იენს სტოლტენბერგი - ნატო ჩინეთის გააქტიურებას ყურადღებით უნდა მოეკიდოს

იენს სტოლტენბერგი - ნატო ჩინეთის გააქტიურებას ყურადღებით უნდა მოეკიდოს

access_time2019-08-07 22:30:53

ნატო ჩინეთის გააქტიურებას ყურადღებით უნდა მოეკიდოს და მისი შედეგები გააცნობიეროს, ვინაიდან პეკინი საკუთარ ძალაუფლებას მთელი მსოფლიოს მასშტაბით ზრდის,- ამის შესახებ ნატო-ს გენერალურმა მდივანმა იენს სტოლტენბერგმა დღეს განაცხადა.

სააგენტო „როიტერსის“ ინფორმაციით, ჩინეთის გაზრდილმა თავდაჯერებულობამ, მათ შორის სამხრეთ ჩინეთის ზღვაში, მისი ზრახვების შესახებ მღელვარება გამოიწვია და აშშ-მ ნატო-ს მოუწოდა, რომ „აღიაროს და შეეგუოს“ ახალ წარმოქმნილ საფრთხეებს, ჩინეთის ჩათვლით.


„ეს არ ეხება ნატო-ს სვლას წყნარი ოკეანის რეგიონისკენ, ეს ეხება პასუხს იმ ფაქტზე, რომ ჩინეთი გვიახლოვდება ჩვენ,“ - განაცხადა სტოლტენბერგმა „როიტერსთან“ საუბარში.


„ინვესტიციების ინტენსიური განხორციელება ევროპაში, გააქტიურება არქტიკაზე, აფრიკასა და კიბერ სივრცეში...ყოველივე ეს მნიშვნელოვანს ხდის ნატო-სთვის, რომ ჩინეთის გააქტიურებას ყურადღებით მოეკიდოს და ჩვენ ამას რეგიონში ჩვენი პარტნიორების - ავსტრალიის, ახალი ზელანდიის, იაპონიისა და სამხრეთ კორეასთან მჭიდრო თანამშრომლობით განვახორციელებთ,“ - განაცხადა ნატოს გენერალურმა მდივანმა სიდნეიში ვიზიტისას.



ვაშინგტონსა და პეკინს შორის დაძაბულობა ორ ქვეყანას შორის სავაჭრო ომის ესკალაციის შედეგად გაიზარდა. აშშ-ს თავდაცვის მდივანმა მარკ ესპერმა განაცხადა, რომ მას აზია-წყნარი ოკეანის რეგიონში საშუალო რადიუსის რაკეტის განთავსება სურს.


„გუშინ ვესაუბრე ესპერს და მან გარკვევით განაცხადა, რომ ახალი საშუალო რადიუსის იარაღის შექმნასა და მსოფლიოს ამ ნაწილში განთავსებას დრო სჭირდება. ამიტომ საკითზე გადაწყვეტილება ჯერ არაა მიღებული,“ - განაცხადა სტოლტენბერგმა.


აღნიშნული კომენტარი ნატოს გენერალურმა მდივანმა სიდნეიში ვიზიტისას გააკეთა, სადაც მან ქვეყნის პრემიერ-მინისტრ, სკოტ მორისონთან და საგარეო და თავდაცვის მინისტრებთან შეხვედრაზე ჩინეთთან, ავღანეთის ომთან, ტერორიზმსა და კიბერ უსაფრთხოებასთან დაკავშირებული საკითხები განიხილა.


IPN





აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება
access_time2020-10-24 18:00:14
აშშ-ში პრემიუმ კლასის ღვინოების დახლზე ქართული ღვინო „მტევინო“ გამოჩნდება. კომპანიამ ექსპორტთან დაკავშირებული მოლაპარაკებები აშშ-სთან წარმატებით დაასრულა. ექსკლუზიური ხელშეკრულება ამერიკელ იმპორტიორებთან უკვე გაფორმებულია და სულ მალე, ამერიკელი მომხმარებელი ოთხი სახეობის  ქართულ ღვინოს დააგემოვნებს. მტევინოს გენერალური დირექტორის ლელა კობიაშვილის თქმით, ეს ღვინოებია: მტევინო რქაწითელი, ხაშმის საფერავი, მტევინოს მუკუზანი და ხაშმის საფერავი...

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა
access_time2020-10-24 11:19:45
საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა. ამის შესახებ ინფორმაციას მთავრობის მიერ შექმნილი ვებ გვერდი stopcov.ge ავრცელებს. ამ დროისთვის საქართველოში კორონავირუსის 26 503 შემთხვევაა დადასტურებული. გამოჯანმრთელდა კიდევ 412 პაციენტი, გამოჯანმრთელებულთა საერთო რაოდენობაა 10 163. კორონავირუსის შედეგად, ქვეყანაში ბოლო 24 საათში ათი პაციენტი გარდაიცვალა. გარდაცვლილთა რაოდენობა ჯამში 193-ს...

ბიუჯეტის შემოსავალი დღგ-დან წლიურად 295 მილიონითაა შემცირებული

ბიუჯეტის შემოსავალი დღგ-დან წლიურად 295 მილიონითაა შემცირებული
access_time2020-10-24 19:55:29
2020 წლის ბიუჯეტის 9 თვის შესრულების ანგარიშიდან ირკვევა, რომ კერძო სექტორის მიერ გადახდილი დამატებული ღირებულების გადასახადის მოცულობა 2.79 მილიარდ ლარს შეადგენს, რაც მართალია 2020 წლის კორექტირებული ბიუჯეტის გეგმის 106%-ია, თუმცა 2019 წლის მაჩვენებელთან შედარებით 294.6 მილიონი ლარით არის შეცმირებული. 2020 წლის 12 თვეში დღგ-ის გეგმა 3.74 მილიარდ ლარს შეადგენს. შედარებისთვის, ეს თანხა 2019 წელს მობილიზებულ 4.04 მილიარდ ლართან მიმართებით 300 მილიონი ლარით ნაკლებია. დღგ-ის...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-23 21:00:15
დღის Top 10 საინტერესო ამბავი:   1. თბილისს ხვალიდან 126 ახალი ავტობუსი მოემსახურება მუნიციპალური ავტოპარკის განახლების პროექტის ფარგლებში, თბილისის სატრანსპორტო კომპანიამ, ევროპის რეკონსტრუქციისა და განვითარების ბანკის (EBRD) ხელშეწყობით, 226 ერთეული 12-მეტრიანი, კომპრესირებულ ბუნებრივ აირზე (CNG) მომუშავე, EURO 6-ის სტანდარტის ავტობუსი შეისყიდა. მათი ნაწილი...

23 ოქტომბერი - რეგიონში ყველა ვალუტა გაუფასურდა

23 ოქტომბერი - რეგიონში ყველა ვალუტა გაუფასურდა
access_time2020-10-23 18:15:38
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 23 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.2202 ლარი...


მსგავსი სიახლეები

up