ამერიკული ტელეარხი CNBC აცხადებს, რომ ილონ მასკის ინფორმაციით, ჩინეთი შტატების ეკონომიკას განვითარების კუთხით, მინიმუმ 2-ჯერ გაუსწრებს.„ეს იქნება ძალიან უცნაური, თუმცა, ჩინეთის ეკონომიკა 2-ჯერ, ან 3-ჯერ გაუსწრებს ამერიკულს. ამას შეუძლია გამოიწვიოს კონფლიქტი ქვეყნებს შორის“ - მიიჩნევს მილიარდერი.
ამჟამად აშშ-ი და ჩინეთი მსოფლიოში ორი უმსხვილესი ეკონომიკის მქონე ქვეყნებია. აშშ ჯერ უსწრებს ჩინეთს - მისი მშპ შეადგენს 21,4 ტრლნ. დოლარს, თანაც გასათვალისწინებელია, რომ შტატების მოსახლეობა 4-ჯერ მცირეა ვიდრე ჩინეთის, რომლის მშპ-ც 14,4 ტრლნ-ს შეადგენს.Nasdaq-ის შეფასებით, ჩინეთის ეკონომიკა ყველაზე სწრაფად ზრდადია მსოფლიოში და მოსახლეობის რაოდენობის გათვალისწინებით, შესაძლოა მასკის პროგნოზი გამართლდეს კიდეც.
აღწერის შედგების თანახმად, დღეს ჩინეთში 1,3 მლრდ. ადამიანი ცხოვრობს, მაშინ როდესაც შტატებში 330 მლნ-ია. მასკის აზრით, მაშინაც კი, თუ ჩინეთის მშპ ერთ სულ მოსახლეზე იქნება შტატებზე 2-ჯერ ნაკლები, ეს მაინც ნიშნავს ჯამური მაჩვენებლის ორმაგ უპირატესობას.
„თუ ეს მართლაც ასე მოხდა, დაძაბულობა შტატებს და ჩინეთს შორის გაიზრდება - ისინი დღესაც იმყოფებიან მწვავე დაპირისპირებაში ისეთ საკითხებში, როგორც ვაჭრობა და 5G ტექნოლოგიები.ჩინელები ასევე ცდილობენ გახდნენ ლიდერები მე-5 თაობის მობილური ქსელების დარგში, და ეს საკითხი არის აღიარებული ქვეყნის ხელისუფლების მიერ, როგორც უპირობო პრიორიტეტი“ - ამბობს მასკი.
საკონსალტინგო კომპანია Deloitte-მა დაითვალა, რომ ჩინეთმა დახარჯა 5G-ს ქსელების საბაზო სადგურების დაყენებაზე 24 მლრდ. დოლარით მეტი, ვიდრე ამერიკამ.დისკუსიებმა 5G-ს თაობაზე მიიღო აშკარად პოლიტიზირებული ხასიათი იმის შემდეგ, რაც ვაშინგტონმა განაცხადა, რომ ჩინეთის ტექნოლოგიური გიგანტი Huawei კონტროლდება კომუნისტური პარტიის მიერ და შტატების და მისი მოკავშირეებისთვის საფრთხეს წარმოადგენს.
მასკმა ასევე გაუსვა ხაზი ინოვაციების მხარდაჭერის მნიშვნელობას შტატების კონკურენტული უპირატესობის შესანარჩუნებლად.
„ამერიკას ემუქრება ჩამორჩენა კოსმოსურ დარგში. ადრე ასეთი რისკები არ იყო, დღეს კი არის. მაგალითად, ჩინეთის კოსმოსური დარგი იზრდება ძალიან სწრაფი ტემპებით. ეჭვი არ მეპარება, რომ ამერიკა იქნება არა პირველი, არამედ მეორე კოსმოსში, იმ შემთხვევაში, თუ არ დაუჭერს მხარს ინოვაციებს“ - თვლის მილიარდერი.
წყარო: CNBC
თენგიზ აბლოთია
ილონ მასკი
