რადიო „კომერსნტის“ გადაცემა „კომერსანტის დილაში“ პტალფორმა Hiring.ge-ს დამფუძნებლებმა თიკა პაპაშვილმა და ვანო ნარიმანიძემ ისაუბრეს.
Hiring.ge არის პლატფორმა, რომელიც ერთის მხრის სამსახურის მაძიებელს აძლევს საშუალებას გააკეთოს განაცხადი მისთვის სასურველ ვაკანსიაზე, მეორეს მხრივ კომპანიებს აძლევს შესაძლებლობას, რომ სასურველი კადრი იპოვონ.
ამ პლატფორმის ინოვაციურობა მდგომარეობს იმაში, რომ სამსახური მაძიებელს აქვს შესაძლებლობა, რომ საიტზე თავიანთი რეზიუმე, სერტიფიკატები , დიპლომები, სამოტივაციო წერილები ე.წ. სივის ბანკში ბანკში განათავსონ, ხოლო შემდეგ ეს ინფორმაცია კომპანიბისთვის ხდება ხელმისაწვდომი.
კომპანიებს კი აქვთ შესაძლებლობა, რომ ფილტრაციის საშუალებით მოითხოვონ ის კანდიდატურა, რომელიც მათ ვაკანსიას ყველაზე მეტად შეესაბამება.
რა თქმა უნდა ეს არის დაშიფრული და კომპანიის წარმომადგენელი ერთის მხრივ თანხმობას სთხოვს სამსახურის მაძიებელს, რომ პერსონალური მონაცემები გაანდოს და მხოლოდ ამის შემდეგ ხდება პერსონალური ინფორმაცია დამსაქმებლისთვის ხელმისაწვდომი“ - აღნიშნავს თიკა პაპაშვილი.
Hiring.ge- ს თანადამფუძნებელმა, ვანო ნარიმანიძემ აღნიშნა, რომ პლატფორმის მიმართ დაინტერესება საკმაოდ დიდია და ამ ეტაპზე 500- მდე სივია განთავსებული, ნარიმანიძის განმარტებით პორტალზე 50 კომპანიაა რეგისტრებული, ზოგიერთი კომპანია კი პლატფპრმის გაცნობის ეტაპზეა და ტოპ მენეჯმენტისგან დასტურს ელოდება, რომ ვაკანსია hiring.ge ზე განათავსონ.
პლატფორმის დამფუძნებლები აღნიშნავენ, რომ Hiring.ge მომხმარებელს საშუალებას აძლევს, რომ სივის ბანკიდან მათთვის სასურველი კადრი ვაკანსიის გამოუცხადებლადაც შეარჩიონ.
„თვითონ hiring - ის შექმნის იდეა წამოვიდა იქიდან, რომ ქართულ დასაქმების ბაზარზე არ არსებობს ისეთი პლატფორმა, სადაც ერთ სივრცეში ავტორიზებული იქნებოდა ყველაფერი, დაწყებული ვაკანსიის დადებიდან, დამთავრებული კადრის აყვანამდე. ეს პროცესი ასევე მოიცავს კადრების გადარჩევას გასაუბრებაზე დაბარებას და ა.შ.“ - აღნიშნავს ვანო ნარიმანიძე.
თიკა პაპაშვილის განმარტებით, hiring.ge -ზე ამ ეტაპზე მხოლოდ თბილისში არსებული ვაკანსიებია განთავსებული, თუმცა მომხმარებლების მხრიდან დაინტერესება სხვადასხვა ქალაქებიდანაც არის და კომპანიის წარმომადგენლებს ხშირად მიმართავენ კითხვით, თუ რატომ არ ცხადდება ვაკანისები, გორში ქუთაისში თუ სხვა ქალაქებში.
Hiring.ge სამსახურის მაძიებელს იმის საშუალებსაც აძლევს, რომ რეგისტრაციის დროს, სასურველი კატეგორია, ქალაქი და ხელფასი მიუთითონ და შესაბამისი ვაკანიის არსებობის შემთხვევაში ინფორმაცია მათ პირად მეილზე მიუვათ.
ვანო ნარიმანიძემ გადაცემაში აღნიშნა, რომ ვაკანსიების რაოდენობა შემცირებულია, თუმცა გარკვეულ პოზიციებზე მოთხოვნა არსებობს და იმედოვნებს რომ კომპანიებისგან საიტზე ვაკანსიის განთავსების მსურველთა რაოდენობა გაიზრდება.
თიკა პაპაშვილის განმარტებით კი დღევანდელ რეალობაში ძალიან მნიშვნელოვანია თვითდისციპლინა, რადგან როდესაც დისტანციურად გიწევს მუშაობა და ხელმძღვანელი დასაქმებულის ყოველდღიურ უშალო მონიტორინგს ვერ ახორციელებს.
„ერთადერთი მნიშნვენლოვანია, ის რომ კანდიდატს სახლში უნდა ჰქონდეს მინი ოფისის მოწყობის შესაძლებლობა, რაც ქართულ რეალობაში ჭირს, გამომდინარე იქიდან, რომ ერთ ოჯახში რამდენიმე თაობა ცხოვრობს და ამიტომ კომფორტული გარემოს მოწყობა რთულია. ასევე კანდიდატს უნდა გააჩნდეს საბაზისო კომპიუტერული უნარები, უნდა შეეძლოს იგივე ზუმის და თიმსის გამოყენების შესაძლებლობა“ - აღნიშნავს ვანო ნარიმანიძე.
Hiring.ge-ს მიზანი დასაქმების პროცესის გამარტივება და კომპანიების და აპლიკანტების ერთმანეთთან მარტივი გზით დასაკვშირებაა.
კომპანიის წარმომადგენლები განცხადებით ეს ყველაფერი ონლაინ რეჟიმში ხორციელდება და ასევე პლატფორმა კმპანიებს ფულის დაზოგვის შესაძლებლობსას აძლევს, რადგან მათ აღარ მოუწევთ დამატებით Hr soft - ის შეძენა და სივების მიღებისას მეილების მონიტორინგი.
Hiring.ge სამომავლოდ Block Chane- ის ინტეგრაციას გეგმავს, იმისათვის, რომ პერსონალური ინფორმაცია უკეთ იყოს დაცული.
„ეს პლატფორმა არის სრულ შესაბამისობაში პერსონალური მონაცემების დაცვის ევროკავშირის ზოგად რეგულაციასთან, შესაბამისად ვაკანსიის განთავსება უცხოელებსაც შეეძლებათ და მათი მონაცემები იქნება დაცული.
ეს პლატფორმა საშუალებას გვაძლევს, რომ ქვეყნის გარეთაც გავიდეთ და ენების ინტეგრირებაც ამ პლატფორმაში ძალიან მარტივია
ისეთი დიდი კომპანიები როგორიც საქართელოში არის ბანკები, ჩვეულებრივი დასაქმების საიტებზე არ დებენ ვაკანსიებს , რადგან მონაცემები არ არის დაცული, შესაბამისად მათ უწევთ ლინკის დადება საიტებზე და რეალურად განაცხადს ამ ლინკზე აკეთებ.“ - აცხადებს თიკა პაპაშვილი.
თაკო კვაჭანტირაძე