ჩინურმა Huawei-მ უპილიტო, „ჭკვიანი“ ველოსიპედი შექმნა.
ახალი მოდელი აღჭურვილია ბალანსირების სისტემით, რომელიც წონასწორობის შენარჩუნების საშუალებას იძლევა, მას ასევე მცირე ელექტროძრავი გააჩნია, რომელიც 3 საათის მანძილზე დატენვის გარეშე მუშაობს.
უპილოტო ველოსიპედი, რომლის გამოყენებაც შესაძლებელია ასევე როგორც ჩვეულებრივი ველოსიპედის, ინჟინერმა ჩჟიხუეი ცზიუნმა მას შემდეგ შექმნა, რაც ჩვეულებრივი ველოსიპედიდან ჩამოვარდნის გამო ტრავმა მიიღო.
ველოსიპედი აღჭურვილია ავტომატური მართვის სისტემით, მაღალი სიზუსტის მრიცხველებით, ვიდეოკამერებით, და სხვა მაღალტექნოლოგიური აპარატურით.
მას ასევე გააჩნია ბალანსირების სისტემა, რომელიც დახრის დროს ინფორმაციას ამუშავებს, და ველოსიპედს ვერტიკალურ მდგომარეობას უნარჩუნებს. მოდელის შემქმნელების თქმით, ველოსიპედი წონასწორობას ყველა შემთხვევაში შეინარჩუნებს.
უპილოტო აპარატს ხელოვნური ინტელექტის პროცესორი Huawei Ascend 310 მართავს, რომელიც სავარძლის ქვეშაა დამონტაჟებული და სწორედ მისი წყალობით ველოსიპედს გადაწყვეტილებების მიღება და გზაზე შექმნილი მდგომარეობის შეფასება–გაანალიზება შეუძლია.
მუშაობის ხანგძლივობის კუთხით, სატრანსპორტო საშუალება თითქმის ისეთივეა, როგორც ჩვეულებრივი ელექტროველოსიპედი, რომელიც ერთი დატენვით 2-3 საათი მუშაობს.
ამ დროისთვის უპილოტო ველოსიპედმა ცდები უკვე გაიარა და თავისი ფუნქციონალური თვისებები დაადასტურა. შემდეგი ნაბიჯია მისი სერიული გამოშვება და ბაზარზე გამოსვლა.
უპილოტო სატრანსპორტო საშუალებების ბაზარმა ინვესტორების და ტრანსნაციონალური კორპორაციების ყურადღება დიდი ხნის წინ მიიპყრო. უპილოტო ავტომობილებით უკვე ვერავის გააკვირვებ, აი თვითმავალი ველოსიპედი კი - სიახლეა.
ჯერ კიდევ 2019 წელს უპილოტო ველოსიპედების შექმნის პროექტის რეალიზება Uber-მა დააპირა, თუმცა, უშედეგოდ.
შესაძლოა, ჩინურმა კორპორაციამ სწორი გადაწყვეტილება მიიღო და შექმნა სატრანსპორტო საშუალება, რომელიც მას უპილოტო აპარატების ბაზარზე ადგილის დამკვიდრების შესაძლებლობას მისცემს.
პირველ რიგში იმიტომ, რომ ამ სეგმენტში Huawei პიონერი და ლიდერი გახდება, მეორე - ბოლო წლებში იზრდება ალტერნატიული სატრანსპორტო საშუალებების პოპულარობა - პირველ რიგში სწორედ ველოსიპედების. ამას ხელს უწყობს მათი დაბალი ღირებულება, ეკოლოგიურობა, გამოყენების სიმარტივე და კომპაქტურობა.
ითვლება, რომ უპილოტო სატრანსპორტო საშუალებები ჩვეულებრივებზე უსაფრთხოა, რადგანაც ავარიების მთავარი მიზეზი - ადამიანური ფაქტორი - გამოირიცხება.
თუმცა, ზოგჯერ მანქანაც ცდება - ბოლო წლების მანძილზე უპილოტო ავტომობილების ავარიებში მოხვედრის არაერთი შემთხვევაში დაფიქსირდა.
rbc.ru