კორონავირუსთან დაკავშირებით საზოგადოების ინფორმირებულობისა და პრევენციული ზომების გასატარებლად, ჯანდაცვის სამინისტროს მხრიდან არაერთი ეფექტური ღონისძიება ტარდება. ჰუალინგ ჯგუფის სურვილია, საკუთარი წვლილი შეიტანოს ვირუსის პრევენციულ და აღმკვეთ ღინისძიებებში.
სოციალური პასუხისმგებლობის ფარგლებში ჰუალინგ ჯგუფმა სახელმწიფო სამედიცინო ჰოლდინგს გადასცა სამედიცინო პერსონალისთვის საჭირო ბიოლოგიური უსაფრთხოების 500 სრული კომპლექტი.
ბიოლოგიური უსაფრთხოების ნაკრები მოიცავს ბიოლოგიური უსაფრთხოების კომბინიზონს, FFP2 ტიპის რესპირატორს, დამცავ სათვალეს, ბიოლოგიური უსაფრთხოების ბახილს და ხელთათმანს.
სამედიცინო უსაფრთხოების ნაკრები გამოიყენება სამედიცინო პერსონალისა და ინფექციის კონტროლის სპეციალისტების მიერ, როგორც პირადი ანტიბაქტერიული დაცვის საშუალება, ინფექციის შემდგომი გავრცელების აღკვეთის მიზნით და ასევე იმისთვის, რომ მათ შეძლონ უსაფრთხოდ იკონტაქტონ ინფექციური დაავადებების მქონე პაციენტებთან. ყველა პროდუქტი სტერილიზებულია და შესაძლებელია გამოყენებული იქნას ქირურგიული დანიშნულებისათვის.
გადაცემის ცერემონია 6 მარტს, რესპუბლიკურ საავადმყოფოში ჩატარდა და მასში მონაწილეობდნენ ჰუალინგ ჯგუფის გენერალური დირექტორი ბატონი სიაოწინ შაო, საქართველოს სამედიცინო ჰოლდინგის დირექტორი ბატონი გიორგი ჩოგოვაძე და აკადემიკოს ნიკოლოზ ყიფშიძის სახელობის საუნივერსიტეტო კლინიკის (რესპუბლიკური საავადმყოფოს) დირექტორი ბატონი ლევან გოფოძე.
ბიოლოგიური უსაფრთხოების აღჭურვილობა @doctor goods - დოქტორ გუდს-ის ნაწარმია, რომელიც წარმოადგენს საქართველოში სამედიცინო ტექსტილის ერთადერთ მწარმოებელს. აღნიშნული წარმოება ჰუალინგი თბილისის ზღვის პლაზის ტერიტორიაზეა განთავსებული.
ჰუალინგ ჯგუფი
„ჰუალინგ ჯგუფი“ წარმოადგენს ჩინეთის უდიდეს კერძო კორპორაციასა და საქართველოში უმსხვილეს ინვერსტორს, რომლის ძირითად საქმიანობას წარმოადგენს: სავაჭრო ცენტრებისა და საბითუმო ბაზრების მშენებლობა, მართვა და გაქირავება, უძრავი ქონება, ლოჯისტიკა, სასტუმროების მშენებლობა და მართვა, მეცხოველეობა, კვების მრეწველობა და სხვა. გარდა ამისა, კომპანია საქართველოში ფლობს სააქციო საზოგადოება „ბაზისბანკს“, ხოლო ჩინეთში - სხვა ფინანსურ აქტივებს.
■ „ჰუალინგ ჯგუფმა“ ჩინეთში ოთხი დიდი საბითუმო ბაზრის პროექტი განახორციელა. ესენია: „ჰუალინგის ურუმჩის კომპლექსური საბითუმო ბაზარი“, „ჰუალინგის სამხრეთ სინძიანის საბითუმო ბაზარი“, „ჰუალინგის საიუველირო ნაწარმისა და ნეფრიტის ნაკეთობების საერთაშორისო ქალაქი“ და „ჰუალინგის ბაზრის სამშენებლო მასალების საექსპორტო ბაზა“. ამ ოთხი კომპლექსური ბაზრის საერთო კომერციული ფართობი 2.2 მილიონ მ2-ს აჭარბებს, ფუნქციონირებს 22 ათასზე მეტი საწარმო ჩინეთის სხვადასხვა რეგიონიდან. ვიზიტორთა საშუალო დღიური რაოდენობა 100 ათასს ადამიანს აჭარბებს. ზემოთხსენებული ბაზრები ცენტრალურ და დასავლეთ აზიაში კომპლექსური საქონლის უმსხვილეს ბაზრებს წარმოადგენენ.
■ 2007 წლიდან მოყოლებული „ჰუალინგ ჯგუფმა“ საქართველოში დაახლოებით 500 მილიონი დოლარის ოდენობის ინვესტიცია განახორციელა შემდეგ პროექტებში: „ჰუალინგის საერთაშორისო სპეციალური ეკონომიკური ზონა“ (ISEZ), „ბაზისბანკი“, ქუთაისის თავისუფალი ინდუსტრიული ზონა, ხე-ტყის დამუშავება-დამზადება, მინერალური რესურსების ძიება-ათვისება და სხვა. „ჰუალინგის საერთაშორისო სპეციალური ეკონომიკის ზონის“ ფარგლებში ფუნქციონირებს კომპლექსური სავაჭრო პლაზა, ხუთვარსკვლავიანი სასტუმრო „ჰოთელს ენდ პრეფერენს ჰუალინგ თბილისი“, კომერციული უძრავი ქონების პროექტი და სხვა.
■ 2012 წელს „ჰუალინგ ჯგუფმა“ ბაზის ბანკის აქციების 90% შეისყიდა, რაც ჩინეთის კერძო კორპორაციის მიერ ჩინეთის საზღვრებს გარეთ კომერციული ბანკის შესყიდვის პირველი პრეცედენტი გახდა, რომელიც 2012 წელს ჰონგ-კონგში ჩატარებულ ჩინეთის საზღვარგარეთული ინვესტიციების რიგით მეორე ყოველწლიურ სამიტზე შევიდა წლის შვიდ საუკეთესო საზღვარგარეთულ საინვესტიციო პროექტში. ეს ტრანსაქცია ჩინეთის კერძო კორპორაციასა და საზღვარგარეთის კომერციულ ბანკს შორის შერწყმისა და შესყიდვის (M&A) პირველი პრეცენდენტი გახდა. „ჰუალინგ ჯგუფის“ მიერ შესყიდვის შემდგომ ბაზის ბანკი სტაბილურად ვითარდება, აქტივების მასშტაბი და რენტაბელობა საგრძნობლად იზრდება.