ელექტრონული ჩიპების მსოფლიოში უმსხვილესმა მწარმოებელმა Intel-მა 900 მლნ. დოლარად ისრაელური სტარტაპი Moovit შეიძინა.ამ კომპანიის დამფუძნებლებს შორის უმსხვილესი რუსული სოციალური ქსელის «ВКонтакте»-ს დამაარსებლები ლევ ლვირევი და ვიაჩესლავ მირილაშვილი არიან.

ეს პროგრამა საზოგადოებრივი და პირადი ტრანსპორტით ქალაქებში გადაადგილების ოპტიმალურ და ყველაზე თავისუფალ მარშრუტებს ადგენს.

Intel -ის გეგმების მიხედვით, Moovit სხვა ისრაელურ სტარტაპს - 3 წლის წინ 15 მლრდ. დოლარად შეძენილ Mobileye-ს შეუერთდება.Mobileye ძირითადი საქმიანობაა უპილოტო ავტომობილებისთვის პროგრამული უზრუნველყოფის შექმნა.

სერვისი Moovit მსოფლიოს 3000-ზე მეტ ქალაქში მუშაობს, რეგულარულად მას 800 მლნ. ადამიანი იყენებს.

გარიგების წინ TechCrunch სტარტაპის სავარაუდო ღირებულებას 1 მლრდ. დოლარად აფასებდა. პროექტის ადრეულ ინვესტორებს შორის არის ფონდი Vaizra Investments, რომელიც ლევ ლვიევს და ვიაჩელსავ მირილაშვილს ეკუთვნის.

გარდა ამისა Moovit-ში ინვესტიციები ისეთმა კომპანიებმა, როგორც Nokia Growth Partners, BMW i Ventures, Keolis, Sequoia Capital, Bernard Arnault Group, BRM Capital და Gemini Partners ჩადეს.

წყარო: forbes.ru

მოამზადა თენგიზ აბლოთიამ