«Интер РАО»-მ საქართველოს $80-მილიონიანი საარბიტრაჟო დავა მოუგო

«Интер РАО»-მ საქართველოს $80-მილიონიანი საარბიტრაჟო დავა მოუგო

access_time2021-12-01 11:10:27

რუსული მედიის ინფორმაციით, სასამართლო დავა რუსულ ენერგოკომპანია «Интер РАО»-ს და საქართველოს შორის რუსული კომპანიის სასარგერბლოდ დასრულდა - სტოკჰოლმის არბიტრაჟმა ქართულ მხარეს რუსული კომპანიისთვის $80 მლნ-ის კომპენსაციის გადახდა დააკისრა.

 


საჩივარი შეიტანეს «Интер РАО»-ს შვილობილმა კომპანიებმა, რომლებიც საქართველოში თბილისის ენერგოგამანაწილებელ ქსელს და ელექტროსადგურებს „ხარმიჰესი“ და „ხარმიჰესი-2“-ს ფლობენ.

 


2017 წელს ისინი მოითხოვდნენ საქართველოს ხელისუფლებისგან 125 მლნ. ლარის კომპენსაციას იმ ზიანის გამო, რომელიც მათ ლარის გაუფასურებამ მოუტანა. რუსულ კომპანიაში აღნიშნეს, რომ საქართველოს მთავრობის რამდენიმე გადაწყვეტილებამ მათ ინვესტიციებზე ნეგატიური გავლენა მოახდინა.

 


კერძოდ, საუბარია მარეგულირებელი კომისიის 2014 წლის გადაწყვეტილებაზე, რომელმაც ტარიფის დადგენის მეთოდოლოგია შეცვალა და ახალი პირობების თანახმად, ტარიფში ეროვნული ვალუტის კურსის გაუფასურების გამო მიღებული ზარალის კომპენსირება არ ჩაიდება.

 


2016 წელს «Интер РАО»-მ ლარის დევალვაციის გამო ტარიფის გადახედვა მოითხოვა, თუმცა, უარი მიიღო.

 



რუსეთის სავაჭრო-სამრეწველო პალატის არბიტრის ვადიმ ჩუბაროვის თქმით, კომპანიის წარმატება განაპირობა ქართული მხარის მიერ რუსულ კომპანიასთან დადებული ხელშეკრულების პირობების დარღვევამ.

 


„საქართველოს მთავრობისთვის უკეთესი იქნება გადაწყვეტილებას დათანხმდეს, რადგანაც ასეთ შემთხვევაში კომპანია ინვესტირებას განაგრძობს, საქართველო კი დაადასტურებს რომ ინვესტიციებისთვის ღია რჩება. წინააღმდეგ შემთხვევაში, თუ ქართული მხარე კომპენსაციის გადახდაზე უარს იტყვის, შესაძლოა მის უცხოურ აქტივებს ყადაღა დაედოს“, - ამბობს ჩუბაროვი.

 


 ქართველი იურისტის ლია მუხაშავრიას თქმით, როგორც არბიტრაჟის მიმდინარეობა, ასევე «Интер РАО»-სთან დადებული ხელშეკრულების დეტალები დახურულია, ამიტომაც მხარეების შანსების შეფასება დღეს საკმაოდ რთულია.

 


„თუ ქართულ მხარეს შესაბამისი არგუმენტაცია გააჩნია, გადაწყვეტილება უნდა გასაჩივრდეს, თუმცა, ხელისუფლება ამგვარ დავებს, როგორც წესი, მალავს და ინფორმაციას წაგებული საქმეების შესახებ უცხოური მას-მედიიდან ვიღებთ. რაც შეეხება კონტრაქტს, უნდა დადგეს იმ პირთა პასუხისმგებლობის საკითხი, ვინც წამგებიანი ხელშეკრულება გააფორმა“, - თვლის იურისტი.

 


კითხვების მთავარი ადრესატია თბილისის დღევანდელი მერი და იმდროინდელი ენერგეტიკის მინისტრი კახა კალაძე და მისი მოადგილე მარიამ ვალიშვილი, რომელიც ამჟამად კერძო ბიზნესში საქმიანობს.

 


 სწორედ მათ გააფორმეს კონტრაქტი, რომელზეც რუსული მხარე საუბრობს.

 


რუსული მას-მედიას ინფორმაციით, «Интер РАО» მიღწეულით დაკმაყოფილებას არ აპირებს, და 2022 წლის მარტში კომპენსაციის თანხის 100 მლნ. დოლარამდე გაზრდას აპირებს.

 

Ekhokavkaza.com


თეგები:
არბიტრაჟი



ქეთევან დედოფლის გამზირი იკეტება - სრული რეაბილიტაცია დაიწყო

ქეთევან დედოფლის გამზირი იკეტება - სრული რეაბილიტაცია დაიწყო
access_time2022-01-20 14:55:00
ისნის რაიონში, ქეთევან დედოფლის გამზირის სრული რეაბილიტაცია დაიწყო. ამის შესახებ თბილისის მერმა, კახა კალაძემ თბილისის მუნიციპალიტეტის მთავრობის სხდომაზე ისაუბრა. როგორც დედაქალაქის მერმა აღნიშნა, ინფრასტრუქტურული სამუშაოები რამდენიმე ეტაპად წარიმართება, პირველ ეტაპზე კი ქეთევან დედოფლის გამზირზე მიწისქვეშა კომუნიკაციები განახლდება. „ვიწყებთ ქეთევან დედოფლის გამზირის სრულ რეაბილიტაციას. ინფრასტრუქტურული პროექტი მეტროსადგურ „ავლაბრის“ მიმდებარე...

მიკროავტობუსების ნომრები შეიცვალა - ნახეთ განახლებული მარშრუტი

 მიკროავტობუსების ნომრები შეიცვალა - ნახეთ განახლებული მარშრუტი
access_time2022-01-20 13:55:00
20 იანვრიდან პირველ თებერვლამდე, მიკროავტობუსის 53 მოქმედი მარშრუტი განახლებული ხაზებით ჩანაცვლდება. ამის შესახებ ინფორმაციას თბილისის მერია ავრცელებს. „კერძოდ: N2-ს ჩაანაცვლებს N472; N5-ს ჩაანაცვლებს N535; N6-ს ჩაანაცვლებს N536; N11-ს ჩაანაცვლებს N431; N16-ს ჩაანაცვლებს N416; N28-ს ჩაანაცვლებს N428; N33-ს ჩაანაცვლებს N533; N34-ს ჩაანაცვლებს N534; N41-ს ჩაანაცვლებს N541; N42-ს ჩაანაცვლებს N442; N43-ს ჩაანაცვლებს N543; N48-ს ჩაანაცვლებს N475; N51-ს ჩაანაცვლებს...

ვითიბი წარმატებით განაგრძობს ქართული ღვინის სექტორის ექსპორტის ფინანსირებას

ვითიბი წარმატებით განაგრძობს ქართული ღვინის სექტორის ექსპორტის ფინანსირებას
access_time2022-01-20 12:55:23
ვითიბი ბანკი, როგორც ქართული ბიზნენის #1 ქომაგი, აქტიურად აგრძელებს ბიზნესის მხარდაჭერას. ბანკის მთავარი აქციონერის თანადგომით, საერთაშორისო ფაქტორინგულ ბაზარზე, ვითიბი ბანკმა, პირველი ნაბიჯები, ქართული ღვინის სექტორის  ფინანსირებაში გადადგა. 2015 წელს დაწყებულ კურსს, ბანკი, ახლაც წარმატებით აგრძელებს და კლასიკური FCI Edifactoring-ის პლატფორმის საშუალებით ახორციელებს ქართული ღვინის სექტორის ექსპორტის ფინანსირების სტანდარტიზებულ...

საქართველოს ევროპაში 3 000 ტონა ლოკოკინის ექსპორტის პოტენციალი აქვს

საქართველოს ევროპაში 3 000 ტონა ლოკოკინის ექსპორტის პოტენციალი აქვს
access_time2022-01-20 15:00:05
ევროპის ბაზარზე ქართული ლოკოკინების პირველი პარტია აგვისტო-სექტემბერში გავა. საქართველოში ლოკოკინების პირველი ფერმის - ,,ნადი გრუპის“ დამფუძნებლის მერაბ ნადარაიას ინფორმაციით, ხორცთან ერთად,  ევროპაში დიდი მოთხოვნაა ასევე ევროპული ფარმაცევტული კომპანიების მხრიდან ლოკოკინების ლორწოზე, რაც მედიკამენტების ასევე კოსმეტიკური საშუალებების დასამზადებლად გამოიყენება. დღეისათვის საქართველოში წლიურად 300 ტონა ლოკოკინა იწარმოება. ,,ლოკოკინა...

ექსპორტმა ჩინეთში $600 მლნ-ს გადააჭარბა

ექსპორტმა ჩინეთში $600 მლნ-ს გადააჭარბა
access_time2022-01-20 12:00:37
2021 წელს ექსპორტი 2020 წელთან შედარებით 26.9%-ით. 2019 წელთან შედარებით კი 11.7%-ით გაიზარდა და დამოუკიდებელი საქართველოს ისტორიაში რეკორდულ მაჩვენებელს $4.243 მლრდ-ს მიაღწია. ექსპორტის 14.5% - $616 მლნ ჩინეთში განხორციელდა. 2021 წელს ჩინეთში უფრო მეტი პროდუქცია გაიყიდა, ვიდრე 1995-2016 წლებში ერთად, რასაც ხელი 2018 წლის იანვრიდან ამოქმედებულმა თავისუფალმა სავაჭრო ხელშეკრულებამ შეუწყო.   ჩინეთში გატანილ ექსპორტში $497 მლნ-ით სპილენძის მადნების წილი 81%-ს აღწევს, რაც...


მსგავსი სიახლეები

up