ოცი წელიწადია საქმიანი ტურიზმის პოტენციალზე ვსაუბრობთ, თუმცა წინ ძალიან ნელი ნაბიჯებით მივდივართ

ოცი წელიწადია საქმიანი ტურიზმის პოტენციალზე ვსაუბრობთ, თუმცა წინ ძალიან ნელი ნაბიჯებით მივდივართ

access_time2018-10-30 18:00:31

“საქმიანი ტურიზმი არსებობს, თუმცა აუცილებელია მისი დახვეწა და სწორი მიმართულებით განვითარება,” - ამის შესახებ „კომერსანტს“ „საქართველოს შემომყვან ტუროპერატორთა ასოციაციის“ თავმჯდომარემ ია თაბაგარმა განუცხადა.

 

თემა პრემიერის განცხადებას ეხება. მამუკა ბახტაძის შეფასებით, ერთ-ერთი მთავარი მიმართულება საქართველოსთვის სწორედ საქმიანი ტურიზმის განვითარებაა.

 

„შემომყვან ტუროპერატორთა ასოციაციის“ თავმჯდომარე მიჩნევს, რომ მხოლოდ ბიზნეს-ფორუმები და საქმიანი შეხვედრები საკმარისი არ არის  MICE ბიზნესის გასანვითარებლად. თაბაგარის აზრით,  ბიზნესის ამ მიმართულების განვითარებისთვის სწორი კონცეფცია და სტრატეგია უნდა ჩამოყალიბდეს, ასევე ინტენსიური აქტივობები უნდა ჩატარდეს ინვესტიციების მოზიდვის კუთხით, განვითარდეს ინფრასტრუქტურა და პარალელურად  გაკეთდეს ეფექტური მარკეტინგი.


მისივე განცხადებით, MICE ბიზნესისთვის ქვეყანას პოტენციალი ნამდვილად გააჩნია, ოცი წელიწადია ამ პოტენციალზე ვსაუბრობთ, თუმცა წინ ძალიან ნელი ნაბიჯებით მივდივართ. საქართველოს გააჩნია სამხრეთ კავკასიაში „პირველობის“ უნარი და რესურსი.

 


 „იმისათვის რომ ზემოთ აღნიშნული, რეალობად იქცეს უმნიშვნელოვანესია სახელმწიფოს როლი. სახელმწიფოს მეშვეობით უნდა შეირჩეს და მოეწყოს ლოკაციები, დაიხვეწოს ინფრასტრუქტურა, როგორც დედაქალაქში, ასევე რეგიონებში. ასევე გარანტირებული უნდა იყოს უსაფრთხოება (ეკონომიკური, კრიმინალური, ბუნებრივი კატასტროფები.)

 

სახელმწიფო ორგანიზაციებს უნდა ჰქონდეთ კომუნიკაცია საერთაშორისო დონორ ორგანიზაციებთან და გაითვალისწინონ ადგილობრივი და უცხოელი ექსპერტების მოსაზრებები. შემდეგ ეტაპზე კერძო სექტორი შექმნის პლატფორმას, რომელიც განავითარებს აღნიშნულ ბიზნესს.

 

ამ ეტაპზე საქართველოს არ გააჩნია მასშტაბური ღონისძიებების მოსაწყობად განკუთვნილი საკმარისი სივრცეები,“ - აღნიშნა თაბაგარმა.

 

 

„საქმიანი ტურიზმის სექტორი ორიენტირებულია ქვეყანაში მნიშვნელოვანი რაოდენობის ტურისტების მოზიდვაზე, ამასთან, ხელს უწყობს სხვადასხვა დარგის განვითარებას და ადგილობრივ დონეზე საერთაშორისო გამოცდილების გადმოტანას, ცოდნის გაზიარებასა და საუკეთესო პრაქტიკის დანერგვას, რაც პრინციპულად მნიშვნელოვანია ჩვენი ქვეყნისთვის. ჩვენს სტრატეგიას წარმოადგენს, საქართველო რეგიონული თვალსაზრისით იქცეს ეკონომიკის, საერთაშორისო ბიზნესისა და რაც მთავარია, ტურისტულ ცენტრად. აქედან გამომდინარე, საქმიანი ტურიზმის განვითარება ჩვენთვის სტრატეგიული ამოცანაა“, - აღნიშნა პრემიერმა მამუკა ბახტაძემ.

 

ავტორი: ლიკა გურაბანიძე






"ყაზტრანსგაზი" და კალაძის ინტერესები - კომპანიის წამყვან თანამდებობებს თბილისის მერის პროტეჟეები იკავებენ

access_time2019-01-20 21:29:31
დიდ დიღომში დატრიალებული ტრაგედიის შემდეგ სულ უფრო აქტუალური ხდება კითხვა - ვინ არის მომხდარზე პასუხისმგებელი? დედაქალაქის მერია პასუხისმგებლობას იხსნის და ხელს კანონში არსებული რეგულაციებისკენ იშვერს, რომლის მიხედვითაც, ექსპლუატაციაში მიღებამდე კორპუსში ადამიანების ცხოვრება დაშვებულია. დიდი დიღომში მომხდარი უბედური შემთხვევისგან ქალაქის მერის მიერ პასუხისმგებლობის თავიდან არიდების მცდელობას პოლიტიკური ოპონენტები უზნეობად აფასებენ. კახა კალაძე...

როგორ გამოიყურებიან ცნობილი ბრენდების ნაკლებად ცნობილი შემქნელები

როგორ გამოიყურებიან ცნობილი ბრენდების ნაკლებად ცნობილი შემქნელები
access_time2019-01-20 20:00:48
მსოფლიო ბრენდების მფლობელების და დამაარსებლების...

ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“

ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“
access_time2019-01-19 21:30:38
ფარული ჩანაწერები, რომელმაც პრემიერი გიორგი კვირიკაშვილის პოსტი შეიწირა - ამბავი, რომლის გამოც ბიძინა ივანიშვილი ქვეყნის მთავარ ბანკირს - მამუკა ხაზარაძეს, დაუპირისპირა და გიორგი კვირიკაშვილს გადადგომა აიძულა, ფარულ ჩანაწერს უკავშირდება. წყარო კურიერს უყვება, რომ...

10 წლის ჩელენჯი - 10 ფაქტი საქართველოს ეკონომიკის შესახებ

10 წლის ჩელენჯი - 10 ფაქტი საქართველოს ეკონომიკის შესახებ
access_time2019-01-20 12:00:01
გასული 10 წლის განმავლობაში საქართველოს ეკონომიკამ მნიშვნელოვანი გარდაქმნები გაიარა, ამიტომ გადავწყვიტეთ წარმოგვედგინა რამდენიმე ფაქტი საქართველოს ეკონომიკის შესახებ 2008 წლისა და 2018 წლის...

ზურაბ გურული - „ ისტერიკა იმაზე, რომ დიღომში მომხდარ ტრაგედიას კავშირი არა აქვს პოლიტიკასთან, არის უშედეგო ფარსი“

ზურაბ გურული - „ ისტერიკა იმაზე, რომ დიღომში მომხდარ ტრაგედიას კავშირი არა აქვს პოლიტიკასთან, არის უშედეგო ფარსი“
access_time2019-01-19 20:00:36
ზურაბ გურული — აშშ-ის მონტგომერის სახელობის ფედერალური კლინიკის ანესთეზიისა და ქირურგიის დეპარტამენტების დირექტორი, ასევე მისისიპის უნივერსიტეტის კლინიკური ანესთეზიოლოგიის პროფესორი — დიდ დიღომში მომხდარ ტრაგედიას და ბოლო პერიოდში განვითარებულ მოვლენებს სოციალურ ქსელში გამოეხმაურა, რომელსაც „კომერსანტი“ უცვლელად...


მსგავსი სიახლეები

up