IEA  - ევროპაში გაზის მოხმარება ბოლო 50 წლის რეკორდულ მაჩვენებლამდე დაეცემა

IEA - ევროპაში გაზის მოხმარება ბოლო 50 წლის რეკორდულ მაჩვენებლამდე დაეცემა

access_time2022-10-04 13:50:00

ეკონომიკური თანამშრომლობისა და განვითარების ორგანიზაციის (Organisation for Economic Co-operation and Development OECD) წევრ ევროპულ ქვეყნებში, რომელთა შორის ბულგარეთი და რუმინეთი არ ირიცხება, ბუნებრივი აირის მოხმარება შესაძლოა, წლის ბოლომდე 50 მილიარდ კუბურ მეტრზე მეტად შემცირდეს. ენერგეტიკის საერთაშორისო სააგენტოს (IEA) შეფასებით, ეს გაზის ბაზარზე რეკორდული ვარდნა იქნება ბოლო 50 წლის განმავლობაში.


IEA-ს მონაცემებით, ევროპის OECD-ის ქვეყნებმა გასულ წელს 604 მილიარდი კუბური მეტრი გაზი მოიხმარეს, რაც მიმდინარე წლის ბოლოსთვის შესაძლოა, 548 მილიარდ კუბურ მეტრამდე შემცირდეს. რვა თვის განმავლობაში ევროპის OECD-ის ქვეყნებში გაზზე მთლიანი მოთხოვნა, წლიური თვალსაზრისით, თითქმის, 10%-ით, მესამე კვარტალში კი 9%-ით შემცირდა. ევროპულ ინდუსტრიაში რვა თვის განმავლობაში გაზის მოხმარება 15%-ით, საცხოვრებელ სექტორში კი 20%-ზე მეტად შემცირდა. მესამე კვარტალში სამრეწველო გაზზე მოთხოვნა, გასული წლის ანალოგიურ პერიოდთან შედარებით, 25%-ზე მეტად შემცირდა. IEA წერს, რომ გაზის გაძვირების გამო ევროპული სასუქების წარმოების მოცულობა 70%-ით შემცირდა, რაც აგრარულ სექტორზე „დამატებით ზეწოლას ახდენს.“


„რუსეთის დაუფიქრებელი და არაპროგნოზირებადი ქცევის გამო, რომელმაც სანდო მიმწოდებლის რეპუტაცია თავად გაინადგურა, გაზის ბაზრის პერსპექტივა ბუნდოვანი რჩება,“ - აცხადებს IEA-ს ენერგეტიკული ბაზრებისა და უსაფრთხოების დირექტორი, კეისუკე სადამორი.


მისი პროგნოზით, „ყველა ნიშანი იმაზე მეტყველებს, რომ გაზის ბაზრები 2023 წელსაც მეტად დაძაბული დარჩება.“ IEA პროგნოზირებს, რომ წლის ბოლომდე თხევადი ბუნებრივი აირის (LNG) მიწოდება ევროპაში 60 მილიონი ტონით (82,8 მილიარდი კუბური მეტრით) გაიზრდება, რაც, 2021 წელთან შედარებით, 80%-ით მეტია. LNG-ით გლობალური ვაჭრობა რვა თვეში, შარშანდელ პერიოდთან შედარებით, თითქმის, 6%-ით გაიზარდა. იანვარ-აგვისტოში LNG-ის იმპორტმა ევროპაში 65%-ით, ანუ 43 მილიარდი კუბური მეტრით მოიმატა.



ევროპაში გაზზე მოთხოვნის ვარდნა წლის ბოლოს რვათვიანი კლების ტოლი იქნება, რაც 10%-ს შეადგენს. ევროკავშირი აგვისტოდან აპრილის დასაწყისამდე გაზის მოხმარების 15%-ით შემცირებას გეგმავს. IEA-ს პროგნოზით, ამ პერიოდში ევროპის სამრეწველო სექტორი გაზის მოხმარებას 20%-ით, ხოლო ენერგეტიკის სექტორი 3%-ით შეამცირებს. 2023 წელს OECD-ის ევროპულ ქვეყნებში გაზის მთლიანი მოხმარება კიდევ 3-4%-ით, 531 მილიარდ კუბურ მეტრამდე შემცირდება.


IEA წერს, რომ მართალია, სექტემბრის ბოლოსთვის ევროკავშირის საცავები, თითქმის, 90%-ით გაივსო, მაგრამ რუსეთიდან მიწოდების შეწყვეტის გამო მომავალ წელს მათი შევსება გართულდება. ამდენად, „გათბობის სეზონის ბოლომდე მიწოდების ადექვატურ დონეზე შესანარჩუნებლად და საცავებიდან ამოღების შესამცირებლად გაზის დაზოგვის ღონისძიებები გადამწყვეტი იქნება.“


წყარო: bpn.ge



თეგები:
IEA



წელს მსოფლიო ტურიზმი 65%-ით აღდგება - UNWTO

წელს მსოფლიო ტურიზმი 65%-ით აღდგება - UNWTO
access_time2022-11-29 23:55:13
ტურიზმის საერთაშორისო ორგანიზაციის (UNWTO) პროგნოზით, საერთაშორისო ტურიზმის აღდგენის მაჩვენებელი წელს 65% იქნება. ორგანიზაციის ინფორმაციით, იანვარ-სექტემბერში 700 მლნ ტურისმტმა იმოგზაურა მთელ მსოფლიოში, რაც წლიურად 133%-ით გაზრდილი მაჩვენებელია, ხოლო 2019 წლის შესაბამისი პერიოდის 63%-ს შეადგენს. აღდგენის ეს მაჩვენებელი გამოწვეულია მოგზაურობაზე მაღალი მოთხოვნითა და „კოვიდის“ გამო დაწესებული შეზღუდვების შემსუბუქებით. საანგარიშო პერიოდში რეგიონში...

2022 წლის ათასწლეულის ინოვაციის კონკურსის ფინალისტების ვინაობა ცნობილია

2022 წლის ათასწლეულის ინოვაციის კონკურსის ფინალისტების ვინაობა ცნობილია
access_time2022-11-29 21:55:59
2022 წლის ათასწლეულის ინოვაციის კონკურსის მთავარი პრიზი - აშშ-ში ნასას საზაფხულო ბანაკში გამგზავრება, გუნდმა “LIGGA“-მ პროექტით „რადიაციის კვლევის, მონიტორინგისა და უსაფრთხოების სისტემა“ მოიპოვა. გუნდის მიერ შექმნილიპროექტის საშუალებით, შესაძლებელია ოთახებსა და შენობებში რადიაციის დონის კონტროლი და რადიაციის გავრცელების არეალის განსაზღვრა. გამარჯვებული გუნდის წევრები გაემგზავრებიან აშშ-ში და მონაწილეობას მიიღებენ NASA-ს კოსმოსური ცენტრის უნივერსიტეტის საზაფხულო სკოლაში....

ნატო-ს საგარეო საქმეთა მინისტრებმა ერთობლივი განცხადება გაავრცელეს, რომელშიც საქართველოს მხარდაჭერაზეც არის საუბარი

ნატო-ს საგარეო საქმეთა მინისტრებმა ერთობლივი განცხადება გაავრცელეს, რომელშიც საქართველოს მხარდაჭერაზეც არის საუბარი
access_time2022-11-29 20:55:28
ნატო-ს საგარეო საქმეთა მინისტრებმა ბუქარესტში გამართული შეხვედრის შემდეგ ერთობლივი განცხადება გაავრცელეს, რომელშიც საქართველოს მხარდაჭერაზეც არის საუბარი. როგორც განცხადებაშია აღნიშნული, ნატო-ს საგარეო საქმეთა მინისტრები გამოხატავენ მტკიცე ერთგულებას ალიანსის ღია კარის პოლიტიკისადმი. „დასავლეთ ბალკანეთის და შავი ზღვის რეგიონებს სტრატეგიული მნიშვნელობა აქვს ალიანსისთვის. ჩვენ მივესალმებით ჩვენს შეხვედრას ნატო-ს პარტნიორების, ბოსნია და...

ეკონომიკის ორნიშნა ზრდას და ლარის სიმყარეს მხოლოდ რუსეთის ეფექტს ვერ დავაბრალებთ - ვახტანგ ჭარაია

ეკონომიკის ორნიშნა ზრდას და ლარის სიმყარეს მხოლოდ რუსეთის ეფექტს ვერ დავაბრალებთ - ვახტანგ ჭარაია
access_time2022-11-29 21:30:15
ეკონომიკის ორნიშნა ზრდა და ლარის სიმყარეს მხოლოდ რუსეთის ეფექტს ვერ დავაბრალებთ, -ამის შესახებ გრიგოლ რობაქიძის სახელობის უნივერსიტეტის ბიზნესისა და მართვის სკოლის დეკანმა, პროფესორმა ვახგანგ ჭარაიამ, გიორგი აბაშიშვილის საავტორო გადაცემაში „ბიზნეს ინსაიდერი“ განაცხადა. მისი თქმით, გლობალურმა თუ ეკონომიკურმა ცვლილებებმა საქართველოზე გარკვეული პოზიტიური ეფექტი იქონია, მაგრამ საქართველო ამისთვის წლების განმავლობაში ემზადებოდა და ბევრი...

კომპანია Starlink-მა უკრაინის მაცხოვრებლებს ინტერნეტის ტარიფი გაუზარდა

კომპანია Starlink-მა უკრაინის მაცხოვრებლებს ინტერნეტის ტარიფი გაუზარდა
access_time2022-11-29 20:30:44
კომპანია Starlink-მა ინტერნეტის ტარიფი გაუზარდა უკრაინის მაცხოვრებლებს. კომპანიამ აბონენტებისთვის შესაბამისი წერილების დაგზავნა დაიწყო. 29 დეკემბრიდან სატელიტური ინტერნეტი კერძო პირებისთვის თვეში 60 დოლარიდან გაიზრდება 75 დოლარამდე. როგორც „ტელეგრამში“ წერს Инсайдер UA, Starlink-ის ტერმინალისა და ანტენის ფასი გაიზრდება და 500 დოლარის ნაცვლად 700 დოლარი ეღირება. ომის დაწყებიდან ილონ მასკის კომპანია SpaceX-მა უკრაინას Starlink-ის დაახლოებით 20...


მსგავსი სიახლეები

up