ინდოეთის ხელისუფლებამ დაქუცმაცებული/დამსხვრეული ბრინჯის ექსპორტის აკრძალვა გააუქმა, რომელიც შიდა ბაზარზე მისი ხელმისაწვდომობის გაზრდის მიზნით სექტემბრის დასაწყისში იყო შემოღებული. ამის შესახებ საინფორმაციო სააგენტო ANI რესპუბლიკის ვაჭრობისა და მრეწველობის სამინისტროს საგარეო ვაჭრობის მთავარი დეპარტამენტის ბრძანებაზე დაყრდნობით იუწყება.
როგორც გავრცელებული ინფორმაციიდან ირკვევა, ინდოეთიდან ამ ტიპის ბრინჯის მიწოდების შემცირებამ ქვეყანაში ფასების ზრდა შეაკავა.თუმცა ამ ეტაპისთვის მთავრობამ დადგენილი შეზღუდვების მოხსნის გადაწყვეტილება მიიღო.
დაქუცმაცებული ბრინჯი ინდოეთის ექსპორტის დაახლოებით 20%-ს შეადგენს. მთლიანობაში, ამ პროდუქტით მსოფლიო ვაჭრობის 40% ინდოეთს უკავია.
შეგახსენებთ, რომ ინდოეთის ხელისუფლებამ დააწესა აკრძალვა ქვეყნიდან დაქუცმაცებული ბრინჯის ექსპორტზე, მათ შორის ცუდი მოსავლის გამო წლევანდელ წვიმიან სეზონზე არასაკმარისი ნალექის გამო. ინდოეთი ასზე მეტ ქვეყანას აწვდის ბრინჯს. მისი მომხმარებლები არიან რუსეთი, ბანგლადეში, ჩინეთი, ნეპალი, ახლო აღმოსავლეთის ქვეყნები და მათ შორისა საქართველოც.
აღსანიშნავია, რომ მიმდინარე წლის იანვარ-ოქტომბერში საქართველომ ინდოეთიდან 1,937.69 ტონა ნახევრად დამსხვრეული ან მთლიანად დამსხვრეული ბრინჯი, გაპრიალებული ან გაუპრიალებელი, მოჭიქული ან მოუჭიქავი იყიდა. საანგარიშო პერიოდში ქვეყანაში 7,579.61 ტონა დამსხვრეული ბრინჯი შემოვიდა, შესაბამისად მიმდინარე სტატისტიკური მაჩვენებლების თანახმად, ამ ტიპის ბრინჯის იმპორტში ინდოეთის წილი 26%-მდეა.