ჰილარი კლინტონი - სამარცხვინოა, რომ ბრიტანეთის მთავრობა რუსეთის ზეგავლენის შესახებ ანგარიშის არჩევნებამდე გამოქვეყნებას არ აპირებს

ჰილარი კლინტონი - სამარცხვინოა, რომ ბრიტანეთის მთავრობა რუსეთის ზეგავლენის შესახებ ანგარიშის არჩევნებამდე გამოქვეყნებას არ აპირებს

access_time2019-11-12 09:50:54

აშშ-ის ყოფილი სახელმწიფო მდივნისა და ყოფილი საპრეზიდენტო კანდიდატის ჰილარი კლინტონის აზრით, „ამოუხსნელი და სამარცხვინოა“ ის ფაქტი, რომ გაერთიანებული სამეფოს მთავრობას ჯერ კიდევ არ გამოუქვეყნებია ანგარიში რუსეთის მიერ ბრიტანეთის პოლიტიკაში სავარაუდო ჩარევის შესახებ.


„თითოეული ადამიანი, რომელიც ამ ქვეყანაში არჩევნებში მონაწილეობს, იმსახურებს, რომ ანგარიში არჩევნების წინ ნახოს,“- განაცხადა კლინტონმა „ბიბისისთან“ საუბარში.


„ეჭვგარეშეა - და ჩვენ ეს ვნახეთ ჩვენს ქვეყანაშიც, ევროპაშიც, აქაც- რომ რუსეთი დასავლური დემოკრატიების პოლიტიკის ფორმირებას ცდილობს და ცდილობს არა ჩვენს, არამედ თავის სასარგებლოდ,“ - განაცხადა აშშ-ის პრეზიდენტობის ყოფილმა კანდიდატმა.


“ამოუხსნელი და სამარცხვინოა ის ფაქტი, რომ დიდი ბრიტანეთის მთავრობა რუსეთის ზეგავლენის შესახებ ანგარიშს არ აქვეყნებს,“- აღნიშნა კლინტონმა და დასძინა, რო აშშ-ს მსგავსი პრობლემა 2016 წელს ჰქონდა, როდესაც ის საპრეზიდენტო არჩევნებში დონალდ ტრამპმა დაამარცხა.



მისივე თქმით, გამოძიება ტრამპის რუსეთთან და რუს აგენტებთან ურთიერთობას იძიებდა, თუმცა ამის შესახებ საზოგადოებამ არჩევნებამდე არაფერი იცოდა.


„მე არ ვიცი, რა წერია იმ ანგარიშში, თუმცა არ მინდა აქაც იგივე განმეორდეს, რაც ჩვენს ქვეყანაში და ანგარიში არჩევნებამდე არ გამოქვეყნდეს,“ - აღნიშნა კლინტონმა.


„ბიბისის“ ინფორმაციით, გაერთიანებული სამეფოს პარლამენტის დაზვერვისა და უშიშროების კომიტეტის ანგარიში მოიცავს ბრალდებებს ჯაშუშობის, დივერსიისა და არჩევნებში ჩარევის შესახებ. მასში წარმოდგენილია ბრიტანეთის სადაზვერვო სამსახურების მტკიცებულებები, რომ რუსეთი ცდილობდა ზეგავლენა მოეხდინა დიდ ბრიტანეთში 2016 წელს ევროკავშირის დატოვების საკითხზე ჩატარებულ რეფერენდუმსა და 2017 წლის არჩევნების შედეგებზე. აღნიშნულ ანგარიშზე მუშაობა მიმდინარე წლის მარტში დასრულდა, თუმცა დიდი ბრიტანეთის ხელისუფლება მის გამოქვეყნებას 12 დეკემბერს დაგეგმილი არჩევნების შემდეგ აპირებს.


ipn.ge





საარჩევნო სისტემასთან დაკავშირებით, ხელისუფლებისა და ოპოზიციის წარმომადგენლების მორიგი შეხვედრა მიმდინარეობს

საარჩევნო სისტემასთან დაკავშირებით, ხელისუფლებისა და ოპოზიციის წარმომადგენლების მორიგი შეხვედრა მიმდინარეობს
access_time2019-12-08 18:43:35
საარჩევნო სისტემასთან დაკავშირებით, ხელისუფლებისა და ოპოზიციის წარმომადგენლების მორიგი შეხვედრა დაიწყო. სასტუმრო შერატონში ხელისუფლებისა და ოპოზიციის წარმომადგენლები მეორე შეხვედრას უცხოელი დიპლომატების მონაწილეობით...

ჰამბურგში გამოჩნდა ავტობუსი, სადაც უსახლკაროებს შხაპის მიღება შეუძლიათ

ჰამბურგში გამოჩნდა ავტობუსი, სადაც უსახლკაროებს შხაპის მიღება შეუძლიათ
access_time2019-12-08 14:59:06
ქუჩაში მცხოვრები ადამიანებისთვის შხაპის რეგულარულად მიღება შესაძლებლობების ზღვარს სცილდება. ჰამბურგში მოძრავი ავტობუსი ამ სიტუაციის შეცვლას აპირებს. დღეიდან ჰამბურგში მცხოვრებ უსახლკარო ადამიანებს შეეძლებათ ქალაქში მოძრავ მოდიფიცირებულ ავტობუსში შხაპი მიიღონ, გამოიცვალონ და ტანსაცმელი გარეცხონ. "ამ ავტობუსში ყოფნა ძალიან...

Le Monde: ალპების მთებში რუსი მკვლელების ბაზა აღმოაჩინეს

Le Monde: ალპების მთებში რუსი მკვლელების ბაზა აღმოაჩინეს
access_time2019-12-08 20:00:01
  2018 წელს ბრიტანულმა, ფრანგულმა, და შვეიცარიულმა სპეცსამსახურებმა ამერიკელ კოლეგებთან თანამშრომლობით, დაიწყეს უპრეცედენტო ოპერაცია,რომლის დროსაც გამოვლინდა რუსეთის სამხედრო დაზვერვის 15 ოფიცერი - ისინი არიან ერთი ქვედანაყოფის წევრები, რომელთა სპეციალიზაცია იყო მკვლელობები და რომლებიც გადაადგილდებოდნენ ევროპაში 2014-2018 წლებში.   სპეცსამსახურების მობილიზება დაიწყო ინგლისის ქალაქ სოლსბერიში დაზვერვის ორი ოფიცრის მიერ საბჭოთა პერიოდში დამუშავებული...

პრეზიდენტის ანტიკვარიატი - ათონელის რეზიდენციის 2.8-მილიონიანი ავეჯის ისტორია

პრეზიდენტის ანტიკვარიატი - ათონელის რეზიდენციის 2.8-მილიონიანი ავეჯის ისტორია
access_time2019-12-08 16:00:51
1800 წლის 22 დეკემბერს რუსეთის იმპერატორმა პავლე I-მა ქართლ-კახეთის სამეფოს რუსეთის იმპერიასთან შეერთების მანიფესტს მოაწერა ხელი. რამდენიმე თვის წინ საქართველოს პრეზიდენტის ათონელის რეზიდენციაში, სხვა მრავალ ანტიკვარულ ნივთთან ერთად, ბინა დაიდო რუსეთის საიმპერატორო ქარხნებში - მოსკოვსა თუ პეტერბურგში დამზადებულმა ავეჯმა, მათ შორის იმპერატორ პავლე პირველის ეპოქიდან შემორჩენილმა მაგიდებმა თუ კომოდებმა, ნივთებმა, რომლებიც 220 წლის წინ განთავსებული იყო იმ სასახლეებსა და დარბაზებში, სადაც...

Süddeutsche Zeitung: ბერლინში ქართველის მკვლელობაში ეჭვმიტანილია რუსეთი

Süddeutsche Zeitung: ბერლინში ქართველის მკვლელობაში ეჭვმიტანილია რუსეთი
access_time2019-12-08 14:00:22
2019 წლის აგვისტოში, ბერლინის რაიონ ტირგარტენში ახლო მანძილიდან ცეცხლსასროლი იარაღით 40 წლის ქართველი მოკლეს.   გამოძიება განიხილავს ერთადერთ ვერსიას - შეკვეთილ პოლიტიკურ მკვლელობას, რადგანაც სხვა მოტივების რაიმე ნიშანი არ გამოიკვეთა.   Süddeutsche Zeitung-ის, ასევე ტელეკომპანიების NDR და WDR-ის ცნობით, ამ საქმეზე გამოძიების დაწყებას გეგმავს გენერალური პროკურატურა, რადგანაც მასში შესაძლოა სპეცსამსახურები იყოს...


მსგავსი სიახლეები

up