Hotel Collection International-ის რეგიონალური ოფისის ხელმძღვანელი- რეკომენდაციების შემუშავება მოხდა საჯარო და კერძო სექტორის ძალიან მჭიდრო თანამშრომლობით

Hotel Collection International-ის რეგიონალური ოფისის ხელმძღვანელი- რეკომენდაციების შემუშავება მოხდა საჯარო და კერძო სექტორის ძალიან მჭიდრო თანამშრომლობით

access_time2020-05-30 22:00:54

მთავრობამ ახალ კორონავირუსთან (SARS-Cov-2) გამოწვეულ ინფექციასთან (Covid-19) დაკავშირებით განთავსების სექტორის ოპერირებისთვის რეკომენდაციები გამოაქვეყნა, - ამის შესახებ „ინტერპრესნიუსს“ ტურიზმის ეროვნული ადმინისტრაციიდან აცნობეს. რეკომენდაციების ძირითადი დანიშნულება ვირუსის გავრცელების პრევენცია და თანამშრომლებისა და სტუმრების დაცვაა შესაძლო ინფიცირებისგან.

ადმინისტრაციის ცნობით, რეკომენდაციების შემუშავება მოხდა საჯარო და კერძო სექტორის ძალიან მჭიდრო თანამშრომლობით. რეკომენდაციები ერთი მხრივ, სრულად აკმაყოფილებენ ჯანდაცვის მსოფლიო ორგანიზაციის მოთხოვნებს ვირუსის პრევენციასთან დაკავშირებით, მაგრამ ამასთან ერთად განთავსების სექტორს აძლევენ შესაძლებლობას აღადგინოს ოპერირება და მიუხედავად არსებული შეზღუდვებისა, მოახდინონ სტუმრებისთვის საჭირო კომფორტის უზრუნველყოფა.

Hotel Collection International-ის რეგიონალური ოფისის ხელმძღვანელის, ქეთი მიქაშავიძის განცხადებით, ტურიზმის ადმინისტრაციამ და დაავადებათა კონტროლის ცენტრმა ინდუსტრიასთან დიალოგი გამართა, სადაც მათ საშუალება მიეცათ, ძირითადი მოთხოვნები დაეფიქსირებინათ.


„ბოლო პერიოდში სხვადასხვა ქვეყნის მიერ გამოქვეყნებულ რეკომენდაციას ვადევნებდით თვალს და ვშიშობდით, რომ ჩვენთანაც კაბალური მოთხოვნები იქნებოდა, რომელიც არ მოგვცემდა სასტუმროს ეფექტურად წარმართვის შესაძლებლობას. თუმცა ტურიზმის ადმინისტრაციამ და დაავადებათა კონტროლის ცენტრმა ინდუსტრიასთან გამართა დიალოგი, სადაც ჩვენ მოგვეცა საშუალება დაგვეფიქსირებინა ძირითადი თხოვნები, რომელიც სექტორში ჩართულ სხვადასხვა მონაწილეს - მსხვილსაც და მცირე ოჯახურ სასტუმროსაც, მისცემდა ოპერირების შესაძლებლობას და ბიზნესს კომერციულად კიდევ უფრო მეტად არ დააზარალებდა. არ შემიძლია არ აღვნიშნო მათი კოოპერაცია - თითქმის ყველა ჩვენი თხოვნა იქნა გათვალისწინებული საბოლოო რეკომენდაციებში. ეს თხოვნები ეხებოდა აუზების ამოქმედებას, კვების წერტილების ოპერირებას და სხვა მომსახურებას, რომელიც სექტორის მუშაობისთვის მნიშვნელოვანი იყო. რა თქმა უნდა, ინდუსტრიაც და სტუმრებიც ვაცნობიერებთ, რომ ეს არ არის ის თავისუფლება, რასაც ვიყავით შეჩვეული და ჩვენ მოგვეთხოვება პირველ რიგში უსაფრთხოების ნორმების დაცვა, მაგრამ რეკომენდაციების ეს ფორმა გვაძლევს შესაძლებლობას, რომ ეტაპობრივად დავიწყოთ მუშაობა, ნელ-ნელა დავუბრუნდეთ საქმიანობას და პოსტვირუსულ პერიოდში ოპერირებამ ნაკლებად დააზარალოს სექტორი. ვფიქრობ, რომ რეკომენდაციები არის ძალიან გონივრული, ხელი უნდა შევუწყოთ სოციალური დისტანციის დაცვას, უზრუნველეყოთ ვირუსის არ გავრცელება ხშირი დეზინფექციით და დასუფთავების სწორი პროცედურებით, დავიცვათ ჩვენი თანამშრომლები და სტუმრები გავრცელების პოტენციური რისკისგან. ეს, რა თქმა უნდა, დამატებით ხარჯებთან არის დაკავშირებული, მკვეთრად შემცირებულ მოთხოვნასთან ერთად ვვარაუდობ, რომ რამდენიმე თვე მთლიანად ინდუსტრიას ძალიან გაგვიჭირდება მუშაობა, მაგრამ ამ ეტაპზე მნიშვნელოვანია, რომ რაც შეიძლება მალე დავიწყოთ საქმიანობა მაქსიმალურად უსაფრთხო გზით. უნდა ვიმედოვნოთ, რომ მალევე იქნება შემუშავებული ვაქცინა, რომელიც უმოკლეს ვადებში აღადგენს ტურიზმს. ტურისტულ ინდუსტრიას აქვს ერთი ძალიან დადებითი მახასიათებელი - მოკლე მეხსიერება აქვს - ტურისტი უარყოფით მოვლენებს მალევე ივიწყებს და უბრუნდება მოგზაურობის ჩვეულ რეჟიმს. ვფიქრობ, რომ არც ეს კრიზისი იქნება გამონაკლისი“, - განაცხადა Hotel Collection International-ის რეგიონალური ოფისის ხელმძღვანელმა ქეთი მიქაშავიძემ.


თეგები:
Hotel Collection International



დღის TOP 10 საინტერესო ამბავი

დღის TOP 10 საინტერესო ამბავი
access_time2020-07-14 21:30:35
დღის TOP 10 საინტერესო ამბავი 1. ავტომანქანების გაქირავების კომპანიები კორონავირუსის პანდემიის გამო გაკოტრების წინაშე არიან კორონავირუსით გამოწვეულმა პანდემიამ პრობლემები მანქანების  გაქირავების კომპანიებსაც შეუქმნა, ნაწილმა მანქანების  გაყიდვაც გადაწყვიტა. როგორც „კომერსანტთან“ ერთ-ერთი ასეთი კომპანიის შპს...

უკრაინაში სათამაშო ბიზნესი ლეგალური გახდა

უკრაინაში სათამაშო ბიზნესი ლეგალური გახდა
access_time2020-07-14 19:20:13
უკრაინის უმაღლესმა რადამ ქვეყანაში კაზინოების საქმიანობა და აზარტული ონლაინ თამაშები ლეგალურად დაუშვა. ამის შესახებ Deutsche Welle წერს. გადაწყვეტილება უკრაინის რადამ, დღეს მიიღო და შესაბამის კანონპროექტს უყარა კენჭი. პროცედურაში 248 დეპუტატი მონაწილეობდა. ახალი კანონით დაშვებულია აზარტული თამაშები კაზინოში და ონლაინ, საბუკმეკერო საქმიანობა, ასევე ლატარეის გამოშვება და სათამაშო ბიზნესის სხვა სახეობები. ასევე დაშვებულია კაზინოების განთავსება კიევში და...

მთავრობას საგანგებო მდგომარეობის გამოცხადების გარეშე, შემზღუდავი ღონისძიების გამოყენების უფლება 2020 წლის ბოლომდე გაუხანგრძლივდა

მთავრობას საგანგებო მდგომარეობის გამოცხადების გარეშე, შემზღუდავი ღონისძიების გამოყენების უფლება 2020 წლის ბოლომდე გაუხანგრძლივდა
access_time2020-07-14 17:14:05
მთავრობას საგანგებო მდგომარეობის გამოცხადების გარეშე, შემზღუდავი ღონისძიების გამოყენების უფლება 2020 წლის ბოლომდე გაუხანგრძლივდა. პარლამენტმა „საზოგადოებრივი ჯანმრთელობის შესახებ“ კანონში შესატანი ცვლილებების პროექტი 79 ხმით დაამტკიცა.   აღნიშნული ცვლილებებით, მთავრობას საკარანტინო ღონისძიებების გატარების უფლება, რაც დაკავშირებულია გადაადგილების, ეკონომიკური საქმიანობის, საკუთრების, თავშეყრის, შრომის და სხვა უფლებების შეზღუდვასთან, 15 ივლისის ნაცვლად, 2021 წლის 1 იანვრამდე...

ვინ ამოაყირავებს ნავთობის ფასს - ხვალ ოპეკი ნავთობმოპოვების საკითხს კვლავ განიხილავს

ვინ ამოაყირავებს ნავთობის ფასს - ხვალ ოპეკი ნავთობმოპოვების საკითხს კვლავ განიხილავს
access_time2020-07-14 20:00:07
ერთი შეხედვით, მაის-აპრილის პანიკა ნავთობის ბაზარზე წარსულს ჩაბარდა, თუმცა, რეალობაში მდგომარეობა ისევ რთული და არასტაბილური რჩება - ერთის მხრივ, ნავთობის საშუალო ფასი უკვე 1,5 თვეა 40 დოლარის ფარგლებშია და ეს ცუდი არაა იმ პერიოდთან შედარებით, როდესაც შავი ოქრო 10 დოლარი ღირდა.   თუმცა, ასეთი ფასი არ აწყობს მსხვილ მოთამაშეებს - პირველ რიგში რუსეთს და საუდის არაბეთს, რადგანაც ის მათ უდეფიციტო ბიუჯეტის ფორმირების საშუალებას არ...

როგორი იქნება ახალი საოფისე სივრცე „ვაკე პლაზა“ - (ფოტოები)

როგორი იქნება ახალი საოფისე სივრცე „ვაკე პლაზა“ - (ფოტოები)
access_time2020-07-14 17:00:00
თბილისში, ჭავჭავაძის გამზირზე N72ა-ში  მრავალფუნქციური  სივრცე  „ვაკე პლაზა“ შემოდგომაზე გაიხსნება. როგორც პროექტის ხელმძღვანელმა რუსუდან ჩერგოლეიშვილმა განაცხადა, ახალ საოფისე სივრცეში შესაძლებელი იქნება როგორც ოფისების ქირაობა, ისე არაფორმალური შეხვედრების გამართვა.   პროექტში 20 მილიონი აშშ დოლარის ინვესტიცია...


მსგავსი სიახლეები

up