აშშ-ის მხრიდან გაზსადენის წინაამღდეგ მიმართული ქმედებები დასრულდა, მოსკოვი ტრიუმფალურ გამარჯვებას ზეიმობს.

თუმცა, პროექტის ამუშავებს კიდევ ბევრი სერიოზული დაბრკოლება აქვს და ამჯერად, პირველ რიგში, ევროკავშირის მხრიდან. ვაშინგტონის წინაამღდეგობა დაძლეულია, მაგრამ ბრიუსელთან პრობლემები ჯერ მხოლოდ იწყება.

„ჩრდილოეთის ნაკადი-2“ უკვე თითქმის მზადაა, მაგრამ მას მუშაობის დაწყების ნებართვა ჯერაც არ მიუღია, მას კი არა ბერლინი, არამედ ბრიუსელი გასცემს.

ის, რომ რუსული გაზსადენი ერთიანი ევროპული კანონმდებლობის საფუძველზე უნდა მუშაობდეს, გერმანიამაც აღიარა - ერთობლივ გერმანულ-ამერიკულ განცხადებაში ნათქვამია, რომ „ჩრდილოეთის ნაკადი-2“-ს მიმართ გერმანია „,ევროკავშირის მესამე ენერგოპაკეტის პრინციპების ერთგული იქნება“.

როგორც ჩანს, ამერიკის მთავრობის უნდობლობა ბერლინისადმი იმდენად დიდია, რომ ვაშინგტონმა გერმანიისგან ისეთი მარტივი ჭეშმარიტების განცხადება მიიღო, როგორიცაა კანონების დაცვის აუცილებლობა. ვაშინგტონმა ასევე აღიარა ის, რაზეც ბევრი არ ლაპარაკობს - „ჩრდილოეთის ნაკადი-2“-სთვის ამ დროისთვის ყველაზე სერიოზული წინაღობა არა ამერიკული სანქციები, არამედ ევროკავშირის კანონმდებლობაა.

2 წლის წინ - ბერლინის წინაამღდეგობის მიუხედავად - ევროკავშირმა გაზსადენების მუშაობის რეგულაციები გაამკაცრა - ერთ-ერთი ძირითადი პირობა ისაა, რომ მილსადენის მფლობელი ვერ იქნება პარალელურად მისი მმართველი, ხოლო ფასთწარმოქმნა გამჭირვალე უნდა იყოს. „გაზპრომი“ ამ ორ პუნქტს ეწინაამღდეგება.

თუ გერმანია მექანიკურად გასცემს ნებართვას „ჩრდილოეთის ნაკადი-2“-ის ექსპლუატაციაზე, ბრიუსელს ჩარევის გარდა არაფერი დარჩება - მათ შორის იმიტომ, რომ ევროკომისიამ უნდა აჩვენოს, რომ ის პრინციპული არა მხოლოდ პოლონეთთან ან უნგრეთთან, არამედ ევროკავშირის მძიმეწონასანთან - გერმანიასთან მიმართებაშიც არის. კანონი ყველასთვის ერთია - მათ შორის გერმანიისთვის.

რუსეთის ხელმძღვანელობამ ბრიუსელიდან მომავალი საფრთხის შესახებ კარგად იცის და გარკვეულ ზომებს უკვე იღებს - კერძოდ, მოსკოვმა ევროპაში გაზის მიწოდება შეამცირა და ამით გერმანიაზე და ევროკავშირზე ზეწოლის მოხდენას ცდილობს.

თუმცა, შესაძლოა ამ ზეწოლამ საპირისპირო შედეგები გამოიღოს - რაც უფრო ურცხვად და ღიად გამოიყენებს რუსეთი გაზს პოლიტიკური ინსრუმენტად, მით მეტი იქნება წიმაამღდეგობა ბრიუსელის მხრიდან.

handelsblatt.com