საგზაო მოძრაობის პარალიზება რომ არ მოხდეს, ვახუშტის ხიდის რეაბილიტაციის დროს მერიამ წინა წლებში დაშვებული შეცდომები უნდა გაითვალისწინოს

საგზაო მოძრაობის პარალიზება რომ არ მოხდეს, ვახუშტის ხიდის რეაბილიტაციის დროს მერიამ წინა წლებში დაშვებული შეცდომები უნდა გაითვალისწინოს

access_time2019-01-21 11:00:00

რამდენიმე დღის წინ თბილისის მერმა ვახუშტის ხიდის რეაბილიტაციის დაწყების შესახებ განცხადება გაავრცელა. ხიდის სარემონტო სამუშაოები კახა კალაძის თქმით,  დაახლოებით 4-5 თვე გაგრძელდება. 


„კომერსანტი“ დაინტერესდა, ხომ არ გამოიწვევს საგზაო მოძრაობის პარალიზებას მტკვრის მარჯვენა და მარცხენა სანაპიროების ერთ-ერთი მთავარი დამაკავშირებელი ხიდის რამდენიმე თვით გადაკეტვა?


როგორც მერიის პრესსამსახურში „კომერსანტს“ განუცხადეს, დედაქალაქში მოძრაობის შეზღუდვებთან დაკავშირებით ამ დროისთვის მიმდინარეობს დეტალების შეთანხმება საპატრულო პოლიციასთან, რათა დამატებითი საცობები არ შეიქმნას. ტრანსპორტის მოძრაობის ზუსტი სქემა კი ჯერჯერობით უცნობია.


„ტრანსპორტისა და გზების ასოციაციის“ ხელმძღვანელის დავით მესხიშვილის განმარტებით, ვახუშტის ხიდის სარეაბილიტაციო სამუშაოები თბილისში გადაადგილებას ძალიან გაართულებს.


„პირველ რიგში არ ვიცით რა ტიპის დაზიანებებია და რისი რეაბილიტაცია მოხდება. საგზაო მოძრაობის თვალსაზრისით კი ეს იქნება ძალიან რთული პერიოდი. ხიდის გადაკეტვა იმოქმედებს ორ მომიჯნავე რაიონზე - საბურთალოსადა დიდუბის. ეს  ისედაც რთული მონაკვეთებია და, საინტერესოა, თბილისის მერიას როგორ წარმოუდგენია საგზაო მოძრაობა. უნდა დაველოდოთ, როგორი იქნება მოძრაობის სქემა. იმედია, ისეთი არ იქნება, როგორიც წინა საგზაო სამუშაოები იყო, ვგულისხმობ პეკინი-კოსტავას რეაბილიტაციას, რა დროსაც, პრაქტიკულად,  ქალაქში კოლაფსი გვქონდა“, - აცხადებს დავით მესხიშვილი.


„ტრანსპორტისა და გზების ასოციაციის“ ხელმძღვანელი „კომერსანტთან“ იმ პრობლემებზე საუბრობს, რომელიც თბილისის მერიამ წინა წლებში გზების რეაბილიტაციის დროს დაუშვა:


1. ვერ მოხდა საგზაო სამუშაოების იმ ვადებში ჩატევა, რომელიც გამოცხადებული იყო .

2. დაგვიანებით დაიწყეს მძღოლების ინფორმირება, თუ როგორ იყო  დროებითი სატრანსპორტო სქემა.

3. რიგ შემთხვევებში ჩვენ ვნახეთ, რომ ეს იყო ძალიან უხარისხოდ და არა კვალიფიციურად წარმოებული პროცესი.

იმედი მაქვს, რომ მერიის დღევანდელი ხელმძღვანელობა წინა წლებში განხორციელებულ სამუშაოების დროს დაშვებული შეცდომებს გაითვალისწინებს“,- განმარტავს დავით მესხიშვილი.



ბაჩო ადამია





იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up