ილონ მასკმა გააკრიტიკა მარკ ცუკერბეგრის ახალი პროექტი „მეტასამყარო“, რომლის ფარგლებშიც სოციალურ ქსელ Facebook-ს სახელი გადაერქვა, და მას დღეს Meta ეწოდება.
მასკის თქმით, ეს უბრალოდ მოდური სიტყვაა და არა რეალური კონცეფცია. მას პირდაპირ არ უხსენებია Meta და ის საუბრობდა ინტერნეტის ახალ, უფრო დეცენტრალიზებულ ინტერნეტზე, რომლის იდეითაც გამოდის სოციალური ქსელის დამაარსებებლი და რომელსაც Web 3.0 ეწოდება.
„ვერ ვიტყვი, რომ web3 რეალურია - ეს უფრო მარკეტინგული სიტყვაა, ვიდრე რეალობა. საერთოდ, ვინმემ იცის, ეს რა არის? ვინმეს სადმე უნახია web3? მე ვეძებდი, მაგრამ ვერ ვიპოვე,“ - განაცხადა მასკმა.
მის განცხადებას ბევრი გამოხმაურება მოჰყვა, და კომენტარების დიდი ნაწილი ცუკერგერბს მხარს უჭერდა.
მეტასამყარო სადღეისოდ მართლაც საკმაოდ ბუნდოვანი ფა ზოგადი ტერმინია, რომელიც ინტერნეტის მომავალს უკავშირდება, ეს იქნება ვირტუალური სამყარო, სადაც მომხმარებლები მუშაობას, ღონისძიებების დასწრებას, თამაშს და ერთმანეთთან დაკონტაქტებას შეძლებენ.
თავად ადამიანი ამ სამყაროში ხილული იქნება, მას ეყოლება სრულფასოვანი ასლი, ავატარი.
ახალი ტექნოლოგიების ბევრი მომხრე მეტასამყაროს კონცეფციას ინტერნეტის განვითარების შემდგომ სტადიას მიიჩნევენ. მათი აზრის, ასე შესაძლებელი იქნება ინტერნეტის დეცენტრალიზაცია და მისი გამოყვანა რამდენიმე გიგანტური კორპორაციის კონტროლიდან.
თუმცა, არსებობს საფუძვლიანი ეჭვი, რომ web3 ასეთი კორპორაციების მონაწილეობის გარეშე შეუძლებელი იქნება. გარკვეული სკეპტიციზმი ამ კუთხით Twitter-ის დამაარსებელმა ჯეკ დორსიმაც გამოთქვა.
„თქვენ web3-ს არ ფლობთ, ვენჩურული კაპიტალისტები და ფონდების ინვესტორები ყველაფერს აკონტროლებენ და მათ ვერც ერთი ინიციატივა ვერ გაეპარება. საბოლოო ჯამში, მეტასამყარო ისეთივე ცენტრალიზებული სისტემაა, როგორც ყველაფერი დანარჩენი,“ - მიიჩნევს ჯერ დორსი.
ილონ მასკის და ჯერ დორსის დადანაშაულება ახალი ტექნოლოგიების მიმართ სკეპტიციზმში ძალიან ძნელია. ორივე რევოლუციონერია თავის დარგში, ორივე ძალიან პოზიტიურადაა განწყობილი კრიპტოვალუტების და ახალი ტექნოლოგიების მიმართ. ორივე აქტიურად ამუშავებს საკუთარ პროექტებს, ძირითადი კომპანიების ფარგლებს გარეთ.
თუმცა, მომხრეების უკმარისობას არც ცუკერბერგი განიცდის: ოქტომბერში, როდესაც მან თავისი იდეა საჯაროდ გაახმოვანა, ინტერნეტში სიტყვა „მეტასამყაროს“ ძიება მნიშვნელოვნად გაიზარდა.
იდეით ასევე დაინტერესდნენ სხვა ტექნოლოგიური გიგანტები, ისეთები, როგორც Microsoft-ია, რომელიც საკუთარი მეტასამყაროს შექმნაზე უკვე აქტიურად მუშაობს. მეტასამყაროს ასევე მხარს უჭერენ სხვა მსხვილი კორპორაციების ხელმძღვანელები, - ინტერაქტიული გრაფიკის და ხელოვნური ინტელექტის ამერიკული კომპანია Nvidia-ს დირექტორი ჯენსენ ჰუანგი და ჩინური ვენჩურული ფონდის Tencent -ის ხელმძღვანელი პონი მა. კომპიუტერული თამაშების მწარმოებელი Epic-ის დირექტორის, ტიმ სუინის, თქმით, მეტასამყარო ტრილიონობით დოლარის შესაძლებლობებს ხსნის.
საბოლოო ჯამში ცუკერბერგის იდეა მილიარდერთა შერკინების ობიექტი ხდება, ისევე, როგორც კომერციული კოსმოსური ინდუსტრია ილონ მასკის და ჯერ ბეზოსის კონკურენციის ადგილადაა ქცეული.
Nvidia უკვე მუშაობს მიქროსქემებზე და ვიდეოპლატებზე მეტასამყაროს გაჯეტებისვის, Epic უკვე წლების მანძილზე ქმნის ვირტუალურ სამყაროებს.
შესაძლებელია ამ იდეასთან ჩინური გიგანტების მიერთება, თუმცა, მხოლოდ ოფიციალური პეკინის თანხმობით, რომელიც ბოლო წლების მანძილზე თავისი ტექნოლოგიური გიგანტების საქმიანობას მკაცრად აკონტროლებს.
ავტორი: თენგიზ აბლოთია
წყარო: gazeta.ru
ილონ მასკი
