ინტერესთა კონფლიქტი, კვალიფიციური კადრების პრობლემა - კიდევ რა რისკებს შეიცავს აუდიტის შესახებ კანონპროექტი?

ინტერესთა კონფლიქტი, კვალიფიციური კადრების პრობლემა - კიდევ რა რისკებს შეიცავს აუდიტის შესახებ კანონპროექტი?

person access_time2016-05-27 17:00:22

 

ბუღალტრული აღრიცხვისა და ფინანსური ანგარიშგების აუდიტის შესახებ კანონპროექტთან დაკავშირებით, რომლის მიხედვითაც აუდიტორული ფირმების საქმიანობის ხარისხს სახელმწიფო გააკონტროლებს, აუდიტორულ კომპანიებს შენიშვნები აქვთ. შესაბამისი რეკომენდაციებით წამყვანმა კომპანიებმა საქართველოს პრემიერმინისტრს, პარლამენტის თავმჯდომარეს, ფინანსთა და ეკონომიკის მინისტრებს, ბიზნესომბუდსმენსა და პარლამენტის შესაბამის კომიტეტებს მიმართეს.

 

კომპანიები არ ეთანხმებიან იმ მოსაზრებას, რომ აუდიტის რეგულირებაზე პასუხისმგებელი ორგანო ფინანსთა სამინისტროს დაქვემდებარებაში უნდა იყოს. წერილში, რომელიც აუდიტორულმა კომპანიებმა ხელისუფლების წარმომადგენლებს მიწერეს, აღნიშნულია, რომ რომ აუდიტის რეგულირებაზე პასუხისმგებელი ორგანო დამოუკიდებელ უწყებად უნდა ჩამოყალიბდეს, წინააღმდეგ შემთხვევაში არსებობს ინტერესთა კონფლიქტის რისკები. მათი განმარტებით, აუდიტორული ფირმები მოერიდებიან დავას ფინანსთა სამინისტროსთან, რომლის ხელშიც თავად ამ აუდიტორიული კომპანიის ოპერირების უფლება იქნება.

 

გარდა აუდიტორული საქმიანობისა ყველა აუდიტორული კომპანია თავის კლიენტებს აწვდის პროფესიული მომსახურებების ფართო სპექტრს. ეს მომსახურებები ხშირად გულისხმობს კლიენტების დაცვას ფინანსთა სამინისტროსთან და მის სტრუქტურულ ერთეულებთან განხილვებში და დავებში. აუდიტორული კომპანიებისთვის შეუძლებელი გახდება კლიენტების ობიექტური დაცვა და დავა ორგანოსთან, რომლის ძალაუფლების არეალშია აუდიტორული კომპანიისთვის ოპერირების უფლების მინიჭება/წართმევა“,- აცხადებენ აუდიტორული კომპანიებში.


სექტორის წარმომადგენლებს მიაჩნიათ, რომ საქართველოს რეალობისა და რისკების გათვალისწინებით ეფორმის წარმატებისთვის აუცილებელია დამოუკიდებელი რეგულატორის შექმნა.

 

 საქართველოში უკვე ჩამოყალიბებულია მარეგულირებელი ორგანოს ორგანიზებისა და ფუნქციონირების პრაქტიკა (საქართველოს ენერგეტიკისა და წყალმომარაგების მარეგულირებელი ეროვნული კომისია, საქართველოს ეროვნული ბანკი, საქართველოს ტელეკომუნიკაციის მარეგულირებელი კომისია, და ..). არ არსებობს არგუმენტი, რატომ უნდა იქნეს გამოყენებული სხვა სტრუქტურა აუდიტისა და ანგარიშგების სფეროების რეგულირებისას; საქართველოში უკვე გვქონდა წარუმატებელი მცდელობა არაადეკვატურად დაფინანსებული აუდიტის მარეგულირებელი ორგანიზაციის არსებობისა, რომელიც პირდაპირ პარლამენტს იყო დაქვემდებარებული“,- აცხადებენ აუდიტორული კომპანიები.

 


მათივე ინფორმაციით, კანონპროექტი ითვალისწინებს ძალიან მჭიდრო ვადებს აუდიტის ხარისხის კონტროლის შემოწმებებისათვის, ხოლო აუდიტორებისა და ანგარიშვალდებული საწარმოებისათვის - ახალი კანონის მოთხოვნების დაკმაყოფილებისათვის.

 

ასევე, კანონპროექტით შექმნილ მარეგულირებელს ეძლევა გარკვეული დროებითი უფლებები აუდიტორების პირველადი რეესტრის შესაქმნელად, რაც, აუდიტორიული კომპანიების შეფასებით, სახიფათოა.

სახიფათოადროებითიუფლებების მინიჭება მარეგულირებლისთვის, სანამ არ იქნება სრულად გაწერილი და მიღებული აუდიტორების ხარისხის კონტროლის შემოწმების წესები. მთლიანი კანონმდებლობა იქმნება ზუსტად იმ მიზნით, რომ მარეგულირებელს შეექმნას საკმარისი საფუძველი აუდიტორის უფლებებთან დაკავშირებით გადაწყვეტილებების მისაღებად“,- აცხადებენ აუდიტორიული კომპანიები.

 

მათ ასევე პრობლემად მიაჩნიათ მარეგულირებელ ორგანოში მაღალი კვალიფიკაციის მქონე პირების მოზიდვაც. მათი განცხადებით, შეუძლებელია, სპეციალისტებისთვის ისეთი ანაზღაურების შეთავაზება, რომელიც  სათანადო კვალიფიკაციის კადრების მოზიდვას უზრუნველყოფს.

 

„აუდიტის ხარისხის შესამოწმებლად აუცილებელია ამ სფეროს დეტალური ცოდნა. ითვლება, რომ ხარისხის შემმოწმებელი შეიძლება იყოს აუდიტის უფროსი მენეჯერის პოზიციის მქონე პირი, რომელსაც აქვს პრაქტიკული აუდიტის კეთების 7-10 წლიანი გამოცდილება მაინც. საქართველოში, აუდიტის პროფესიას არ გააჩნია ამგვარი სიღრმე, რესურსის არქონის გამო. აუდიტორულ კომპანიებშიც კი პარტნიორები და უფროსი მენეჯერები ხშირად უცხოელი სპეციალისტები არიან. ასეთი პროფესიული რესურსის ღირებულება საკმაოდ მაღალია და მნიშვნელოვნად სცდება საქართველოს საჯარო სექტორში არსებულ სახელფასო ნიხრებს“,- ნათქვამია წერილში, რომელსაც ხელს აწერენ შემდეგი აუდიტორიული კომპანიების წარმომადგენლები: ჯონ რობინსონი მმართველი პარტნიორი შპს დელოიტი და ტუში (Deloitte and Touche LLC); რუსლან ხოროშვილი მმართველი პარტნიორი შპს იუაი საქართველო (EY Georgia LLC); ენდრიუ კოქსშელი მმართველი პარტნიორი შპს ქეიფიემჯი ჯორჯია (KPMG Georgia LLC); ალტაფ ტაპია მმართველი პარტნიორი ფრაისვოთერჰაუსკუპერს ცენტრალური აზია და კავკასია ბი.ვი- ფილიალი საქართველოში (PricewaterhouseCoopers Central Asia and Caucasus B.V. Georgia Branch); ივანე ჯელია მმართველი პარტნიორი შპს ბეიკერ ტილი ჯორჯია (Baker Tilly Georgia Limited); ზურაბ ლალაზაშვილი მმართველი პარტნიორი შპს ბიდიო (BDO LLC); რევაზ ძაძამია დირექტორი შპსკონსაუდი“ (Ltd Consaudi); თემურ ფარცხალაძე მმართველი პარტნიორი შპს კროუვ ჰორვასი (Crowe Horwarth GE LLC); ნელსონ პეტროსიანი მმარველი პარტნიორი შპს გრანდ ტორნტონ ახვლედიანი (Grant Thornton Akhvlediani LLC); მიხეილ აბაიაძე პარნტიორი შპს მორისონ ჯორჯია (Morisson Georgia LLC); გიორგი კვინიკაძე მმართველი პარტნიორი შპს ერესემ საქართველო (RSM Georgia LLC).


კანონპროექტის მიხედვით, აუდიტორებზე - აუდიტორულ ფირმებზე, პროფესიული ორგანიზაციების საქმიანობაზე ზედამხედველობას, ფინანსური ანგარიშგების და აუდიტის სტანდარტების ქართულ ენაზე ხელმისაწვდომობას სამომავლოდ პროფესიული ორგანიზაციების მაგივრად სახელმწიფო განახორციელებს. ამ მიზნით შეიქმნება ბუღალტრული აღრიცხვის, ფინანსური ანგარიშგებისა და აუდიტის ზედამხედველობის სააგენტო. რა დაჯდება ახალი საჯარო სამართლის იურიდიული პირის დაფინანსება, ცნობილი არ არის.


მთავრობა კანონის ამოქმედების შედეგად ბიუჯეტში დამატებით შემოსავალს ელოდება. როგორც კანონპროექტის განმარტებით ბარათშია აღნიშნული,  კანონპროექტით გათვალისწინებულია სამართალდღარღვევებისათვის შესაბამისი სანქციები, რაც განაპირობებს სამომავლოდ (2018-2019 წლიდან) ბიუჯეტის შემოსავლების ზრდას, თუმცა, იმის გათვალისწინებით, რომ კანონპროექტის რეგულაციას დაქვემდებარებულ სფეროში მსგავსი ტიპის სანქციები არ არსებობდა და არ არის პირთა/სუბიექტთა დაჯარიმების პრაქტიკა,  კონკრეტულად რამდენად მოახდენს აღნიშნული პროცესი გავლენას ბიუჯეტის საშემოსავლო ნაწილზე კანონპროექტის ავტორები ვერ აკონრეტებენ.

 


 

 

 




არაექსპლუატირებადი ტერასები, დაუსრულებელი მოაჯირები, გაუქმებული მწვანე სახურავი- რა სამშენებლო დარღვევები აღმოაჩინა მუნიციპალურმა ინსპექციამ „გალერია თბილისში“

არაექსპლუატირებადი ტერასები, დაუსრულებელი მოაჯირები, გაუქმებული მწვანე სახურავი- რა სამშენებლო დარღვევები აღმოაჩინა მუნიციპალურმა ინსპექციამ „გალერია თბილისში“
access_time2020-02-24 20:00:17
მერიის მუნიციპალურმა ინსპექციამ „გალერია თბილისი“ 4 000 ლარით დააჯარიმა, მიზეზი ის სამშენებლო სამართალდარღვევებია, რომელიც დედაქალაქის მთავრობამ მრავალფუნქციურ სავაჭრო ცენტრში აღმოაჩინა.   სამშენებლო სამართალდარღვევის საქმის წარმოება მუნიციპალურმა ინსპექციამ გასული წლის 19 ნოემბერს დაიწყო. ოფიციალური დოკუმენტის მიხედვით ირკვევა, რომ ბიძინა ივანიშვილის...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-24 21:30:50
დღის Top-10 საინტერესო ამბავი 1.ვასილ ურუშაძე: ქვეყნის ლოგისტიკური ეფექტიანობა ფსკერზეა, გამართული სატრანსპორტო სისტემის გარეშე ბიზნესის კეთება აბსურდია ლოგისტიკური მაჩვენებლების გაუარესების ფონზე არის თუ არა შესაძლებელი საქართველო ბიზნესის საკეთებლად...

დამსაქმებელთა ასოციაციის და English Book Education-ის ერთობლივ ნეთვორქინგ ღონისძიებას უმასპინძლებენ

დამსაქმებელთა ასოციაციის და English Book Education-ის ერთობლივ ნეთვორქინგ ღონისძიებას უმასპინძლებენ
access_time2020-02-24 14:30:17
ბიზნეს გაერთიანება - საქართველოს დამსაქმებელთა ასოციაციისა და English Book Education-ის ორგანიზებით “ნეთვორქინგ” ღონისძიება გაიმართება, რომელსაც 100-მდე კომპანიის წარმომადგენელი დაესწრება. საქართველოში დღითიდღე აქტუალური ხდება TOEIC ტესტი, რომლის ჩაბარებაც 1979 წლიდან აუცილებელი მოთხოვნაა მსოფლიოს მრავალ ქვეყანაში საერთაშორისო ორგანიზაციებში თანამშრომლების მისაღებად. ღონისძიების მიზანია, მონაწილეებმა მიიღებენ ინფორმაცია თავიანთი ბიზნეს საქმიანობის სტანდარტების გაუმჯობესების...

რუსეთის დუმის დეპუტატი გენადი ონიშენკო სვირინგების აკრძალვას ითხოვს

რუსეთის დუმის დეპუტატი გენადი ონიშენკო სვირინგების აკრძალვას ითხოვს
access_time2020-02-24 18:30:23
რუსეთის დუმის დეპუტატი,განათლების კომიტეტის მდივანი   გენადი ონიშნეკო  რუსულ რადიოსთან ინტერვიუში სვირინგების საშიშროებაზე ალაპარაკდა. ონიშენკო მიიჩნევს, რომ სვირინგების მიმართ სიყვარული სქესობრივი ჰორმონების სიჭარბეს უკავშირდება. „ეს უფრო მძიმე გამოვლინებაა იმ სულიერი ინტელექტუალური კრიზისის, რომელსაც საზოგადოება გაინცდის. საერთოდაც, ეს სვირინგები უნდა აიკრძალოს.“ - განაცხადა პარლამენტარმა. მისი თქმით, სვირინგებით სხეულის...

ფაბიო მანინი -„ქუთაისის „ტორპედოს“ დიდი ისტორია აქვს,ჩვენ ამ სახელით სასტუმროს აშენება გვინდა“

ფაბიო მანინი -„ქუთაისის „ტორპედოს“ დიდი ისტორია აქვს,ჩვენ ამ სახელით   სასტუმროს აშენება გვინდა“
access_time2020-02-24 16:30:04
„არ ვეძებდი მცირე და უმნიშვნელო კლუბებს, მინდოდა საუკეთესო. ქუთაისის „ტორპედო“  არაერთი თასის მფლობელი გახდა, ორი წლის წინ ასევე დიდი გამარჯვება მოიპოვა, შესაბამისად ჩავთვალე, რომ ეს საუკეთესო ვარიანტი იყო ჩემთვის“-ამის შესახებ „კომერსანტთან“ ექსკლუზიურ ინტერვიუში  ქუთაისის „ტორპედოს“ ახალმა მფლობელმა,იტალიელმა ბიზნესმენმა ფაბიო მანინიმ...


მსგავსი სიახლეები

up