ამერიკელი მილიარდერი ილონ მასკი ჩამოყალიბდა, ვინ იქნება Tesla-ში მისი შემცვლელი და მემკვიდრე. ამის შესახებ განცხადება კომპანიის დირექტორთა საბჭოს წევრმა ჯეიმს მერდოკმა გააკეთა.
როგორც Financial Times-ი წერს, მერდოკი დელავერის სასამართლოში გამოჩნდა, სადაც Tesla-ს აქციონერების სარჩელი განიხილებოდა მასკის წინააღმდეგ, 2018 წელს მილიარდერის მიერ აქციების სახით დიდი ოდენობით ფულადი ანაზღაურების მიღებასთან დაკავშირებით.
მოსარჩელეთა ადვოკატმა მერდოკს სთხოვა დაედასტურებინა, რომ მასკს Tesla-ში მისი პოტენციური მემკვიდრე არასოდეს დაუსახელებია. მერდოკმა უპასუხა, რომ სინამდვილეში მასკმა Tesla-ს მომავალი ხელმძღვანელის ვინაობა დაასახელა, მაგრამ ვისზე იყო საუბარი ეს არ თქვა.
მასკის დიდი ხნის მეგობარმა ანტონიო გრაციასიმ, რომელიც 2007 წლიდან 2021 წლამდე Tesla-ს დირექტორთა საბჭოში მუშაობდა თქვა, რომ აღმასრულებელი დირექტორის ადმინისტრატორის პოვნასთან დაკავშირებით დისკუსიები იყო. იქ იქნებოდა პასუხისმგებელი გაყიდვებზე, ფინანსებსა და ადამიანურ რესურსებზე, ხოლო მასკს პროდუქტის განვითარებაზე შეეძლო ფოკუსირება.
Tesla-ს აქციები ხუთშაბათს 0,5%-ით დაეცა. მიმდინარე წლის დასაწყისიდან მათი ღირებულება 45%-ითაა შემცირებული.
მოამზადა მაკა ბიბილაშვილმა