ახალი არჩევნები მოვითხოვოთ, დავნიშნოთ და შევთანხმდეთ მაშინ, თუ ოპოზიცია ადგილობრივი თვითმმართველობის არჩევნებს მოიგებს, - ამის შესახებ „გირჩის“ წევრმა იაგო ხვიჩიამ პარტია „მოქალაქეების“ ლიდერ ალეკო ელისაშვილთან კონსულტაციების გამართვამდე ჟურნალისტებს განუცხადა.
მისი თქმით, ბიძინა ივანიშვილის წასვლის შემთხვევაშიც, თუ ადგილობრივი თვითმმართველობის არჩევნებში „ქართული ოცნება“ გაიმარჯვებს, მაშინ ახალ არჩევნებთან დაკავშირებით ოპოზიციის მოთხოვნას არავითარი შინაარსი არ გააჩნია.
„ვთავაზობთ ასეთ გამოსავალს - ახალი არჩევნები მოვითხოვოთ, დავნიშნოთ და შევთანხმდეთ მაშინ, თუ ოპოზიცია მოიგებს ადგილობრივი თვითმმართველობის არჩევნებს. მგონი, ეს ძალიან გასაგები და ბუნებრივი პირობებია. თუ ეს პირობა მომგებიანია „ქართული ოცნებისთვის“, მიუხედავად იმისა, რომ ბიძინა ივანიშვილი წავიდა, მიუხედავად იმისა, რომ დაარჩევნო კოდექსი გასწორდა და მიუხედავად ამისა, მაინც მოიგეს ადგილობრივი თვითმმართველობის არჩევნები, დიახ, მათ უფლება აქვთ, რომ შემდეგი 4 წელი ქვეყანა მართონ. წარმოიდგინეთ, ბიძინას წასვლის შემთხვევაშიც, მათ თუ ადგილობრივი თვითმმართველობის არჩევნებში გაიმარჯვეს და ოპოზიციამ ვერ მოვუგეთ, მაშინ ახალ არჩევნებთან დაკავშირებით ჩვენს მოთხოვნას ისედაც არანაირი შინაარსი არ გააჩნია“, - განაცხადა ხვიჩიამ.
imedinews.ge