III და IV კატეგორიის საწარმოების ფინანსური ანგარიშგებები პროგრამა ბალანსში
access_time2021-09-10 09:55:41
არაუგვიანეს 1-ლი ოქტომბრისა III და IV კატეგორიის საწარმოებმა ბუღალტრული აღრიცხვის, ანგარიშგებისა და აუდიტის შესახებ საქართველოს კანონის თანახმად მათი ზომითი კატეგორიისათვის შესაბამისი ფინანსური ანგარიშგებები უნდა წარადგინონ.
აღნიშნული ანგარიშგებების მომზადება მოითხოვს დიდი დროით რესურსს და საკმაოდ შრომატევადი საქმეა ბუღალტრებისთვის. იმისათვის, რომ ბუღალტრების საქმე შემსუბუქებულიყო და გამარტივებულიყო ფინანსური ანგარიშგებების დამუშავების პროცესი, საბუღალტრო პროგრამა ბალანსში მომზადდა მე-3 და მე-4 კატეგორიების საწარმოებისათვის განკუთვნილი ანგარიშგებების მზა მოდელები.
⦁ შემოსავლების, ხარჯებისა და გაუნაწილებელი მოგების
⦁ ფინანსური მდგომარეობის შესახებ
მზა მოდელებს ასევე შეგვიძლია ვუწოდოთ სპეციალური ფორმები, რომელსაც ერთვის შესაბამისი ფორმულები. თუ მთელი წლის განმავლობაში ბუღალტერია სწორად იქნა აღრიცხული, მაშინ მე-3 და მე-4 კატეგორიების ფინანსური ანგარიშგების მოსამზადებლად ბუღალტერს ფორმულაში შესაბამისი ანგარიშების მითითებს სჭირდება. ამის შემდეგ, პროგრამა ბალანსი კალკულაციებს ავტომატურად გააკეთებს.
ასევე, III და IV კატეგორიების საწარმოების ფინანსური ანგარიშგებების მომზადებისას ბუღალტრებს პროგრამა ბალანსში შეეძლებათ:
⦁ ანგარიშგების აწყობების შეუსაბამობების პოვნა;
⦁ შევსების ფორმულის განსაზღვრა ანგარიშგების თითოეულ უჯრაში;
⦁ ანგარიშგების თითოეულ დანაყოფში გამოყვანილი შედეგის გაშიფვრა ფორმულის მიხედვით და პირველად დოკუმენტამდე მისვლა გაშიფვრის შედეგად;
⦁ ანგარიშგების უჯრის შევსების წესის ცვლილება;
⦁ აუდიტის ჩატარების შემდეგ მაკორექტირებელი გატარებების შეტანა პერიოდის მითითებით;
⦁ ბუღალტრული ანგარიშგებების გამოტანა მაკორექტირებელი გატარებებით, ან მის გარეშე, ან მხოლოდ აუდიტორის გატარებების დათვალიერება.
თუ ანგარიშგებების წარდგენამდე მაკორექტირებელი გატარებები დაფიქსირდა, ბალანსის ბრუნვით უწყისსა და სხვა ბუღალტრულ ანგარიშგებებში შესაძლებელი იქნება ამ გატარებების იდენტიფიცირება და ცალკე ნახვა. ეს ფუნქციონალი შესაძლებლობას იძლევა, ბუღალტრებმა დააკორექტირონ და თავიდან გამოიტანონ ანგარიშგებებში ის გატარებები, რომლებიც არასწორად იქნა შესრულებული.
კანონის თანახმად, მესამე კატეგორიისა არის სუბიექტი, რომელიც: არ არის მეოთხე კატეგორიის საწარმო და რომლის მაჩვენებლები საანგარიშგებო პერიოდის ბოლოს შემდეგი სამი კრიტერიუმიდან სულ მცირე ორ კრიტერიუმს აკმაყოფილებს:
ა) აქტივების ჯამური ღირებულება 10 მილიონ ლარს არ აღემატება;
ბ) შემოსავალი 20 მილიონ ლარს არ აღემატება;
გ) საანგარიშგებო პერიოდში დასაქმებულთა საშუალო რაოდენობა 50-ს არ აღემატება.
მეოთხე კატეგორიისაა სუბიექტი, რომელის მაჩვენებლები საანგარიშგებო პერიოდის ბოლოს შემდეგი სამი კრიტერიუმიდან სულ მცირე ორ კრიტერიუმს აკმაყოფილებს:
ა) აქტივების ჯამური ღირებულება 1 მილიონ ლარს არ აღემატება;
ბ) შემოსავალი 2 მილიონ ლარს არ აღემატება;
გ) საანგარიშგებო პერიოდში დასაქმებულთა საშუალო რაოდენობა 10-ს არ აღემატება.
სუბიექტის განმარტება კი ასეთია: საჯარო სამართლის და კერძო სამართლის იურიდიული პირები, გარდა საქართველოს საბიუჯეტო კოდექსით განსაზღვრული საბიუჯეტო ორგანიზაციისა და საქართველოს ეროვნული ბანკისა, სხვა ქვეყნის საწარმოს ფილიალი, ინდივიდუალური მეწარმე, თუ ისინი წარმოადგენენ მესამე, მეორე ან პირველი კატეგორიის საწარმოებს.
რაც შეეხება პროგრამა ბალანსს პროგრამა ბალანსს: ბალანსი დაწერილია
1C ის 8.3 პლატფორმაზე. პროგრამა სრულად შეესაბამება ქართულ საგადასახადო კანონმდებლობას, აქვს სამენოვანი ინტერფეისი - ქართული, რუსული და ინგლისური. ბალანსი იდეალურია წარმოების, მშენებლობის, ვაჭრობის სფეროს აღრიცხვისთვის.
(R)
ბალანსი
