IEA-ს საგანგაშო დასკვნა: მსოფლიო მასშტაბით, ჰაერის დაბინძურების გამო ყველაზე მაღალი სიკვდილიანობა საქართველოშია

IEA-ს საგანგაშო დასკვნა: მსოფლიო მასშტაბით, ჰაერის დაბინძურების გამო ყველაზე მაღალი სიკვდილიანობა საქართველოშია

access_time2016-06-28 11:55:47

საქართველოს საკანონმდებლო და აღმასრულებელი ხელისუფლების პოპულიზმი მძიმე შედეგების მომტანი ხდება: ქვეყანა ეკოლოგიური პრობლემების გამო დაღუპულთა რაოდენობით მსოფლიო ლიდერად დასახელდა.

 

ასეთი კატასტროფული შედეგი, დიდი ალბათობით, არ დადგებოდა, ხელისუფლებას ავტომობილების ტექდათვალიერების შემოღების გადაწყვეტილება რომ დროულად მიეღო. თუმცა პარლამენტის ეკონომიკური პროფილის კომიტეტების ნომერ პირველი საზრუნავი ამომრჩეველთა ხმების შენარჩუნებაა, სწორედ ამიტომ ისინი ერიდებიან არაპოპულისტური გადწყვეტილებების მიღებას. წინა და ამჟამინდელი ხელისუფლების ამგვარი მიდგომის შედეგია დაბინძურებული გარემო და ამ მიზეზით გარდაცვლილი ადამიანების მაღალი სტატისტიკა. 

 

იმ ფონზე, როდესაც მსოფლიოში მე–20 საუკუნის ავტომობილებს კრძალავენ, საქართველოში ისეთი ელემენტარული სტანდარტის შემოღება ვერ ხერხდება, როგორიცაა ავტომობილების ტექდათვალიერება და მავნე გამონაბოლქვის შემცირება. ხელისუფლებაზე გავლენას ვერც ექიმები ახდენენ, რომლებიც ქვეყანაში ონკოლოგიური დაავადებების ზრდის გამო განგაშს ტეხენ და ხელისუფლებას შესაბამისი ნაბიჯების უსწრაფესად გადადგმისკენ მოუწოდებენ.

 

ჰაერის დაბინძურების მიზეზით გარდაცვლილთა რიცხვით საქართველო მსოფლიო ქვეყნებს შორის ლიდერობს. შესაბამისი კვლევა „საერთაშორისო ენერგეტიკულმა სააგენტომ“ გამოაქვეყნა. ანგარიში სახელწოდებით Energy and Air Pollution მიმდინარე წელს არის გამოქვეყნებული, თუმცა, ამ კონკრეტული მიმართულებით 2012 წლის მონაცემებს ასახავს.


კვლევაში მოცემულია სიკვდილიანობის მაჩვენებელი ყოველ 100 ათას კაცზე, რომელიც გამოწვეულია ჰაერის დაბინძურების შედეგად. ანგარიშის მიხედვით, საქართველოს შემდეგ ყველაზე მაღალი სიკვდილიანობა ყოველ 100 ათას კაცზე ბულგარეთში ფიქსირდება. შემდეგ მოდის ჰაერის დაბინძურების მხრივ მოწინავე ქვეყნები ჩინეთი და ინდოეთი. ათეულში ასევე შედიან უნგრეთი, ჩადი, რუსეთი, ნიგერია, პაკისტანი და ინდონეზია.



არასამთავრობო ორგანიზაცია, რომელიც OECD-ის (Organisation for Economic Co-operation and Development) ჩარჩოში 1974 წელს შეიქმნა, ანგარიშში აღნიშნავს, რომ 2012 წელს ჰაერის დაბინძურების მიზეზით 6,5 მილიონი ადამიანი გარდაიცვალა. მათი ინფორმაციით, ეს ნიშნავს, რომ მსოფლიოში ყოველი 9 ადამიანიდან ერთი სწორედ ამ მიზეზით იღუპება.


ანგარიშში აღნიშნულია, რომ ჰაერის დაბინძურება ერთ-ერთ ყველაზე მაღალ რისკს წარმოადგენს ჯანმრთელობისთვის. ჰაერის დაბიძნურებაზე მეტად საშიშ პრობლემებად ორგანიზაცია არტერიულ წნევას, კვებითი რაციონის დარღვევასა და მოწევას გამოყოფს, მეოთხე ყველაზე დიდ რისკად კი სწორედ ჰაერის დაბინძურებას ასახელებს.


2016 წლის ანგარიშის მიხედვით, ჰაერის დაბინძურება იწვევს ფილტვის სიმსივნეს, ფილტვების ქრონიკულ და გულის დაავადებებს. ამავე ანგარშით, ჰაერის დაბინძურებას ასევე შეუძლია გამოიწვიოს დაბალი შობადობა, ტუბერკულოზი, კატარაქტა, ასევე ხორხის სიმსივნე.  


5 წლამდე ასაკის ბავშვებში კი ჰაერის დაბინძურება პნევმონიის მიზეზია. ასაკობრივი ჯგუფების მიხედვით,  ჰაერის დაბინძურების მიმართ ერთ-ერთ ყველაზე მოწყვლად ჯგუფად სწორედ ბავშვები მიიჩნევიან.


არასამთავრობო ორგანიზაცია ძირითადად ენერგეტიკულ საკითხებზე მუშაობს, მისი მნიშვნელოვანი ფუნქციაა ასევე ინფორმაციის (ანგარიშების, კვლევების) გამოქვეყნება სხვადასხვა საკითხებზე, როგორიცაა ენერგეტიკული უსაფრთხოება, ეკონომიკური განვითარება და გარემოს დაცვა.


ორგანიზაციაში მსოფლიოს 29 ქვეყანა შედის, მათ შორის არიან როგორც ევროკავშირის წამყვანი ქვეყნები, ასევე აშშ, ავსტრალია, იაპონია, კანადა და ა.შ.


"კომერსანტი" აღნიშნულ დასკვნასთან დაკავშირებით გარემოს დაცვის სამინისტროსა და არასამთავრობო სექტორის შეფასებებს ელოდება.

 

 



პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?

პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?
access_time2020-07-09 20:30:54
პოლონეთის მმართველი პარტიიდან სეიმის თავმჯდომარის მოადგილემ (ვიცე-მარშალმა), დეპუტატმა მაგოჟატა მარია გოშიევსკამ სოციალურ ქსელში პოსტი გამოაქვეყნა, სადაც ის ეხმაურება საქართველოს მხრიდან პოლონეთისთვის საზღვრის არგახსნის საკითხს. “ბანკები და ფინანსები” პოსტს უცვლელად გთავაზობთ: “სურს თუ არა საქართველოს ტურისტები პოლონეთიდან ? გუშინ საქართველოს მთავრობამ მიიღო გადაწყვეტილება, რომ...

„ნენას“ და „კალვეს“ პროდუქციაში დარღვევები აღმოჩნდა– „Momxmarebeli.ge“

„ნენას“ და „კალვეს“ პროდუქციაში დარღვევები აღმოჩნდა– „Momxmarebeli.ge“
access_time2020-07-09 17:25:58
„Momxmarebeli.ge-ზე“ გამოქვეყნებული კვლევის ფარგლებში შემოწმდა  საქართველოსა და საზღვარგარეთ წარმოებული პროდუქცია.კვლევაში აღნიშულია, რომ შემოწმდა თბილისის სხვადასხვა მაღაზიაში 41 დასახელების სასურსათო პროდუქტი და გერმანიის ლაბორატორია „ევროფინსში“ სუდანის ჯგუფის არასაკვები საღებავების შემცველობაზე შესამოწმებლად იქნა გაგზავნილი. ორგანიზაციის ინფორმაციით, . 5 ნიმუშში საღებავი „სუდან...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-09 21:30:12
დღის Top-10 საინტერესო ამბავი 1.ახალი სატარიფო გეგმა ენერგეტიკაში ინვესტიციებს გაზრდის საქართველოს მთავრობამ მცირე და საშუალო ჰიდროელექტროსადგურების განვითარებისთვის განახლებადი ენერგიის წყაროების მხარდაჭერის ახალი მექანიზმი დაამტკიცა. მხარდაჭერის სქემა მოიცავს შემდეგ კომპონენტებს:...

„სილქნეტის“ მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ

„სილქნეტის“ მობილური აბონენტები თიბისის მობაილბანკით  სარგებლობას ინტერნეტის დახარჯვის გარეშე შეძლებენ
access_time2020-07-09 14:55:15
ონლაინ მომსახურების ხელშესაწყობად, სილქნეტმა არაერთი სერვისი შესთავაზა მომხმარებელს, რომელიც მას დისტანციურად მომსახურების მიღების საშუალებას გაუმარტივებს. ამისათვის, კომპანია ვირუსის გავრცელების ადრეული ეტაპიდანვე ზრუნავს, რათა გაუფრთხილდეს მომხმარებლის ჯანმრთელობასა და უსაფრთხოებას. ონლაინ საბანკო მომსახურება პროდუქტი ყოველდღიურობისათვის აუცილებელ მომსახურებათა ჩამონათვალშია. ამ მომსახურების სერვისის შეუფერხებლად მიწოდებისაათვის, სილქნეტმა, თიბისისთან ერთად, თავის მომხმარებელს...

ძველი ქარხნების ახალი დანიშნულება - თბილისის ინდუსტრიული მემკვიდრეობა

ძველი ქარხნების ახალი დანიშნულება  - თბილისის ინდუსტრიული მემკვიდრეობა
access_time2020-07-09 19:00:25
პროექტი „თბილისის ინდუსტრიული მემკვიდრეობა“ გულისხმობს გრძელვადიან კვლევით საქმიანობას, რომლის პირველი ეტაპი, თბილისში არსებული ინდუსტრიული ნაგებობების ბაზის შექმნას მოიაზრებს. კვლევის ობიექტი შეიძლება იყოს, მაგალითად, ყოფილი რკინიგზის ჩიხი, ელექტროსადგური, რკინისა და ფოლადის მწარმოებელი საწარმო, ქიმიური წარმოება, ქარხნები და ფაბრიკები, სამრეწველო კომპლექსები. MUA-ს (Multiverse architecture) არქიტექტურულმა გუნდმა მოიპოვა დაფინანსება პროექტისთვის თბილისის ინდუსტრიული...


მსგავსი სიახლეები

up