ორთოპედიულ პროდუქციას განეკუთვნება:წელის კორსეტები და ქამრები, ფიქსატორები, ბალიშები და სუპინატორები.მათ ყოველდღიურ ცხოვრებაში აქტიურად ვიყენებთ, რადგან ეს სამედიცინო საშუალებები ჯანმრთელობის გარკვეული პრობლემების დროს გვეხმარება. ორთოპედიული პროდუქტების შესახებ ამომწურავ ინფორმაციას შეგიძლიათ გაეცნოთ ახალ სამედიცინო პორტალზე - Infomedical. ვებგვერდზე დეტალურად არის აღწერილი მათი დანიშნულება,მახასიათებლები და როგორ უნდა შევარჩიოთ საჭირო პროდუქტი.პორტალზე ასევე წაიკითხავთ სტატიებს სამედიცინო თემებზე.
ორთოპედიული ფიქსატორები - სხეულის თითქმის ყველა ნაწილისთვის არსებობს და ეფექტურია მისი ტარება ტრავმის შემდგომ პერიოდში, ასევე სხვადასხვა დაზიანების დროს. მათი გამოყენების მიზანი მრავალმხრივია - ეს შეიძლება იყოს ტკივილის შემსუბუქება, რეაბილიტაციის პერიოდი, იმობილიზაცია ან რომელიმე დაავადების პრევენცია. მას შეუძლია, ტრავმებისგან დაგიცვათ და სწორ პოზიციაშიც დაგიფიქსიროთ სხეულის შესაბამისი ნაწილი.
სუპინატორები - ადამიანებს ტერფთან დაკავშირებული დაავადებების მართვის პროცესში ეხმარება და ამასთანავე, მათი წარმოქმნის პრევენციასაც უზრუნველყოფს. ის არსებულ პრობლემებს გვიწესრიგებს და დიდი ფიზიკური დატვირთვის შემთხვევაში შესაძლო გართულებებისგან გვიცავს. გარდა ამისა, სუპინატორის გამოყენება აუცილებელია ბრტყელტერფიანობის შემთხვევაში, ეს დაავადება კი საყრდენ-მამოძრავებელი აპარატის ერთ-ერთი ყველაზე გავრცელებული ფორმაა. ტერფის გამოხატული პათოლოგიის დროს შედარებით მყარ სუპინატორს ანიჭებენ უპირატესობას,რათა მან თაღის სტაბილიზაციას შეუწყოს ხელი. პროფილაქტიკის მიზნით კი რეკომენდებულია სილიკონის დრეკადი სუპინატორის გამოყენება, რომელიც ტერფზე დატვირთვას ამცირებს და ფიზიკური აქტივობის პროცესსა და ყოველდღიურ საქმიანობას უფრო კომფორტულს ხდის.
წელის ქამრები- ეს პროდუქტი ხელს უწყობს ხერხემლის არეში დატვირთვის შემსუბუქებას და გამოიყენება კუნთოვანი და ძვალ-სახსროვანი სისტემის მრავალი დაავადების დროს, ექიმის რეკომენდაციით. ზოგიერთი მათგანი მუცლის ღრუზე ჩატარებული ოპერაციების შემდგომ გამოიყენება. პაციენტები წელის ქამრებს ატარებენ ხერხემლის მალთაშუა დისკების დაზიანების, სპონდილოზისა და ხერხემლის დეფორმაციის დროს.
მნიშვნელოვან სამედიცინო პროდუქტებს ასევე მიეკუთვნება ვარიკოზის წინდები.ისინი ფეხებში შეშუპებას, დაღლილობისა და ტკივილის შეგრძნებას ხსნის. ზოგიერთი მათგანი გამოიყენება თრომბოზის პროფილაქტიკის მიზნით ნაკლებად მოძრავი, მჯდომარე ან მდგომარე ცხოვრების წესის მქონე ადამიანებისთვის, ასევე ხანგრძლივი მგზავრობის დროს. კომპრესიული წინდები აუმჯობესებს წვივებში სისხლის მიმოქცევას და უზრუნველყოფს კომფორტის შეგრძნებას ხანგრძლივი დროის განმავლობაში. მათი ტარება ვარიკოზის მკურნალობისა და პროფილაქტიკის ერთ-ერთი ეფექტური საშუალებაა და მომხმარებლები მას აქტიურად გამოიყენებენ.
(R)