ინფლაცია ზრდის ტენდენციას განაგრძობს და წლის ბოლოს ეს მოსახლეობაზე კიდევ უფრო მძიმედ აისახება - ირაკლი მაკალათია

ინფლაცია ზრდის ტენდენციას განაგრძობს და წლის ბოლოს ეს მოსახლეობაზე კიდევ უფრო მძიმედ აისახება - ირაკლი მაკალათია

access_time2019-09-05 10:00:56

„ინფლაციის მაჩვენებელი ზრდას განაგრძობს და რეალურად, დაფიქსირებულ 4.9 %-ზე, უფრო მაღალიცაა. ზრდადი ტენდენცია წლის ბოლოსთვის, პირველ რიგში, კიდევ უფრო მძიმედ აისახება მოსახლეობაზე, რადგან მუდმივად უძვირდებათ პროდუქტები. შედეგად  მცირდება მსყიდველუნარიანობაც. განსაკუთრებით მძიმე მდგომარეობაა დაბალ შემოსავლიანი მოსახლეობის შემთხვევაში, რადგან იმავე ოდნების ხელფასებით სულ უფრო ნაკლებ პროდუქტს ყიდულობენ და ცხოვრების დონეც უუარესდებათ,“  ასე აფასებს ეკონომისტი ირაკლი მაკალათია ქვეყანაში ინფლაციის ზრდის ტენდენციას.


საქსტატის ინფორმაციით,  2019 წლის აგვისტოში წინა თვესთან შედარებით ინფლაციის დონემ საქართველოში 0.8 პროცენტი, ხოლო წლიური ინფლაციის დონემ 4.9 პროცენტი შეადგინა. მაშინ, როდესაც საქართველოს 2019 წლის ბიუჯეტის მიხედვით ინფლა​ცია 3 %-ზეა გათვლილი.



როგორც ირაკლი მაკალათია განმარტავს, ინფლაციის ზრდას ორი მიზეზი განაპირობებს:


  • როდესაც განვითარებული არაა ადგილობრივი წარმოება და, შესაბამისად, ძვირდება გარკვეული პროდუქტი;


  • როდესაც ქვეყნის ეკონომიკა დამოკიდებულია იმპორტირებულ პროდუქტზე და უფასურდება ვალუტის კურსი, ძვირდება იმპორტირებული პროდუქციაც.


ეკონომისტი დარწმუნებულია, რომ რეალურად ინფლაცია უფრო მაღალია, ვიდრე 4.9 %. პრობლემა კი მის გამოთვლაშია:


„ინფლაცია გაიანგარიშება 306 დასახელების პროდუქტისგან, ანუ სიაში მოხვედრილ ჩამონათვალზე ფასები საშუალოდ  4.9 %-ით გაიზრდა. აღსანიშნავია, რომ  ამ მაჩვენებელზე მოქმედებს ისეთი ჯგუფები, როგორიცაა მაგალითად ტანსაცმელი და ფეხსაცმელი. ზოგადად, ამ ნაწილში ყოველთვიურად გვაქვს დეფლაცია და რაც, მაგალითად წინა თვეში იყო -6.9 %. ასეთი ჯგუფი მრავლადაა, როცა მათი ხვედრითი წილი მაღალია, თუმცა ეს პროდუქტები ძალიან ბევრია და ინფლაციის მაჩვენებელიც დაბალია. რიგ შემთხვევაში დეფლაციისკენაც კი მიდის და საბოლოო ჯამში, ინფლაციის საშუალო მაჩვენებელს ამცირებს. ამიტომ ჩანს 4.9 %, თორემ სინამდვილეში უფრო მაღალია“.


იმ შემთხვევაში თუ ცალკეული ჯგუფებს უფრო დეტალურად და კატეგორიების მიხედვით შევისწავლით ციფრები მოიმატებს. ასევე მნიშვნელოვანია აქცენტები გაკეთდეს მოსახლეობისთვის ყველაზე მოთხოვნად პროდუქტებზე. შესაბამისად საერთო სურათიც შეიცვლება და რეალობა უფრო ცალსახა გახდება - ინფლაცია სინამდვილეში უფრო მაღალია:


„ავიღოთ ერთ-ერთი მოთხოვნადი პროდუქტი, სურსათი და უალკოჰოლო სასმელები, რომელთა ინფლაცია, ბოლო მონაცემებითაც, მართალია მაღალია ( 8 %), მაგრამ ეს ციფრიც არაა რეალისტური. სინამდვილეში რომ განვიხილოთ ცალკეული პროდუქტები, ვნახავთ რომ მაგალითად, შაქრის ინფლაცია 31.5 %-ია და კიდევ ბევრი ასეთი დეტალი რომ შევისწავლოთ, ციფრი 8 %-ს გადააჭარბებს“,- განმარტავს ირაკლი მაკალათია.


სურსათის შემდეგ ყველაზე მოთხოვნადი ჯანდაცვაა და აქ ინფლაციამ 3.9 % შეადგინა. ირაკლი მაკალათიას თქმით, ამ შემთხვევაშიც, თუ მედიკამენტების ფასებს კონკრეტულად შევისწავლით, განსხვავებული რეალობა გამოიკვეთება:


„აღსანიშნავია, რომ რეალურად ინფლაციის მატება საყოველთაო ჯანდაცვის პროგრამის ამოქმედებიდან დაიწყო. მთავრობამ თქვა, რომ სუბსიდირებას გაუწევდა და ფულს ჩაურიცხავდა როგორც კერძო, ასევე სახელმწიფო სამედიცინო დაწესებულებებს. ეს პროცესი კი იგვიანებდა და ამ დროს წარმოშობილი რისკების დასაბალანსებლად, დაწესებულებები პროდუქტებს აძვირებენ“.


4.9 % რომ რეალისტური ციფრი არაა და გარკვეული ჯგუფების დეტალურად შესწავლის შედეგად ციფრი იზრდება, ამის გარდა ეკონომისტი ყურადღებას თავად გაანგარიშების მეთოდზე ამახვილებს:


„ძირითადი ბაზრიდან შერჩეულია 6 ქალაქი და ზუსტად არავინ ვიცით როგორ ხდება შერჩევა. თუმცა, ფაქტია, ადგილი ყოველთვის აქვს ცდომილებას. შედეგად საერთო სურათი შეიძლება იყოს დადებითიც და უარყოფითიც. ამიტომ, ვარაუდი, რომ ინფლაცია უფრო მაღალია, რეალურია. თანაც ისიც გასათვალისწინებელია, რომ ახლა ვსაუბრობთ 2019 წლის დინამიკის 2018 წელთან მიმართებაზე. სტატისტიკა კი ადასტურებს, რომ ინფლაცია  უკვე წლებია იზრდება. ამ შემთხვევაში, რა თქმა უნდა, ყველაზე მეტად მოსახლეობა ზარალდება“.


 ინფლაციის მაჩვენებლის სტატისტიკა წლების მიხედვით ამგვარად გამოიყურება:





წყარო: საქსტატი


სალომე ლემონჯავა




„20-მდე კომპანიის გადამოწმების შედეგად, 6-ს საქმიანობის გაგრძელებაზე განაცხადი არ დაუკმაყოფილდა“

„20-მდე კომპანიის  გადამოწმების შედეგად, 6-ს საქმიანობის გაგრძელებაზე განაცხადი არ დაუკმაყოფილდა“
access_time2020-04-07 16:45:20
ჯანდაცვის სამინისტროს შრომის პირობების ინსპექტირების დეპარტამენტის უფროსის ბექა ფერაძის ინფორმაციით, საქმიანობის ნებართვის გაგრძელების სურვილის მქონე 20-მდე კომპანია გადამოწმდა, რომელთაგან 6-ს განაცხადი ჯანდაცვის სამინისტროს რეკომენდაციების შეუსრულებლობის გამო არ დაუკმაყოფილდა. როგორც ბექა ფერაძემ „ინტერპრესნიუსს“ საწარმოების მხრიდან რეკომენდაციების შესრულების მონიტორინგის პროცესის შესახებ განუცხადა, ერთი დღის განმავლობაში COVID 19-ის გავრცელების პრევენციის მიზნით...

პაატა ბაირახტარი: ეროვნულ ბანკს უნდა გაეკეთებინა ის, რასაც აკეთებს ახლა. უბრალოდ, ეს უნდა გაეკეთებინა თავის დროზე

პაატა ბაირახტარი: ეროვნულ ბანკს უნდა გაეკეთებინა ის, რასაც აკეთებს ახლა. უბრალოდ, ეს უნდა გაეკეთებინა თავის დროზე
access_time2020-04-07 15:00:16
მარტის თვის მდგომარეობით ქვეყანაში ინფლაციის დონე მნიშვნელოვნად არის გაზრდილი, 6.1%-ს შეადგენს და მიზნობრივ მაჩვენებელს ორჯერ აღემატება. ჩნდება კითხვა, - რატომ ვერ ართმევს ცენტრალური ბანკი თავს თავის უმთავრეს მოვალეობას  და რატომ ვერ ახერხებს ფასების საერთო დონის მოთოკვას. ამ კითხვებით „კომერსანტმა“, ახალგაზრდა ფინანსისტთა და ბიზნესმენთა ასოციაციის - „აფბას“ ვიცე-პრეზიდენტს, პაატა ბაირახტარს მიმართა. - პაატა,...

„დანკინმა“ ინფექციურის და პირველი საუნივერსიტეტო კლინიკის მედიკოსებს საუზმე მიართვა

„დანკინმა“  ინფექციურის  და პირველი საუნივერსიტეტო კლინიკის მედიკოსებს საუზმე მიართვა
access_time2020-04-07 12:30:35
ამერიკული რესტორნების ქსელმა „დანკინმა“ ინფექციურის და პირველი საუნივერსიტეტო კლინიკების ბოქსირებული განყოფილების მედიკოსებს დაუღალავი შრომისთვის მადლობის ნიშნად საუზმე მიართვა და საშუალება მისცა „დანკინის“ ყავით და დესერტებით ენერგიულად დაეწყოთ დილა. აქცია „ვისოლ ჯგუფის“ სოციალური კამპანიის ნაწილია, რომელიც საზოგადოებას თანამედროვე გმირებს გააცნობს დევიზით #შექმენიისტორია. შეგახსნებთ, რომ „დანკინის“ რესტორნები ახალი რეგულაციების გათვალისწინებით განაგრძობენ მუშაობას და...

„ქვეყნისთვის პრიორიტეტი ამ ეტაპზე სასოფლო-სამეურნეო მიწების დამუშავებაა“-ლაშა პაპაშვილი

„ქვეყნისთვის პრიორიტეტი ამ ეტაპზე სასოფლო-სამეურნეო მიწების დამუშავებაა“-ლაშა პაპაშვილი
access_time2020-04-07 14:00:16
„ქვეყნისთვის პრიორიტეტი ამ ეტაპზე სასოფლო-სამეურნეო მიწების დამუშავებაა“ -ამის შესახებ „კომერსანტს“ ბიზნესმენმა ლაშა პაპაშვილმა განუცხადა. ის მთავრობის გადაწყვეტილებას ბიზნესის გადაზღვევასა და კომუნალურების სუბსიდირებასთან დაკავშირებით, დადებითად აფასებს და ამბობს,რომ ხელისუფლებამ ყველაფერი უნდა გააკეთოს მოქალაქეებისთვის და შემდეგ ბიზნესისთვის. „ბიზნესისთვის სესხების გადაზღვევა რამდენად შეღავათს...

Bloomberg-ზე 1 დოლარი 3.1794 ლარად ივაჭრება, ბანკებში კი 1 დოლარი 3.2200 ლარი ღირს

Bloomberg-ზე 1 დოლარი 3.1794 ლარად ივაჭრება, ბანკებში კი 1 დოლარი 3.2200 ლარი ღირს
access_time2020-04-07 12:30:10
ლარი გაუფასურების ტენდენციას განაგრძობს. Bloomberg-ის სავაჭრო სისტემაში დილიდან ვაჭრობა $1/3.1762-ით დაიწყო, 12:20 საათისთვის 1 დოლარი 3.1794-ის ნიშნულზეა. საქართველოს ეროვნული ბანკის მიერ გამოქვეყნებული მონაცემების თანახმად, 6 მარტის ვაჭრობის შედეგად აშშ დოლარის ღირებულებამ 3.1740 ლარი შეადგინა.  შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2000 ლარადაა შესაძლებელი, ხოლო მისი გაყიდვა - 3.1500 ლარად. „საქართველოს...


მსგავსი სიახლეები

up