დღეს, თბილისში, საერთაშორისო ფულადი გზავნილების სისტემა ინტელიექსპრესის განახლებული ფილიალი გაიხსნა. ფილიალი ვაჟა-ფშაველას 46-ში, დელისის მეტროს მიმდებარედ მდებარეობს. განახლებულ დელისის ფილიალში ინტელიექსპრესის მომხმარებლბები, კომფორტულ და თანამედროვე სტანდარტების შესაბამის გარემოში, შეძლებენ 24 საათის განმავლობაში ისარგებლონ კომპანიის სერვისებით.

ინტელიექსპრესი მსოფლიოში ერთადერთი ქართული საერთაშორისო ფულადი გზავნილების სისტემაა. მისი მრავალფეროვანი ფინანსური სერვისებით სარგებლობა როგორც ფიზიკურ, ასევე იურიდიულ პირებს შეუძლიათ. აღნიშნული სერვისები მოიცავს: სწრაფ ფულად გზავნილებს მსოფლიოს 70-ზე მეტ ქვეყანაში, თანხის  გადარიცხვას საბანკო ანგარიშზე როგორც საქართველოში, ასევე უკრაინაში, დიდ ბრიტანეთში, ევროკავშირისა და აზიის ქვეყნებში. აღსანიშნავია, რომ თანხის გადარიცხვა საბანკო ანგარიშზე საუკეთესო ტარიფით, 1 სამუშაო დღეში, დაზღვევის დამატებითი ხარჯის გარეშეა შესაძლებელი. განახლებული ფილიალი მომხმარებელს ასევე სთავაზობს სალომბარდე და იპოთეკურ სესხებს, ვალუტის კონვერტაციას, კომუნალურ და სხვა სახის გადახდებს. ინტელექსპრესში, მომსახურების საერთაშორისო სტანდარტებთან ერთად, მომხმარებლებს შესაძლებლობა აქვთ ისარგებლონ კონკურენტული ტარიფებითა და ინდივიდუალური შეთავაზებებით.

როგორც ფულადი გზავნილების სისტემა ინტელიექსპრესი ლიცენზირებულია ევროკავშირის ქვეყნებში, დიდ ბრიტანეთსა და საქართველოში. ასევე აქვს სპეციალური ლიცენზიები უკრაინის, სომხეთის, მოლდოვას, ფილიპინების, ინდონეზიის, ბანგლადეშის, ნეპალის, პაკისტანის და შრი-ლანკას ცენტრალური ბანკებიდან. საქართველოს გარდა, კომპანია ფლობს საკუთარ ფილიალებს დიდ ბრიტანეთში, საბერძნეთში, თურქეთში, იტალიასა და კვიპროსში. ფულადი გზავნილების კომპანიის სერვისი, აგენტი ბანკების, პარტნიორი სისტემებისა და საკუთარი ფილიალების მეშვეობით, ხელმისაწვდომია ევროპის, აზიის, აფრიკის, ჩრდილო და სამხრეთ ამერიკის 70-ზე მეტ ქვეყანაში.

საქართველოში ინტელიექსპრესის ფილიალების სრული ჩამონათვალი იხილეთ ბმულზე.