ათწლეულების მანძილზე ევროპის ავიაციაში 3 ურყევი ფაქტი იყო - პირველი - ბრიტანეთს ავიარეისების ყველაზე დიდი რაოდენობა აქვს, მეორე - ლონდონი სხვა ქალაქებთან ყველაზე უკეთესადაა დაკავშირებული, მესამე - აეროპორტი „ჰიტროუ“ პირველ ადგილზეა მგზავრთა რაოდენობით.
პანდემიამ და მის წინააღმდეგ ბრძოლამ ეს ურყევი რეალობა რადიკალურად შეიცვალა - ამაზე საავიაციო ბიულეტენის The Anker Report-ის ექსპერტის რალფ ანკერის მიერ ჩატარებულმა კვლევის შედეგები მეტყველებს.
მან მსოფლიოს 400 აეროპორტში 2020 წლის აპრილ-დეკემბერში შექმნილი ვითარება გაანალიზა, და 2019 წლის მონაცემებს შეადარა.
ანკერის დასკვნა შემდეგია - ევროპის საავიაციო ბაზაზე 2 ლიდერი გამოჩნდა და მათ შორის ბრიტანეთი არც ერთი არაა. ორივე ეს ქვეყანა ევროპასა და აზიაში მდებარეობს, მაგრამ მათი გადაზიდვების ძირითადი ცენტრები ევროპულ ნაწილშია.
პირველ ადგილზე თურქეთი გავიდა, მეორეზე კი -რუსეთი, თანაც, მხოლოდ მოსკოვის და სანქტ-პეტებურგის მონაცემებზე დაყრდნობით.
შემდეგი ადგილები ესპანეთმა, იტალიამ და საფრანგეთმა დაიკავეს. ევროპის ავიაბაზრის ტრადიციული და მრავალწლიანი ლიდერი - ბრიტანეთი - მხოლოდ მე-6 ადგილზეა, მე-7-ზე კი გერმანია.
ქალაქების მიხედვით ჩანს, რომ მოსკოვმა და სტამბოლმა ლონდონს გაუსწრეს დას სამეფოს დედაქალაქი საკმაოდ უხერხულ მდგომარეობაში ჩააყენეს. რუსეთის დედაქალაქი რეიტინგის პირველ ადგილზეა, და მას კონკურენციას მხოლოდ სტამბოლი უწევს.
თუმცა, ზოგადად, ლიდერებიც საკმაოდ დაზარალდნენ - კვლევა აჩვენებს, კორონავირუსის პანდემიამ მათ მგზავრნაკადზე რამდენად უარყოფითად იმოქმედა.
სტამბოლის ახალმა აეროპორტმა ნაკადის 68% დაკარგა— ეს მაშინ, როდესაც მისი მაჩვენებლები ბევრად უკეთესია, ვიდრე მისი ძირითადი კონკურენტების. სწორედ სტამბოლის აეროპორტი გახდა ევროპაში გადაზიდვების ლიდერი.
მოსკოვის დომოდედოვომ და შერემეტიევომ მე-2 და მე-3 ადგილები დაიკავეს, მე-4-ზე ამსტერდამია.
მე-5 ადგილზე ისევ სტამბოლია - ამჯერად ქალაქის აზიურ ნაწილში მდებარე აეროპორტი „საბიჰა გექჩენი“.
ყოფილი უპირობო ლიდერი - ლონდონის „ჰიტროუ“ - მხოლოდ მე-6 ადგილზე, და ის მცირედით პარიზის „შარლ დე გოლ“-ს უსწრებს. შემდეგ - ისევ მოსკოვი, აეროპორტი „ვნუკოვო“, რომელიც მე-8 ადგილზეა.
მე-9 პოზიციას მადრიდი, მე-10 კი - ფრანკფურტი იკავებს, მე-11-ს პარიზის მეორე აეროპორტი „ორლი“, მე-12-ზე - სანქტ-პეტებურტი, მე-13-ზე - ბარსელონა და ლისაბონი, მე-15-ზე - სრულიდ ახალი და ევროპისთვის უცნობი მოთამაშე გამოჩნდა - რუსეთის მთავარი საზღვაო კურორტი სოჭი.
ჩრდილოეთ-დასავლეთ ევროპის საავიაციო ბაზარი უბედურების ზონადაა ქცეული, და როგორც ჩანს, ბრიტანეთის მთავრობა ყველაფერს აკეთებს იმისთვის, რომ ეს რაც შეიძლება დიდხანს გაგრძელდეს.
ოფიციალურმა ლოდნონმა ლოკდაუნიდან გამოსვლის საგზაო რუკა გამოაქვეყნა, რომელშიც არაფერია ნათქვამი ავიამიმოსვლის სრულფასოვანი აღდგენის ვადებზე. ავიაციის ზარალი შოკისმომღვრელია, და პირველ რიგში ეს დიდი დარტყმაა სპეციალისტებისთვის, რომლებმაც ბრიტანეთი მრავალწლიან ლიდერად აქციეს და დღეს თავიანთი შრომის შედეგების დანგრევას უყურებენ
independen.co.uk
მოამზადა თენგიზ აბლოთიამ