ინტელექტუალური საკუთრება, სასაქონლო ნიშნების რეგისტრაცია და საფასური - ყველაფერი რაც უნდა იცოდეთ

ინტელექტუალური საკუთრება, სასაქონლო ნიშნების რეგისტრაცია და საფასური - ყველაფერი რაც უნდა იცოდეთ

access_time2019-05-18 14:00:21

ინტელექტუალური საკუთრება, სასაქონლო ნიშნების რეგისტრაციის წესი და მომსახურების საფასური, ამ თემებზე ისაუბრა  რადიო კომერსანტზე გადაცემაში „ადვოკატის საათი მარიკა არევაძესთან ერთად“,  საქპატენტის დავების განყოფილების უფროსის მოვალეობის შემსრულებელმა, თამუნა ჯაფარიძემ.

„ინტელექტუალური საკუთრება სამრეწველო საკუთრებად და საავტორო უფლებებად იყოფა. სამრეწველო საკუთრების ობიექტს წარმოადგენს სასაქონლო ნიშანი, დიზაინი, გამოგონება, სასარგებლო მოდელი, გეოგრაფიული აღნიშვნები, ადგილწარმოშობის დასახელებები, მცენარეთა და ცხოველთა ახალი ჯიშები და ა.შ. ამ ობიექტების რეგისტრაცია ხორციელდება საქპატენტში. კომპანიები სასაქონლო ნიშნების მეშვეობით იძენენ გარკვეულ ბენეფიტებს, პოპულარობას, რეპუტაციას, თუმცა არსებობენ არაკეთილსინდისიერი კონკურენტებიც, რომლებიც ცდილობენ მიითვისონ ეს ნიშნები და დაუმსახურებლად მიიღონ ეკონომიკური ბენეფიტები.

სასაქონლო ნიშანი წარმოადგენს სიმბოლოს ან სიმბოლოთა კომბინირებულ ერთობლიობას, რომელიც განასხვავებს ერთი საწარმოს საქონელს ან მომსახურებას, სხვა საწარმოს საქონლისა და მომსახურებისგან. მისი ფუნქციაა ასევე ისიც,რომ  მომხმარებელმა  დაუკავშიროს კონკრეტული საქონელი ან მომსახურება  მწარმოებელს. სასქონლო ნიშანი შეიძლება იყოს: სიტყვა, ადამიანის სახელი, ციფრები, ასოები.

რეგისტრაციის დროს აუცილებლად გათვალისწინებული უნდა იყოს ,რომ არსებობს თუ არა რეგისტრაციის უარის თქმის საფუძველი. დარეგისტრირების მსურველებს საქპატენტის გვერდზე, სპეციალურ ძიების ველში შეუძლიათ მოძებნონ, არის თუ არა კონკრეტული სასაქონლო ნიშანი უკვე დარეგისტრირებული. ნიშანზე უფლების მოპოვება რეგისტრაციის გზით, საერთაშორისო შეთანხმების საფუძველზე ხდება.

რეგისტრაციის ორი პროცედურა არსებობს. პირველი, სტანდარტული წესით 12 თვეს მოიცავს, მეორეა დაჩქარებული წესი. განაცხადის შემოტანა ხდება ადგილზეც და ელექტრონულადაც, ამ უკანასკნელის შემთხვევაში 20%-იანი ფასდაკლება არსებობს. განაცხადი აუცილებლად უნდა იყოს ქართულ ენაზე და იგი უნდა შეიცავდეს განმცხადებლის სახელსა და გვარს, მისამართს, მოთხოვნას ნიშნის რეგისტრაციის შესახებ. თუ ნიშანი მოიცავს გამოსახულებას, ანუ არის კომბინირებული, მაშინ ეს გამოსახულებაც უნდა დაერთოს  განცხადებას. განაცხადში უნდა იყოს წარმოდგენილი საქონლისა და მომსახურების ჩამონათვალი, რომლისთვისაც  რეგისტრაციაა საჭირო. ყოველივე ამის შემდეგ, განაცხადს უდგინდება პრიორიტეტი. არსებობს საკონვენციო და საგამოფენო პრიორიტეტი.

დაჩქარებული პროცედურის შემთხვევაში 10 სამუშაო დღეში გაიცემა მოწმობა. განცხადებას უტარდება ფორმალური  მოთხოვნების ექსპერტიზა -  რამდენად სწორად არის გაფორმებული  და რამდენად შეესაბამება იგი კანონით დადგენილ მოთხოვნებს. ტარდება ასევე არსობრივი ექსპერტიზაც. ამ სტადიაზე უკვე მოწმდება, ხომ არ არსებობს ნიშნის რეგისტრაციაზე უარის თქმის საფუძვლები. ეს საფუძვლები იყოფა აბსოლუტურ და შედარებით საფუძვლებად. აბსოლუტური საფუძველის დროს არ შეიძლება ისეთი სასაქონლო ნიშნის რეგისტრაცია, რომელიც არის აღწერითი და არა  განმასხვავებელუნარიანი.


განმცხადებლს აქვს შესაძლებლობა კონსულტაცია გაიარონ საქპატენტში, ჩვენ განვუმარტავთ კანონის ნორმებს, თუ როგორი სასაქონლე ნიშნები არ შეიძლება დარეგისტრირდეს.

იმისთვის,რომ თავიდან ავიცილოთ დავები, ჯერ უნდა მოხდეს საქპატენტში სასაქონლო ნიშნის დარეგისტრირება. რის შემდეგაც, წარმოიშობა განსაკუთრებული უფლება. ეს უფლება ნეგატიური უფლებაა, რაც ნიშნავს იმას,რომ შესაძლებლობა გვაქვს ავუკრძალოთ სხვებს მსგავსი ან იდენტური ლოგოს გამოყონება, რათა არ მოხდეს მომხმარებლის შეცდომაში შეყვანა. იმ შემთხვევაში,თუ ვინმემ გამოიყენა კონკრეტული ნიშანი, გაქვთ შესაძლებლობა მიმართოთ სასამართლოს და მოითხოვოთ შეწყვიტოს დამრღვევმა ქმედება ან მოითხოვოთ ზიანის ანაზღაურება, ერთჯერადი კომპენსაცია, მიღებული შემოსავლის ჩამორთმევა ან სასაქონლო ნიშნის ამოღება და განადგურება. იმისთვის,რომ ამ უფლებით ისარგებლოთ, როგორც ზემოთ აღვნიშნე, მნიშვნელოვანია დაარეგისტრიროთ თქვენი სასაქონლე ნიშანი.

სასაქონლე ნიშანი რეგისტრირდება 10 წლის ვადით, თუმცა განმცხადებელს შეუძლია,რომ ნიშნის რეგისტრაციის მოქმედების საფასური გადაიხადოს ჯერადობის შეუზღუდავად.

რაც შეეხება, მომსახურების ფასებს, სტანდარტული წესით რეგისტრაცია 420$-ია ექვივალენტი ლარში, ამ თანხის გადახდა ხდება ეტაპობრივად, თითოეული ეტაპისთვის ცალ-ცალკე საფასურია გათვალისწინებული. დაჩქარებულის შემთხვევაში 840$-ია ექვივალენტი ლარში,“ - ამბობს თამუნა ჯაფარიძე.

 






„სავარაუდოდ, გაზაფხულზე „ვიზეარი“ საქართველოში ბაზას აღადგენს“ - ნათია თურნავა

„სავარაუდოდ, გაზაფხულზე „ვიზეარი“ საქართველოში ბაზას აღადგენს“ - ნათია თურნავა
access_time2020-10-29 11:13:24
ეკონომიკისა და მდგრადი განვითარების მინისტრის, ნათია თურნავას განცხადებით, სავარაუდოდ, გაზაფხულზე „ვიზეარი“ საქართველოში ბაზას აღადგენს. როგორც მინისტრმა მთავრობის სხდომის შემდეგ გამართულ ბრიფინგზე განაცხადა, საავიაციო კომპანიები ოპტიმისტურად აფასებენ სამომავლოდ, საქართველოში ფრენების აღდგენას. „ოპტიმისტურად აფასებენ საავიაციო კომპანიები მომავალში საქართველოში ფრენის და ტურიზმის აღდგენის პერსპექტივებს. რა თქმა უნდა, ეს არ მოხდება მყისიერად, ეს მოხდება ეტაპობრივად, მაგრამ...

არქიმ მთავარ არხსა და TV 1-ს ქარტიაში პროცესი მოუგო

არქიმ მთავარ არხსა და TV 1-ს ქარტიაში პროცესი მოუგო
access_time2020-10-29 10:45:34
ჟურნალისტური ეთიკის ქარტიის გადაწყვეტილებით დადგინდა, რომ მთავარი არხისა და TV 1-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს. ორივე ტელეკომპანიამ 2020 წლის 23 ივნისს ბაკურიანში მშენებლობის შესახებ მოამზადა სიუჟეტი, სადაც ნათქვამი იყო, თითქოს, შპს “ბაკურიან რიზორტს” საკუთრებაში არსებული ქონება მთავრობისგან გადაეცა, იგეგმებოდა ტყის გაჩეხვა და მრავალსართულიანი შენობის აშენება, რაც ბაკურიანში დამსვენებლების ჩასვლას საფრთხის ქვეშ აყენებდა. ყოველივე...

კომუნალური გადასახადების ანაზღაურების 4-თვიანი სახელმწიფო პროგრამა 1-ელი ნოემბრიდან დაიწყება

კომუნალური გადასახადების ანაზღაურების 4-თვიანი სახელმწიფო პროგრამა 1-ელი ნოემბრიდან დაიწყება
access_time2020-10-29 10:50:30
პრემიერ-მინისტრ გიორგი გახარიას განცხადებით, მთავრობის ანტიკრიზისული გეგმის მესამე ტალღა 1-ელი ნოემბრიდან დაიწყება. როგორც მან მთავრობის დღევანდელ სხდომაზე განაცხადა, ეს ითვალისწინებს კომუნალური გადასახადების ანაზღაურებას მოქალაქეებისთვის ნოემბრიდან 4 თვის მანძილზე. პრემიერის თქმით, როგორც წინა ეტაპზე, ეს შეეხება თითოეულ ოჯახს, რომელსაც ექნება 200 კილოვატამდე მოხმარებული ელექტროენერგია, ასევე 200 კუბურ მეტრამდე გაზის მოხმარება, ასევე წყლისა და...

„გალფს“ ზესტაფონის ავტოგასამართი სადგური ჩამოერთმევა - კომპანია საავტომობილო გზების დეპარტამენტთან ვერ შეთანხმდა

„გალფს“ ზესტაფონის ავტოგასამართი სადგური ჩამოერთმევა - კომპანია საავტომობილო გზების დეპარტამენტთან ვერ შეთანხმდა
access_time2020-10-28 18:45:59
საქართველოს საავტომობილო გზების დეპარტამენტი „სან პეტროლიუმ ჯორჯიას“ ზესტაფონის მუნიციპალიტეტის სოფელ ძირულაში მდებარე არასასოფლო-სამეურნეო დანიშნულების 1476.00 კვ.მ მიწის ნაკვეთს და მასზე მდგომ შენობა-ნაგებობას იძულებით ჩამოართმევს.   ეკონომიკის მინისტრმა გზების დეპარტამენტს ექსპროპრიაციის უფლება უკვე მიანიჭა. ბრძანება "საკანონმდებლო მაცნეზე" გამოქვეყნდა. დოკუმენტიდან ირკვევა, რომ „დასახელებული უძრავი ქონების ნებაყოფლობით გამოსყიდვაზე დეპარტამენტსა და მესაკუთრეს...

28 ოქტომბერი - რეგიონში მხოლოდ ქართული ლარი და თურქული ლირა გაუფასურდა

28 ოქტომბერი - რეგიონში მხოლოდ ქართული ლარი და თურქული ლირა გაუფასურდა
access_time2020-10-28 18:10:22
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 28 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება...


მსგავსი სიახლეები

up