„იძულებული ვიქნები წავიდე ბანკში და ის თანხა, რაც სახელმწიფოსთვის მაქვს გადასახდელი, სესხად გამოვიტანო“- ბიზნესი „ოქროს სიის“ ფაქტობრივი გაუქმების შემდეგ

„იძულებული ვიქნები წავიდე ბანკში და ის თანხა, რაც სახელმწიფოსთვის მაქვს გადასახდელი, სესხად გამოვიტანო“- ბიზნესი „ოქროს სიის“ ფაქტობრივი გაუქმების შემდეგ

access_time2019-07-03 09:00:55

ოქროს სიის შეღავათების გაუქმების გადაწყვეტილება 2 ივლისს ამოქმედდა. როგორც შეხვდა ბიზნესი იმპორტის გადასახადის 30–დღიანი საშეღავათო პერიოდის 5 დღემდე შემცირებას?  


სადისტრიბუციო კომპანია „შარმ ტრეიდინგის“ ხელმძღვანელი ვახტანგ საძაგლიშვილი „კომერსანტთან“ აცხადებს, რომ „ოქროს სიის“ გაუქმებით მთავრობამ ბიზნესს განვითარების საშუალება დაუპაუზა. მისი თქმით, უკვე დღეიდან კომპანიას ფულის გადადება  საბრუნავი საშუალებებისთვის მოუწვს.


„ეს გაუქმება უკვე აისახა ჩვენზე. რაც განვითარებისთვის შეგვეძლო გამოგვეყენებინა, აქედან მოხდა თანხის ამოღება და მისი ბიუჯეტში მიმართვა,“ აცხადებს საძაგლიშვილი.


მისივე განცხადებით, პრობლემა შექმნა იმანაც, რომ კომპანიებმა და მათ შორის, „შარმ ტრეიდინგმა“ „ოქროს სიის“ გაუქმების შესახებ გამოცხადებიდან რამდენიმე დღით ადრე გაიგო.


კომპანია „საქკაბელის“ სამეთვალყურეო საბჭოს თავმჯდომარე ედიშერ მამალაძე განმარტავს, რომ მთავრობის ეს გადაწყვეტილება კომპანიებს 1-თვიანი რესურსის (საბრუნავი საშუალებებისთვის) დამატებით მოზიდვისკენ უბიძგებს.


„პირობითად, მე თუ თვეში 1 მილიონი ლარის საქონელი შემომქონდა, მასზე ვიხდიდი გადასახადს 18%-ის ოდენობით, თუმცა, ამას  გაყიდვის დროს ვითვლიდი. ასე ნელ-ნელა გადახდილი თანხა საშუალებას მაძლევდა, რეალიზებიდან, უმტკივნეულოდ გადამეხადა.  ახლა ეს ერთი თვე ამომივარდა და მაშინვე უნდა გადავიხადო. დამრჩა ისეთი განცდა, რომ სახელმწიფომ ერთი თვის ფული  დამატებით მოიზიდა. ახლა იძულებული ვიქნები წავიდე ბანკში და ის თანხა, რაც სახელმწიფოსთვის მაქვს გადასახდელი, სესხად გამოვიტანო. ამით ბანკებსაც საკრედიტო ხაზი გაუფართოვეს, “ აცხადებს მამალაძე.



მისივე განმარტებით, ეს ყველაფერი გაზრდის პროდუქციის თვითღირებულებას, რაც საბოლოო ჯამში ფასზე აისახება.


როგორც ცნობილია, ოქროს სიაში“ მყოფი ხორბლის იმპორტიორები იმპორტის გადასახდელის გადახდის პრივილეგიით კვლავ ისარგებლებენ. შესაბამისად, კომპანიააგრიკომისგენერალურ დირექტორქეთევან კუბლაშვილ განმარტავს, რომ მისგან ცოტა უხერხული იქნება ამ თემაზე საუბარი, რადგან მისი კომპანია გამონაკლისშია და „ოქროს სიის“ გაუქმება არ შეხებია. მისივე განცხადებით,ზოგადად, ბიზნესისთვის ეს დამანგრეველია.


„მე მხარს ვუჭერ სრულიად ბიზნესს, ბიზნესმენებს, თუმცა, მე ამის მონაწილე არ ვარ. წინააღმდეგ შემთხვევაში მუშაობა ძალიან გაჭირდებოდა. უფრო მეტიც, ქვეყანა პურის გაძვირების საფრთხის წინაშე დადგებოდა. კომპანიას ხომ გაუჭირდებოდა და გაუჭირებოდა, რადგან დღგ-ს თანხა უნდა მოეზიდა. ალბათ ამ თანხას ბანკიდან მოვიზიდავდით. შესაბამისად, ჩვენს პროდუქციაზე ფასი 20%-ით გაძვირდებოდა,“ აცხადებს კუბლაშვილი.


ფინანსთა მინისტრის გადაწყვეტილებით, „საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2012 წლის 26 ივლისის №290 ბრძანებაში შევიდა ცვლილება, რომლის თანახმად, იმპორტის გადასახდელების გადახდის 5-დღიანი ვადა, ასევე გავრცელდება „ოქროს სიის“ მონაწილის კუთვნილ საქონელზე (ნაცვლად ცვლილებამდე მოქმედი 30-დღიანი ვადისა), წინასწარ (საქონლის შემოტანამდე) დეკლარირებულ საქონელზე (ნაცვლად ცვლილებამდე მოქმედი 15-დღიანი ვადისა) და დეკლარანტის მიერ შევსებული და რეგისტრირებული დეკლარაციით გაფორმებისას (ნაცვლად ცვლილებამდე მოქმედი 10-დღიანი ვადისა).

 

ზემოაღნიშნული ცვლილება აქციზური საქონლის მიმართ უკვე ამოქმედდა ბრძანების გამოქვეყნებიდან მე-10 დღეს (2019 წლის 12 ივნისს), ხოლო სხვა შემთხვევაში – ბრძანების ამოქმედების თარიღად, გამოქვეყნებიდან 30-ე დღე , ანუ 2 ივლისი განისაზღვრა. „ოქროს სიის“ მონაწილის კუთვნილ, სეს ესნ-ის 1001 სასაქონლო პოზიციით გათვალისწინებულ ხორბალზე კვლავ იმოქმედებს იმპორტის გადასახდელების გადახდის 45-დღიანი ვადა. ამასთან, „ოქროს სიის“ კომპანიები კვლავ ისარგებლებენ გამარტივებული საბაჟო სერვისითა და პროცედურებით, ასევე „ოქროს სიის“ მონაწილე კომპანიებისთვის დაწესებული სხვა შეღავათებით.

 

ამასთან, აღსანიშნავია, რომ ცვლილების ძალაში შესვლამდე რეგისტრირებული საბაჟო დეკლარაციით იმპორტის სასაქონლო ოპერაციაში გაცხადებულ საქონელზე იმპორტის გადასახდელების გადახდა დეკლარაციის რეგისტრაციის დღისათვის მოქმედი წესით განსაზღვრულ ვადაში ხორციელდებოდა.


აღსანიშნავია, რომ სიაში ჯამში, 218 კომპანიაა, რომელთაც მინისტრის ამ ბრძანებით გადასახდელის გადახდისას პრივილეგია აღარ ექნებათ. ამ კომპანიებს შორისაა: სს „საქკაბელი“, კომპანია „შარმ ტრეიდინგი“, სს „გეფა“ (ჯიპისი); სს „თელიანი ველი“, შპს „თეგეტა მოტორსი“, შპს „ვიონი საქართველო“ (ბილაინი); ამერიკის შეერთებული შტატების საელჩო თბილისში; „რომპეტროლი“, „მაგთიკომი“, შპს „ელიზი ჯგუფი“, გაეროს დამკვირვებელთა მისია საქართველოში; დიმპლომატ ჰოლდინგი, „ენერგო პრო-ჯორჯია“, „ვისოლი“, „ლუკოილი“, საქართველოს სოფლის მეურნეობის სამინისტრო, შპს „ავერსი-ფარმა“, შპს „კავკასუს ონლაინი“, „ელიტელექტრონიქსი“, „ელსივაიკიკი“, „ნიუ ჰოსპიტალს“, „სოკარი“, სს RMG Copper, შპს RMG Gold, სს თელავის ღვინის მარანი, შპს მოდუსი, შპს BTM-TEXTILE,შპს სტარ არ ჯი,სს ენერგო - პრო ჯორჯია,შპს აგროსისტემები,შპს ომეგა,სს ვისოლ პეტროლიუმ ჯორჯია,შპს ბი ემ სი გორგია,  და ა.შ.


სოფო ქსოვრელი 






„ფრესკო“ პროტესტის ნიშნად 24 საათით იკეტება

„ფრესკო“ პროტესტის ნიშნად 24 საათით იკეტება
access_time2019-11-18 21:29:59
„ფრესკო“ პროტესტის ნიშნად 24 საათით იკეტება. ამის შესახებ კომპანია ინფორმაცია სოციალურ ქსელში ავრცელებს. ქსელური ჰიპერმარკეტის განცხადებას კომერსანტი უცვლელად გთავაზობთ:   „მიგვაჩნია, რომ ის, რაც დღეს ჩვენს ქვეყანაში ხდება, ჩვენთვის და ჩვენი მოქალაქეებისთვის კონსტიტუციური უფლების წართმევაა! დღეს, კიდევ ერთხელ ვრწმუნდებით, რომ ადამიანის ფუნდამეტური უფლება - აზრისა და სიტყვის გამოხატვის თავისუფლება იზღუდება.   რთულია, ამ სიტუაციაში იყო უმოქმედოდ, მაგრამ...

თბილისის მოვლენებს მსოფლიოს წამყვანი გამოცემები ეხმაურება

თბილისის მოვლენებს მსოფლიოს წამყვანი გამოცემები ეხმაურება
access_time2019-11-18 21:00:20
თბილისში მიმდინარე მოვლენები მსოფლიო მედიის ყურადღების ცენტრშია. “საქართველოში მიმდინარე პროტესტს პარლამენტთან შეერთებული შტატები და ევროკავშირი უჭერს მხარს“, - სტატიას ამ სათაურით France 24 აქვეყნებს. გამოცემა წერს, რომ მიმდინარე აქციები, ბოლო წლების მანძილზე ყველაზე მასშტაბური ანტისამთავრობო გამოსვლებია საქართველოს დედაქალაქში. გამოცემის ცნობით, დაახლოებით 20 000 ადამიანი თბილისის ქუჩებში რიგგარეშე საპარლამენტო არჩევნებს ითხოვს. საპროტესტო აქციებზე წერს ასევე...

კახა კალაძე –სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა

კახა კალაძე –სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა
access_time2019-11-18 20:15:51
გვინდა გამოვეხმაუროთ რუსთველის გამზირზე მიმდინარე მოვლენებს და საპოლიციო ღონისძიებას, რომელიც წესრიგის აღსადგენად ჩატარდა. საქართველოში, დაცულია სიტყვისა და გამოხატვის თავისუფლება, თუმცა პარლამენტთან, ოპოზიციის ქმედებები გასცდა კანონის ჩარჩოებს.   ჩვენ, ორი დღის განმავლობაში, ვაფრთხილებდით აქციის ორგანიზატორებს, რომ სახელწიფო ინსტიტუტის, პარლამენტის ბლოკირება არის უკანონო ქმედება, თუმცა, მიუხედავად ამისა, ნახეს რა, რომ არ ჰქონდათ ხალხის სათანადო მხარდაჭერა, აქციის...

„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი

„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი
access_time2019-11-18 20:00:53
„დღეს ეს დემონსტრანტები თუ გაიყვანეს პარლამენტის შენობის მიმდებარე ტერიტორიიდან, ხვალ ისევ დადგებიან და ეს პროცესი არასდროს დასრულდება, შესაბამისად, გაგრძელდება ქვეყნის არასტაბილური მდგომარეობაც. არ უნდა დაგვავიწყდეს, რომ ბიძინა ივანიშვილმა პირობა დაარღვია და აზრი შეიცვალა არჩევნების პროპორციულ სისტემაზე გადასვლასთან დაკავშირებით, ის ერთადერთია ვისაც უნდა ვადანაშაულებდეთ. ივანიშვილი ამბობს,  რომ მისმა პარლამენტარებმა უღალატეს, მაგრამ ამას ორი წლის ბავშვიც კი არ დაიჯერებს.  ჩვენ...

საპარლამენტო უმრავლესობა ბიუროს სხდომის ჩასატარებლად ემზადება, ჟურნალისტებს პარლამენტში არ უშვებენ

საპარლამენტო უმრავლესობა ბიუროს სხდომის ჩასატარებლად ემზადება, ჟურნალისტებს პარლამენტში არ უშვებენ
access_time2019-11-18 18:00:59
საპარლამენტო უმრავლესობა ბიუროს სხდომის ჩასატარებლად ემზადება. როგორც ცნობილია, სპეცრაზმმა პარლამენტის ტერიტორია აქციის მონაწილეებისგან რამდენიმე წუთის წინ გაათავისუფლა.არსებული ინფორმაციით, საპარლამენტო უმრავლესობის წევრები პარლამენტში შეკრებას იწყებენ. აღსანიშნავია, რომ ჟურნალისტებს პარლამენტში არ უშვებენ. როგორც „ინტერპრესნიუსს“ საკანონმდებლო ორგანოს პრესსამსახურში განუცხადეს, დღეს ბიუროს სხდომა მედიის გარეშე ჩატარდება, თუმცა საზოგადოებას სხდომის მიმდინარეობის ნახვა...


მსგავსი სიახლეები

up