_time2020-12-29 21:14:09

ფასების ზრდა მომხმარებლებში ყოველთვის ნეგატიურად აღიქმება, თუმცა თუ ის ლეგიტიმურად, ხელისუფლების ან მარეგულირებელი ორგანოების მიერ ხორციელდება, ძალიან გავს ორგანიზმში იმ ქირურგიულ ჩარევას, რომელიც მხოლოდ უკიდურესი აუცილებლობითაა გამოწვეული და მიზნად პაციენტის სიცოცხლის და ქმედუნარიანობის შენარჩუნებას ისახავს. ყურადღებით ვადევნებდი თვალს სემეკის სხდომას, მოტანილ არგუმენტებს და შეიძლება ითქვას, რომ შემოთავაზებული სამომხმარებლო ტარიფის ზრდა (მოსახლეობისათვის 3.5 თეთრით, ხოლო ბიზნესისათვის - 11-14 თეთრით ყოველ მოხმარებულ კილოვატსაათ ელექტროენერგიაზე) ის მინიმალური მიჯნაა, რომელიც აუცილებელია ენერგოკომპანიების საქმიანობის უზრუნველსაყოფად და ქვეყნის ენერგეტიკის სფეროში ინვესტორთა დაინტერესების მინიმალურ დონეზე შენარჩუნებისათვის, - განაცხადა ეკონომიკის ექსპერტმა იოსებ არჩვაძემ.



სემეკის გადაწყვეტილების კომენტირებისას, ექსპერტმა მთავრობის გადაწყვეტილება ტარიფების ნამატის სუბსიდირების შესახებ დადებითად შეაფასა.



„აღსანიშნავია, რომ გაზრდილ ტარიფებს 2021 წლის განმავლობაში ვერ იგრძნობენ ის აბონენტები, რომელთა დენის საშუალო თვიური მოხმარება 300 კილოვატამდე იქნება (ასეთები კი ოჯახების 9/10-ზე ბევრად მეტია). გაზრდილი ხარჯების სუბსიდირებას სახელმწიფო იღებს თავის თავზე. როგორც პრემიერ მინისტრმა გიორგი გახარიამ განაცხადა, სხვაობას ელექტროენერგიის დღევანდელ ტარიფსა და გაზრდილ ტარიფს შორის სრულად დაიფარება.



წელზე გაანგარიშებით ეს თითოეულ ოჯახზე 50 ლარზე მეტია, რაც მათ დაეხმარებათ საკუთარი ძალისხმევა და შემოსავლები მიმართონ სხვა გამოწვევებთან გასამკლავებლად. ამავე დროს, ქვეყანაში ბიზნესის მხარდაჭერის მიზნით, სახელმწიფო დაფარავს აღნიშნული სექტორისათვის ძველსა და ახალ ტარიფებს შორის სხვაობის ნახევარს“, - განაცხადა ექსპერტმა.



იოსებ არჩვაძის განცხადებით, ენერგეტიკა ქვეყნის ეკონომიკის უმნიშვნელოვანესი კომპონენტია და მისი დინამიური და მდგრადი განვითარება, მოსახლეობის კეთილდღეობის ამაღლება, აღნიშნული სექტორის დაჩქარებულ განვითარებაზე გადის.




„ენერგოსექტორი, კაპიტალური დანახარჯების მიხედვით, ერთ-ერთი ყველაზე იმპორტდამოკიდებული სფეროა. 2017 წლის დეკემბრიდან დღემდე კი ლარი დოლართან და ევროსთან, ¼-ით და მეტად დაეცა, რის გამოც ამჟამინდელი, გაზრდილი ტარიფი აშშ დოლარში/ევროში, 2017 წელთან შედარებით, მაინც გაცილებით იაფი გამოდის. ამასთან, გაიზარდა ფასები ყველა იმპორტირებულ საქონელზე - ტექნიკაზე, აგრეგატებზე, მაკომპლექტებელ ინვენტარზე, რის გამოც 3 წლის წინ დამტკიცებული ტარიფი ვეღარ ანაზღაურებდა გაზრდილ ხარჯებს. შესაბამისად, დარგი ფინანსურ კრიზისში იყო შესული და არსებული მდგომარეობის გაგრძელების შემთხვევაში რისკის ქვეშ დადგებოდა ელექტრომომარაგების საკითხი, რაც საბოლოო ჯამში, გამოიწვევდა სექტორის რეალურ კოლაფსს, რის ნეგატიური შედეგების მთელი მასშტაბურობა, „1990-იანი წლებგამოვლილი“ მომხმარებლისათვის ადვილად წარმოსადგენი უნდა იყოს,“ - აღნიშნა ექსპერტმა.



იოსებ არჩვაძის ინფორმაციით, მეზობელ თუ არამეზობელ ქვეყნების უმრავლესობასთან საქართველოს განსხვავება დენის ტარიფით დაახლოებით 1.5-2.0-ჯერ უფრო მეტია, ვიდრე ეკონომიკური განვითარების დონით. ასე მაგალითად, მშპ-ის წარმოებით მოსახლეობის ერთ სულზე ევროკავშირი საქართველოს უსწრებს 2.9-ჯერ, დენის ტარიფით კი - 4.3-ჯერ, დანია (ევროკავშირში დენის ყველაზე მაღალი ტარიფის მქონე ქვეყანა), შესაბამისად - 3.8-ჯერ და 5.8-ჯერ; ჩვენი სამხრეთელი მეზობელი თურქეთი, შესაბამისად, 1.9-ჯერ და 2.1-ჯერ. თვით კოსოვოშიც კი, სადაც ცხოვრების დონე საქართველოზე თითქმის 30 პროცენტით დაბალია, დენის ტარიფი ჩვენთან შედარებით 22 პროცენტით უფრო მაღალია.



„დენის მომატებული ტარიფითაც კი საქართველო საშუალო ევროპულ დონეს მხოლოდ უმნიშვნელოდ მიუახლოვდება და ამჟამინდელი 23 პროცენტის ნაცვლად დაახლოებით 25-26 პროცენტი იქნება. აღნიშნულის გათვალისწინებით, იმედს ვიტოვებ, რომ სემეკი კიდევ უფრო კატეგორიული იქნება ენერგოკომპანიების საქმიანობისა და მომსახურების ხარისხის გაუმჯობესების კონტროლში, ენერგეტიკული სექტორისა და მთელი საზოგადოების ინტერესების სამართლიანი დაბალანსების უზრუნველყოფაში“, - განაცხადა იოსებ არჩვაძემ.



სემეკ-ის გადაწყვეტილებით, საყოფაცხოვრებო ტარიფი, (დღგ-ს ჩათვლით) 3.5 თეთრით იზრდება. თბილისის მოსახლეობისა და კომერციული სექტორისთვის ელექტროენერგიის გაძვირებული ტარიფი პირველი იანვრიდან ამოქმედდება და ელექტროენერგიის განაწილების ტარიფი ძალაში 2025 წლის ბოლომდე იქნება.​​ ამასთან, საქართველოს ენერგეტიკისა და წყალმომარაგების კომისიამ თბილისში სასმელი წყლის ტარიფის ზრდას მხარი დაუჭირა. ახალი ტარიფი 2021 წლის პირველი იანვრიდან შევა ძალაში და 2023 წლის ჩათვლით იმოქმედებს.



ამასთან, სემეკის გადაწყვეტილებით, თბილისში წყლის ტარიფი ბოლოს 2017 წელს გაიზარდა.



imedinews.ge







მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა

მანჰეტენის ისტორიაში უდიდესი თაღლითური სქემის ავტორი ბერნარდ მედოფი გარდაიცვალა
access_time2021-04-14 19:45:54
უმსხვილესი საინვესტიციო კონსულტანტი მანჰეტენის ისტორიაში ბერნარდ მედოფი 82 წლის ასაკში გარდაიცვალა. მედოფი ცნობილია იმით, რომ ის კლიენტებს ინვესტირებისას კოლოსალურ შემოსავლებს ჰპირდებოდა  და ამასობაში მათ ჯამში 19 მილიარდი  დოლარი გამოსტყუა „პონცის“ თაღლითური სქემის მეშვეობით.   მისი გარდაცვალება  „ სავარაუდოდ ბუნებრივი მიზეზებითაა გამოწვეული“ - ნათქვამია ოფიციალურ განცხადებაში. მედოფის საცხოვრებელი 2009 წლიდან ბატნერის ფედერალური კოლონია იყო. მან ნაადრევი...

14 აპრილი - რეგიონში ქართული ლარი და სომხური დრამი გაუფასურდა

14 აპრილი - რეგიონში ქართული ლარი და სომხური დრამი გაუფასურდა
access_time2021-04-14 18:00:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 აპრილის ვაჭრობის შედეგად (რომლის ოფიციალური კურსი 15 აპრილისთვისაა) ეროვნული...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-04-14 21:00:38
დღის TOP 10 საინტერესო ამბავი:   1. ცვლილება კანონში, რომელმაც მედიკამენტებზე ხელმისაწვდომობა შეზღუდა და ფასები გაზარდა კითხვას, რატომ ძვირდება წამალი საქართველოში „კომერსანტი“ კიდევ ერთხელ დასვამს, პასუხს კი ამავე პარლამენტის ჯანმრთელობის დაცვისა და სოციალურ საკითხთა კომიტეტის უკვე ყოფილი წევრი ლევან კობერიძე...

მსოფლიოს ყველაზე მდიდარი IТ-მეწარმეები - Forbes-ის ტოპ-10

მსოფლიოს ყველაზე მდიდარი IТ-მეწარმეები - Forbes-ის ტოპ-10
access_time2021-04-14 20:25:28
პანდემიური ჩამოშლის შემდეგ ბაზრების სწრაფმა აღდგენამ რეკოდრულ ტემპებს მიაღწია. თუმცა, ეკონომიკის ვერც ერთი დარგი აღდგენის ისეთი სისწრაფით ვერ დაიკვეხნის, როგორც მაღალი ტექნოლოგიები.   IТ-მეწარმეთა ჯამური კაპიტალი  2,5 ტრლნ. დოლარს შეადგენს, რაც 80%-ით მეტია, ვიდრე 2020 წელს, როდესაც ამ მაჩვენებელმა 1,4 ტრლნ. შეადგინა.   2020 წელს Forbes-მა მაღალ ტექნოლოგიებზე გამდიდრებული 241 მილიარდერი დაითვალა, 2021-ში კი - 365. ამ კუთხით ეს...

კარტოფილის ფასმა საქართველოში ისტორიულ მინიმუმს მიაღწია

კარტოფილის ფასმა საქართველოში ისტორიულ მინიმუმს  მიაღწია
access_time2021-04-14 19:00:57
საიტი EastFruit-ი ამ სეზონში საქართველოს კარტოფილის ბაზარზე შექმნილ ვითარებას აანალიზებს და ყურადღებას რამდენიმე გარემოებაზე ამახვილებს - კერძოდ, ბაზარზე ახალი კარტოფილი სათბურებიდან უკვე გამოჩნდა, ფასები კარტოფილზე წინა წელთან შედარებით მნიშვნელოვნად დაბალია, მარაგები საკმაოდ დიდია, ხოლო იმპორტი 2020 წლის მაჩვენებელს აღემატება.   საიტის ექსპერტების აზრით, 2021 წელი კარტოფილზე მომუშავე ქართველი ფერმერებისთვის ნაკლებად მომგებიანი...


მსგავსი სიახლეები

up