ინფრასტრუქტურის მინისტრის მოადგილემ წყალმომარაგების კომპანიის თანამშრომლებს ახალი ხელმძღვანელი წარუდგინა

ინფრასტრუქტურის მინისტრის მოადგილემ წყალმომარაგების კომპანიის თანამშრომლებს ახალი ხელმძღვანელი წარუდგინა

access_time2020-01-21 10:43:08

რეგიონული განვითარებისა და ინფრასტრუქტურის მინისტრის მოადგილემ, ილია ბეგიაშვილმა გაერთიანებული წყალმომარაგების კომპანიის თანამშრომლებს ახალი ხელმძღვანელი, გრიგოლ მანდარია წარუდგინა. ინფორმაციას რეგიონული განვითარებისა და ინფრასტრუქტურის სამინისტრო ავრცელებს.



შეხვედრისას, ილია ბეგიაშვილმა ბაკურიანსა და გუდაურში იანვრის დასაწყისში შექმნილი ვითარებაც მიმოიხილა და აღნიშნა, რომ საჭიროა კიდევ უფრო მეტი ძალისხმევა და კოორდინირებული მუშაობა, რათა მსგავსი პრობლემები თავიდან ავიცილოთ.



მინისტრის მოადგილემ და ახალმა ხელმძღვანელმა მადლობა გადაუხადეს წყალმომარაგების კომპანიის ყველა იმ თანამშრომელს, რომლებიც ამ დღეების განმავლობაში, რთულ კლიმატურ და რელიეფურ პირობებში 24 საათიან რეჟიმში მუშაობდნენ პრობლემის აღმოსაფხვრელად.



გრიგოლ მანდარიას განცხადებით, კომპანია გააგრძელებს აქტიურად მუშაობას, რათა დაძლიოს დარგში დღეს არსებული გამოწვევები და სირთულეები.



,,მაქსიმალური უნდა გავაკეთოთ იმისთვის, რომ წყლის მიწოდების სერვისები რეგიონებსა და ტურისტულ ზონებში გაუმჯობესდეს. ჩვენ დავიწყეთ შეხვედრები დეველოპერებთან, მუნიციპალიტეტებთან, ბიზნეს სექტორთან და შესაბამის უწყებებთან, რათა კოორდინირებულად ვითანამშრომლოთ, მივყვეთ მზარდ ტურისტულ ტემპს და დამსვენებლები სტაბილური წყლის მიწოდებით უზრუნველვყოთ. 2020 წელს კომპანია დამატებით 200 მილიონი ლარის ინვესტიციას განახორციელებს, რაც რეგიონებში წყლის ინფრასტრუქტურის განვითარებას მოხმარდება. მოგვიწევს ინტენსიურ რეჟიმში მუშაობა, რათა მიმდინარე მასშტაბური სამუშოები დროულად დავასრულოთ, დავიწყოთ ახალი პროექტები და გავაუმჯობესოთ წყლის მიწოდების მომსახურება’’-განაცხადა გრიგოლ მანდარიამ.



ახალ ხელმძღვანელს წყალმომარაგების სფეროში მუშაობის რამდენიმე წლიანი გამოცდილება გააჩნია. 2012 წლიდან გრიგოლ მანდარია მუშაობდა ენერგეტიკისა და წყალმომარაგების ეროვნულ კომისიაში - წყალმომარაგების დეპარტამენტის დირექტორად, ხოლო კომპანიაში დანიშვნამდე ინფრასტრუქტურის სამინისტროში, წყალმომარაგების საკითხებში მრჩევლის პოზიციას იკავებდა.







გამოიწვევს თუ არა ახალი კორონავირუსი გლობალურ ფინანსურ კრიზისს

გამოიწვევს თუ არა ახალი კორონავირუსი გლობალურ ფინანსურ კრიზისს
access_time2020-02-23 18:00:01
ჯანდაცვის მსოფლიო ორგანიზაციამ კორონავირუსი გლობალური მნიშვნელობის საფრთხედ გამოაცხადა. იმავე დღეს საერთაშორისო სავალუტო ფონდმა აღიარა, რომ ეპიდემია გავლენას მსოფლიო ეკონომიკაზეც იქონიებს. ექსპერტების აზრით, აშკარაა, რომ...

„ეროვნული ბანკის რეგულაციების გარეშე მომავალში მოსახლეობის მასობრივ გაკოტრებას და სისტემურ კოლაფსს მივიღებდით“ - ლაშა ნიკოლაიშვილი

„ეროვნული ბანკის რეგულაციების გარეშე  მომავალში მოსახლეობის მასობრივ გაკოტრებას  და სისტემურ კოლაფსს მივიღებდით“ - ლაშა ნიკოლაიშვილი
access_time2020-02-23 17:00:10
„საბანკო რეგულაციებმა ადმინისტრირება ბოლო ორი წელია რაც დაიწყო, თუმცა, რეალურად,პროცესს საფუძველი  4-5 წლის წინ ჩაეყარა. იყო ძალიან დიდი მოსამზადებელი პერიოდი. რეგულაციები ფინანსური ინსტიტუტებისთვის მოულოდნელი არ ყოფილა,“- ამის შესახებ მიკროსაფინანსო ორგანიზაცია „რიკო ექსპრესის“ სამეთვალყურეო საბჭოს თავმჯდომარემ, ლაშა ნიკოლაიშვილმა რადიო „კომერსანტის“, გადაცემაში „ეკონომისტის დრო...

რა ეკონომიკურ და პოლიტიკურ დივიდენდებს მოუტანს TANAP-ი საქართველოს

რა ეკონომიკურ და პოლიტიკურ დივიდენდებს მოუტანს TANAP-ი საქართველოს
access_time2020-02-23 15:00:35
“სამხრეთის დერეფნის კონცეფცია საქართველოს მნიშვნელოვან პოლიტიკურ დივიდენდსა და ენერო უსაფრთხოებას მოუტანს,” – ამის შესახებ საქართველოს ნავთობისა და გაზის კორპორაციის გენერალურმა დირექტორმა, გიორგი ბახტაძემ, report.ge-ისთან საუბრისას განაცხადა. მისი განმარტებით, ტრანს-ანატოლიური გაზსადენის – TANAP ამოქმედებამდე საქართველო გაზის მხოლოდ რეგიონული მნიშვნელობის სატრანზიტო ქვეყანას წარმოადგენდა. ახლა იგი საერთაშორისო მასშტაბის მოთამაშედ ჩამოყალიბდა. ამიერიდან...

საცხობების ქსელი ანტრე ლონდონში გაიხსნება

საცხობების ქსელი ანტრე ლონდონში გაიხსნება
access_time2020-02-22 19:10:48
საცხობების ქსელი ანტრე ლონდონში გაიხსნება. ქსელის პირველი კაფე ნოთინგ ჰილ გეითის # 138 ში სტუმრებს 2020 წლის ზაფხულიდან უმასპინძლებს. “ანტრე ლონდონი” კომპანიის საერთაშორისო ექსპანისიის ნაწილია, რომელიც თბილისის და ბაქოს შემდეგ მესამე ქალაქს წარმოადგენს.ანტრე თანამედროვე, ჯანსაღი ცხოვრების მოყვარულთა არჩევანია, რომელმაც რეპუტაცია უმაღლესი ხარისხის ხელნაკეთი პროდუქტების წარმოებით მოიპოვა.“ანტრე ლინდონი” ბრიტანულ ბაზარზე საინტერესო სინთეზით...

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“
access_time2020-02-22 18:00:21
თუ გაქვთ სურვილი და, იმავდროულად, თანხაც, თბილისში ახალი ადგილი შექმნათ, სადაც ადამიანები სიამოვნებით ივლიან და გემრიელ კერძებს დააგემოვნებენ, ეს სულაც არ ნიშნავს იმას, რომ ოცნების რეალობად ქცევისთვის ყველა საჭირო ბერკეტს...


მსგავსი სიახლეები

up