მილიარდერთა ქონებას მსოფლიოში ძირითადად Forbes და Bloomberg ითვლის. მეთოდოლოგიური სხვაობის გამო მონაცემები ერთმანეთისგან განსხვავდება. Bloomberg-ის ცნობით პლანეტის უმდიდრესი ადამიანი $185 მლრდ-ით ილონ მასკი გახდა, რომელმაც ჯეფ ბეზოსი უკან ჩამოიტოვა, Forbes-ის დათვლებით მასკი ჯერ კიდევ მეორეზეადა მისი ქონება „მხოლოდ“ $177 მლრდ-ს შეადგენს. უფრო ხანგრძლივი ისტორიის მქონე Forbes-ის მიხედვითაც კი მასკის ქონება წლის პირველ 7 დღეში $25 მლრდ-ით გაიზარდა.
თუ მასკმა გამდიდრების ასეთი ტემპი შეინარჩუნა, რისი ალბათობა მაინც დაბალია, უკვე 2021 წლის ბოლოს ის პლანეტის პირველი ტრილიონერი გახდება.
ქონების ასეთი სწრაფი ზრდა TESLA-ს აქციების ღირებულების ზრდამ გამოიწვია. თუ 2020 წლის 31 დეკემბერს ტესლას საბაზრო კაპიტალიზაცია $669 მლრდ-ს შეადგენდა, 2021 წლის 7 იანვარს ის უკვე $114 მლრდ-ით მეტი, $783 მლრდ ღირდა.
აქციების ფასზე სხვა ყველაფერთან ერთად 2020 წლის გაყიდვების სარეკორდო მაჩვენებლის გამოქვეყნებამაც იმოქმედა. ორწლიანი დაგვიანებით, მაგრამ მაინც ტესლამ 0.5 მლნ ელექტრომობილის რეალიზება შეძლო.
წინა წლის შესაბამის პერიოდთან შედარებით მცირედი ჩამორჩენა მხოლოდ მეორე კვარტალში დაფიქსირდა, მაშინ როცა ნახევარი მსოფლიო მკაცრ კარანტინში იყო მოქცეული.
Tesla ილონ მასკმა 2003 წელს კალიფორნიაში დააფუძნა. პირველი ელექტრომობილი Tesla Roadster მან 2008 წელს გამოუშვა. პირველ მოდელს ბაზარზე დიდი გარღვევა არ მოუხდენია, გაყიდვებმა 2250-ს ვერ გადააჭარბა. ის უფრო ცნობილი 2018 წელს მას შემდეგ გახდა, რაც მასკმა, თავისი პირველი ელექტრომობილი, თავისივე რაკეტით - Falcon Heavy-ით მარსზე გააგზავნა. 2012 წელს ბაზარზე ლაქშერი კლასის Teslamodel S გამოჩნდა, 2015 წელს კი ასევე ლაქშერი SUV Teslamodel X. ნამდვილი წარმატება 2018 წლიდან Teslamodel 3-ის გაყიდვებში ჩაშვებიდან დაიწყო. 2020 წელს დაგეგმილი იყო 40 ტონიანისატვირთოს TeslaSemi-სადასუპერქარ TeslaRoadster-ის გამოშვება. პანდემიამ გეგმები 1 წლით გადასწია. მასკი ირწმუნება, რომ ახალი TeslaRoadster 0-დან 100 კმ/სთ-მდე 1.9 წამში აჩქარდება, მაქსიმალურ სიჩქარეს 400 კმ/სთ-ს განავითარებს და 1 დამუხტვით 1000 კმ-ს გაივლის და მხოლოდ $200 000 ეღირება, რაც ამ მონაცემების სხვა შიდაწვის ძრავიან კონკურენტებთან შედარებით 10-ჯერ ნაკლებია.
აღსანიშნავია, რომ 2014 წელს ელექტრომობილების პოპულარიზაციის მიზნით, მასკმა ყველა თავის პატენტი გაათავისუფლა და კონკურენტებისთვის ხელმისაწვდომი გახადა.
მასკის ამბიციები ბაზრიდან შიდაწვის ძრავის მქონე ავტომობილების განდევნით არ შემოიფარგლება. ექსტრაორდინარულ ბიზნესმენს დიდი ქალაქების hyper loop-ის სისტემის ზებგერითი მაგლევის ტიპის მატარებლით დაკავსირება სურს. ვაკუუმის გვირაბში ჰაერის წინაღობის გარეშე მატარებლებმა 1192 კმ/სთ ან უფრო მეტი უნდა განავითარონ. ამ დროისთვის 2 მარშრუტი განიხილება ლოს-ანჯელესი - სანფრანცისკო და დუბაი-აბუ დაბი. თავად ქალაქში კიმასკის აზრით, საცობებისგან განტვირთვის მიზნით ელექტრომობილებმა მიწისქვეშა გვირაბების ქსელში უნდა გადაინაცვლონ სადაც ისინი 200 კმ/სთ-ით გადაადგილებას შეძლებენ.
2020 წელს 9 წლიანი პაუზის შემდეგ ამერიკის მიწიდან კვლავ აფრინდნენ ამერიკელი ასტრონავტები და ეს მასკის კოსმოსური ხომლადით SpaceX-ის Crew Dragon-თ მოხდა.
2020 წელს სატელიტური ინტერნეტის სიჩქარის გასაზრდელად და უკეთ დასაფარად მასკმა კოსმოში 955 სატელიტი გაუშვა, 2021 წელს მათი 12 000-მდე გაზრდაა დაგეგმილი.
ილონ მასკის უმთავრესი მიზანი კი მაინც მარსის კოლონიზაციაა, რომლის დაწყებასაც 20-იან წლებში გეგმავს.
გიორგი ელიზბარაშვილი