ამერიკული კომპანია Intel, რომელიც მსოფლიოში კომპიუტერული კომპონენეტბის ერთ-ერთი უმსხვილესი მწარმოებელია, ევროპაში მიკროჩიპების წარმოებისთვის 95 მლრდ დოლარის ინვესტიციას გეგმავს.
Intel-ის აღმასრულებელი დირექტორის, პეტ ჰესლინგერის თქმით, კომპანია ევროპაში თავდაპირველად 2 ქარხნის აშენებას აპირებს, რომლის ჯამური ინვესტიცია მომდევნო 10 წლის განამვლობაში 80 მლრდ ევრო იქნება. შედეგად ახალი სიმძლავრეები სხვადახვა ტიპის მაკომპლექტებლებზე მზარდ მოთხოვნას დააკმაყოფილებს.
როგორც The Wall Street Journal წერს, მომდევნო წლებში წარმოების სიმძლავრეების გაზრდა Taiwan Semiconductor Manufacturing-მა და Samsung Electronics-მაც დააანონსეს. ჩიპების უკმარისობა ბოლო პერიოდში განსაკუთრებით ავტოინდუსტრიას დაეტყო, რის შედეგადაც წელს კომპანიები დაგეგმილზე 7-9 მილიონი ერთეულით ნაკლებ ავტომობილს გამოუშვებენ.
Intel-ში პირობას დებენ, რომ ევროპაში წარმოებული მაკომპლექტებლები კონტინენტის ავტოინდუსტრიას სრულად დააკმაყოფილებს, ხოლო მისი სიმძლავრეები სხვადასხვა კომპანიის ღრუბლოვანი სერვისების ტექნიკურ უზურნველყოფასაც ეყოფა.
მიმდინარე წლის მარტში Intel-ის აღმასრულებელი დირექტორი აცხადებდა, რომ კომპანია არიზონაში 20 მლრდ დოლარის 2 ახალი საწარმოს მშენებლობას გეგმავდა. Intel-მა, ასევე, ნიუ-მექსიკოს საწარმოს გაფართოებისთვის 3,5 მლრდ დოლარი გამოყო.