“HUB Georgia” ავიაციის სექტორს მიმართავს-„ყველამ თანაბრად უნდა გადავინაწილოთ ეს მეტად საპასუხისმგებლო ტვირთი“

“HUB Georgia” ავიაციის სექტორს მიმართავს-„ყველამ თანაბრად უნდა გადავინაწილოთ ეს მეტად საპასუხისმგებლო ტვირთი“

access_time2020-03-26 11:22:18

არასამთავრობო ორგანიზაცია HUB Georgia-ს დამფუძნებელი გიორგი კოდუა განცხადებას ავრცელებს, რომელსაც „კომერსანტი“ უცვლელად გთავაზობთ:  „ვირუს COVID-19-ის პანდემიამ, ძალიან ბევრ ადამიანს სიცოცხლისა და ჯანმრთელობის საფრთხეებთან ერთად, ელემენტარული გადაადგილების პრობლემაც შეუქმნა, რაც ასევე უკავშირდება მათ უსაფრთხოებას.


საზღვრების ჩაკეტვამ და ადამიანების მობილობის შეჩერებამ, სერიოზული ზიანი მიაყენა მსოფლიო ეკონომიკას, განსაკუთრებით კი ეს ავიაციის სექტორზე აისახა. IATA-ს (საჰაერო ტრანსპორტის საერთაშორისო ასოციაცია) გათვლებით, ავიაკომპანიებს 2020 წელს შემოსავალი 252 მლრდ დოლარით შეუმცირდებათ და ეს მხოლოდ წინასწარი ოპტიმისტური პროგნოზით გაკეთებული განცხადებაა, რეალურ სურათზე საუბარი ჯერ ნაადრევია.


გადაადგილების პრობლემა შეექმნათ საქართველოს მოქალაქეებსაც. სხვადასხვა ქვეყნებში დარჩენილი ათასობით ადამიანი დახმარებას და სამშობლოში დაბრუნებას ითხოვს. ამისთვის კი, საჭიროა სპეციალური ჩარტერული რეისების შესრულება.


მიუხედავად იმისა, რომ საქართველოს მთავრობის ძალისხმევით უკვე არაერთი სპეციალური რეისი შესრულდა, კვლავ რჩება საერთო გამოწვევად ჩვენი მოქალაქეების ქვეყანაში დაბრუნების საკითხი. დამატებითი რეისები, დამატებით ხარჯებთანაა დაკავშირებული, დამატებით ხარჯებს კი ფინანსური რესურსი სჭირდება. სწორედ ამ საკითხმა გამოიწვია დიდი მითქმა-მოთქმა და ფაქტობრივად დაპირისპირება, მთავრობის მეთაურსა და ეროვნულ ავიაკომპანიას შორის, სადაც ჯოხი ავიაკომპანიის ხელმძღვანელობაზე გადატყდა.


აღსანიშნავია, რომ ავიაციის სექტორი არ შედგება მხოლოდ ავიაკომპანიებისგან. ავიაკომპანია არის მთავარი აქტორი, რომელიც პირდაპირ შემხებლობაშია მგზავრთან, მაგრამ ის არის ერთგვარი ფულის ამკრეფი და ეს ფული, შემდგომ ნაწილდება სხვადასხვა გაწეულ მომსახურებებზე.


ავიაციის სექტორი შედგება სხვადასხვა მოთამაშეებისაგან, რომლებიც ასრულებენ სხვადასხვა ფუნქციებს და იღებენ მომსახურების საფასურს, ამის გათვალისწინებით კი ავიაკომპანია ახდენს ავიაბილეთის ღირებულების განსაზღვრას. ეს სერვისებია: აეროპორტის მომსახურება, მოსაკრებელი, რომელიც თბილისის საერთაშორისო აეროპორტში 24$-ს შეადგენს მგზავრზე, მგზავრის სატერმინალო მომსახურება, საჰაერო ხომალდის სახმელეთო მომსახურება, აფრენა-დაფრენის ღირებულება და სხვა, რაც ჯამში თითოეულ შესრულებულ რეისზე, საშუალოდ 6-7 ათას დოლარამდე ხარჯს შეადგენს და საქართველოს საავაიაციო ბაზარზე ყველაზე მომგებიანი სერვისია. ამას ემატება, სანავიგაციო მომსახურება, თვითმფრინავის საავიაციო საწვავით გამართვა, რაც შესრულებული რეისის თვითღირებულების დაახლოებით 40%-ს შეადგენს. ასევე ემატება ავიაკომპანიის ხარჯები პირდაპირი საექსპლუატაციო ხარჯი, თვითმფრინავის იჯარის ღირებულება ერთ ფრენა საათზე და სხვა. დასკვნის სახით ვიტყვი, რომ მხოლოდ ამ ხარჯების გათვალისწინების შემდეგ შეგვიძლია ვისაუბროთ ავიაკომპანიის მოგების წილზე, რომელიც აეროპორტთან შედარებით ძალიან მცირეა.


თუ ვსაუბრობთ საგანგებო მდგომარეობაზე, ვსაუბრობთ იმაზე, რომ ყველამ თანაბრად უნდა გავითვალისწინოთ სამოქალაქო პასუხისმგებლობა, შევუმსუბუქოთ ტვირთი ხელისუფლებას და დავეხმაროთ ჩვენს მოქალაქეებს უცხოეთიდან დაბრუნებაში, მაშინ მართლაც თანაბრად გადავინაწილოთ ეს მეტად საპასუხისმგებლო ტვირთი. გამოიჩინონ სამოქალაქო პასუხისმგებლობა ნავთობიმპორტიორმა კომპანიებმა, რომლებიც ოპერირებენ თბილისის საერთაშორისო აეროპორტში და უზრუნვეყონ სპეციალური რეისების საწვავით მომარაგება (საუბარია კომპანია “GULF AIR”- სა და “GP – SOCAR”-ზე), მოხსნას გადასახადები საქაერონავიგაციამ და თბილისის საერთაშორისო აეროპორტმა, რომელსაც 2007 წლიდან მართავს კომპანია „TAV Georgia” და რომლის სუფთა მოგებამაც 2019 წელს, 156 მილიონი ლარი შეადგინა, აღსანიშნავია, რომ ის საქართველოში ერთ-ერთი ყველაზე მომგებიანი კომპანიაა“-აცხადებს კოდუა. 









6 აპრილი - ქართული ლარი გაუფასურდა, თურქული ლირა მცირედით გამყარდა

6 აპრილი - ქართული ლარი გაუფასურდა, თურქული ლირა მცირედით გამყარდა
access_time2020-04-06 19:00:47
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან მყარდება. ეროვნული ბანკის მიერ გამოქვეყნებული 6 აპრილის ვაჭრობის შედეგად, ქართული...

ბაზისბანკის ციფრული არხებით სარგებლობა უფასოა

ბაზისბანკის ციფრული არხებით სარგებლობა უფასოა
access_time2020-04-06 17:30:46
ბაზისბანკი შექმნილი ვითარებისა და მომხმარებელთა ინტერესების გათვალისწინებით, თავის მომხმარებლებს ინტერნეტ და სმს ბანკინგს 3 თვის განმავლობაში უფასოდ მიაწოდებს. ბანკის ელექტრონული სერვისების საშუალებით საჭირო საბანკო ოპერაციების განხორციელებას სახლიდან გაუსვლელად, ბანკის ოფისებში ვიზიტის გარეშე, უწყვეტ რეჟიმში შეძლებთ. ბაზისბანკის ინტერნეტ და მობაილ ბანკით თქვენ შეგიძლიათ: უფასოდ...

„სახელმწიფო, როგორც გარანტორი ბევრი ბიზნესისთვის მაშველი რგოლი იქნება, თუმცა, საკითხავია, რამდენს გაწვდება ბიუჯეტი“ - ბიზნესი მთავრობის ინიციატივაზე

„სახელმწიფო, როგორც გარანტორი ბევრი ბიზნესისთვის მაშველი რგოლი იქნება, თუმცა, საკითხავია, რამდენს გაწვდება ბიუჯეტი“ - ბიზნესი მთავრობის ინიციატივაზე
access_time2020-04-07 10:00:59
„ფინანსებზე ხელმისაწვდომობა ერთმნიშვნელოვნად დაეხმარება ბიზნესს და ეკონომიკას იმიტომ, რომ პოსტკრიზისულ სიტუაციაში, როგორც წესი ნაღდი ფულის ნაკლებობაა.  ბაზრები შემცირებულია და დიდი ალბათობით რეცესია იქნება. იმედია, რომ დიდი ეკონომიკური კრიზისი არ გველოდება.“ - ამის შესახებ ბიზნესმენმა ნიკოლოზ ხუნძაკიშვილმა „კომერსანტთან“  სახელმწიფოს მხრიდან ბიზნესებისთვის სესხის გადაზღვევის ინიციატივის შეფასებისას...

კრიზისმა ეროვნული ბანკის დაგვიანებული, არაეფექტიანი და „შეშინებული“ პოლიტიკა კიდევ უფრო სახიფათო გახადა

კრიზისმა ეროვნული ბანკის დაგვიანებული, არაეფექტიანი და „შეშინებული“ პოლიტიკა კიდევ უფრო სახიფათო გახადა
access_time2020-04-06 18:00:27
გასული კვირის ბოლოს „საქართველოს ჯანდაცვის ჯგუფის“ ხელმძღვანელმა, კორონოვირუსისგან სულ ახლახანს გამოჯანმრთელებულმა ნიკოლოზ გამყრელიძემ, საჯაროდ უსაყვედურა ეროვნული ბანკის პრეზიდენტს, კობა გვენეტაძეს სიტლანქისა და მოუქნელობის გამო. მედიასთან საუბრისას გამყრელიძემ აღნიშნა, რომ მის მიერ, ანუ ქვეყნის ყველაზე მსხვილი ჰოსპიტალური გაერთიანების პირველი პირის მიერ მიწერილ წერილზე, რომელიც პრაქტიკულად ბოქსირებული პალატიდან გაუგზავნა გვენეტაძეს და სადაც ოპერატიულ...

„სამწუხაროა, რომ ამის შესახებ არ ვიცოდით, საინტერესოა რას ელის ჩვენგან მინისტრი“ – „სადაზღვევო ასოციაცია“ ეკატერინე ტიკარაძის ინიციატივაზე

„სამწუხაროა, რომ ამის შესახებ არ ვიცოდით, საინტერესოა რას ელის ჩვენგან მინისტრი“ – „სადაზღვევო ასოციაცია“ ეკატერინე ტიკარაძის ინიციატივაზე
access_time2020-04-06 17:00:04
„ამ ეტაპზე კოვიდინფექციის მკურნალობის ხარჯებს მთლიანად სახელმწიფო ფარავს, თუმცა, სადაზღვევო კომპანიებთან ფინანსურ მხარდაჭერაზე მოლაპარაკებები გაიმართება“, - განაცხადა ჯანდაცვის მინისტრმა ეკატერინე ტიკარაძემ უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე. როგორ ჩაერთვებიან სადაზღვევო კომპანიები მთავრობის ახალ...


მსგავსი სიახლეები

up