HR Hub: დასაქმების ბაზარზე სერიოზული აცდენა გვაქვს მოთხოვნა მიწოდებაში

HR Hub: დასაქმების ბაზარზე სერიოზული აცდენა გვაქვს მოთხოვნა მიწოდებაში

access_time2019-03-04 09:00:00


თავისუფალი სამუშაო გრაფიკი, დასასვენებელი და გასართობი ოთახი სამსახურში, სადაც შესაძლებელი იქნება სამუშაო საათებში ძილი და შვილის მოყვანაც კი, იმ შემთხვევაში თუ სახლში ვერავის უტოვებთ - რატომ სთავაზობენ კომპანიები ასეთ პირობებს თანამშრომლებს ?  რა როლი აქვს ადამიანური რესურსების მართვას  ბიზნესის განვითარებაში და, რა უნდა გააკეთონ კომპანიებმა იმისთვის, რომ ჰყავდეთ მოტივირებული თანამშრომლები ? - ამ თემებზე ისაუბრეს  რადიო კომერსანტის გადაცემაში „ჩემი აუდიტორი“.  გადაცემის წამყვანის „გრანთ თორნთონის“ ბიზნეს პროცესების აუთსორსინგის განყოფილების ხელმძღვანელის, პაატა შურღაიას კითხვებს HR Hub–ის დამფუძნებლები ანა ნავდარაშვილი და ანა გზირიშვილი პასუხობდნენ. 


ანა ნავდარაშვილმა მსმენელებს HR Hub-ის მუშაობის სპეციფიკა, ასევე განხორციელებული და სამომავლო პროექტები გააცნო.


HR Hub 2015 წლიდან არსებობს და სამუშაო რეჟიმში ვხვდებით HR მენეჯერებს, ვაცნობთ იმას, თუ რა იყო ადრე, რა სიახლეებია ადამიანური რესურსების მართვის მიმართულებით. ადრე HR განიხილებოდა უფრო ადმინისტრაციული ფუნქციის  მიმართულებად, როგორიც არის კომპანიაში ხელშეკრულებების მოწესრიგება, თანამშრომლებთან მათი მხრიდან მხოლოდ მინიმალური კომუნიკაცია არსებობდა.  თუმცა დღეს ეს ტენდენცია შეცვლილია და თანდათან მეტი აქცენტი კეთდება თანამშრომლის განვითარებაზე, იმაზე რომ უფრო მეტად იყვნენ ჩართული ისინი ორგანიზაციის განვითარებაზე, ჩადონ მეტი ადამიანური კაპიტალი მისი წინსვლისა და წარმატები საქმეში. შესაბამისად, HR-ის ფუნქცია უფრო გაიზარდა, HR მენეჯერებს უწევთ იმუშაონ თანამშრომლების მოტივაციაზე და შესთავაზონ მათ საინტერესო გარემო. კომპანიები იმისთვის, რომ უზრუნველყონ თავიანთი თანაშრომლებისთვის საინტერესო გარემო და განავითარონ ისინი იმ სფეროში, რომელშიც არიან დასაქმებულები, საკუთარ რესურსს დებენ, ქმნიან ტრენინგ ცენტრებს, ეს მათთვის დამატებითი ფინანსური ტვირთია.


ვფიქრობ, დღეს ამ მიმართულებით ყველაზე მნიშვნელოვანი გამოწვევაა ის, რომ სერიოზული აცდენა გვაქვს დასაქმების ბაზარზე მოთხოვნა მიწოდებაში. საჭიროა მოვახდინოთ პროფესიული საგანმანათლებლო პროგრამების პოპულარიზაცია. როგორც ჩვენთვის ცნობილია, ბევრი რესურსი იხარჯება მათ პოპულარიზაციაში, თუმცა პრობლემა არის ის, რომ არ არსებობს საზოგადოებაში სწორი აღქმა პროფესიული განათლების მიმართ. ეს აღქმაც სწორედ მშობლებში და იმ ადამიანშია, რომლებიც ხშირ შემთხვევაში მთავარი მრჩევლები არიან აბიტურიენტების.


 ამასთანავე, დასაქმების ბაზარზე ტექნიკური მიმართულებით ძალიან ბევრი ვაკანსიაა, თუმცა კადრი არ არსებობს, თან ამ პოზიციების სახელფასო განაკვეთი ნამდვილად არ ჩამოუვარდება მაგალითად, იურისტის, ან სხვა პოპულარული პროფესიის ანაზღაურებებს. ზოგ შემთხვევაში მეტიც კი არის,- ამბობს ანა ნავდარაშვილი.


HR HUBის ფარგლებში დამზადდა სტუდენტური დასაქმების პორტალი studentjob.ge, რომელიც ორიენტირებულია სტუდენტებისა და ახლად კურსდამთავრებულების დასაქმებაზე.



საიტზე მსურველები გაეცნობიან სხვადასხვა ვაკანსიებს, რომლებიც დასაქმების სხვა საიტებისგან იმით განსხვავდება, რომ აქ უკვე გათვალისწინებულია დროის კომპონენტი. ვაკანსია სტუდენტისთვის მოსახერხებელი უნდა იყოს. ამასთანავე,  ჩვენ ვთანამშრომლობთ უნივერსიტეტების კარიერულ სამსახურებთან. ვატარებთ დასაქმების ფესტივალებს, რომლებიც სტანდარტული დასაქმების ფორუმებისგან განსხვავდება, მაგალითად, იმით რომ  გვაქვს წარმატების კუთხე, სადაც წარმატებული ადამიანები საუბრობენ საკუთარ კარიერულ განვითარებაზე. ფესტივალი 2017 წელს გვქონდა ვაკის პარკში, სადაც 80-ზე მეტი დამსაქმებელი გვყავდა და 4 ათასზე მეტმა სტუდენტმა მოიყარა თავი. 2018 წელს უკვე რეგიონებში გადავინაცვლეთ და ადგილობრივ დამსაქმებლებთან ვითანამშრომლეთ.


გარდა დასაქმების ფესტივალისა, HR Hub 600-ზე მეტ პროფესიონალ HR მენეჯერებთან შეხვედრას ახორციელებს. ჩვენი მთავარი კონცეფცია გამოცდილების გაზიარება და პროფესიული განვითარებაა. გვაქვს ასევე HR ბიზნეს სამიტი წელიწადში ერთხელ, სადაც მთელი საქართველოს მასშტაბით იკრიბებიან HR პროფესიონალები. 2018 წელს სამასზე მეტი მენეჯერი დაესწრო, გვყავდა 14 სპიკერი საინტერესო ქეისებით. წელსაც, 31 მაისს ვგეგმავთ ბიზნეს სამიტს King David- ში, ალექსიძის 12 ნომერში, გვეყოლება ხუთასზე მეტი დელეგატი, ასევე 12 სპიკერი და გვექნება ორი ვორქშოპი, - ამბობს ანა ნავდარაშვილი.


ანა გზირიშვილის თქმით, დღეს კომპანიები ადამიანური რესურსების მართვის მიმართულებით მნიშვნელოვან ინოვაციურ კამპანიებს ახორციელებენ.


HR დღეს განსაკუთრებით მნიშვნელოვანი და პოპულარული გახდა. HR მენეჯერები  უკვე ერთვებიან გადაწყვეტილების მიღების პროცესშიც კი. ადამიანური რესურსების მართვა 20-თანამშრომლიან კომპანიაშიც კი მნიშვნელოვანია. გაიზარდა ასევე მისი როლი სამუშაოს შეფასების კუთხით, კვლევებში, იგივე შერჩევის მიმართულებით და ვფიქრობ, ნელ-ნელა უფრო გაიზრდება მისი პოპულარობა.


როგორც ანამ აღნიშნა, დღეს მნიშვნელოვან გამოწვევას წარმოადგენს ის, რომ არ არის პოპულარული ტექნიკური დარგი და ეს მიმართულება, რაზეც პირიქით, დასაქმების ბაზარზე ძალიან დიდი მოთხოვნაა.  მაგალითად, ისეთი კომპანიები, როგორებიცაა თელასი, ენერგო პრო ჯორჯია, საქართველოს რკინიგზა, მუდმივად ეძებენ თანამშრომლებს. საუბარია მაღალ ანაზღაურებად პოზიციებზე. საჭიროა პროფესიული განათლების პოპულარიზაცია ამ დარგებსა და მიმართულებებში.


მეორე მთავარი გამოწვევა არის ის, რომ  ადამიანები ვაკანსიის ტრადიციული ტექსტებით აღარ ინტერესდებიან, განსაკუთრებით მილენიანელები. მათ არ უნდათ იყვნენ სამსახურებში 10-დან 6-მდე საათამდე, უნდათ ჰქონდეთ თავისუფლება და კომპანიები ცდილობენ, რომ ვაკანსიის ტექსტიც კი შეცვალონ და ორიგინალურად გამოაცხადონ ვაკანსია.


მაგალითისთვის, სტუდენტებისთვის მნიშვნელოვანია ჩაერთონ გადაწყვეტილების მიღების პროცესში და მათი საქმე სტაჟირებებზე არ იყოს მხოლოდ ქსეროქსი ან საბუთების მოწესრიგება. ისინი ყველაზე მოტივირებული სამუშაო ძალის წარმომადგენლები არიან და მზად არიან ჩაერთონ სამუშაო პროცესში.


კომპანიები სხვადასხვა აქტივობებს ახორციელებენ, მაგალითად, ნერგავენ ჯანსაღი ცხოვრების წესს. თანამშრომლებს აქვთ თავისუფალი გრაფიკი, დასასვენებელი ოთახები, სადაც შეუძლიათ დაიძინონ ან მოიყვანონ შვილი, თუ ვერავის უტოვებენ და დატოვონ ისინი გასართობ ოთახში, თვითონ კი იმუშაონ. ადამიანებს უყვართ თავისუფლება, ისინი ისედაც სტრესულ გარემოში ცხოვრობენ და დამსაქმებლებმა მაქსიმალურად უნდა შეეცადონ, რომ სამუშაო გარემო არ იყოს სტრესული. თანამშრომლებისთვის მნიშვნელოვანია აღიარება  და პატივისცემა.


როგორც უკვე აღინიშნა 31 მაისს ბიზნეს სამიტი გვექნება და მისი მთავარი მესიჯი კი იქნება - იმუშავე სიამოვნებისთვის, სამიტის მთავარი თემა სწორედ არის ის თუ,რამდენად მნიშვნელოვანია როცა ადამიანი აკეთებს იმ საქმეს,რომელიც უყვარს. დღეს ბევრს არ აქვს სამწუხაროდ, ამის ფუფუნება და ჩვენ გვინდა მივცეთ ამ ადამიანებს მოტივაცია,- ამბობს ანა გზირიშვილი.


(R)






Independent: ევროპის ავიაბაზრის ახალი ლიდერები - რუსეთი და თურქეთი

Independent: ევროპის ავიაბაზრის ახალი ლიდერები - რუსეთი და თურქეთი
access_time2021-02-26 20:00:16
ათწლეულების მანძილზე ევროპის ავიაციაში 3 ურყევი ფაქტი იყო - პირველი - ბრიტანეთს ავიარეისების ყველაზე დიდი რაოდენობა აქვს, მეორე - ლონდონი სხვა ქალაქებთან ყველაზე უკეთესადაა დაკავშირებული, მესამე - აეროპორტი „ჰიტროუ“ პირველ ადგილზეა მგზავრთა რაოდენობით. პანდემიამ და მის წინააღმდეგ ბრძოლამ ეს ურყევი რეალობა რადიკალურად შეიცვალა - ამაზე საავიაციო ბიულეტენის The Anker Report-ის ექსპერტის რალფ ანკერის მიერ ჩატარებულმა კვლევის შედეგები მეტყველებს. მან...

დღის Top 10 საინტერესო ამბავი

 დღის Top 10 საინტერესო ამბავი
access_time2021-02-26 21:00:20
 დღის Top 10 საინტერესო ამბავი: 1. იანვარში საქართველოს ეკონომიკა 11.5%-ით შემცირდა წინასწარი შეფასებით, 2021 წლის იანვარში საქართველოს ეკონომიკა 11.5%-ით შემცირდა,- ამის შესახებ საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ...

ტურისტულ ბაზარზე ახალი კომპანია "5 ელემენტი" გამოჩნდა

ტურისტულ ბაზარზე ახალი კომპანია
access_time2021-02-26 19:00:23
ქართული ტურისტული ბაზრისთვის სრულიად განსხვავებული და უნიკალური ტურებით ახალი კომპანია „5 ელემენტი“ გამოჩნდა.როგორც კომპანიის ერთ-ერთმა დამფუძნებელმა ნინო წიკლაურმა განაცხადა, კომპანიის ტურები იქნება ბევრი ელემენტის ერთობლიობა, როგორიცაა: ქვესტები, ფიზიკური თუ ინტელექტუალური აქტივობები, დრონით გადაღება, ვიდეო მონატაჟი. „გარდა ამისა, ტურებში აუცლებლად იქნებიან საზოგადოებისთვის საყვარელი ადამიანები, რაც კიდევ უფრო სხვა ელფერს შესძენს ჩვენს ტურებს“, – დასძენს...

უკიდურესად აუცილებელია კომენდანტის საათის, თუნდაც 2 საათით გადაწევა - საქართველოს ბიზნეს ასოციაცია

უკიდურესად აუცილებელია კომენდანტის საათის, თუნდაც 2 საათით გადაწევა - საქართველოს ბიზნეს ასოციაცია
access_time2021-02-26 18:16:21
საქართველოს ბიზნეს ასოციაციაში დღეს გამართულ ტურიზმის კომიტეტის სხდომაზე ასოციაციის წევრებმა იმ აუცილებელ დამატებით ღონისძიებებზე ისაუბრეს, რომლებიც მოკლევადიან პერსპექტივაში მძიმე მდგომარეობაში მყოფი ტურისტული სეტორის დროულ აღდგენას შეუწყოფს ხელს. შეხვედრაზე, რომელსაც ტურიზმის ეროვნული ადმინისტრაციის ხელმძღვანელის მოვალეობის შემსრულებელი, მედეა ჯანიაშვილი ესწრებოდა, საუბარი შეეხო სახმელეთო საზღვრის ეტაპობრივი გახსნის საჭიროებას, რადგანაც ამ გზით ქვეყანაში ტურისტების შემოსვლის გარეშე დროულ...

გერმანიაში დასაქმების პროგრამა სიღარიბის დაძლევის, სამუშაო ადგილების შექმნისა და სიდუხჭირის აღმოფხვრის გზა ნამდვილად არ არის

გერმანიაში დასაქმების პროგრამა სიღარიბის დაძლევის, სამუშაო ადგილების შექმნისა და სიდუხჭირის აღმოფხვრის გზა ნამდვილად არ არის
access_time2021-02-26 17:10:15
ფერმერთა ასოციაცია ქართველების გერმანიაში ლეგალურად დასაქმების პროგრამას ნაწილობრივ აკრიტიკებს. ნინო ზამბახიძე „ბიზნესპარტნიორთან“ განმარტავს, რომ ეს ახალგაზრდა ადამიანებს მიგრაციისკენ უბიძგებს. ზამბახიძე ეჭვობს, რომ გერმანიაში 3 თვით წასული მოქალაქეები საქართველოში დაბრუნებისგან თავს შეიკავებენ.   „ქართული შრომის ბაზრის ერთ-ერთი ყველაზე დიდი გამოწვევა კვალიფიციური კადრები იყო. სოფლის მეურნეობის სექტორი დასაქმების თვალსაზრისით ერთ-ერთი ყველაზე მოთხოვნადი გახლდათ....


მსგავსი სიახლეები

up