ჰუალინგის მიმდებარე ტერიტორია - კიდევ ერთი “მკვლელი“ გზა თბილისში - დაიღუპა 3 და დაშავდა 99 ადამიანი - პასუხისმგებლობის აცილების სქემა

ჰუალინგის მიმდებარე ტერიტორია - კიდევ ერთი “მკვლელი“ გზა თბილისში - დაიღუპა 3 და დაშავდა 99 ადამიანი - პასუხისმგებლობის აცილების სქემა

access_time2019-08-22 13:00:48

რამდენიმე წლის წინ თბილისის ორი დიდი უბანი ვაზისუბანი და ვარკეთილი ერთმანეთს ახალი გზით დაუკავშირდა. ამ მონაკვეთს, რომელიც დაახლოებით 3-კილომეტრიანია, პირობითად, ჰუალინგის გზას ეძახიან. მასზე დღემდე არანაირი საგზაო ინფრასტრუქტურა არ არის მოწყობილი, ამიტომ მძღოლები მას უკანონო რბოლებისთვის იყენებენ. ეს კი  არა ერთი უბედური შემთხვევის მიზეზია. მიუხედავად ამისა, წლებია ამ საგზაო მონაკვეთს ყურადღებას არავინ აქცევს, მეტიც არც ერთი ავარიის შემთხვევა საგამოძიებო უწყებას რეალურად არ შეუფასებია.


“კომერსანტმა“ საქართველოს შინაგან საქმეთა სამინისტროსგან გამოითხოვა ინფორმაცია   2015 წლიდან დღემდე რამდენი სატრანსპორტო შემთხვევა მოხდა ე.წ. ჰუალინგის გზაზე.


 2015 წლიდან დღემდე სულ 62 ავტოსაგზაო შემთხვევაა დაფიქსირებული, დაიღუპა 3 და დაშავდა 99 ადამიანი.


მხოლოდ 2019 წლის იანვარ-ივლისში ჰუალინგის გზაზე 13 ავტოსაგზაო შემთხვევა მოხდა, რა დროსაც დაიღუპა ერთი და დაშავდა 22 ადამიანი.


კომერსანტის კითხვაზე რას გეგმავს შსს პრობლემის მოსაგვარებლად უწყებაში გვპასუხობენ:


„სამინისტროს ერთობლივი ოპერაციების ცენტრი მზაობას გამოთქვამს უზრუნველყოს ვიდეო- სამეთვალყურეო სისტემის მოწყობა ტერიტორიაზე, ოპტიკური ქსელის მოწყობის შემდგომ. რაც შეეხება შესაბამისი საგზაო ინფრასტრუქტურის მოწყობას (მაგ. შუქნიშნის დადგმა,) აღნიშნული საკითხი წარმოადგენს ადგილობრივი მუნიციპალიტეტის უფლებამოსილებას“,- ნათქვამია განცხადებაში.

 

საგზაო ინფრასტრუქტურის მოწყობაზე პასუხისმგებლობას იხსნის თბილისის მუნიციპალიტეტის მერიის ტრანსპორტის საქალაქო სამსახური. უწყებაში აცხადებენ, რომ ინფრასტრუქტურის მოწყობა ჰუალინგ ჯგუფის მოვალეობაა.



„ეს არის ჰუალინგის ტერიტორია, მათი მოვალეობაა ინფრასტრუქტურულად, მათ შორის სატრანსპორტო ინფრასტრუქტურის თვალსაზრისით მოაწყონ ეს საგზაო მონაკვეთი. თუმცა, სატრანსპორტო სქემა დედაქალაქის მთავრობასთან თანხმდება. მერიასთან არის შეთანხმებული ის, რომ 4 შუქნიშნის ობიექტი უნდა განთავსდეს, ახლა ველოდებით როდის დაიწყებს კომპანია ამ ინფრასტრუქტურის მოწყობას“,- განმარტავენ მერიის ტრანსპორტის საქალაქო სამსახურში.

 

რადიკალურად განსხვავებული პოზიცია აქვთ ჰუალინგ ჯგუფში, კომპანიაში აცხადებენ, რომ  საგზაო ინფრასტრუქტურის მოწყობა თბილისის მერიის კომპეტენციაა:

 

„როგორც მოგეხსენებათ, ამ ადგილას ადრე გზა არ იყო, ჰუალინგ ჯგუფმა თავისავე ტერიტორიაზე გაყვანილი გზა (2.2 კმ.) დათმო საზოგადოებრივი სარგებლობისთვის და საკუთარი ხარჯებით მოაწესრიგა  საგზაო ინფრასქტრუქტურა. რაც შეეხება საგზაო მოძრაობის რეგულირებას, ეს თვითმმართველობის კომპეტენციაში შედის“,- განმარტავენ ჰუალინგ ჯგუფში.

 


„კომერსანტმა“ გაარკვია რომ უკანონო რბოლები სოციალური ქსელში იგეგმება. მას შემდეგ რაც მძღოლები დროზე შეთანხმდებიან, მოქმედება სოციალური ქსელიდან უკვე რეალობაში ინაცვლებს. გიორგი (გვარს შეგნებულად არ ვასახელებთ) ერთ-ერთი იმ მძღოლთაგანია, რომელსაც რალში მონაწილეობა მიუღია. ის გვიყვება, რომ  უკანონო რალები 2017-18 წლებში თითქმის ყოველ საღამოს ეწყებოდა.

 

„ვისაც კარგი მაქნანა ჰყავს და ვისაც აინტერესებს ეს მიმართულება, სოციალურ ქსელში, ნებისმიერ საავტომობილო ჯგუფში პოსტს წერს, რის შემდეგ რალი ეწყობა. ორი ლოკაციაა ორთაჭალის ავტობანი და ჰუალინგის გზა.  ახლა პოლიციის მუშაობამ გამოიღო შედეგი და იმ რაოდენობით აღარ ტარდება“, - ამბობს გიორგი.

 

გიორგი „ჰუალინგის“ გზის პრობლემების მოგვარებას ერთი შუქნიშნის და ორი ჭკვიანი კამერის დამონტაჟებაში ხედავს.

 

„სამკილომეტრიან გზაზე სულ, რომ ურმით იყო, სიჩქარის განვითარებას მაინც ახერხებს. გზაჯვარედინს, რომ უახლოვდები არანაირი ნიშანი არ გხვდება, მძღოლი ვერ ასწრებს იმის დანახვას გამოდის თუ არა გზაჯვარედინიდან მანქანა, სწორედ ამ დროს ხდება ძალიან ბევრი ავარია. აღსანიშნავია ისიც, რომ სასტუმროს მოპირდაპირედ ძალიან დიდი პარკია, სადაც უამრავი ადამიანი ისვენებს, ამ ტერიტორიაზეც შუქნიშანს, რომ თავი დავანებოთ არ არის, ზებრა გადასასვლელი დახაზული“, - განაცხადა გიორგიმ.


 

„საქართველოს ალიანსი უსაფრთხო გზებისთვის“ ხელმძღვანელი ეკა ლალიაშვილის თქმით, იმისთვის, რომ საგზაო უსაფრთხოებას მივაღწიოთ ადამიანებს, რომლებიც კანონს არ იცავენ ხელისუფლებამ ხელოვნური ბარიერები უნდა შეუქმნას.

 

„სამწუხაროდ, არალეგალური რბოლების  წინაშე უძლურები გამოვდივართ, იმიტომ რომ არა მარტო ჰუალინგის გზაზე, ქალაქის ცენტრალურ ქუჩებშიც ეწყობა რბოლები, რასაც ეფექტურად ვერ ვებრძვით, ამას საბოლოო ჯამში მსხვერპლი მოჰყვება. აუცილებლად უნდა მოხდეს ამ ფაქტებზე რეაგირება, დაიგეგმოს ინფრასტრუქტურა, რათა მძღოლებმა ვერ შეძლონ სწრაფად გადაადგილება. როდესაც ჩვენ ვხედავთ, რომ ეს გზა არის საშიში, საფრთხის შემცვლელი და კლავს ადამიანებს, აუცილებლად უნდა დაწესდეს შეზღუდვები, წარმოუდგენელი უნდა იყოს ამ გზაზე მაღალი სიჩქარის განვითარება. სწორედ ეს უნდა იყოს პასუხი ხელისუფლებისგან. უბედური შემთხვევის დროს, სამწუხაროდ, ჩვენ პასუხისმგებლობას ვერ ვაკისრებთ ვერავის, 100 პროცენტიდან პირობითად 30 პროცენტი არის ინფრასტრუქტურული გადაწყვეტა, შემდეგი 30 პროცენტი არის ადმინისტრირების ნაწილი, ხოლო დარჩენილი 40 პროცენტი არის ადამიანური ქცევა“,- განმარტავს ეკა ლალიაშვილი.

 


 

ბაჩო ადამია




დღის Top-10 საინტერესო ამბავი

დღის Top-10 საინტერესო ამბავი
access_time2020-07-08 21:30:06
დღის Top-10 საინტერესო ამბავი 1.აშშ-ს ეს დამოკიდებულება ცოტა გადაჭარბებულია -ბიზნესი ამერიკის კონგრესის განცხადებაზე კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“ ხელმძღვანელი ირაკლი იაშვილი „კომერსანტთან“...

ჩვენი ხელისუფლება აშშ-ს მუდმივად ატყუებს,ისინი ყველაფერს ძალიან კარგად ხედავენ- ფრონტერა

ჩვენი ხელისუფლება  აშშ-ს  მუდმივად ატყუებს,ისინი ყველაფერს ძალიან კარგად ხედავენ- ფრონტერა
access_time2020-07-08 17:00:38
 „ჩვენი ხელისუფლება მუდმივად ატყუებს აშშ-ს და ისინი ყველაფერს ძალიან კარგად ხედავენ. ეკონომიკის მინისტრმა ამერიკის ელჩს შეხვედრაზე უთხრა, რომ 34 პროცენტითაა გაზრდილი ამერიკული ინვესტიციები საქართველოში. თუმცა, ამ ამერიკულ კომპანიებში ჩამოთვლილია რატომღაც ქართული ტელეკომპანია   POSTV და  სხვა კომპანიები, რომელთა 90 პროცენტი შექმნილია ირანული კაპიტალით საქართველოში. არანაირი ინვესტიციები არ გაზრდილა ჩვენს ქვეყანაში და  რაც დრო გადის მეტი სიცხადე შედის...

BBC: ევროკავშირი კრიზისამდელ დონეს მხოლოდ 2022 წლის ბოლოსთვის დაუბრუნდება

BBC: ევროკავშირი კრიზისამდელ დონეს მხოლოდ 2022 წლის ბოლოსთვის დაუბრუნდება
access_time2020-07-08 20:00:35
ევროპამ კორონავირუსის პანდემია დაძლია, კარანტინი მოხსნა და საზღვრების გახსნისთვის ემზადება.მიზანია ნორმალური ცხოვრების აღდგენა და გაჩერებული ეკონომიკის ამოქმედება. ჩამოშლის სტადია შეჩერებულია, ეკონომიკური აქტიურობა აღდგენას იწყებს, თუმცა ეკონომისტები ფულის თვლას იწყებენ იმაზე, თუ ასწლეულის უმსხვილესი კრიზისიდან გამოსვლისთვის  რა თანხები იქნება საჭირო. ოპტიმისტები  რამდენიმე მიზეზის გამო უმცირესობაში...

საცურაო აუზები გასახსნელად ემზადებიან - შეზღუდვები ღირებულებაზე აისახება

საცურაო აუზები გასახსნელად ემზადებიან - შეზღუდვები ღირებულებაზე აისახება
access_time2020-07-08 15:00:41
„საცურაო აუზებში 6 კვ/მ-ზე დაშვებულია მხოლოდ ერთი ადამიანი, აუზებში/ აბაზანებში აუცილებელია წყლის ცვლა, ლაბორატორიული კონტროლი 10 დღეში ერთხელ, დისტანცია შეზლონგებს შორის“ - ამ და სხვა რეკომენდაციებით აუზები შემოწმების შემდეგ უახლოეს დღეებში ფუნქციონირებას ეტაპობრივად იწყებენ.  ჯანდაცვის სამინისტრომ ახალი კორონავირუსით გამოწვეულ COVID-19-თან დაკავშირებით...

მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი

 მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი
access_time2020-07-08 13:20:04
საერთაშორისო სავაჭრო პალატის საბჭოს თავმჯდომარე ფადი ასლი  განცხადებას ავრცელებს და ქვეყნის მოქალაქეებს მიმართავს. „კომერსანტი“ მას უცვლელად გთავაზობთ:  „ღია წერილი ქართველ ხალხს ჩემო თანამემამულენო, მე გწერთ დამწუხრებული გულით; ამ წლის მარტიდან მოყოლებული ათასობით თქვენგანმა დაკარგა სამსახური, დახურა ბიზნესი, დაიხრჩო ვალებში და ოჯახის შენახვის საშუალება აღარ გაქვთ. ეს ყველაფერი ხდება ვირუსის გამო, რომელიც უარეს შემთხვევაში მოსახლეობის 0.05%ს კლავს და მათთვის...


მსგავსი სიახლეები

up