ილონ მასკი საკუთარი აეროპორტის აშენებას ოსტინის, ტეხასის გარეთ, გეგმავს, რათა მას და მის ტოპ მენეჯერებს ჰქონდეთ მარტივი წვდომა Tesla-სა და The Boring Company-ს ობიექტებზე. ამის შესახებ Daily Mail წერს.

მასკის ორი კომპანია, Tesla (Giga Texas) და The Boring Company, დაფუძნებულია ოსტინში. თავად მასკი ტეხასში ცხოვრობს, მას შემდეგ, რაც თავისი მიწიერი უძრავი ქონება გაყიდა და საცხოვრებელი ადგილი შეიცვალა.

მასკს, რომელიც ცნობილია საკმაოდ ასკეტური ცხოვრების წესით - ახლა საკუთარი სახლიც კი არ აქვს - ვერ დათმობს კერძო თვითმფრინავს, რადგან როგორც თავად თქვა, მხოლოდ ასე შეუძლია დროულად მოხვდეს იქ, სადაც დასჭირდება. ის ფლობს 2015 წლის Gulfstream G650-ს, მაგრამ უკვე შეუკვეთა ახალი თვითმფრინავი, რომელსაც მომავალ წელს მიიღებს.

მასკის ახალი პროექტის, ანუ ახალი აეროპორტის შესახებ დეტალები ჯერ არ კონკრეტდება, რადგანაც მისი მშენებლობისთვის ბიზნესმენს ჯერ ადგილობრივი ხელისუფლებიდან მშენებლობის ნებართვა, გარემოს დაცვის სააგენტოსა და ფედერალური საავიაციო ადმინისტრაციის თანხმობა სჭირდება.

Giga Texas იკავებს 2500 ჰექტარს მდინარე კოლორადოს გასწვრივ სამხრეთ-აღმოსავლეთ ტრევისის ოლქში და ოფიციალურად არის Tesla-ს სათაო ოფისი, მისი შტაბ-ბინა ასევე გადავიდა პფლუჯერვილში, ოსტინის გარეუბანში, რომელიც მდებარეობს ტრევისის ოლქში.

რაც შეეხება The Boring Company-ს ის მდებარეობს ოსტინის აეროპორტიდან დაახლოებით სამი მილის დაშორებით, მაგრამ მასკის თქმით, ის ძალიან შორსაა და მისთვის მოუხერხებელია.

ილონ მასკი ცდილობდა წარმოების გაზრდას მრავალი პრობლემის ფონზე, რაც ძირითადად დაკავშირებული იყო მიწოდების ჯაჭვში არსებულ ქაოსთან და ნედლეულზე ინფლაციის გავლენაზე, რომლისგანაც ელექტრომობილები მზადდება. ამიტომ მან, ალბათ, უფრო ხშირად დაიწყო ოსტინში მოგზაურობა და უკან დაბრუნება.

ეს ქარხანა დიდ ფულს კარგავს. ტეხასის ქარხნები ახლა ფულის გიგანტური ღუმელია. ხედავთ? მე სიტყვასიტყვით მესმის ღრიალი, ფულის წვის ხმა, - უთხრა მასკმა Tesla-ს კლუბის წევრებს.