საქართველოში, შეიძლება, რეგიონული დატვირთვის აშშ-ს კომერციული წარმომადგენლობა შეიქმნას - რა პერსპექტივებზე და მოლოდინებზე საუბრობენ ექსპერტები

საქართველოში, შეიძლება, რეგიონული დატვირთვის აშშ-ს კომერციული წარმომადგენლობა შეიქმნას - რა პერსპექტივებზე და მოლოდინებზე საუბრობენ ექსპერტები

access_time2019-06-18 09:00:10

 „იმისთვის, რომ საქართველო შეუერთდეს თავისუფალ ეკონომიკებს, მათ შორის ამერიკულ ეკონომიკას და ჰქონდეს პრეტენზია რეგიონში იყოს კონსოლიდატორი ამერიკული ეკონომიკური აქტივობების, ამას სჭირდება ინფრასტრუქტურულად, ინსტიტუციურად გამართული პოლიტიკური სისტემა და არა არაფორმალური მმართველობა,“- ასე აფასებს ატლანტიკური საბჭოს ვიცე პრეზიდენტი ბათუ ქუთელია საქართველოსა და აშშ-ს შორის გაფორმებულ შეთანხმებას, რომელის მიხედვითაც საქართველოში აშშ-ის კომერციული წარმომადგენლობის შექმნის პროცესი დაიწყება, რომელიც რეგიონული დატვირთვის ოფისი იქნება.



საქართველოს ყოფილი ელჩი აშშ-ში აცხადებს, რომ თუ ქვეყანაში არაფორმალური მმართველობა შენარჩუნდება, გაფორმებული მემორანდუმი ქაღალდზე დარჩება. ბათუ ქუთელიას თქმით, იმისთვის, რომ ურთიერთგაგების მემორანდუმი ეფექტურ პლატფორმად გარდაიქმნას,  აუცილებელია ღია და დამოუკიდებელი სასამართლო და გავლენებისგან განთავისუფლებული სამართალდამცავი სისტემა.

 

„ამერიკა არის საქართველოს მთავრი სტრატეგიული პარტნიორი. სტრატეგიული პარტნიორობა მოიცავს ძალიან ბევრ კომპონენტს ერთად, უსაფრთხოებით დაწყებული, საერთაშორისო ურთიერთობით დამთავრებული და ეკონომიკური კომპონენტი არის ერთ-ერთი მნიშვნელოვანი შემადგენელი ნაწილი. ეკონომიკური კომპონენტს არამარტო ეკონომიკური, არამედ სტრატეგიული დანიშნულებაც აქვს.  იგივე პომპეოს მითითებაც, რომ არჩევანი გააკეთეთ ღია თავისუფალი ეკონომიკების სასარგებლოდო, სწორედ ამას ნიშნავს. ეკონომიკური ინტეგრაცია ამერიკასთან მნიშვნელოვან პლატფორმას  შექმნის შემდეგში  თავისუფალ სავაჭრო რეჟიმზე გადასასვლელად. მეორე რაც არის მნიშვნელოვანი, ეს არის ჩარჩო პლათფორმა, რომელიც  უნდა გამოვიყენოთ. ამ გამოყენებას სჭირდება სწორი ხედვა მთავრობის მხრიდან. ხელმოწერა ერთია, მაგრამ ამას სჭირდება გეგმა და შინაარსით დატვირთვა, როგორ ვიყენებთ მას ჩვენი ეკონომიკური, კომერციული თუ სტრატეგიული ინტერესებს შესაბამისად. ჯერ შინაარსი არ გაგვიგია საქართველოს მთავრობისგან, კარგია თუ კონკრეტულ გეგმასაც წარმოადგენენ ამ პოტენციალის რეალურ ეკონომიკურ სარგებელში გადასატანად ქვეყნისთვის და თითოეული მოქალაქისთვის“,- განაცხადა ბათუ ქუთელიამ.

 

კომერსანტის კითხვაზე რეგიონული კუთხით რა მნიშვნელობა ექნება  საქართველოში აშშ-ს კომერციული წარმომადგენლობის შექმნას. ატლანტიკური საბჭოს ვიცე პრეზიდენტი გვპასუხობს, რომ საქართველოს ეძლევა შესაძლებლობა რეგიონის ეკონომიკური ცენტრი გახდეს.

 

 

 „რეგიონალური ჰაბის პრეტენზიაც ხომ გვაქვს? იგივე თავისუფალ ეკონომიკებთან მისაერთებლად ეს იქნება ძალიან მნიშვნელოვანი ნაბიჯი. ჰაბი იმას არ ნიშნავს, რომ დავირქვათ გამტარი ან გეოგრაფიული ჰაბი, აქ მთავრი კომპონენტი არის ის, რომ ჩვენ ვართ ამერიკის სტრატეგიული პარტნიორი, რეგიონში ასეთი სტატუსი არავის არ აქვს იმ ფორმით და იმ მოცულობით, რაც ჩვენ გვაქვს. სწორედ, ამიტომ, ეს პოლიტიკური ჩარჩო უნდა გამოვიყენოთ ეკონომიკური სარგებლის მიღების კუთხით. საქართველო იმიტომ არის ამერიკის სტრატეგიული პარტნიორი, რომ ჩვენ მოვახდინეთ პოლიტიკური მმართველობის  სისტემის რეფორმირება სხვებთან შედარებით სწრაფად. თუმცა ახლა შეინიშნება საკმაოდ უარყოფითი ტენდენციები ამ მიმართულებით. შეერთებული შტატების ოფიციალური პირები, იქნება ეს აღმასრულებელ თუ საკანონმდებლო ხელისუფლების წარმომადგენლები  ამბობენ, რომ ამერიკის სტრატეგიული ინტერესებისათვის მნივშენლოვანია საქართველო იყოს შემდგარი დემოკრატია, მარტო საქართველოსთვის კი არ არის ეს მნიშვნელოვანი, ამერიკის ინტერესებშიცაა და ეს გვაძლევს საფუძველს, რომ რეგიონალური ეკონომიკური პოტენციალის გამტარი ვიყოთ და ჩვენით მოხდეს რეგიონალური ეკონომიკური აქტივობის მიბმა ამერიკის სტრატეგიულ ინტერესებზე“, - განაცხადა ბათუ ქუთელიამ.

 

„ევროპული კვლევების ცენტრის“ ხელმძღვანელი, კახა გოგოლაშვილი ამბობს, რომ  ორ მხარეს შორის ურთიერთგაგების მემორანდუმი გაფორმების მიზანი არის, ის, რომ ამერიკის შეერთებული შტატების მთავრობამ მომავალში ხელი შეუწყოს საქართველოში საინვესტიციო გარემოს გამოკვლევას.

 

„ჩემი აზრით, მიზანი პირველ რიგში არის ის, რომ შეერთებული შტატების მთავრობამ ხელი შეუწყოს მომავალში საქართველოში გარკვეული ინვესტიციებისთვის გარემოს გამოკვლევას და  ინვესტიციების დაზღვევას. ალბათ საუბარია ისეთ დიდ პროექტებზე როგორიც არის ანაკლიის პორტი ან სხვა სახის ინფრასტრუქტურული პროექტები, განსაკუთრებით ევროპა-აზიის დერეფნის გასწვრივ შესაძლებლობების განვითარებას. შეიძლება იყოს ლოგისტიკური პროექტები. ეს ყველაფერი წარმოადგენს შეერთებული შტაბების ინტერეს, განსაკუთრებული ინტერესი არის სტრატეგიული და პოლიტიკური ხასიათის. მაგრამ როგორც გამოჩნდა პოემპეოსა და მამუკა ბახტაძის შეხვედრის შემდეგ შეერთებულ შტატებს აწუხებს ჩინეთთან კონკურენციის საკითხი. ჩინური კომპანიების მოზღვავება საქართველოსთან ურთიერთობაში. მე მგონია, რომ შტატებს არ უნდა, რომ ინიციატივა დაკარგოს რეგიონში, თუ დაკარგავს ეკონომიკურ ინიციატივას შესაძლებელია საფრთხის ქვეშ დადგეს პოლიტიკური და სტრატეგიული პროექტები, ამიტომ ის დააჩქარებს ამერიკული ეკონომიკური პროექტების რეალიზაციას საქართველოში. სწორედ სავაჭრო წარმომადგენლობის გაზრდა შეიძლება იყოს ერთ-ერთი დასაყრდენი ამერიკის პოლიტიკისთვის“, - განმარტავს კახა გოგოლაშვილი.


სტრატეგიული და საერთაშორისო ურთიერთობების კვლევის ფონდის ექსპერტი აცხადებს, რომ საქართველოს მხრიდან ურთიერთობა უნდა იყოს პროაქტიური, რათა ქვეყანამ მაქსიმალურად შეძლოს ისეთი სახის ინვესტიციების მოზიდვა, რომელიც განვითარებაში დაეხმარება.

 

„ჩვენ ყველაზე მეტად რაც გვიჭირს ეს არის ჩვენი კონკურენტუნარიანობა, ვხედავთ რომ ჩვენი ექსპორტი რამდენჯერმე ნაკლებია ჩვენს იმპორტზე, საშინელი სავაჭრო ბალანსი გავქვს და, რა თქმა უნდა, აუცილებელია ჩვენი შესაძლებლობების გაზრდა ახალი, ინოვაციური ტექნოლოგიების შემოტანის მეშვეობით. ჩვენი პირველი ამოცანა იქნება, რომ მაქსიმალურად შევუწყოთ ხელი  შეერთებული შტატების ისეთი ტექნოლოგიების შემოსვლას, რომელიც გაზრდის საქართველოს კონკურენტუნარიანობას და განავითარებს საექსპორტო პოტენციალს. ტექნოლოგიური გადაიარაღების გარეშე და ისეთი ინვესტიციების გარეშე, რომელიც კონკრეტულად განავითარებენ ახალი და კონკურენტული სახის მრეწველობას ქვეყანაში. ეს არის ყველაზე მნიშვნელოვანი ამოცანა. შეერთებული შტატები არის ყველაზე ინოვაციური სახელმწიფო მსოფლიოში , ამიტომ ჩვენ უნდა გამოვიყენოთ მისი ეს პოტენციალი“, - განაცხადა კახა გოგოლაშვილი.

 

შეგახსენებთ, რომ საქართველოს პრემიერ-მინისტრის აშშ-ში ვიზიტის ფარგლებში საქართველოს ეკონომიკისა და მდგრადი განვითარების სამინისტროსა და აშშ-ის კომერციის დეპარტამენტს შორის ორმხრივი სავაჭრო ურთიერთობების გაფართოებისთვის თანამშრომლობის საკითხებზე ურთიერთგაგების მემორანდუმი გაფორმდა. პრემიერ-მინისტრის პრესსამსახურის ინფორმაციით დოკუმენტი, რომელსაც ხელი მამუკა ბახტაძისა და აშშ-ის ვაჭრობის მდივან ვილბურ როსის შეხვედრის შემდეგ მოეწერა, ორმხრივი სავაჭრო ურთიერთობების კიდევ უფრო გაფართოებას შეუწყობს ხელს.

 

ბაჩო ადამია




„ფრონტერა მოქმედებს როგორც არაკეთილსინდისიერი ბიზნეს სუბიექტი“-ნავთობის და გაზის კორპორაცია

„ფრონტერა  მოქმედებს როგორც არაკეთილსინდისიერი ბიზნეს სუბიექტი“-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...

პაატა ბაირახტარი: ეროვნული ბანკი შეცდომებზეც ვერ სწავლობს

პაატა ბაირახტარი: ეროვნული ბანკი შეცდომებზეც ვერ სწავლობს
access_time2020-05-28 14:30:12
„ბანკები და ფინანსები“ ახალგაზრდა ფინანსისტთა და ბიზნესმენთა ასოციაციის ვიცე-პრეზიდენტს პაატა ბაირახტარს ესაუბრა, რომელმაც ლარის გაუფასურების პრობლემის შეფასებისას საქართველოს ეროვნული ბანკის ნეგატიურ როლზე გააკეთა აქცენტი. ბაირახტარის განცხადებით, ყველაზე სამწუხარო ის არის, რომ მიუხედავად იმისა, რომ შეცდომების დაშვების არც დრო და არც უფლება არ გვაქვს, კობა გვენეტაძის უწყება შეცდომებზეც კი ვერ...

2-3 თვის შემდეგ შესაძლოა სხვა რეალობა იყოს და მთავრობის ეს დახმარება საკმარისი არ აღმოჩნდეს – „არსის“ გენერალური დირექტორი ანტიკრიზისულ გეგმაზე

2-3 თვის შემდეგ შესაძლოა სხვა რეალობა იყოს და მთავრობის ეს დახმარება საკმარისი არ  აღმოჩნდეს  – „არსის“ გენერალური დირექტორი ანტიკრიზისულ გეგმაზე
access_time2020-05-28 13:30:21
„ანტიკრიზისული გეგმის პრეზენტაციაზე მნიშვნელოვანი ინიციატივები გაჟღერდა, რაც სექტორს გამოაცოცხლებს. ახლა სექტორს სწორედ შოკური მდგომარეობიდან გამოყვანა სჭირდება, რისთვისაც ეს წინ გადადგმული ნაბიჯია“, - ასე შეაფასა „არსის“ გენერალურმა დირექტორმა ბესო ორთოიძემ მთავრობის მიერ წარმოდგენილი დეველოპერული სექტორის მხარდაჭერის ანტიკრიზისული გეგმა.   „ზოგადად რთულია ხვალინდელი დღის პროგნოზირება, თუმცა, დღევანდელი გადასახედიდან ეს არის კარგი და სწორი ნაბიჯი,...

,,საქკაბელი” საქართველოს ბიზნეს ასოციაციის წევრი გახდა

,,საქკაბელი” საქართველოს ბიზნეს ასოციაციის წევრი გახდა
access_time2020-05-28 12:15:58
საქართველოს ბიზნეს ასოციაციის (BAG) წევრთა რიგებს ახალი წევრი შეუერთდა კომპანია საქკაბელის“ სახით.სააქციო საზოგადოება „საქკაბელი“, საქართველოში საკაბელო პროდუქციის ყველაზე დიდი და გამოცდილი მწარმოებელია. ქარხანა დაარსდა 1958 წელს და დღემდე უწყვეტად შეინარჩუნა პროფილი, დანერგა მოწინავე ევროპული ტექნოლოგიები, გაზარდა ასორტიმენტი. 2018 წლის 23 მარტს საქკაბელს მიენიჭა ISO 9001:2015 სტანდარტის შესაბამისობის სერთიფიკატი. კომპანია ხარისხის ფონდის სრულყოფილი წევრია, ფლობს...

ვის შეეხება იპოთეკური სესხის სუბსიდირება? -დეტალები

ვის შეეხება იპოთეკური სესხის სუბსიდირება? -დეტალები
access_time2020-05-28 12:45:55
საქართველოს მთავრობა ყველას ვინც 2020 წლის პირველი ივნისიდან 2021 წლის პირველ იანვრამდე აიღებს იპოთეკურ სესხს ლარში, 5 წლის ვადით დაუსუბსიდირებს სესხის 4%-ს. ამის შესახებ დეველოპერული სექტორის მხარდაჭერის ანტიკრიზისული გეგმის პრეზენტაციაზე პრემიერ-მინსტრმა გიორგი გახარიამ განაცხადა. დეველოპერული სექტორის მხარდაჭერის ანტიკრიზისული გეგმის მიხედვით, სუბსიდირება ეხება ყველა იმ სესხს, რომელიც არ აღემატება 200 000 ლარს. სახელმწიფო წყვეტს სუბსიდირებას, თუ რეფინანსირების განაკვეთი...


მსგავსი სიახლეები

up