„იმისთვის რომ ვირუსი არ გავრცელდეს აბსოლუტური ძალაუფლება აქვს მთავრობას და გამოიყენონ“- ლევან კობერიძე

„იმისთვის რომ ვირუსი არ გავრცელდეს აბსოლუტური ძალაუფლება აქვს მთავრობას და გამოიყენონ“- ლევან კობერიძე

access_time2020-04-09 16:00:19

პარლამენტის ფრაქცია „დამოუკიდებელი დეპუტატების“  ლიდერი, ლევან კობერიძე კორონავირუსის გავრცელების პრევენციისთვის ჯანდაცვის სფეროს მიერ გატარებულ ღონისძიებებს დადებითად აფასებს.ლევან კობერიძემ, ტელეკომპანია “tv პირველის“ ეთერში  აღნიშნა, რომ ის ხარვეზები, რომელიც საქართველოში სამედიცინო სფეროს წარმომადგენლებს ექმნებად, პანდემიის დროს მსოფლიოს ყველა ქვეყანაში არსებობს.

 

თუმცა, კობერიძე თვლის, რომ  როდესაც ქვეყანა ვირუსის პიკს უახლოვდება, აუცილებელია ყველა ჰოსპიტალი და სამედიცინო პერსონალი ამ პერიოდს შესაბამისად მომზადებული დახვდეს.

 

„ჩვენ ვხედავთ, რომ მედპერსონალი თავისი მაღალკვალიფიციური მუშაობით განსაზღვრავენ იმ მიღწევებს, რომელსაც დღეს ყველა ნათლად ვხედავთ.  მთავრობასაც ნამდვილად უნდა დავუფასოთ, რომ  დაუჯერა ამ პროფესიონალ ადამიანებს, რაც ასევე  მოსახლეობის კეთილგონიერ ქმედებებთან ერთად ერთობლიობაში მოდის.  ეს არის იმ კარგი შედეგების განმსაზღვრელი , რომელიც დღეს გვაქვს.“-განაცხადა ლევან კობერიძემ და იმ მთავარ აქცენტებზე გაამახვილა ყურადღება, რომელის მიხედვითაც ვირუსთან ბრძოლის დროს  მოსახლეობამ და მედპერსონალმა უნდა იხელმძღვანელოს.

 

„პირველ რიგში, ფიზიკური დისტანცირება ძალიან მნიშვნელოვანია. რადგან ამის გარეშე სხვა კომპლექსური ცვლილება არ იქნება წარმატების მომტანი.მნიშვნელოვანია ნაკადების მართვა, რომელიც მთლიანად ჯანდაცვის სამინისტროს როლია და არ ეხება  მხოლოდ საზოგადოებრივი ჯანდაცვის ცენტრს ან ინფექციურს.მესამე საკითხია არამარტო გაიდლაინები, არამედ, პროტოკოლიც, რომელიც ვიმედოვნებ, რომ დარიგებული აქვთ კლინიკებს  და დეტალურად გაიარეს მასში შეტანილი საკითხები.ასევე მნიშვნელოვანია პერსონალის  აღჭურვა პირბადით, სპეცტანსაცმლით და სხვა ნივთებით და ამ ნივთების სწორად გამოყენება.“-ამბობს კობერიძე.

 

დამოუკიდებელი დეპურატი აღნიშნულ ჩამონათვალთან ერთად მნიშვნელოვნად  სწრაფი ტესტების საკითხსაც  მიიჩნევს, თუმცა, როგორც  ის აღნიშნავს,   ამ თემაზე საუბარი მთავრობის წარმომადგენლებს და პრემიერ მინისტრს აღიზიანებს.

 


„როდესაც ვახსენებთ სწრაფი ტესტების საკითხს, მთავრობის წარმომადგენლები განსაკუთრებით პრემიერ-მინისტრი ღიზიანდებიან, გიორგი გახარიამ თემას ხელის აქნევით ეპასუხება. მე არ ვითხოვ, რომ მასობრივი ტესტირება ჩატარდეს ამის არც რაოდენობაა საკმარისი და ვერც იქნება მსოფლიო დეფიციტის ფონზე.აქ საუბარია იმაზე, რომ  რისკ ჯგუფებისათვის საკმარისი ტესტები უნდა არსებობდეს. ტესტები, რომ საკმარისი რაოდენობის გვქონდეს, ქვეყანაში შემოსულ  მგზავრებს  შევამოწმებდით და საჭიროების მიხედვით კარანტინში გადავიყვანდით.  იგივეს ვიტყოდი მედპერსონალზეც და ყველა იმ  ადამიანზე, რომლებიც ამ პირობებში წინა ხაზზე მუშაობენ,  უნდა მოწმდებოდნენ სწრაფი ტესტების მეშვეობით.“-ამბობს ლევან კობერიძე.

 

ჟურნალისტის კითხვაზე, თუ  რა იწვევს მთავრობის გაღიზიანებას, როდესაც საუბარი სწრად ტესტებს ეხება, დეპუტატის თქმით, მთავრობას შესაძლოა ჰქონდეს მიდგომა, რის მიხედვითაც   საგანგებო მდგომარეობის დროს პასუხისმგებლობა მათზეა და არ სურთ არავის ჩარევა.  

 

„გაღიზიანება შეიძლება  გამოწვეული იყოს იმით, რომ ყველა სიტუციაზე პასუხისმგებლები თავად არიან და არ უნდათ საქმეში სხვა ჩაერთოს. კარგად იმუშავებენ თუ ცუდად პასუხისმგებლობას თავიანთ თავზე იღებენ და გაღიზიანების ერთ-ერთი ფაქტორი შეიძლება ეს  იყოს. მთავრობას ამ ნაბიჯით უნდა უნიათობის სახელი მოიშოროს და თქვას, რომ ძალიან კარგად შეძლებია მართვა.“-ამბობს კობერიძე და აღნიშნავს, რომ მთავრობა დღემდე გეგმის გარეშე მუშაობს. 


კობერიძის თქმით, მის მიერ მოთხოვნილი ინფორმაცია, თუ რას აპირებს ხელისუფლება არსებული ვითარების დროს და მისი დასრულების შემდეგ დეპუტატს არ მიუღია.


„პარლამენტში შეკრებაზე, როდესაც იყო საგანგებო მდგომარეობის შემოღებაზე საუბარი, საკითხად დავაყენე ის, თუ რა გეგმები აქვს მთავრობას საგანგებო მდგომარეობის შემოღების დროს თუ შემდეგ პერიოდში  ჯანდაცვითი და ეკონომიკური მიმართულებით.იმისთვის რომ პარლამენტი დარწმუნებულიყო, რომ მთავრობას შეუძლია არსებულ მდგომარეობაში სიტუაციის მართვა, მოვთხოვე ეს გეგმები.  სამწუხაროდ, არცერთი გეგმა არც ჯანდაცვის და არც ეკონომიკური მიმართულებით არ მიმიღია. მიუხედავად იმისა, რომ  ეპიდემიის რისკი დიდია, მე მათ გადავეცი უფლებამოსილება საგანგებო მდგომარეობის მართვასთან დაკავშირებით.“


 გადაცემის მსვლელობის დროს ლევან კობერიძემ სოციალურ დისტანცირებასა და ეკლესიაზეც ისაუბრა, მისი თქმით, იმისთვის რომ ვირუსი დამარცხდეს, სოციალური დისტანცირება ერთ-ერთი მნიშვნელოვანია.


საგანგებო მდგომარეობაა ქვეყანაში, აბსოლუტური ძალაუფლება აქვს მთავრობას  გადაცემული და მისი პასუხისმგებლობაა იქნება ეს ეკლესიაში, კარფურში თუ ნებისმიერ სხვა ადგილზე, უნდა დაიცვან ადამიანები და არ დაუშვან წესრიგის დარღვევა,  საქმე მათი გასაკეთებელია და ნურავისზე ნუ გადააქვთ პასუხისმგებლობა.“-აღნიშნა ლევან კობერიძემ.


მოამზადა ნათია ლომიძემ 





სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს
access_time2020-10-27 15:20:38
28 ოქტომბერს, სილქნეტი მობილური ქსელის მომხმარებლებს ოთხ სააქციო პაკეტს შეთავაზებს. აქცია ხელმისაწვდომია  ფიზიკური და იურიდიული პირი აბონენტებისათვის.  აქცია საშუალებას მისცემს აბონენტს მინიმალურ ფასად სასურველი პირობა გაიაქტიუროს, ისარგებლოს უსწრაფესი ინტერნეტით და სასაუბრო წუთებით თბილისსა და რეგიონებში.   კომბინაციით *202# მომხმარებელი 30 დღით ჩაირთავს: 2 GB + 100 ლოკალური წუთი - 5...

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“
access_time2020-10-27 16:00:27
„ყველაფერი რაღაცის ხარჯზე ხდება, თუმცა, როდესაც უჭირს სახელმწიფოს და სისტემას, ყველა რესურსს გამოყენება უნდა,“ - ასე პასუხობს სადაზღვევო კომპანია „უნისონის“ ხელმძღვანელი ვასილ ახრახაძე კითხვას, ხომ არ მივიღებთ სისტემაში ხარვეზებს და ხომ არ გაუარესედება დაზღვეულთა მომსახურება.   „უნისონის“ რამდენი ოჯახის ექიმია ჩართული COVID-19-ის მართვაში,   როგორც ახრახაძე აცხადებს, რომ COVID-19-ის მართვაში უნისონის ოჯახის ექიმთა მინიმალური რაოდენობაა ჩართული....

„მედიკამენტების მაღალი ფასი ოლოგოპოლიით არაა გამოწვეული - წამლების სიძვირეს მოქმედი კანონი იწვევს“

„მედიკამენტების მაღალი ფასი ოლოგოპოლიით არაა გამოწვეული -  წამლების სიძვირეს მოქმედი კანონი იწვევს“
access_time2020-10-27 15:03:08
პოლიტიკური პარტია „გირჩის“ ლიდერმა, ზურაბ  ჯაფარიძემ საქართველოში მედიკამენტების მაღალ ფასებზე  და მათი სიძვირის მიზეზებზე ისაუბრა. დიდუბის მაჟორიტარი დეპუტატობის კანდიდატი აცხადებს, რომ საქართველოში მედიკამენტების მაღალი ფასი ოლოგოპოლიას და მონოპოლიას ბრალდება, თუმცა მისი თქმით, წამლების სიძვირეს რაელურად სხვა მიზეზი აქვს და მათი გიაფებაც საკმაოდ მარტივია. ზურაბ ჯაფარიძემ საქართველოში არსებული 9 მედიკამენტის ფასი თურქეთში იდენტური მედიკამენტების ფასებს...

SCROLL-ი უკრაინის ბაზარზე შევიდა

SCROLL-ი უკრაინის ბაზარზე შევიდა
access_time2020-10-27 14:29:21
Scroll-ის ელექტროსკუტერები უკვე უკრაინაშია. ამ ეტაპზე, გაქირავების სერვისით სარგებლობა მხოლოდ კიევშია შესაძლებელი. როგორც კომპანიის ბიზნეს განვითარების დირექტორმა „ბიზნესპარტნიორთან“ აღნიშნა, 2021 წლის გაზაფხულისთვის, Scroll-ის ელექტროსკუტერები უკრაინის სხვა ქალაქებშიც გამოჩნდება.   „შემდეგი წლის განმავლობაში ვაპირებთ სხვა ქალაქებშიც შევიდეთ, თუმცა ჩვენი გაფართოება სხვადასხვა ნიუანსზეა დამოკიდებული. მაგალითად, მნიშვნელოვანია როგორი მდგომარეობა იქნება პანდემიის კუთხით და...

სამსუნგის ფესტივალი მეგატექნიკაში!

სამსუნგის ფესტივალი მეგატექნიკაში!
access_time2020-10-27 11:30:31
მეგატექნიკაში სამსუნგის ფესტივალი დაიწყო! მეგატექნიკას ყველა ფილიალსა და ონლაინ მაღაზიაში, სამსუნგის ნებისმიერი ტექნიკის შეძენისას თქვენ  დასაჩუქრდებით ისეთი გრანდიოზული საჩუქრებით როგორიცაა ტელევიზორი, მიკროტალღური ღუმელი, საუნდბარი და სასაჩუქრე ვაუჩერები. მაგალითად თუ თქვენ უახლესი სმარტფონის შეძენა გსურთ, აუცილებლად უნდა გვეწვიოთ ფილიალებში და მიიღოთ საუკეთესო შეთავაზებები სამსუნგის ოფიციალურ ჰოლოგრამიან სმარტფონებზე. ფესტივალის ფარგლებში Trade In აქციით სარგებლობაც არის...


მსგავსი სიახლეები

up