ICR ჯგუფის დამფუძნებელმა საქმის კურსს 'ტაბლას (ქართული სამზარეულო) და პომოდორისიმოს (იტალიური ) შესაძლო დახურვაზე განუცხადა, რასაც პანდემიის კრიზისის გამო წლის ბოლოს აპირებდნენ, მაგრამ უფრო ადრე მოუწევთ.

კახა ხაზარაძემ ბიზნესსა და მთავრობას შორის კომუნიკაციის დეფიციტზე და უპერსპექტივობაზე განაცხადა. პოსტ ლოქდაუნის, ზაფხულის 25%-იანი კლება, სექტემბერში, ლარის დევლვაციის გამო, 40%-მდე გაიზარდა, ოქტომბერში კი უკვე 50% ვარდნაა, რაც ბიზნესაქტივობის შენარჩუნებას ეჭქვეშ აყენებს. გრძელვადიანი გეგმის არარსებობა კი პროგნოზსაც ართულებს.

მრავალპროფილური რითეილ ჯგუფის მმართველი, ბოლო დარტყმაზე ამახვილებს ყურადღებას. 22:00-05:00 სთ წერტილოვან კომენდანტის საათზე, რაც დაატყდა კვების ბიზნესს, რომელიც ტურისტული ნაკადის გაჩერებით, ისედაც ყველაზე მეტად იყო დაზარალებული.

გაუგებარია 10 დან 5 სთ-მდე შეზღუდვა, თითქოს მოსახლეობასთან ერთად covid -იც იძინებს. ჩვენ ლოჯისტიკურ პრობლემებს ვაწყდებით, თანამშრომლების ადრე გაშვება გვიწევს და გადაადგილებაც რთულდება. სავაჭრო ქსელშიც მოგვიწია სამუშაო საათების შემცირება, — განაცხადა მან.

რითეილერს აქსესურების ბრენდის 10 მაღაზიის ბაზრიდან გაყვანა უკვე მოუწია და სხვა ქსელებსაც მიაყოლებს, რადგან ჯანდაცვითი, ეკონომიკური და პოლიტიკური გამოწვევების მართვის არც ხედვა არსებობს და არც გეგმა. რომც შედგეს რაიმე სტრატეგია, უკვე დაგვიანებულიცაა.

ხაზარაძემ განაცხადა, ჯერ კიდევ პანდემიის პირველი დარტყმისას, მიმართეს ეკონომიკის სამინისტროს, კრიზისული გეგმის ერთობლივად შემუშავებაზე, თუმცა კომუნიკაცია არ შედგა.

შეღავათები რაც თავიდან გააჟღერეს არანაირ შეღავათს არ აძლევს ბიზნესს. სოციალუარი დახმარებები გაიცა, მაგრამ არანაირი გეგმა არ დაიდო- განაცხადა ხაზარაძემ. ამ დროისთის კი მისი თქმით, ფასების შეცვლაც კი უჭირთ, რადგან მომხმარებელი ისედაც ცოტაა და კურსის შესაბამისად ფასის კორექტირების შემთხვევაში სულ აღარ ეყოლებათ.

gbc.ge