ილია ბეგიაშვილი TI-ის კვლევაზე - ვერ დავეთანხმებით გამოთქმულ ეჭვებს გარკვეულ კორუფციულ რისკებზე

ილია ბეგიაშვილი TI-ის კვლევაზე - ვერ დავეთანხმებით გამოთქმულ ეჭვებს გარკვეულ კორუფციულ რისკებზე

access_time2020-06-01 19:00:40

არასამთავრობო ორგანიზაცია “საერთაშორისო გამჭვირვალობა – საქართველოს” კვლევას, რომლის თანახმადაც  სოფლის მხარდაჭერის პროგრამა კორუფციული რისკის მატარებელი გამარტივებული შესყიდვის პროცედურით იხარჯება, არ ეთანხმება რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილი.

„ამ პროგრამის მთავარი აზრი ისაა, რომ გადაწყვეტილებას - რა გაკეთდეს გამოყოფილი თანხით, სოფლის კრებებზე, იღებს იქ მცხოვრები მოსახლეობა. პროგრამის სრული ბიუჯეტი 40 მილიონი ლარი ნაწილდება 57 მუნიციპალიტეტის 3111 სოფელზე, სადაც გასულ წელს 4883 პროექტი განხორციელდა. ეს არის დაბალბიუჯეტიანი პროექტები და კანონის თანახმად 5 ათას ლარამდე შესყიდვა თავისუფლდება სატენდერო ვალდებულებისგან. ამ პროგრამის კიდევ ერთი სიკეთე ისაა, რომ პატარა შესყიდვებში მონაწილეობენ პატარა კომპანიები, რომელთაც ეძლევათ საშუალება წლიდან წლამდე განვითარდენენ და ქართულ სამშენებლო ბაზარზე აქტიური მოთამაშეები გახდნენ. მნიშვნელოვანია ისიც, რომ ამ პროექტებში, ძირითადად, დასაქმებული იყო ადგილობრივი მოსახლეობა,“ - აცხადებს ილია ბეგიაშვილი.

მისივე თქმით, მცირებიუჯეტიანი პროექტების ხანგრძლივობა, ზოგ შემთხვევაში, 1-2 კვირაა და ასეთ შემთხვევებში არაგონივრული იქნება 2-3 თვიან სატენდერო  პროცედურებში შესვლა. 

„ნამდვილად ვერ დავეთანხმებით კვლევაში გამოთქმულ ეჭვებს გარკვეულ კორუფციულ რისკებზე. ვფიქრობ, ყველა დაინტერესებული უნდა იყოს ისეთი პროგრამების ეფექტიანობით, რომელიც ადამიანებისა დასაქმებას და კომპანიების კვალიფიკაციის ამაღლებას ემსახურება. რაც შეეხება შეკითხვებს, მზად ვართ ყველა დაინტერესებულ ორგანიზაციასა თუ პირს, თითოეული უკვე განხორციელებული პროექტის მაგალითზე ვაჩვენოთ ამ პროგრამის სიკეთე,“ - აღნიშნა ილია ბეგიაშვილმა.


                                                                                                                                                             

ინფორმაციას რეგიონული განვითარებისა და ინფრასტრუქტურის სამინისტროს პრესსამსახური ავრცელებს





ამერიკის კონგრესი საქართველოსთვის გამოყოფილ დახმარებას ყინავს

ამერიკის კონგრესი საქართველოსთვის გამოყოფილ დახმარებას ყინავს
access_time2020-07-07 11:35:54
ამერიკის კონგრესი საქართველოსთვის გამოყოფილი დახმარების ნაწილს ყინავს - სახელმწიფო დეპარტამენტი ელოდება ანგარიშს კანონის უზენაესოების, ქვეყანაში დემოკრატიის განვითარებისა და კორუფციის შესახებ. კანონპროექტს ორპარტიული მხარდაჭერა აქვს. თანხა საქართველოს ორი წლის განმავლობაში უნდა მიეღო. მთლიანობაში, საუბარია 132 მილიონ აშშ დოლარზე. მთავარი არხი

კოსმეტიკური საშუალებები ქართული ვირის რძისგან - „ვირლანდიას“ სამომავლო გეგმები

კოსმეტიკური საშუალებები ქართული ვირის რძისგან - „ვირლანდიას“ სამომავლო გეგმები
access_time2020-07-07 12:00:46
ვირლანდია - იგივე, სახედრების ფერმა თბილისთან ახლოს,  გარდაბნის მუნიციპალიტეტის სოფელ გამარჯვებასთან მდებარეობს. ფერმაში ბაზრისთვის საკმაოდ იშვიათი - ვირის რძე იწარმოება, რომელიც ხალხურ და თანამედროვე მედიცინაში სამკურნალო თვისებების მქონე პროდუქტადაა აღიარებული. 5 წლის წინ, ფერმის თანადამფუძნებელმა, თორნიკე ტეფნაძემ პროდუქტის უნიკალური თვისებების შესწავლის შემდეგ გადაწყვიტა შეექმნა ფერმა, რომელიც ვირის რძეს სამკურნალო დანიშნულებით აწარმოებდა. როგორც ფერმის...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-06 21:30:53
დღის Top-10 საინტერესო ამბავი 1.იპოთეკური სესხების სუბსიდირებით მთავრობა ბანკებს ბიუჯეტიდან 70 მლნ ლარს ჩუქნის საქართველოს მთავრობა ყველას ვინც 2020 წლის პირველი ივნისიდან 2021 წლის პირველ იანვრამდე აიღებს იპოთეკურ სესხს ლარში, 5 წლის ვადით სესხის 4%-ს...

ბიზნესი ქართულად - აუზებზე მოთხოვნას სასტუმროებმა სპეციალური შეთავაზებებით უპასუხეს

ბიზნესი ქართულად - აუზებზე მოთხოვნას სასტუმროებმა სპეციალური შეთავაზებებით უპასუხეს
access_time2020-07-06 18:00:49
8 ივნისიდან სასტუმროებს საშუალება მიეცათ, რომ საცურაო აუზები გაეხსნათ, თუმცა ღია ტიპის აუზებს გახსნის ნებართვა მხოლოდ ხვალიდან, ისიც შემოწმების შემდეგ ექნებათ. მანამდე კი აუზებზე გაზრდილი მოთხოვნის დაკმაყოფილებას საქართველოს სასტუმროები შესაბამისი შეთავაზებებით ცდილობენ. რეგულაციების გათვალისწინებით, სასტუმროების აუზებით სარგებლობა სტუმრებს მხოლოდ ნომრის აღების შემთხვევაში შეუძლიათ. თუმცა, ქართულ სასტუმროებს მომხმარებლებისთვის დღის შეთავაზება აქვთ, რომელიც...

The Economist: ვინ მართავს მსოფლიოს?

The Economist: ვინ მართავს მსოფლიოს?
access_time2020-07-06 20:00:10
2008-2009 წლების კრიზისის შედეგად გლობალური ძალაუფლება დიდმა ოცეულმა გადაიბარა, რადგანაც ნათელი გახდა - დიდი შვიდეულის ფორმატი რეალობას უკვე არ შეესაბამებოდა.კორონავირუსის პანდემიამ კიდევ ერთი სიახლე გამოავლინა - გლობალური ლიდერის არარსებობა. ამჯერად დიდმა ოცეულმა საოცარი უსუსურობა გამოავლინა და თავი მხოლოდ ღარიბი ქვეყნებისთვის ვალების გასტუმრების გადავადებაზე რიტორიკით...


მსგავსი სიახლეები

up