იმპორტიორები სურსათის მოსალოდნელ მკვეთრ გაძვირებაზე საუბრობენ

იმპორტიორები სურსათის მოსალოდნელ მკვეთრ გაძვირებაზე საუბრობენ

access_time2016-07-14 16:30:50

როგორც გაზეთი „რეზონანსი" წერს, საერთაშორისო ბირჟებზე, პირველადი მოხმარების სასურსათო პროდუქტი გაძვირდა. ამას ემატება ის, რომ საქართველოს მთავარი სავაჭრო პარტნიორი ქვეყნების ვალუტები მყარდება, რაც საქართველოსთვის განკუთვნილი პროდუქტის ღირებულებას ზრდის. ყველაფერს "აგვირგვინებს" გაუფასურებული ლარი და, საბოლოო ჯამში, იმპორტირებული პროდუქტი საგრძნობლად გაძვირდება.


იმპორტიორებს სასურსათო პროდუქტის 1-1,5 თვის მარაგი აქვთ და ფიქრობენ, რომ გაძვირების ტალღა განსაკუთრებით შემოდგომიდან გახდება თვალში საცემი. კომპანია "დუს" ხელმძღვანელი დავით გოგიჩაიშვილი ამბობს, რომ აბსოლუტურად ყველა სახის სასურსათო პროდუქტი გაძვირდა.


"კიდევ გაძვირდება, თანაც საგრძნობლად. ჯერ ნაშთის ხარჯზე ისევ ძველი ფასი გვიდევს. ადრინდელი ხელშეკრულებებით ვმუშაობთ, ინვოისები გაწერილია ერთი თვის წინ. ახალი პარტია, დაახლოებით, 2 თვეში შემოვა და ბაზარსაც დაეტყობა. იქაური ვალუტა რომ მყარდება დოლარის მიმართ და ჩვენი ვალუტა უფასურდება, ეს იმპორტისთვის ძალიან ცუდია. როდესაც პირიქით ხდება, მაშინ კარგია", - ამბობს დავით გოგიჩაიშვილი და დასძენს, რომ თუ ადრე იმპორტიორ ქვეყნებში, მაგალითად 1000 დოლარს რიცხავდნენ გარკვეული ხარჯისთვის, ახლა ეს საკმარისი აღარ არის.


"შეიძლება ეს მდგომარეობა ექსპორტიორებს ხელს აძლევს, ხელფასებს ლარში გასცემენ, მეტ ხარჯს გაისტუმრებენ, მაგრამ ჩვენ პროდუქტს ძალიან გვიძვირებს. რა ხდება აქ, ვერ ვიგებთ იმიტომ, რომ მსოფლიოში დოლარი აღარ მყარდება. ახლა ჩვენ ის პრობლემა გვაქვს, რომ ლარი ფუჭდება", - აღნიშნავს დავით გოგიჩაიშვილი.


წიწიბურა, შაქარი, ბრინჯი, ზეთი უკვე გაძვირდა. იმპორტიორი კომპანია "ალფას" გენერალური დირექტორი გურამ ბროძელი ამბობს, რომ ამ პროდუქტებზე ბოლო პერიოდის განმავლობაში ფასი მუდმივად იზრდება.


"ყველა ქვეყნის ვალუტა მყარდება და ეს ჩვეულებრივი პროცესია, რომ ამ დროს მათი პროდუქტი ჩვენ გვიძვირდება. შაქარი, ბრინჯი, წიწიბურა, ზეთი - ყველაფერზე ისედაც მოიმატა ფასმა საერთაშორისო ბირჟებზე. ლარი ახლა სტაბილური რომ იყოს, ეს პროდუქტი მაინც გაძვირდებოდა. არადა, პროცესი ამბსოლუტურად საპირისპიროა. ამ ყველაფერს გაუფასურებაც ემატება და კიდევ უფრო გაძვირებაა მოსალოდნელი.


სამწუხარო ის არის, რომ მომხმარებელი გადახდისუუნარო ხდება. უჭირს ხალხს, იმდენს ვეღარ მოიხმარს შაქარს, წიწიბურას და სხვა პროდუქტებს. გადასულია ხილზე, ბოსტნეულზე. კარტოფილი და ბადრიჯანი ახლა იაფია და იმას ყიდულობს. შემოდგომიდან ესეც რომ აღარ იქნება, რა ეშველებათ?", - აცხადებს გურამ ბროძელი.



იმპორტიორები ფიქრობენ, რომ სექტემბრის ბოლოდან, როდესაც ბოსტნეული გაძვირებას დაიწყებს, მათი პროდუქტის რეალიზაცია 

 

შედარებით გაიზრდება. საყურადღებოა ისიც, რომ ხილი არც ამ ეტაპზეა იაფი. ბევრს მისი შეძენის შესაძლებლობა შუა ზაფხულშიც არ აქვს.

საქართველო ბოსტნეულით, ძირითადად, კახეთიდან და ქვემო ქართლიდან მარაგდება. აგვისტოს შუა რიცხვებიდან შემოვა გორის პომიდორი. სექტემბრის შუა რიცხვებიდან ბაზრებზე ქართული ბოსტნეულის რიცხვი თანდათანობით შემცირდება და ამას იმპორტული ჩაანაცვლებს.


შეგახსენებთ, რომ FAO-ს (გაეროს სურსათისა და სოფლის მეურნეობის ორგანიზაცია) მონაცემებით, სურსათის ფასის ინდექსი იზრდება. მსოფლიოში საბითუმო ფასს ზომავს სამომხმარებლო კალათში შემავალი ძირითადი მოხმარების პროდუქტები: ხორბალი, მცენარეული ზეთი, რძის პროდუქტები, ხორცი და შაქარი.


ივნისში ინდექსი, საშუალოდ, 163,4 ქულას შეადგენდა და, გასულ წელთან შედარებით, ერთი პროცენტით ნაკლები იყო. მცენარეულ ზეთის გარდა, ჩამოთვლილ პროდუქტზე ფასი ზედიზედ მეხუთე თვეა მატულობს.


FAO-ს შაქრის ფასის ინდექსი მაისიდან 14.8 პროცენტით გაიზარდა იმის გამო, რომ ბრაზილიაში, მსოფლიოს უდიდეს შაქრის მწარმოებელ და ექსპორტიორ ქვეყანაში, ძლიერმა წვიმამ მოსავლის აღებას ხელი შეუშალა და მოსავალი დააზიანა.


FAO-ს მონაცემებით, მარცვლეულის ფასის ინდექსი 2.9 პროცენტით გაიზარდა, თუმცა 2015 წლის ივნისის დონესთან შედარებით 3.9 პროცენტით დაბლაა. ეს ზრდა გამოიწვია სიმინდის გაძვირებამ, რაც ბრაზილიიდან ექსპორტის გამკაცრებამ განაპირობა. ხორბლის ჭარბმა მიწოდებამ და შეერთებულ შტატებში რეკორდულმა მოსავალმა კი ფასის ზრდა შეაკავა.


მაისიდან რძის ფასის ინდექსმა 7.8 პროცენტით მოიმატა, რასაც ბიძგი ევროკავშირში წარმოების ზრდის შენელებამ მისცა. მიუხედავად ამისა, ინდექსი გასული წლის დონესთან შედარებით, 14 პროცენტით დაბალ ნიშნულზე დარჩა.


ხორცის ფასის ინდექსი ივნისში, მაისთან შედარებით, 2.4 პროცენტით გაიზარდა. მსოფლიოში ღორის, საქონლისა და ფრინველის ხორცი ზედიზედ მესამე თვეა ძვირდება. ივნისში ზეთი 0.8 პროცენტით გაიაფდა.


 

საერთაშორისო ორგანიზაცია მსოფლიოში სიმინდის წარმოების შემცირებას ვარაუდობს, ვინაიდან ბრაზილიაში მეორე მოსავლის პერსპექტივა გაუფერულდა, ხოლო ჩინეთში ნათესი ფართობები შემცირებულია. მთლიანობაში მიმდინარე წელს მარცვლეულის წარმოება, სავარაუდოდ, 1,316 მილიარდი ტონა იქნება, რაც წინა თვის პროგნოზზე 0.6 პროცენტით ნაკლებია.




შსს "საქართველოს ბანკის" ყაჩაღობის ფაქტთან დაკავშირებით განცხადებას აქვეყნებს

შსს
access_time2020-10-25 15:04:22
გვსურს, საზოგადოებას მივაწოდოთ დამატებითი ინფორმაცია ზუგდიდში, 21 ოქტომბერს მომხდარ, "საქართველოს ბანკის" ყაჩაღობის ფაქტთან დაკავშირებით მიმდინარე გამოძიების...

საქართველოში კორონავირუსი კიდევ 1 928 ადამიანს დაუდასტურდა

საქართველოში კორონავირუსი კიდევ 1 928 ადამიანს დაუდასტურდა
access_time2020-10-25 12:48:31
ამ დროისთვის საქართველოში კორონავირუსის 28 431 შემთხვევაა დადასტურებული, გამოჯანმრთელებულთა საერთო რაოდენობაა 10 767, გარდაიცვალა 201 პაციენტი.   კარანტინის რეჟიმში 4 112 ადამიანი რჩება, სტაციონარში მეთვალყურეობის ქვეშ - 3 766, კოვიდ-სასტუმროში - 2 268, უცხოეთიდან სამკურნალოდ გადმოყვანილია საქართველოს 41 მოქალაქე.   ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31...

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება
access_time2020-10-24 18:00:14
აშშ-ში პრემიუმ კლასის ღვინოების დახლზე ქართული ღვინო „მტევინო“ გამოჩნდება. კომპანიამ ექსპორტთან დაკავშირებული მოლაპარაკებები აშშ-სთან წარმატებით დაასრულა. ექსკლუზიური ხელშეკრულება ამერიკელ იმპორტიორებთან უკვე გაფორმებულია და სულ მალე, ამერიკელი მომხმარებელი ოთხი სახეობის  ქართულ ღვინოს დააგემოვნებს. მტევინოს გენერალური დირექტორის ლელა კობიაშვილის თქმით, ეს ღვინოებია: მტევინო რქაწითელი, ხაშმის საფერავი, მტევინოს მუკუზანი და ხაშმის საფერავი...

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა
access_time2020-10-24 11:19:45
საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა. ამის შესახებ ინფორმაციას მთავრობის მიერ შექმნილი ვებ გვერდი stopcov.ge ავრცელებს. ამ დროისთვის საქართველოში კორონავირუსის 26 503 შემთხვევაა დადასტურებული. გამოჯანმრთელდა კიდევ 412 პაციენტი, გამოჯანმრთელებულთა საერთო რაოდენობაა 10 163. კორონავირუსის შედეგად, ქვეყანაში ბოლო 24 საათში ათი პაციენტი გარდაიცვალა. გარდაცვლილთა რაოდენობა ჯამში 193-ს...

ბიუჯეტის შემოსავალი დღგ-დან წლიურად 295 მილიონითაა შემცირებული

ბიუჯეტის შემოსავალი დღგ-დან წლიურად 295 მილიონითაა შემცირებული
access_time2020-10-24 19:55:29
2020 წლის ბიუჯეტის 9 თვის შესრულების ანგარიშიდან ირკვევა, რომ კერძო სექტორის მიერ გადახდილი დამატებული ღირებულების გადასახადის მოცულობა 2.79 მილიარდ ლარს შეადგენს, რაც მართალია 2020 წლის კორექტირებული ბიუჯეტის გეგმის 106%-ია, თუმცა 2019 წლის მაჩვენებელთან შედარებით 294.6 მილიონი ლარით არის შეცმირებული. 2020 წლის 12 თვეში დღგ-ის გეგმა 3.74 მილიარდ ლარს შეადგენს. შედარებისთვის, ეს თანხა 2019 წელს მობილიზებულ 4.04 მილიარდ ლართან მიმართებით 300 მილიონი ლარით ნაკლებია. დღგ-ის...


მსგავსი სიახლეები

up