„ინვესტირება ტრადიციულ ენერგეტიკაში სწორი გადაწყვეტილებაა“ - უორენ ბაფეტი

„ინვესტირება ტრადიციულ ენერგეტიკაში სწორი გადაწყვეტილებაა“ - უორენ ბაფეტი

access_time2021-05-06 20:00:11

ამ დღეებში ფინანსური კონგლომერატის Berkshire Hathaway-ს აქციონერების კრება  ჩატარდა, რომლის დროსაც ინვესტორებს კომპანიის დამაარსებელმა და მსოფლიოში ერთ-ერთმა ყველაზე ცნობილმა ფინანსისტმა უორენ ბაფეტმა მიმართა.

 

კონგლომერატის არსებობის ისტორიაში ეს პირველი ონლაინ კრება იყო. როგორც წესი ამ ტიპის შეხვედრები Berkshire Hathaway-ს ცენტრალურ ოფისში, შტატ ნებრასკას ქალაქ ომახაში ტარდება.

 

ბაფეტმა შეკრებილებს წარუდგინა 20 უმსხვილესი კომპანიის სია, რომლის პირველ ათეულში  Apple, Saudi Aramco, Microsoft, Amazon, Alphabet და Facebook იყვნენ. მილიარდერმა საკითხი დააყენა  - რამდენი ამერიკული ტექნოლოგიური გიგანტი დარჩება ლიდერებს შორის 30 წლის შემდეგაც?

 

ამის შემდეგ მან აქციონერებს მეორე სია წარუდგინა - 1989 წლის უმსხვილესი კომპანიების რეიტინგი, სადაც ძირითადად იაპონური ჰოლდინგები შედიოდნენ. ამერიკიდან სიაში მხოლოდ  Exxon, General Electric, Merck, IBM, American Tel & Tel და  Philip Morris იყვნენ. ბაფეტის თქმით, 1989 წლის 20 ლიდერ-კომპანიებს შორის დღევანდელ რეიტინგში არც ერთი არ მოხვდა.

 

„მსოფლიო შესაძლოა ძალიან დრამატულად შეიცვალოს, ამიტომაც, ყველაზე სწორი გზაა ინდექსურ ფონდებში ინვესტირება. ინვესტორი, რომელიც აქციების დამოუკიდებელ შერჩევას არ დაიწყებს და უბრალოდ  ინდექს S&P 500-ს იყიდის, ყველა შემთხვევაში მოგებული დარჩება. ეს  ოპტიმალური ვარიანტია, რადგანაც საშუალო ადამიანს აქციების დამოუკიდებლად არჩევა არ შეუძლია“ - განაცხადა ფინანსისტმა.

 

მან ასევე Berkshire Hathaway-ს ინვესტიციები ნავთობ-გაზის დარგში გამართლებულად მიიჩნია.


 

„ნავთობი და გაზი მსოფლიოსთვის როგორც მინიმუმ რამდენიმე ათეული წლის მანძილზე საჭირო იქნება. რა თქმა უნდა, ეს ცუდია ეკოლოგიისთვის, თუმცა, დღეს მსოფლიოს სხვა არჩევანი არ გააჩნია, ამიტომაც ინვესტირება ტრადიციულ ენერგეტიკაში  სწორი გადაწყვეტილებაა“ - მიიჩნევს ბაფეტი.

 

მისი თქმით, 2020 წლის მე-3 და მე-4 კვარტლებში Berkshire Hathaway-მა დიდი რაოდენობით ნავთობკომპანიის Chevron-ის  ფასიან ქაღალდებს ყიდულობდა. ამავე დროს ბაფეტმა
Apple-ში თავისი წილი 800 მლნ. დოლარით, 5,4%-მდე შეამცირა.

 

2020 წელს  Berkshire -მ თავისი წილი შეამცირა ამერიკულ ბანკებში (Bank of America-ს გარდა). მისი თქმით, ამ გადაწყვეტილების მიზეზი შესაძლო საბანკო კრიზისი პერიოდში საბანკო სექტორის მაჩვენებლების გაუარესების რისკი გახდა. თუმცა, მას  Bank of America მოსწონს. ამ ფინანსური ინსტიტუტის წილი Berkshire Hathaway-ს პორტფელში 11,%-ს შეადგენს.


უორენ ბაფეტმა თავი შეიკავა კრიპტოვალუტების შეფასებისგან.

 

„ვიცოდი, რომ იქნებოდა შეკითხვა კრიპტოვალუტების შესახებ. ვუთხარი ჩემს თავს - ხომ ხედავ ზოგჯერ პოლიტიკოსები დასმულ კითხვებზე პასუხისგან თავს როგორ ოსტატურად არიდებენ. მეც ამჟამად ამ თემაზე საუბრისგან თავს ვიკავებ“ - განაცხადა ბაფეტმა, რომელიც, როგორც წესი, ვირტუალურ ვალუტას უკიდურესად ნეგატიურად აფასებდა და მის კომპანიას კრიპტოვალუტაში არც ერთი დოლარი არ ჩაუდია.

 

მილიარდერი ჯო ბაიდენის ინიციატივას კორპორაციული გადასახადების ზრდის თაობაზე ნეგატიურად აფასებს, თუმცა, ამას კატასტროფად არ მიიჩნევს და დარწმუნებულია,  რომ Berkshire Hathaway  ახალ რეალობასთან ადაპტირებას უპრობლემოდ შეძლებს.

 

„ჩემი კარიერის დასაწყისში კორპორაციული გადასახადი ბევრად უფრო მაღალი 50%-ზე მეტი იყო თუმცა, ამან ჩვენს განვითარებას ხელი არ შეუშალა, არც ამჟამად შეუშლის“ - დარწმუნებულია უორენ ბაფეტი.


წყარო:.cnbc.com




ომბუდსმენმა „ბოლტი“ გაფიცული კურიერების დისკრიმინაციაში დაადანაშაულა

ომბუდსმენმა „ბოლტი“ გაფიცული კურიერების დისკრიმინაციაში დაადანაშაულა
access_time2021-06-15 19:18:56
საქართველოს სახალხო დამცველმა „ბოლტის“ გაფიცული კურიერების საქმეზე დისკრიმინაცია დაადგინა და კომპანიას მიმართა რეკომენდაციით, დაუყოვნებლივ აღუდგეთ განმცხადებლებს აპლიკაციაზე წვდომა. ამის შესახებ სახალხო დამცველის მიერ 15 ივნისს გამოქვეყნებულ განცხადებაშია ნათქვამი: „2021 წლის 14 ივნისს სახალხო დამცველმა შპს „ფუდლს“ („ბოლტი“) გაფიცული კურიერების მიმართ განსხვავებული მოსაზრების გამო დისკრიმინაციის აღმოფხვრის შესახებ რეკომენდაციით მიმართა. კურიერების ინტერესებს სახალხო დამცველის...

GASTRONOME – მოგზაურობა მსოფლიოს გარშემო დელიკატესების გასაცნობად

GASTRONOME – მოგზაურობა მსოფლიოს გარშემო დელიკატესების გასაცნობად
access_time2021-06-15 21:00:27
თბილისში Gastronome-ის ოთხი მაღაზიაა. როგორც Gastronome-ის აღმასრულებელი დირექტორი თამარა ჯავახაძე ამბობს, ოთხივე ფილიალს გააზრებული სტილისტური ერთგვაროვნებაც აქვს და, იმავდროულად, თითოეულ ობიექტს ინდივიდუალური შტრიხებიც გამოარჩევს. თამარა  ჯავახაძე:   გვინდოდა, შთამბეჭდავი ექსტერიერი გვქონოდა. მოგეხსენებათ, ყურადღება მანამდე უნდა მიიქციო, სანამ მომხმარებელი შემოვა, ამიტომაც არის ასე საგულდაგულოდ დამუშავებული ფასადიც და ინტერიერიც...

15 ივნისი - რეგიონში ქართული ლარი და სომხური დრამი გამყარდა

15 ივნისი - რეგიონში ქართული ლარი და სომხური დრამი გამყარდა
access_time2021-06-15 18:00:42
15 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 10 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 15 ივნისის ვაჭრობის შედეგად ეროვნული ვალუტა აშშ დოლართან მიმართებაში გამყარდა და 3.1751 ლარი გახდა (ეს კურსი 16 ივნისს შევა ძალაში). ქართული ვალუტით ვაჭრობა Bloomberg-ზე...

უკრაინაში საგადასახადო ამნისტია გამოცხადდა

უკრაინაში საგადასახადო ამნისტია გამოცხადდა
access_time2021-06-15 17:28:55
უკრაინის უმაღლესმა რადამ მეორე, საბოლოო მოსმენით დაამტკიცა საგადასახადო ამნისტიის კანონპროექტი. კანონის თანახმად, მოქალაქეებს, რომლებიც თავს არიდებდნენ გადასახადების გადახდას, სასჯელი აღარ დაეკისრებათ, თუ თავის შემოსავლების დეკლარირებას მოახდენენ. უკრაინის პარლამენტის საიტზე განთავსებული ინფორმაციის თანახმად, საგადასახადო ამნისტია შეეხება ვალუტას, გარდა ნაღდი ფულისა, ფასიან ქაღალდებს, ასევე უკრაინასა და საზღვარგარეთ არსებულ მოძრავ და უძრავ ქონებას....

„თელმიკო“ „თელასის“ ნაცვლად - მომხმარებლის დამატებით უფლებები ელენერგიის ახალ საცალო ბაზარზე

„თელმიკო“ „თელასის“ ნაცვლად - მომხმარებლის დამატებით უფლებები ელენერგიის ახალ საცალო ბაზარზე
access_time2021-06-15 15:00:59
მთელი საქართველოს მასშტაბით, 1–ლი ივლისიდან საყოფაცხოვრებო მომხმარებლისა და მცირე  საწარმოებისთვის ელექტროენერგიის მიმწოდებელი კომპანიები იცვლება. თბილისში სს „თელასის“ ნაცვლად ელექტროენერგიის მიმწოდებელი „თბილისის ელექტრომიმწოდებელი კომპანია“   (თელმიკო) იქნება, ხოლო  რეგიონებში სს „ენერგო პრო ჯორჯიას“ ნაცვლად კომპანია „ეპ ჯორჯია მიწოდება“ იქნება. აღსანინავია, რომ არ იცვლება  სამომხმარებლო ტარიფი. საქართველოს ენერგეტიკისა და წყალმომარაგების...


მსგავსი სიახლეები

up