ინიციატივა „რა გაწუხებთ?“ჯანდაცვის სამინისტროს მოსახლეობის მოთხოვნების ზუსტად განსაზღვრაში დაეხმარება

ინიციატივა „რა გაწუხებთ?“ჯანდაცვის სამინისტროს მოსახლეობის მოთხოვნების ზუსტად განსაზღვრაში დაეხმარება

access_time2016-01-22 14:42:03

შრომის, ჯანმრთელობისა და სოციალური დაცვის მინისტრმა დავით სერგეენკომ და „გლობალური ალიანსის“ პრეზდენტმა ჟან-ელი მალკინმა ერთობლივი ბრიფინგი გამართეს. ბრიფინგის ფარგლებში, ერთობლივი სოციალური ინიციატივის „რა გაწუხებთ?“  პრეზენტაციაც მოეწყო.

 

პროექტი მნიშვნელობასა და აუცილებლობაზე ისაუბრეს ჯანდაცვის მინისტრმა დავით სერგეენკომ და „გლობალური ალიანსის“ პრეზიდენტმა ჟან-ელი მალკინმა. 

 

25 იანვრიდან სპეციალური კითხვარების საშუალებით, მოსახლეობის გამოკითხვა დაიწყება. ახალი ინიციატივა სამინისტროს საზოგადოების სამედიცინო საჭიროებების კიდევ უფრო, ზუსტად განსაზღვრაში დაეხმარება. 25 იანვრიდან კითხვარი, როგორც ინტერნეტით - ვებგვერდზე www.1505.ge , ასევე, ჯანდაცვის რეგიონულ ოფისებში იქნება ხელმისაწვდომი. გამოკითხვის შედეგებს დაამუშავებს და შეაჯამებს სოციოლოგიური კვლევის კომპანია.

 

ჯანდაცვის მინისტრმა დავით სერგეენკომ პროექტის „რა გაწუხებთ?“ შესახებ ისაუბრა, რომელიც სწორედ,  საქართველოს მოსახლეობის სურვილებისა და მოლოდინების, მათი საჭიროებების ზუსტად განსაზღვრისთვის შეიქმნა. 

 


„ქვეყანაში ჯანდაცვის სფეროს სრულყოფისთვის ბოლო რამდენიმე წლის განმავლობაში  საკმაოდ სერიოზული ნაბიჯები გადაიდგა, მაგრამ გამოწვევა ჯერ კიდევ,  ბევრია. ჩვენი სოციალური ინიციატივა საზოგადოებასთან კომუნიკაციის დამატებითი არხის შექმნას ითვალისწინებს. ფაქტია, რომ დღეს არსებული საშუალებები საკმარისი არ არის მოსახლეობის საჭიროებების სრულყოფილი დადგენისთვის, ვერ ფარავს იმ სამიზნე ჯგუფებს, რომელთა მოსაზრებებიც ჩვენთვის ძალზედ მნიშვნელოვანია. ჩვენი მიზანია, რომ არცერთი მოქალაქის აზრი არ დაიკარგოს და თავი მოიყაროს იმ რესურსებზე, საიდანაც მარტივად შევძლებთ დავაფიქსიროთ და შემდეგში ეფექტიანად ვუპასუხოთ მოსახლეობის მოთხოვნებს, შევცვალოთ და შევასწოროთ ჩვენი გეგმები საზოგადოებრივი აზრის გათვალისწინებით. მსოფლიოში არ არსებობს ჯანდაცვის იდეალური სისტემა. არის სხვადასხვა ქვეყნის წარმატებული გამოცდილება და საინტერესო პრაქტიკები, რომელთაც ჩვენი თანამშრომლობის ფარგლებში გლობალური ალიანსი გვიზიარებს. მაგრამ არანაკლებ მნიშვნელოვანია ჩვენი მოსახლეობის დამოკიდებულებების გაგება. ამიტომაც დავუჭირეთ მხარი ალიანსის შემოთავაზებას ერთობლივი გამოკითხვის ორგანიზების საკითხში“, -  აღნიშნა დავით სერგეენკომ

 

„გლობალური ალიანსის“ პრეზიდენტის ჟან ელი მალკინის აზრით, მნიშვნელოვანია, ვიცოდეთ თუ რა არის საქართველოს მოქალაქეებისათვის პრიორიტეტული ჯანდაცვის სფეროში, როგორია მისი მოლოდინები და სურვილები.  

 

„რა გაწუხებთ?“ სოციალური ინიციატივის ფარგლებში ჩვენ ვთხოვთ მოსახლეობას უპასუხოს მთელ რიგ აქტუალურ კითხვებს, მაგალითად: რამდენს ხარჯავს იგი თვეში ჯანდაცვის მიმართულებით, რამდენის დახარჯვა მიაჩნია ოპტიმალურად, კმაყოფილია თუ არა მედიკამენტების, დიაგნოსტირებისა თუ მომსახურების ხარისხით, ფასით და ა. შ. გამოკითხვის შედეგები საშუალებას მოგვცემს უფრო რეალური და სრულყოფილი გავხადოთ ჩვენი ხედვები და მიდგომები დარგის შემდომი სრულყოფისა და განვითარების საკითხებისადმი და  არსებული პრობლემების მოგვარების  უფრო რეალური გეგმები შევთავაზოთ სამინისტროს“, - განაცხადა  ჟან ელი მალკინმა. 

 

„რა გაწუხებთ?“ ინიციატივის კითხვარზე პასუხის გაცემა შეიძლება როგორც ჯანდაცვის სამინისტროს ოფიციალურ, ასევე სპეციალურ ვებ გვერდზე www.1505.ge. კითხვარის შევსება ასევე შესაძლებელია უშუალოდ სამინისტროს საზოგადოებრივ მისაღებში, ჯანდაცვის რეგიონალურ და სასწრაფო დამარების ცენტრებში, სოციალური სააგენტოს მომსახურების ცენტრებში. გამოკითხვის შედეგებს დაამუშავებს და შეაჯამებს სოციოლოგიური კვლევის კომპანია.

 

2015 წლის აპრილში, საქართველოს მთავრობასა და  საერთაშორისო საკონსულტაციო ჯგუფ „გლობალურ ალიანსს“ შორის საქართველოს ჯანდაცვის სფეროს მართვის ინოვაციური ინსტრუმენტებისა და სრულყოფის მიმართულებების შემუშავების მიზნით შეთანხმება გაფორმდა. საერთაშორისო საკონსულტაციო ჯგუფი „გლობალური ალიანსი“, რომელსაც საფრანგეთის ყოფილი საგარეო და სამგზის ჯანდაცვის მინისტრი ბერნარ კუშნერი ხელმძღვანელობს,   ჯანდაცვის სისტემების მართვის მსოფლიოს აღიარებული ექსპერტებითაა დაკომპლექტებული. 

 

გლობალური ალიანსისა და საქართველოს მთავრობას შორის ხელშეკრულებით გათვალისწინებული,  ჯანდაცვის სისტემის სრულყოფის დოკუმენტების მომზადება, რომელიც პირველადი ჯანდაცვის რეორგანიზაციის, ხარჯთეფექტურობის გაზრდის,  სამედიცინო მომსახურებასა და მედიკამენტებზე ხელმოსაწვდომობის ამაღლების, ჯანდაცვის ევროპულ  ნორმებთან და კანონმდებლობასთან ინტეგრაციისა და მართვის ევროპული სტანდარტების დანერგვას ითვალისწინებს, დასრულებულია.  ამჟამად მიმდინარეობს დოკუმენტების ქართულ ენაზე თარგმნა. „გლობალურ ალიანსთან“ ხელშეკრულება  მთავრობის  გადაწყვეტილებით 1 მაისამდე გაგრძელდა.

 



„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა
access_time2020-10-20 17:25:36
„უკვე მერვე თვეა „ბასტი ბუბუს“ არც ერთი თანამშრომელი ხელფასს არ იღებს - „ბასტი ბუბუ“ დგას დახურვის პირას, სიკვდილ-სიცოცხლის ზღვარზეა“,- ამის შესახებ რადიო „პალიტრისა“ და „პალიტრანიუსის“ გადაცემაში „საქმე“ საბავშვო სტუდია „ბასტი ბუბუს“ დირექტორმა პაატა ამონაშვილმა განაცხადა.   მისი თქმით, პანდემიის გამო, სტუდიას დაგროვილი აქვს 120 000 ლარის დავალიანება, რომლის გადახდაც გაჩერებული მუშაობის პირობებში ვერ ხერხდება. ამას კი, ღონისძიებების გაურკვეველი დროით აკრძალვაც...

ბიზნესი პრემიერს ამხნევებს - კერძო სექტორმა გახარიას ორი მოთხოვნით მიმართა

ბიზნესი პრემიერს ამხნევებს - კერძო სექტორმა გახარიას ორი მოთხოვნით მიმართა
access_time2020-10-20 16:26:31
„ჩვენ შეხვედრის დასაწყისშივე გავამხნევეთ პრემიერი და მან თქვა, რომ საკმაოდ მხნედ იყო , ფორმაში იყო და ეს ძალიან ღირებულია ჩვენთვის იმიტომ, რომ არაორდინალურ გარემოში გვიწევს ცხოვრება და ეს ყველას კარგად უნდა გვესმოდეს,“- საქართველოს პრემიერ-მინისტრ გიორგი გახარიასა და ბიზნესის წარმომადგენლებს შორის შეხვედრა ცოტა ხნის წინ დასრულდა. ჟურნალისტებთან ბიზნეს ასოცაციის პრეზიდენტმა სოსო ფხაკაძემ ისაუბრა იმ ძირითად საკითხებზე, რაც ბიზნესმა დღის წესრიგში დააყენა. მისი...

„m2 ჯგუფი“ „ოლიმპიური ვარსკვლავის“ შეჩერებული ობიექტის მშენებლობას იწყებს

„m2 ჯგუფი“ „ოლიმპიური ვარსკვლავის“ შეჩერებული ობიექტის მშენებლობას იწყებს
access_time2020-10-20 14:50:23
„m2 ჯგუფი“ სამშენებლო კომპანია „ოლიმპიური ვარსკვლავის“ ობიექტზე სამშენებლო სამუშაოებს იწყებს.  ხელშეკრულების პირობების თანახმად, მშენებლობა სამი წლის ვადაში დასრულდება და, თორმეტწლიანი ლოდინის შემდეგ, 400-მდე დაზარალებული ოჯახი, კუთვნილ ბინებს მიიღებს. პროექტი თბილისის მერიასთან 23 ივნისს გაფორმებული მემორანდუმის ფარგლებში ხორციელდება. აღნიშნული დოკუმენტი, მხარეების კომპეტენციის ფარგლებში, „ოლიმპიური ვარსკვლავის“ მიერ დაუმთავრებელი...

თუ დაშვებულია 200 კაციანი კულტურული ღონისძიება, რატომ არ შეიძლება ქორწილების ჩატარება?!

თუ დაშვებულია 200 კაციანი კულტურული ღონისძიება, რატომ არ შეიძლება ქორწილების ჩატარება?!
access_time2020-10-20 15:00:08
სოციალური და სარიტუალო ღონისძიებების ჩატარება - ქორწილი, იუბილე, ქელეხი - კორონავირუსის მეორე ტალღის გამწვავებისას,  10 სექტემბრიდან ღია სივრცეშიც აიკრძალა. ღონისძიებები ესაა სფერო, რითაც  შემოსავალს 20-მდე სხვადასხვა პროფესიის ადამიანი იღებდა.  თითქოს ჩავარდნილი გაზაფხულისა და ზაფხულის სეზონების შემდეგ, სოციალური ივენთების მიმართულება გამოცოცხლებას იწყებდა და წყვილებმა ქორწილებისა და დაბადების დღეების აღნიშვნაც კი  შემოდგომაზე გადაწყვიტეს, მორიგი...

დაიწყოს გამოძიება გელათის დაზიანების ფაქტზე — საია

დაიწყოს გამოძიება გელათის დაზიანების ფაქტზე — საია
access_time2020-10-20 16:15:07
საქართველოს ახალგაზრდა იურისტთა ასოციაცია გენერალურ პროკურატურას მიმართავს განცხადებით, დაიწყოს გამოძიება „გელათის“ დაზიანების ფაქტზე.   „კულტურული მემკვიდრეობის სააგენტო გელათში არსებულ მდგომარეობას უკავშირებს მცირე ხარვეზებს. სინამდვილეში ეს არის არა მცირე ხარვეზები, არამედ ეს არის ძეგლის დაზიანება, რომელზეც პასუხი უნდა აგოს როგორც [სამუშაოების შემსრულებელი] კომპანიის წარმომადგენლებმა, ასევე, გამოძიებამ უნდა შეისწავლოს, ადგილი ხომ არ ჰქონდა გულგრილობას ჩინოვნიკების...


მსგავსი სიახლეები

up