იოსებ არჩვაძე: ბიზნეს-სექტორის მაღალი ტემპებით ზრდა მიღწეულია ქვეყანაში სამეწარმეო და ბიზნეს-გარემოს თანმიმდევრული გაუმჯობესებითა და ხელისუფლების სოციალურ-ეკონომიკური პოლიტიკით

იოსებ არჩვაძე: ბიზნეს-სექტორის მაღალი ტემპებით ზრდა მიღწეულია ქვეყანაში სამეწარმეო და ბიზნეს-გარემოს თანმიმდევრული გაუმჯობესებითა და ხელისუფლების სოციალურ-ეკონომიკური პოლიტიკით

access_time2021-12-03 14:55:43

“საქართველოს ეკონომიკის ზრდა განპირობებულია, ძირითადად, კერძო სექტორის, ბიზნეს-სექტორის დამაჯერებელი, დინამიური განვითარებით, რომელზეც მოდის ქვეყნის ეროვნული პროდუქტის თითქმის 3/4. 2021 წლის მესამე კვარტალში ბიზნეს-სექტორის ბრუნვა წინა წლის შესაბამის პერიოდთან შედარებით გაიზარდა 38.5 პროცენტით, ხოლო პანდემიამდელ, 2019 წლის მესამე კვარტალთან შედარებით - 39.4 პროცენტით და 40.5 მლრდ. ლარი შეადგინა,” – ასე გამოეხმაურა ეკონომიკის ექსპერტი იოსებ არჩვაძე საქართველოს ბიზნეს სექტორის სტატისტიკას 2021 წლის მესამე კვარტლისთვის.



სოციალურ ქსელში გამოქვეყნებულ პოსტში იოსებ არჩვაძე განაცხადა, რომ ბიზნეს-სექტორის გამოშვება წინა წლის მესამე კვარტალთან შედარებით გაიზარდა 29.0 პროცენტით, ხოლო 2019 წლის შესაბამის პერიოდთან შედარებით - 17.7 პროცენტით. რეალურ განზომილებაში (ფასების ფაქტორის გამორიცხვით) გასულ წელთან შედარებით ბიზნეს-სექტორის ბრუნვის ზრდამ 23 პროცენტი, ხოლო ბიზნეს-გამოშვების ზრდამ - თითქმის 15 პროცენტი შეადგინა. მისი თქმით, წლის მესამე კვარტალში წინა წლის შესაბამის პერიოდთან შედარებით ყოველთვიურად ბიზნეს-სექტორის ბრუნვა საქართველოს მოსახლეობის ყოველ ერთ სულზე გაანგარიშებით, ათასი ლარით, ხოლო გამოშვება - 300 ლარით მეტი იყო.



იოსებ არჩვაძის ინფორმაციით, ბიზნეს-სექტორის ბრუნვა და გამოშვება გაიზარდა ეკონომიკური საქმიანობის ფაქტობრივად ყველა სფეროში. ამასთან, სამუშაო ადგილების რაოდენობამ მოიმატა 5.0%-ით (32.5 ათასით) და 678.0 ათასი შეადგინა. ამჟამად ბიზნეს-სექტორზე მოდის ეროვნულ მეურნეობაში დასაქმებულთა 52.9% - 2.0 პუნქტით მეტი გასული წლის ანალოგიურ მაჩვენებელთან შედარებით. გასულ წელთან შედარებით ეროვნულ მეურნეობაში დასაქმებულთა რიცხოვნობის მატება მთლიანად მიღწეულია ბიზნეს-სექტორში დასაქმების ზრდის ხარჯზე. მისი თქმით, საშუალო ხელფასი ბიზნეს-სექტორში 1455.5 ლარია, რაც ეროვნული მეურნეობის დანარჩენ დარგების მაჩვენებელს დაახლოებით 17%-ით აღემატება.




„ბიზნეს-სექტორის წარმატებული განვითარება ადეკვატურად აისახება ქვეყნის ეროვნულ მეურნეობაში მისი შეტანილი წვლილის ზრდასა და ადგილობრივი ექსპორტის საერთაშორისო ბაზრებზე ექსპანსიაში. 2021 წლის მესამე კვარტალში ადგილობრივი ექსპორტის თანაფარდობამ ბიზნეს-სექტორის გამოშვებასთან 17.2% შეადგინა, რაც, მიუხედავად ეროვნული ვალუტის რამდენადმე გაუფასურებისა, აღემატებოდა გასული წლის ანალოგიურ მაჩვენებელს,“ - აღნიშნა იოსებ არჩვაძემ.



ეკონომიკის ექსპერტის შეფასებით, ბიზნეს-სექტორის აღნიშნული მაღალი ტემპებით ზრდა, მისი როლისა და წონის მატება ეროვნული ეკონომიკის განვითარებაში, სამუშაო ადგილების შექმნასა და დასაქმებულთა მზარდ ანაზღაურებაში მიღწეულია ქვეყანაში სამეწარმეო და ბიზნეს-გარემოს თანმიმდევრული გაუმჯობესებით, ხელისუფლების სოციალურ-ეკონომიკური პოლიტიკით, მათ შორის ბიზნესის სფეროში დასაქმებულთა სამეწარმეო უნარ-ჩვევების განვითარების და ინოვაციების წახალისების მიმართულებით, მთლიანობაში, ბიზნესის მხარდამჭერი, ამ უკანასკნელის კონკურენტუნარიანობის ამაღლებისაკენ მიმართული კომპლექსური და თანმიმდევრული ღონისძიებების გატარებით.







ომის ზღვარზე - რუსეთი უკრაინის საზღვართან ჯავშანტექნიკის რაოდენობას ზრდის

ომის ზღვარზე - რუსეთი უკრაინის საზღვართან ჯავშანტექნიკის რაოდენობას ზრდის
access_time2022-01-20 19:00:25
რუსეთის მხრიდან უკრაინაზე თავდასხმის ალბათობა ამ დრომდე ნარჩუნდება. მძიმე ტექნიკა და 100 ათასზე მეტი ჯარისკაცი მოსკოვს მეზობელი ქვეყნის საზღვრიდან არ გაჰყავს და კონტიგენტს თითქმის ყოველდღე ცოცხალი ძალითა თუ ჯავშანტექნიკის დამატებითი ერთეულებით ავსებს. დასავლეთი პუტინს სანქციებით ემუქრება, წარსულის გამოცდილება აჩვენებს, რომ კრემლში სანქციების არ ეშინიათ, თუმცა სანქციებსაც გააჩნია, ერთია ალუმინის მომპოვებელი საწარმოს მეწილისთვის ვიზის არ მიცემა და მეორე საერთაშორისო საბანკო გადარიცხვების...

20 იანვარი - ლარის კურსი უმეტეს ვალუტასთან მიმართებით გამყარდა

20 იანვარი - ლარის კურსი უმეტეს ვალუტასთან მიმართებით გამყარდა
access_time2022-01-20 18:00:08
20 იანვრის ვაჭრობის შედეგად ლარი აშშ დოლართან მიმართებაში 0.15 თეთრით 3.0825- მდე გამყარდა. Bloomberg-ის პლატფორმაზე დღის ბოლოს კურსმა 3.0800 შეადგინა. საერთაშორისო ვალუტებიდან ლარი ევროსთან 1.50 თეთრით 3.4980-მდე, ბრიტანულ ფუნტთან 0.02 თეთრით 4.1990 -მდე, 1000 სომხურ დრამთან კი 1.36 თეთრით 6.3946-მდე, 100 რუსულ რუბლთან 0.66 თეთრით 4.0305-მდე, აზერბაიჯანულ მანათთან 0.08 თეთრით 1.8160-მდე გამყარდა.  თურქულ ლირასთან 0.14 თეთრით 0.2293-მდე...

დღის TOP10 საინტერესო ამბავი

დღის TOP10 საინტერესო ამბავი
access_time2022-01-20 21:00:32
დღის TOP10 საინტერესო ამბავი:     1. თბილისი - 190 მლნ ლარი, ბათუმი - 105 მლნ ლარი, ქუთაისი - 30 მლნ ლარი - მუნიციპალიტეტების ინფრასტრუქტურული გეგმები საქართველოს მთავრობამ 2022 წლის სახელმწიფო ბიუჯეტის გადამუშავებული ვერსია წარადგინა. ბიუჯეტის განახლებული ვერსია ხარჯების ზრდას...

„აირზენას“ შეძენით ჩინური და არაბული კომპანიები არიან დაინტერესებული

„აირზენას“ შეძენით ჩინური და არაბული კომპანიები არიან დაინტერესებული
access_time2022-01-20 20:00:00
„საქართველოს ეროვნული ავიაკომპანიის „აირზენას“ შესაძენად უკვე არის დაინტერესება ჩინური და არაბული კომპანიის მხრიდან“. ამის შესახებ „ჯორჯიან ეარვეისის“ ყოფილმა დირექტორმა, „საქართველოს ბიზნეს ბროკერიჯის“ დამფუძნებელმა რომან ბოკერიამ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, ხელშეკრულებით არაბული კომპანიის დასახელება არ შეუძლია, რაც შეეხება ჩინურ მხარეს, ბოკერიას თქმით, „აირზენას“ შეძენით დაინტერესებულია სინჩუანის პროვინციის...

ქეთევან დედოფლის გამზირი იკეტება - სრული რეაბილიტაცია დაიწყო

ქეთევან დედოფლის გამზირი იკეტება - სრული რეაბილიტაცია დაიწყო
access_time2022-01-20 14:55:00
ისნის რაიონში, ქეთევან დედოფლის გამზირის სრული რეაბილიტაცია დაიწყო, - ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე ისაუბრა. ინფორმაციას თბილისის მერიის პრესსამსახური ავრცელებს. როგორც დედაქალაქის მერმა აღნიშნა, ინფრასტრუქტურული სამუშაოები რამდენიმე ეტაპად წარიმართება, პირველ ეტაპზე კი ქეთევან დედოფლის გამზირზე მიწისქვეშა კომუნიკაციები განახლდება. „ვიწყებთ ქეთევან დედოფლის გამზირის სრულ რეაბილიტაციას. ინფრასტრუქტურული პროექტი...


მსგავსი სიახლეები

up